ପିଏମଇଣ୍ଡିଆ

ମାଲେସିଆ ପ୍ରଧାନମନ୍ତ୍ରୀ ମହାନୁଭବ ଦାତୋ ଶ୍ରୀ ମହମ୍ମଦ ନଜୀବ

ଇକୋନୋମିକ ଟାଇମ୍ସର ପରିଚାଳନାର ସଦସ୍ୟବୃନ୍ଦ,

ବ୍ୟବସାୟିକ ନେତୃବୃନ୍ଦ,

ଉପସ୍ଥିତ ଭଦ୍ରମହିଳା ଓ ଭଦ୍ରବ୍ୟକ୍ତି ବୃନ୍ଦ,

ମାଲେସିଆ ପ୍ରଧାନମନ୍ତ୍ରୀ ମହାମହିମ ଦାତୋ ଶ୍ରୀ ମହମ୍ମଦ ନଜୀବଙ୍କ ସହ ମିଳିତ ଭାବେ ଦି ଇକୋନୋମିକ ଟାଇମ୍ସ ଏସିଆନ ବିଜିନେସ କନକ୍ଲେଭ, ୨୦୧୬କୁ ଉଦ୍ଘାଟନ କରିବା ମୋ ପାଇଁ ଅତ୍ୟନ୍ତ ଖୁସିର ଅବସର ।

ଇକୋନୋମିକ ଟାଇମ୍ସ ଏହି ସମ୍ମିଳନୀ ପାଇଁ କୁଆଲାଲମପୁରକୁ ଚୟନ କରିବା ମାଲେସିଆ ଏକ ବ୍ୟବସାୟିକ ଓ ବାଣିଜ୍ୟିକ ଲକ୍ଷ୍ୟସ୍ଥଳର ଗୁରୁତ୍ଵକୁ ପ୍ରମାଣିତ କରେ ।

ତେଣୁ ଏହି ସମ୍ମିଳନୀକୁ ମୋର ଶୁଭ କାମନା ।

ବନ୍ଧୁଗଣ,

ମହାମହିମ ପ୍ରଧାନମନ୍ତ୍ରୀଙ୍କ ନେତୃତ୍ଵରେ, ୨୦୨୦ ସୁଦ୍ଧା ମାଲେସିଆ ଏକ ବିକଶିତ ରାଷ୍ଟ୍ରର ମାନ୍ୟତା ହାସଲ କରିବା ଦିଗରେ ଅଗ୍ରସର ହେଉଛି ।

ବିଶ୍ଵ ଆର୍ଥିକ ପରିସ୍ଥିତି ସହ ନିଜକୁ ଖାପଖୁଆଇ ଆଗକୁ ଆଗେଇବାରେ ମାଲେସିଆ ତାର ପ୍ରତିବଦ୍ଧତା ପ୍ରଦର୍ଶନ କରିଆସିଛି ।

ମାଲେସିଆରେ ବହୁ ସଂଖ୍ୟକ ଭାରତୀୟ ସମୁଦାୟଙ୍କ ଉପସ୍ଥିତି ଭାରତ-ମାଲେସିଆ ମଧ୍ୟରେ ପ୍ରାଚୀନ କାଳରୁ ରହିଥିବା ସମ୍ପର୍କକୁ ପୁନଃସୁଦୃଢ଼ କରେ ।
ଆମ ମଧ୍ୟରେ ଥିବା ଐତିହାସିକ ସମ୍ପର୍କର ଏକ ମୁକସାକ୍ଷୀ ହେଲା ତୋରାନା ଗେଟ ଯାହାକି କୁଆଲାଲମପୁରର ମଧ୍ୟସ୍ଥଳରେ ଅବସ୍ଥିତ ଯାହା ଦୁଇଟି ମହାନ ରାଷ୍ଟ୍ର ଓ ଦୁଇ ମହାନ ସଂସ୍କୃତି ମଧ୍ୟରେ ସଂଯୋଗ ସ୍ଥାପନ କରେ ।

