ପିଏମଇଣ୍ଡିଆ

ମହାମହୀମ ରାଷ୍ଟ୍ରପତି ୟୁ.ହଟିନ କ୍ୟାୱ,

ଉପସ୍ଥିତ ଗଣମାଧ୍ୟମ ପ୍ରତିନିଧିବୃନ୍ଦ,

ମିଆଁମାରର ମହାମହୀମ ରାଷ୍ଟ୍ରପତି ୟୁ.ହଟିନ କ୍ୟାୱ ଏବଂ ତାଙ୍କର ବିଶିଷ୍ଟ ପ୍ରତିନିଧିମଣ୍ଡଳଙ୍କ ଭାରତ ଗସ୍ତ ଅବସରରେ ସମସ୍ତଙ୍କୁ ସ୍ୱାଗତ ଜଣାଇ ମୁଁ ଖୁବ୍ ଆନନ୍ଦିତ ।

ମହାନୁଭବ, ଦ୍ୱିପାକ୍ଷିକ ବିଦେଶ ଗସ୍ତ ପାଇଁ ଆପଣ ଭାରତକୁ ପ୍ରଥମେ ଚୟନ କରିଥିବାରୁ ଆମେ ନିଜକୁ ସମ୍ମାନୀତ ମନେ କରୁଛି ।

ବନ୍ଧୁଗଣ,

ମିଆଁମାର ଆମ ପାଇଁ ସ୍ୱତନ୍ତ୍ର ମାନ୍ୟତା ବହନ କରେ ।

ଭାରତର ପ୍ରତିବେଶୀ ରାଷ୍ଟ୍ରଙ୍କ ମଧ୍ୟରେ ଏହାର ସ୍ଥାନ ସ୍ୱତନ୍ତ୍ର ।

ଏହା ଏପରି ଏକ ସେତୁ ଯାହା ଭାରତ ଓ ଦକ୍ଷିଣ ପୂର୍ବ ଏସିଆକୁ ସଂଯୁକ୍ତ କରିଛି ।

ଆମ ଦୁଇ ଦେଶର ସମାଜ ମଧ୍ୟରେ ଦୀର୍ଘ ଦିନରୁ ଥିବା ସାଂସ୍କୃତିକ ଓ ଐତିହାସିକ ସମ୍ପର୍କ ଆମ ବନ୍ଧନ ଭିତ୍ତିକୁ ସୁଦୃଢ଼ କରିଆସିଛି ।

ବୌଦ୍ଧ ଆଦର୍ଶ ମେଟ୍ଟା ଅର୍ଥାତ୍ କରୁଣାପୂର୍ଣ୍ଣପ୍ରେମ ଏବଂ ସର୍ବପନ୍ଥ ସମଭାବ ଯାହାକି ସବୁଧର୍ମ ପ୍ରତି ସମାନ ଭାବ ପ୍ରଦର୍ଶନକୁ ସୂଚୀତ କରେ, ତାହା ଆମର ଜୀବନଧାରାକୁ ନିରୂପିତ କରିଛି ।

ମହାନୁଭବ,

ଆପଣଙ୍କ ମହାନ୍ ରାଷ୍ଟ୍ର ଏକ ନୂଆ ଯୁଗରେ ପ୍ରବେଶ କରିଛି ।

ଏହି ଯୁଗ ଆପଣଙ୍କ ପରିପକ୍ୱ ନେତୃତ୍ୱ ଓ ଗଣତନ୍ତ୍ର ପ୍ରତି ଆପଣଙ୍କ ଦେଶବାସୀଙ୍କ ପ୍ରତିବନ୍ଧତା ସୂଚାଏ ।

ମିଆଁମାର ଏକ ସୁଦୃଢ଼ ଏବଂ ଏହି କ୍ଷେତ୍ରରେ ଆର୍ଥିକ ଦୃଷ୍ଟିରୁ ଏକ ସମୃଦ୍ଧ ରାଷ୍ଟ୍ରରେ ପରିଣତ କରିବା ଲାଗି ଆପଣଙ୍କ ସୁସ୍ପଷ୍ଟ ଦୃଷ୍ଟିଭଙ୍ଗୀ ଓ ଆକାଂକ୍ଷା ସର୍ବଜନ ବିଦିତ ।

ନୂତନ ଭାବେ ଅବସ୍ଥାପିତ ମିଆଁମାର ସରକାରର ଯାତ୍ରା ଏହିଭଳି :

