ପିଏମଇଣ୍ଡିଆ

ରେଳବାଇ କ୍ଷେତ୍ରରେ ବୈଷୟିକ ସହଯୋଗ ଲାଗି ଭାରତୀୟ ରେଳବାଇ ଏବଂ ଏସଏନସିଏଫ ମୋବିଲିଟିଜ୍(ଫ୍ରାନ୍ସ ସରକାରଙ୍କ ମାଲିକାନାରେ ଥିବା କମ୍ପାନୀ) ମଧ୍ୟରେ ସ୍ୱାକ୍ଷରିତ ବୁଝାମଣାପତ୍ର (ଏମଓୟୁ) ସମ୍ପର୍କରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟକୁ ଅବଗତ କରାଯାଇଛି । ଏହି ଏମଓୟୁ 10 ମାର୍ଚ୍ଚ, 2018ରେ ସ୍ୱାକ୍ଷରିତ ହୋଇଥିଲା ।

ରେଳବାଇ କ୍ଷେତ୍ରରେ ସଦ୍ୟତମ ବିକାଶ ଓ ଜ୍ଞାନ କୌଶଳର ବିନିମୟ ଏବଂ ବିଚାର ଆଲୋଚନା ଲାଗି ଏହି ଏମଓୟୁ ଭାରତୀୟ ରେଳବାଇକୁ ମଂଚ ପ୍ରଦାନ କରିବ । ସ୍ୱତନ୍ତ୍ର ପ୍ରଯୁକ୍ତି କ୍ଷେତ୍ରରେ ବୈଷୟିକ ବିଶେଷଜ୍ଞ, ରିପୋର୍ଟ ଏବଂ ବୈଷୟିକ କାଗଜପତ୍ର, ତାଲିମ ଏବଂ ସେମିନାର/କର୍ମଶାଳାର ବିନିମୟ ଏବଂ ଜ୍ଞାନର ଆଦାନପ୍ରଦାନ ଲାଗି ଅନ୍ୟ ଆଲୋଚନା ଲାଗି ଏହି ଏମଓୟୁରେ ସୁବିଧା ରହିଛି ।

ନିମ୍ନଲିଖିତ ଗୁରୁତ୍ୱପୂର୍ଣ୍ଣ କ୍ଷେତ୍ରରେ ଧାର୍ଯ୍ୟ ଲକ୍ଷ୍ୟ ନେଇ ସହଯୋଗ ପାଇଁ ଏହି ଏମଓୟୁ ମଂଚ ପ୍ରଦାନ କରିବ:-

1. ହାଇସ୍ପିଡ ଏବଂ ସେମି ହାଇସ୍ପିଡ ରେଳ;

2. ଷ୍ଟେସନ ଉନ୍ନତୀକରଣ ଏବଂ ପରିଚାଳନା;

3. ବର୍ତ୍ତମାନର ବ୍ୟବସ୍ଥା ଏବଂ ଭିତ୍ତିଭୂମିର ଆଧୁନିକୀକରଣ;

4. ଉପନଗରୀ/ସହରତଳି ରେଳ ।

**********