ନିକଟରେ ଆମେ ପରସ୍ପର ମଧ୍ୟରେ ଗୁରୁତ୍ଵପୂର୍ଣ୍ଣ ସହଭାଗୀତା ସ୍ଥାପନ କରିଛୁ । ଗତ ବର୍ଷ ନଭେମ୍ବର ମାସରେ ମୋର ମାଲେସିଆ ଗସ୍ତ ବିଭିନ୍ନ କ୍ଷେତ୍ରରେ ଏହି ଗୁରୁତ୍ଵପୂର୍ଣ୍ଣ ସହଭାଗୀତାକୁ ଅଧିକ ମଜଭୁତ କରିବାରେ ସହାୟକ ହୋଇଥିଲା । ମାଲେସିଆ ସହ ଘନିଷ୍ଠ ସମ୍ପର୍କ ରକ୍ଷା ଆମର ସଫଳ “ଏକ୍ଟ ଏସିଆ ନୀତି” ର ଏକ ଗୁରୁତ୍ଵପୂର୍ଣ୍ଣ ଅଂଶ ।

ଭାରତ-ଆସିଆନ ସହଯୋଗକୁ ସାକାର କରିବା ଦିଗରେ ଭାରତ ଗ୍ରହଣ କରିଥିବା ଅନେକଗୁଡିଏ ପଦକ୍ଷେପ ମଧ୍ୟରେ ପ୍ରକଳ୍ପ ବିକାଶ ପାଣ୍ଠି ଏବଂ ଏକାଧିକ ଋଣଯୋଗାଣ ପ୍ରାବଧାନ ଏହି କାର୍ଯ୍ୟକୁ ତ୍ଵରାନ୍ୱିତ କରିଛି ।

ବନ୍ଧୁଗଣ,

ଆସିଆନ ରାଷ୍ଟ୍ରମାନଙ୍କ ନେତୃବର୍ଗ ଏହି କ୍ଷେତ୍ରର ରାଷ୍ଟ୍ରମାନଙ୍କ ସହ ଅଧିକ ମାତ୍ରାରେ ସମନ୍ଵୟ ରକ୍ଷା ଦିଗରେ ସଦାସର୍ବଦା ପ୍ରୟାସୀ ହୋଇ ଆସିଛନ୍ତି । ତେଣୁ ଏସିଆ କ୍ଷେତ୍ରର ବ୍ୟବସାୟିକ ନେତୃବର୍ଗଙ୍କୁ ଏକତ୍ର କରାଇବା ଯେତିକି ସମୟୋଚିତ ସେତିକି ମହତ୍ଵପୂର୍ଣ୍ଣ ।

ମୁଁ ଅନେକ ବାର କହି ଆସିଛି ଯେ ଏକବିଂଶ ଶତାଦ୍ଦୀ ହେଲା ଏସିଆର ଶତାଦ୍ଦୀ ।

ଏସିଆ ଏପରି ଏକ କ୍ଷେତ୍ର ଯେଉଁଠାରେ କାର୍ଯ୍ୟ କରିବାକୁ ହାତ ଉପଲବଧ, କ୍ରୟ କରିବାକୁ ଗୃହ ରହିଛି ଓ ପ୍ରତ୍ୟେକ କଥା ଶିକ୍ଷା କରିବା ସକାଶେ ଉଦାରଚିତ ମନର ଅଭାବନାହିଁ ।

ପ୍ରତିକୂଳ ଓ ଅନିଶ୍ଚିତ ବିଶ୍ଵ ଆର୍ଥିକ ପରିବେଶ ସତ୍ତ୍ଵେ, ଏସୀୟ କ୍ଷେତ୍ରର ବିକାଶ ସମ୍ଭାବନା ଏ ଦିଗରେ ଆଶାର ଆଲୋକ ରେଖା ବୋଲି ଗ୍ରହଣ କରାଯାଇପାରେ ।