• କୃଷିର ବିକାଶ

• ଶିଳ୍ପ ଓ ଭିତ୍ତିଭୂମିର ଉନ୍ନତି

• ଶିକ୍ଷାକ୍ଷେତ୍ରର ସୁଦୃଢ଼ୀକରଣ

• ଯୁବଶକ୍ତିଙ୍କୁ କୁଶଳୀ କରିବା

• ନୂତନ ଅନୁଷ୍ଠାନମାନ ପ୍ରତିଷ୍ଠା ସହ ବର୍ତ୍ତମାନର ଅନୁଷ୍ଠାନମାନଙ୍କୁ ସୁଦୃଢ଼ କରିବା

• ସମାଜକୁ ସୁରକ୍ଷିତ ରଖିବା

• ଆର୍ଥିକ ସମୃଦ୍ଧିର ସୁଦୃଢ଼ ପଥ ନିର୍ଣ୍ଣୟ କରିବା ଏବଂ ସର୍ବୋପରି

• ଏକ ଆଧୁନିକ ରାଷ୍ଟ୍ରର ମହତ୍ଵାକାଂକ୍ଷାକୁ ସାକାର କରିବା

ମୁଁ ଏହି ଅବସରରେ ଆପଣମାନଙ୍କୁ ନିର୍ଭର ପ୍ରତିଶ୍ରୁତି ଦେବାକୁ ଚାହେଁ ଯେ, ଏହି ଲକ୍ଷ୍ୟ ହାସଲ ଦିଗରେ ପ୍ରତିଟି ପଦକ୍ଷେପରେ ଭାରତର 125 କୋଟି ଜନତା ଆପଣଙ୍କ ସହ ରହିଛନ୍ତି । ଉଭୟ ସହଭାଗୀ ଭାବେ ଏବଂ ବନ୍ଧୁ ହିସାବରେ ।

ବନ୍ଧୁଗଣ,

ଆମର ଦ୍ୱିପାକ୍ଷିକ ସମ୍ପର୍କ ସୁଦୃଢ଼ କରିବା ପରିପ୍ରେକ୍ଷୀରେ ମୁଁ ଏବଂ ମହାନୁଭବ ରାଷ୍ଟ୍ରପତି ବିସ୍ତୃତ ଭାବେ ସଫଳ ଆଲୋଚନା କରିଛୁ ।

ଆମେ ସ୍ୱୀକାର କରିଛୁ ଯେ ଆମର ନିରାପତ୍ତାଜନିତ ସ୍ୱାର୍ଥ ପରସ୍ପର ସହ ସଂଶ୍ଳିଷ୍ଟ ।

ଏବଂ, ପରସ୍ପରର ସୁରକ୍ଷା ସ୍ୱାର୍ଥ ଏବଂ ଉଦବେଗ ପ୍ରତି ଆମେ ସଚେତନ ରହିବାକୁ ମଧ୍ୟ ସହମତ ହୋଇଛୁ ।

ଏହି ଉଦ୍ଦେଶ୍ୟରେ, ରାଷ୍ଟ୍ରପତି ମହୋଦୟ ଏବଂ ମୁଁ ଆମ ଦୁଇ ଦେଶର ଜନତାର ସୁରକ୍ଷା ଓ ନିରାପତ୍ତା ପାଇଁ ଘନିଷ୍ଠ ଭାବେ କାର୍ଯ୍ୟ କରିବାକୁ ରାଜି ହୋଇଛୁ ।

ଏବଂ, ଏ କ୍ଷେତ୍ରରେ ଆତଙ୍କବାଦ ଓ ଉଗ୍ରବାଦ ଭଳି ଚାଲେଞ୍ଜର ମୁକାବିଲା ସକାଶେ ପରସ୍ପରକୁ ସକ୍ରିୟତାର ସହ ସହଯୋଗ କରିବୁ ।

ମୁଁ ମଧ୍ୟ ଏକବିଂଶ ଶତାବ୍ଦୀର ପାଙ୍ଗଲଙ୍ଗ୍ ସମ୍ମିଳନୀ ମାଧ୍ୟମରେ ଶାନ୍ତି ପକ୍ରିୟା ଉଦ୍ୟମ ପାଇଁ ଭାରତର ପୂର୍ଣ୍ଣ ସମର୍ଥନ ଜ୍ଞାପନ କରିଛି ।

