ପିଏମଇଣ୍ଡିଆ

ମାଳଦୀପ ବୈଦେଶିକ ବ୍ୟାପାର ମନ୍ତ୍ରୀ ତଥା ରାଷ୍ଟ୍ରପତିଙ୍କ ସ୍ଵତନ୍ତ୍ର ଦୂତ ଡଃ ମହମଦ ଆସିମ ଆଜି ଅପରାହ୍ନରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ସାକ୍ଷାତ କରିଛନ୍ତି ।

ଭାରତ ମହାସାଗର ଅଞ୍ଚଳରେ ପଡୋଶୀ ରାଷ୍ଟ୍ର ଭାବେ ଭାରତ ଓ ମାଳଦୀପ ମଧ୍ୟରେ ଐତିହ୍ୟ, ସଂସ୍କୃତି ଏବଂ ସାମୁଦ୍ରିକ କ୍ଷେତ୍ରରେ ରହିଥିବା ନିବିଡ ସମ୍ବନ୍ଧ ନେଇ ସେମାନେ ଆଲୋଚନା କରିଥିଲେ । “ଇଣ୍ଡିଆ ଫାଷ୍ଟ ପଲିସି” ଅନ୍ତର୍ଗତ ଭାରତ ସହିତ ମାଳଦୀପ ନିବିଡ ସମ୍ପର୍କ ରକ୍ଷା କରିବ ବୋଲି ସ୍ଵତନ୍ତ୍ର ଦୂତ ଆସିମ ଦୋହରାଇଛନ୍ତି ।

ଭାରତ ସର୍ବଦା ଏକ ଭରସାଯୋଗ୍ୟ ପଡୋଶୀ ରାଷ୍ଟ୍ର ଭାବେ ମାଳଦୀପର ବିକାଶ ଏବଂ ସୁରକ୍ଷା ଦିଗରେ ସହଯୋଗ ଜାରି ରଖିବ ବୋଲି ପ୍ରଧାନମନ୍ତ୍ରୀ ଦୃଢୋକ୍ତି ପ୍ରକାଶ କରିଛନ୍ତି ।

ପ୍ରଧାନମନ୍ତ୍ରୀଙ୍କ ମାଳଦୀପ ଗସ୍ତ ପାଇଁ ରାଷ୍ଟ୍ରପତି ୟାମିନଙ୍କ ନିମନ୍ତ୍ରଣ ସମ୍ପର୍କରେ ସ୍ଵତନ୍ତ୍ର ଦୂତ ଆସିମ ଅବଗତ କରାଇଥିଲେ । ପ୍ରଧାନମନ୍ତ୍ରୀ ନିମନ୍ତ୍ରଣ ପାଇଁ କୃତଜ୍ଞତା ଜଣାଇଥିଲେ ଏବଂ ଉଚିତ ସମୟରେ ଗସ୍ତ କରିବା ପାଇଁ ସହମତି ପ୍ରକାଶ କରିଥିଲେ ।

ସ୍ଵତନ୍ତ୍ର ଦୂତ ପ୍ରଧାନମନ୍ତ୍ରୀଙ୍କୁ ରାଷ୍ଟ୍ରପତି ଅବଦୁଲ୍ଲା ୟାମିନଙ୍କ ଶୁଭେଚ୍ଛା ବାର୍ତ୍ତା ପ୍ରଦାନ କରିଥିଲେ, ପ୍ରତ୍ୟୁତ୍ତରରେ ପ୍ରଧାନମନ୍ତ୍ରୀ ମଧ୍ୟ ଶୁଭକାମନା ଜଣାଇଥିଲେ ।

**********