ବନ୍ଧୁଗଣ,

ଏବେ ଭାରତରେ ଆର୍ଥିକ ବିପ୍ଳବ ଘଟୁଛି ।

ଏହା କେବଳ ବିଶ୍ଵର ଦ୍ରୁତତମ ବିଶାଳ ଅର୍ଥବ୍ୟବସ୍ଥା ନୁହେଁ, ପରନ୍ତୁ ଏହାକୁ ଆଧାର କରି ଅନେକ ଉଦ୍ୟମ ମଧ୍ୟ ଗ୍ରହଣ କରାଯାଇଛି ।

– ସହଜରେ ବ୍ୟବସାୟ କରିବାର ସୁଯୋଗ ସୃଷ୍ଟି

– ଶାସନ ବ୍ୟବସ୍ଥାକୁ ସ୍ଵଚ୍ଛ ଓ ସକ୍ରିୟ କରିବା

– ନିୟନ୍ତ୍ରଣ ବୋଝକୁ ହ୍ରାସ କରିବା

ଅଧୁନା, କଳା ଟଙ୍କା ଓ ଦୁର୍ନୀତିରୁ ଆମ ବ୍ୟବସ୍ଥାକୁ ମୁକ୍ତ କରିବା ମୋ କାର୍ଯ୍ୟସୂଚୀରେ ଅଗ୍ରପ୍ରାଧାନ୍ୟ ଲାଭ କରିଛି ।

ଡିଜିଟାଇଜେସନ ପରେ ପରେ ଏବେ ବସ୍ତୁ ଓ ସେବା କର(GST) ବ୍ୟବସ୍ଥା ପ୍ରବର୍ତ୍ତନ ସହ ଏହା ଆସିଛି । ବିଭିନ୍ନ ସୂଚକାଂକରେ ଭାରତର ମାନ୍ୟତାରୁ ଆମ ଉଦ୍ୟମର ସୁଫଳ ସ୍ପଷ୍ଟ ସୂଚୀତ ହୁଏ ।

ବିଶ୍ଵ ବ୍ୟାଙ୍କର “ଡୁଇଂ ବିଜିନେସ ରିପୋର୍ଟ”ରେ ଭାରତର ସ୍ଥାନ ଊର୍ଦ୍ଧକୁ ଉଠିଛି ।

– ଭାରତରେ ଅନୁରୂପ ବ୍ୟବସାୟିକ ବାତାବରଣ ଏବଂ ବୈଶ୍ୱିକ ଶ୍ରେଷ୍ଠ କାର୍ଯ୍ୟକ୍ରମ ମଧ୍ୟରେ ଥିବା ପାର୍ଥକ୍ୟ ଧୀରେ ଧୀରେ ହ୍ରାସ ପାଇବାରେ ଲାଗିଛି ।

– UNCTAD ପକ୍ଷରୁ ପ୍ରକାଶ କରାଯାଇଥିବା ବିଶ୍ଵ ନିବେଶ ରିପୋର୍ଟ ୨୦୧୬ରେ

– ୨୦୧୬-୧୮ ମଧ୍ୟରେ ସମ୍ଭାବ୍ୟ ଶ୍ରେଷ୍ଠ ଆକର୍ଷଣୀୟ ଅର୍ଥବ୍ୟବସ୍ଥା ତାଲିକାରେ ଆମେ ତୃତୀୟ ସ୍ଥାନରେ ରହିଛୁ ।

– ୨୦୧୫-୧୬ ଓ ୨୦୧୬-୧୭ ପାଇଁ ବିଶ୍ଵ ଆର୍ଥିକ ଫୋରମ ପକ୍ଷରୁ ଜାରି କରାଯାଇଥିବା “ଗ୍ଲୋବାଲ କମ୍ପିଟିଟିଭ ରିପୋର୍ଟ”ରେ ଆମର ମାନ୍ୟତା ୩୨ଟି ସ୍ଥାନ ଊର୍ଦ୍ଧକୁ ଉଠିଛି ।