ବନ୍ଧୁଗଣ,

ଭାରତ ମିଆଁମାର ସହଭାଗୀତା କେବଳ ଉତ୍ତମ ବଚନ ଅଥବା ନିରୁତା ଉଦ୍ଦେଶ୍ୟ ଦ୍ୱାରା ନିରୂପିତ ହୋଇନାହିଁ । ଏହାର ବ୍ୟାପ୍ତି ଓ ଗଭୀରତା ବିଶାଳ ବିକାଶମୂଳକ ସହଭାଗୀତା ଓ ସହଯୋଗ ଉପରେ ଆଧାରିତ । ଏହା ପ୍ରଥମେ ଜନଭାବନା ଉପରେ ଆଧାରିତ ।

• ଭାରତ ଯୋଗାଇ ଦେଇଥିବା 2 ବିଲିଅନ ଡଲାର ବିକାଶ ସହାୟତା ରାଶି ମିଆଁମାରର ସାଧାରଣ ଜନତାଙ୍କ ଜୀବନଧାରାକୁ ଛୁଇଁ ପାରିଛି ।

• ଆମେ ମିଆଁମାରରେ ସଂଯୋଗୀକରଣ, ଭିତ୍ତିଭୂମି ବିକାଶ ଶିକ୍ଷା, ସ୍ୱାସ୍ଥ୍ୟସେବା ଏବଂ ଅନ୍ୟାନ୍ୟ ବହୁ କ୍ଷେତ୍ରରେ ଦକ୍ଷତା ବୃଦ୍ଧି ପ୍ରକଳ୍ପରେ କାର୍ଯ୍ୟ କରି ଆସୁଛୁ ।

ଏହି ସହଭାଗୀତାର କେତେକ ନିର୍ଦ୍ଦିଷ୍ଟ ଉଦାହରଣ ଏଇଭଳି:

• କାଲାଦନ ପ୍ରକଳ୍ପ, ଏହାର ବନ୍ଦର ଓ ଜଳପଥ ପ୍ରକଳ୍ପ କାର୍ଯ୍ୟ ଚଳିତ ବର୍ଷ ଶେଷ ଆଡକୁ ସମ୍ପୂର୍ଣ୍ଣ ହେବାକୁ ଯାଉଛି ।

• ଭାରତ-ମିଆଁମାର-ଥାଇଲାଣ୍ଡ ତ୍ରିପାକ୍ଷିକ ରାଜପଥ

• ମିଆଁମାର ଇନଷ୍ଟିଚ୍ୟୁଟ ଅଫ୍ ଇନଫରମେସନ ଟେକ୍ନୋଲୋଜି

• କୃଷି ଗବେଷଣା ଓ ଶିକ୍ଷା ସମ୍ପର୍କୀତ ଅଗ୍ରଣୀ ପ୍ରତିଷ୍ଠାନ, ତଥା

• ସ୍ୱାସ୍ଥ୍ୟ, ଶିକ୍ଷା ଏବଂ ଶିଳ୍ପ ତାଲିମ ସେକ୍ଟରର କେତେକ କ୍ଷୁଦ୍ର ପ୍ରକଳ୍ପ ଆଜି ସ୍ଵାକ୍ଷର ହୋଇଥିବା ଦୁଇଟି ସକ୍ରିୟ ରାଜିନାମା, ମିଆଁମାର 69 ଟି ସେତୁର ନିର୍ମାଣ ଓ ଉନ୍ନତିକରଣ କରିବା ସହ ତ୍ରିପାକ୍ଷିକ ରାଜପଥ ପ୍ରକଳ୍ପର କାଲେୱା-ଯାର୍ଗି ସଡକ ସେକ୍ସନର ମଧ୍ୟ ବିକାଶ ଘଟାଇବ ।

• କୃଷି, ବ୍ୟାଙ୍କିଂ, ଶକ୍ତି ଓ ବିଜୁଳି କ୍ଷେତ୍ରରେ ଆମେ ଆମର ସହଯୋଗକୁ ଆହୁରି ଘନିଷ୍ଠ କରିବାକୁ ସଂକଳ୍ପବଦ୍ଧ

• ଅକ୍ଷୟ ଶକ୍ତି ଏବଂ ପାରମ୍ପରିକ ଔଷଧ/ଚିକିତ୍ସା ବ୍ୟବସ୍ଥା କ୍ଷେତ୍ରରେ ସ୍ୱାକ୍ଷରିତ ସହଯୋଗ ବୁଝାମଣା, ଆମ ସମ୍ପର୍କକୁ ନିବିଡତର କରିବ