“ବିଶ୍ଵ ଅଭିନବ ସୂଚୀ ୨୦୧୬”ରେ ଆମ ସ୍ଥାନରେ ୧୬ ଅଙ୍କ ଉନ୍ନତି ଘଟିଛି ଏବଂ ବିଶ୍ଵ ବ୍ୟାଙ୍କ ପକ୍ଷରୁ ପ୍ରକାଶିତ “ଲଜିଷ୍ଟିକ୍ସ ପରଫରମାନ୍ସ ସୂଚୀ -୨୦୧୬”ରେ ୧୯ ଅଙ୍କ ବୃଦ୍ଧି ପାଇଛି ।

ଏଫଡିଆଇ ପାଇଁ ଆମେ ନୂଆ ନୂଆ ସେକ୍ଟର ଉନ୍ମୁକ୍ତ କରିଛୁ ଏବଂ ବର୍ତ୍ତମାନ ପ୍ରଚଳିତ ସେକ୍ଟରଗୁଡିକ କ୍ଷେତ୍ରରେ କେପିଂ ବ୍ୟବସ୍ଥା ଆପଣାଇଛୁ ।

ପ୍ରମୁଖ ଏଫଡିଆଇ ନୀତି ସଂସ୍କାର ଦିଗରେ ଆମର ନିରବଚ୍ଛିନ୍ନ ଉଦ୍ୟମ ଅବ୍ୟାହତ ରହିଛି ଏବଂ ନିବେଶ ସର୍ତ୍ତାବଳୀର ସରଳୀକରଣ କରାଯାଇଛି ।

ଏହାର ଫଳାଫଳକୁ ଆପଣମାନେ ସ୍ଵଚକ୍ଷୁରେ ଦେଖିପାରିବେ ।

ଭାରତରେ ବିଗତ ଅଢ଼େଇ ବର୍ଷ ମଧ୍ୟରେ ମୋଟ ବୈଦେଶିକ ପୁଞ୍ଜି ବିନିଯୋଗ ପରିମାଣ ୧୩୦ ବିଳିୟନ ଡଲାର ଛୁଇଁଛି ।

ଗତବର୍ଷ ଦେଶକୁ ସର୍ବାଧିକ ଏଫଡିଆଇ ପ୍ରବାହ ଘଟିଥିବା ରେକର୍ଡ କରାଯାଇଛି ।

ବିଗତ ଦୁଇ ଆର୍ଥିକ ବର୍ଷରେ ଏଫଡିଆଇ ଇକ୍ୱିଟି ପ୍ରବାହ ଏହାର ପୂର୍ବ ଦୁଇ ଆର୍ଥିକ ବର୍ଷ ତୁଳନାରେ ୫୨ ପ୍ରତିଶତ ବୃଦ୍ଧି ପାଇଥିବା ଜଣାପଡିଛି ।

ସେହିଭଳି ଯେଉଁ ସୂତ୍ର ଓ ଯେଉଁ ସେକ୍ଟରକୁ ଏଫଡିଆଇ ଆସୁଛି ସେ ସବୁକୁ ଯଥେଷ୍ଟ ମାତ୍ରାରେ ସଂପ୍ରସାରିତ କରାଯାଇଛି ।

ଆମର “ମେକ ଇନ ଇଣ୍ଡିଆ” ଉଦ୍ୟମ ଯାହାକି ଚଳିତ ବର୍ଷ ତାର ଦ୍ଵିତୀୟ ବାର୍ଷିକୀ ପାଳନ କରିଛି, ତାହା ଭାରତକୁ ଉତ୍ପାଦନ, ଡିଜାଇନ ଏବଂ ଅଭିନବତ୍ଵ କ୍ଷେତ୍ରରେ ବିଶ୍ଵର ଏକ କେନ୍ଦ୍ରସ୍ଥଳରେ ପରିଣତ କରିବା ଲାଗି ଉଦ୍ଦିଷ୍ଟ ।

ଏହି ସବୁ ଦିଗରେ ଆମେ ହାସଲ କରିଥିବା କେତେକ ସଫଳତା ସମ୍ପର୍କରେ ମୁଁ ସୂଚୀତ କରିବାକୁ ଚାହେଁ ।

– ଆମେ ଏବେ ବିଶ୍ଵରେ ଷଷ୍ଠ ସର୍ବବୃହତ ଉତ୍ପାଦନ ରାଷ୍ଟ୍ରରେ ପରିଣତ ହୋଇଛୁ । ଉତ୍ପାଦନ କ୍ଷେତ୍ରରେ ଆମର ସାମଗ୍ରିକ ମୂଲ୍ୟ ସଂଯୋଗ ବିକାଶ ୨୦୧୫-୧୬ର ୯.୩ ପ୍ରତିଶତରେ ପହଂଚିଛି ।

– ବିଗତ ଦୁଇ ବର୍ଷ ମଧ୍ୟରେ ଦେଶରେ ୫୧ଟି କୋଲ୍ଡ ଚେନ ପ୍ରକଳ୍ପ ସମ୍ପୂର୍ଣ୍ଣ ହୋଇଛି ଏବଂ ୨୦୧୪ ଠାରୁ ଅଦ୍ୟାବଧି ୬ଟି ମେଗା ଫୁଡ ପାର୍କ ଖୋଲାଯାଇଛି ।

– ୯୦ଟି ନୂଆ ବୟନ ପାର୍କକୁ ମଞ୍ଜୁରି ପ୍ରଦାନ କରାଯାଇଛି ଏବଂ ବର୍ତ୍ତମାନ କାର୍ଯ୍ୟକାରୀ ରହିଥିବା ବୟନ ପାର୍କରେ ୨୦୦ଟି ନୂଆ ଉତ୍ପାଦନ ୟୁନିଟ ଗତ ଦୁଇବର୍ଷରେ ସଂଯୋଗ କରାଯାଇଛି ।

– କେବଳ ଚଳିତ ବର୍ଷ ଭାରତରେ ଉତ୍ପାଦନ ହୋଇଥିବା ମୋବାଇଲ ଫୋନ ୟୁନିଟରେ ୯୦ ପ୍ରତିଶତ ଅଭିବୃଦ୍ଧି ଘଟିଛି ।

ଅଟୋ ସେକ୍ଟରରେ ବିଶ୍ଵର ପ୍ରମୁଖ ସଂସ୍ଥା ଭାରତରେ ସେମାନଙ୍କର ନୂଆ ଆସେମ୍ଲି ୟୁନିଟ ଏବଂ ଗ୍ରୀନଫିଲ୍ଡ ୟୁନିଟମାନ ସ୍ଥାପନ କରିଛନ୍ତି ।

ବନ୍ଧୁଗଣ,

ଭାରତରେ “ଇଜି ଅଫ ଡୁଇଂ ବିନିନେସ” ସୁନିଶ୍ଚିତ କରିବା ଦିଗରେ ଆମର ଉଦ୍ୟମ ବେଶ ବ୍ୟାପକ ଏବଂ ପ୍ରଶସ୍ତ ଯେଉଁଥିରେ ଆଇନଗତ ଏବଂ ଢ଼ାଂଚାଗତ ବ୍ୟବସ୍ଥା ସାମିଲ ।