• ଡାଲି ଜାତୀୟ ଶସ୍ୟ ବ୍ୟବସାୟ କ୍ଷେତ୍ରରେ ଆମେ ଦୀର୍ଘକାଳୀନ ଭିତ୍ତିରେ ଏବଂ ପାରସ୍ପରିକ ସ୍ୱାର୍ଥ ଜଡିତ କ୍ଷେତ୍ରରେ କାର୍ଯ୍ୟ କରିବାକୁ ସହମତ ହୋଇଛୁ

• ଚଳିତ ବର୍ଷ ଏପ୍ରିଲ ମାସରେ, ଆମେ ମିଆଁମାର ତାମୁ ଅଞ୍ଚଳକୁ ବିଜୁଳି ଶକ୍ତି ଯୋଗାଣ ଦିଗରେ ଏକ କ୍ଷୁଦ୍ର ପଦକ୍ଷେପ ଗ୍ରହଣ କରିଛୁ

• ମୁଁ ମହାମହୀମ ରାଷ୍ଟ୍ରପତିଙ୍କୁ ଅବଗତ କରାଇଛି ଯେ ଆମେ ପର୍ଯ୍ୟାପ୍ତ ମାତ୍ରାରେ ବିଜୁଳି ଶକ୍ତି ଯୋଗାଣ ପାଇଁ ରାଜିଅଛୁ

ମହାନୁଭବ,

ମିଆଁମାର ସହ ବିକାଶ କାର୍ଯ୍ୟକ୍ରମରେ ସହଯୋଗ ବୃଦ୍ଧି ପାଇଁ ଭାରତ ସଦାସର୍ବଦା ପସ୍ତୁତ ଅଛି ।

• ଏବଂ ତାହା ମିଆଁମାର ସରକାରଙ୍କ ଅଗ୍ରାଧିକାର ଦୃଷ୍ଟିରୁ ହେବ

ବନ୍ଧୁଗଣ,

• ଆମ ସମ୍ପର୍କ ଭିତ୍ତିଭୂମିର କେନ୍ଦ୍ରବିନ୍ଦୁ ହେଲା ସାଂସ୍କୃତିକ ସମ୍ପର୍କ

• ମୁଁ ଖୁସି ଯେ ଆମ ସହଯୋଗୀତାରେ ମିଆଁମାରର ବାଗାନଠାରେ ଥିବା ଆନନ୍ଦ ମନ୍ଦିରର ପୁନରୁଦ୍ଧାର କରାଯିବ ।

• ଆମେ ମିଆଁମାରରେ ଥିବା ଅନ୍ୟାନ୍ୟ ଐତିହ୍ୟ, ପାଗୋଡା ଓ କୀର୍ତ୍ତୀରାଜି ଯାହାକି ଗତ ସପ୍ତାହରେ ସଂଘଟିତ ଭୂମିକମ୍ପ ଫଳରେ କ୍ଷତିଗ୍ରସ୍ତ ହୋଇଛି, ସେ ସବୁର ମରାମତି ଓ ପୁନରୁଦ୍ଧାର ପାଇଁ ମଧ୍ୟ ଆଗ୍ରହୀ ।

ମହାନୁଭବ,

• ଆପଣଙ୍କର ଭାରତ ଗସ୍ତ ଯଥାର୍ଥରେ ସମୟୋପଯୋଗୀ

• ଏବଂ ଆମର ଆଜିର ଆଲୋଚନା ଭବିଷ୍ୟତର ସହଯୋଗ ଏବଂ କାର୍ଯ୍ୟ ଯୋଜନା ନିମନ୍ତେ ଏକ ମାର୍ଗ ଦର୍ଶନ କରାଇପାରିଛି ।

• ଆପଣଙ୍କ ସହ ସହଯୋଗ ଭିତ୍ତିରେ କାର୍ଯ୍ୟକରି ସମ୍ପର୍କକୁ ଏକ ନୂଆ ଶୀର୍ଷରେ ପହଞ୍ଚାଇବାକୁ ମୁଁ ଆଶା କରୁଛି

• ମିଆଁମାର ଏକ ଉଜ୍ୱଳ ଭବିଷ୍ୟତ କେବଳ ଆପଣଙ୍କର ଲକ୍ଷ୍ୟ ନୁହେଁ,

• ଏହା ଆମର ମଧ୍ୟ ଉଦ୍ଦେଶ୍ୟ

• ପୁଣି ଥରେ, ମହାନୁଭବ ମୁଁ ଆପଣଙ୍କୁ ଭାରତକୁ ସ୍ୱାଗତ କରୁଛି

ଧନ୍ୟବାଦ

ଆପଣମାନଙ୍କୁ ସମସ୍ତଙ୍କୁ ଧନ୍ୟବାଦ ।