ସେ ସୂଚନା ମଧ୍ୟ ମୁଁ ଆପଣମାନଙ୍କ ମଧ୍ୟରେ ବାଂଟିବାକୁ ଚାହେଁ ।

– ବସ୍ତୁ ଓ ସେବାକର ଜନିତ ସାମ୍ବାଧାନିକ ସଂଶୋଧନ ଗୃହୀତ ହୋଇସାରିଛି ।

– ୨୦୧୭ରେ ଏହା ପ୍ରବର୍ତ୍ତନ କରାଯିବା ଆଶା କରାଯାଏ ।

– ଆମେ ଏକ ଡିଜିଟାଲ ଏବଂ ନଗଦହୀନ ଅର୍ଥବ୍ୟବସ୍ଥା ଦିଗରେ ଅଗ୍ରସର ହେଉଛୁ ।

– ଆମର ଲାଇସେନ୍ସ ପ୍ରଦାନ ବ୍ୟବସ୍ଥାକୁ ବ୍ୟାପକ ମାତ୍ରାରେ ସୁସଙ୍ଗତ କରାଯାଇଛି ।

– ବ୍ୟବସାୟିକ ସଂସ୍ଥା, ଇଏକ୍ସଆଇଏମ କ୍ଲିଅରାନ୍ସ ଏବଂ ଶ୍ରମ ସଂକ୍ରାନ୍ତ ଅଙ୍ଗୀକାରବଦ୍ଧତା ଦିଗରେ ଆମେ ସିଙ୍ଗଲ ୱିଣ୍ଡୋ ଇଂଟରଫେସ ବ୍ୟବସ୍ଥା ଅନୁସରଣ କରିଛୁ ।

– ଜଳ ଓ ବିଜୁଳି ଭଳି ସାଧନ ହାସଲ କରିବା ଦିଗରେ ବିଧି ବ୍ୟବସ୍ଥାକୁ ସରଳ କରାଯାଇଛି ।

– ନିବେଶକମାନଙ୍କ ମାର୍ଗଦର୍ଶନ ଏବଂ ସହାୟତା ସକାଶେ ଏକ ନିବେଶକ ସୌଗମ୍ୟ ସେଲ ଖୋଲାଯାଇଛି ।

– ମେକ ଇନ ଇଣ୍ଡିଆ କାର୍ଯ୍ୟକ୍ରମ ଆରମ୍ଭ ହେବା ଦିନଠାରୁ ରାଜ୍ୟ ସରକାରମାନଙ୍କ ସହ ଆମର ସହଭାଗୀତା ବ୍ୟାପକ ମାତ୍ରାରେ ବୃଦ୍ଧି ପାଇଛି ।

– ବିଶ୍ଵବ୍ୟାଙ୍କ ସହଯୋଗୀତାରେ ୨୦୧୫ ମସିହାର ସ୍ଵୀକୃତ ମାପଦଣ୍ଡ ଅନୁସାରେ ବ୍ୟବସାୟିକ ନୀତି ଓ ବିଧିବିଧାନକୁ ବିଚାରକୁ ନେଇ ରାଜ୍ୟମାନଙ୍କ ମାନ୍ୟତା କରାଯାଇ ଆସୁଛି ।

ଏହି ବ୍ୟବସ୍ଥାକୁ ୨୦୧୬ରେ ଅଧିକ ସଂପ୍ରସାରଣ କରାଯାଇଛି ।

– ପ୍ରଥମର ଲାଗି ଆମେ ଏକ ଜାତୀୟ ବୌଦ୍ଧିକ ସ୍ଵତ୍ତ୍ଵାଧିକାର ନୀତି ଗ୍ରହଣ କରିଛୁ ଯାହାକି ବୌଦ୍ଧିକ ଅଧିକାରକୁ ଭବିଷ୍ୟତରେ ଆଗେଇନେବା ଦିଗରେ ଯଥେଷ୍ଟ ମାତ୍ରାରେ ସହାୟକ ହେବ ।

– ସେହିଭଳି ସୃଜନଶୀଳ ବିନଷ୍ଟିକରଣ ପଦ୍ଧତି ଅନୁସରଣ ଦିଗରେ ଆମେ ଗୁରୁତ୍ଵପୂର୍ଣ୍ଣ ପଦକ୍ଷେପ ଗ୍ରହଣ କରିଛୁ ।

– କମ୍ପାନୀମାନଙ୍କ ପୁନର୍ଗଠନ ଓ ବିଦାୟ ନିମନ୍ତେ ଆମେ ବିଧିବ୍ୟବସ୍ଥାରେ ସରଳୀକରଣ କରିଛୁ ।

– ଦେବାଳିଆ ଓ ବେଙ୍କରପ୍ସି ନୀତି ଅନୁସରଣ ଓ ପ୍ରବର୍ତ୍ତନ ନୀତି ଭାରତରେ ଶିଳ୍ପସଂସ୍ଥାମାନଙ୍କ ପ୍ରସ୍ଥାନ ଦିଗରେ ଏକ ସହଜସାଧ୍ୟ ତଥା ଗୁରୁତ୍ଵପୂର୍ଣ୍ଣ ପଦକ୍ଷେପ ।

– ବ୍ୟବସାୟିକ ବିବାଦ ଗୁଡିକର ଫାଷ୍ଟଟ୍ରାକ ଫଇସଲା ନିମନ୍ତେ ଆମେ ନୂଆ ନୂଆ ବ୍ୟବସାୟିକ କୋର୍ଟ ସ୍ଥାପନ କରୁଛୁ ।

– ମଧ୍ୟସ୍ଥ ଆଇନରେ ମଧ୍ୟ ଅନୁରୂପ ସଂଶୋଧନ ଘଟାଇଛି ଯଦ୍ଵାରା ଏହାର ବିଚାର ପ୍ରକ୍ରିୟାକୁ ତ୍ଵରାନ୍ୱିତ କରାଯାଇପାରିବ ।

ବନ୍ଧୁଗଣ,

– ଭାରତ ଏବେ ଉଦ୍ୟୋଗ ଓ ସଂପ୍ରସାରଣ ଦିଗରେ ଯଥେଷ୍ଟ ମାତ୍ରାରେ ସକ୍ରିୟ ହୋଇଉଠିଛି ଯାହା ପୂର୍ବରୁ କେବେ ଘଟିନଥିଲା ।

– ଷ୍ଟାର୍ଟ-ଅପ ହେଉଛି ଭାରତରେ ଦ୍ଵିତୀୟ ବୃହତ ଆର୍ଥିକ ଶକ୍ତି ଏବଂ ଏହା ଏକ ବିପ୍ଳବଠାରୁ କୌଣସି ଗୁଣେ କମ ନୁହେଁ ।

– ଏହି କ୍ଷେତ୍ରରେ ଷ୍ଟାଟ ଅପ କାର୍ଯ୍ୟକ୍ରମ ଆମର ପୂର୍ଣ୍ଣ ସାମର୍ଥ୍ୟକୁ ପ୍ରତିପାଦିତ କରିବା ଲକ୍ଷ୍ୟରେ ସହାୟକ ହେବ ।

– ଆମର ଆର୍ଥିକ କାର୍ଯ୍ୟକ୍ରମକୁ ଏଭଳି ଭାବେ ସକ୍ରିୟ କରାଯାଇଛି ଯାହା ନିଯୁକ୍ତି ସୁଯୋଗ ଅଥବା ଆତ୍ମ ନିଯୁକ୍ତି ସୁଯୋଗ ସୃଷ୍ଟି ପାଇଁ ଏକାନ୍ତ ମହତ୍ଵ ବହନ କରେ ।

– ଆମର ଜନସଂଖ୍ୟାଗତ ଶକ୍ତିରୁ ଫାଇଦା ହାସଲ କରିବା ଏହା ଏକମାତ୍ର ଉପାୟ ।

– “ସ୍କିଲ ଇଣ୍ଡିଆ” ଏବଂ ଏହାର ବିଭିନ୍ନ ସହଯାଜନା ଉଦ୍ୟମ ମାଧ୍ୟମରେ ଆମେ ଆମର ଦକ୍ଷତା/କୌଶଳ ଓ ବଜାର ଆବଶ୍ୟକତା ମଧ୍ୟରେ ସମନ୍ଵୟ ରକ୍ଷା ନିମନ୍ତେ ଆମେ ଉଦ୍ୟମ କରୁଛୁ ।

– ଭବିଷ୍ୟତ ଆବଶ୍ୟକତା ଭିତ୍ତିକ ଭିତ୍ତିଭୂମି ଗଠନ ଏବେ ଆମ ହାତରେ ଥିବା ସବୁଠାରୁ ବଡ ଦାୟିତ୍ଵ ।

– ଦେଶରେ ଆମେ ଏକ ଏକ ପଂଚକୋଣୀୟ ଶିଳ୍ପ କରିଡରର ବିକାଶ ଘଟାଉଛୁ ।

– ଏହା ଦେଶବ୍ୟାପୀ ଲଜିଷ୍ଟିକ୍ସ ସମସ୍ୟା ଦୂରୀକରଣ ଦିଗରେ ଯଥେଷ୍ଟ ମାତ୍ରାରେ ସହାୟକ ହୋଇପାରିବ ।

– ଦେଶବ୍ୟାପୀ ଏବେ ସଡକ, ରେଳବାଇ ଏବଂ ବନ୍ଦରଗୁଡିକର ଉନ୍ନତିକରଣ କରାଯାଉଛି ।

– ଏଭଳି ଭିତ୍ତିଭୂମିକୁ ପୁଞ୍ଜି ଯୋଗାଣ ନିମନ୍ତେ, ଆମେ ଜାତୀୟ ନିବେଶ ଏବଂ ଭିତ୍ତିଭୂମି ପାଣ୍ଠି ଗଠନ କରିଛୁ ଯାହା ବୈଦେଶିକ ପାଣ୍ଠି ସହଯୋଗୀତାରେ ଗଠିତ ।

ବନ୍ଧୁଗଣ,

– ବର୍ତ୍ତମାନର ସମୟ ହେଲା ସମାଯୋଜନର ମୁହୂର୍ତ୍ତ ।

– ମୁକ୍ତଚିନ୍ତନ ବ୍ୟତିରେକ ସମାଯୋଜନ କଦାପି ସମ୍ଭବପର ହେବନାହିଁ ।

– ଭାରତ ସଦାସର୍ବଦା ତାର ମୁକ୍ତ ହୃଦୟବତାର ପ୍ରଦର୍ଶନ କରିଆସିଛି ।

– ଅଧୁନା, ଅର୍ଥନୀତିକ ସ୍ତରରେ ମଧ୍ୟ, ଆମେ ବିଶ୍ଵର ସର୍ବାଧିକ ମୁକ୍ତ ଓ ସମନ୍ଵୀତ ଅର୍ଥବ୍ୟବସ୍ଥା ମଧ୍ୟରେ ଅନ୍ୟତମ

– ଏ ପର୍ଯ୍ୟନ୍ତ ଯେଉଁମାନେ ଭାରତକୁ ଆସିନାହାନ୍ତି ଆମେ ସେମାନଙ୍କୁ ଭାରତକୁ ସ୍ଵାଗତ ଜଣାଉଛୁ ।

– ବ୍ୟକ୍ତିଗତ ଭାବେ ମୁଁ ଆପଣମାନଙ୍କୁ ନିର୍ଭର ପ୍ରତିଶ୍ରୁତି ପ୍ରଦାନ କରୁଛି ଯେ ଆପଣମାନଙ୍କ ସବୁ ଆବଶ୍ୟକତା ବେଳେ ମୁଁ ଆପଣମାନଙ୍କ ନିକଟରେ ଠିଆ ହେବି ।

– ଭାରତ କେବଳ ଏକ ଉତ୍ତମ ଲକ୍ଷ୍ୟସ୍ଥଳ ନୁହେଁ ।

ଭାରତରେ ଶିଳ୍ପ/ବ୍ୟବସାୟ ସ୍ଥାପନ କରିବା ଏକ ଉତ୍ତମ ସିଦ୍ଧାନ୍ତ ମଧ୍ୟ ।

ଆପଣମାନଙ୍କୁ ଧନ୍ୟବାଦ ।