ପିଏମଇଣ୍ଡିଆ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ଭାରତ ସରକାରଙ୍କ ଇଲେକ୍ଟ୍ରୋନିକ୍ସ ଏବଂ ପ୍ରଯୁକ୍ତି ବିଦ୍ୟା ମନ୍ତ୍ରଣାଳୟ ଅଧୀନ କମ୍ପ୍ୟୁଟର ଏମରଜେନ୍ସି ରେସପନ୍ସ ଟିମ(ସିଇଆରଟି-ଇନ୍) ଏବଂ ଆମେରିକାର ହୋମଲେଣ୍ଡ ସିକ୍ୟୁରିଟି ଡିପାର୍ଟମେଣ୍ଟ ମଧ୍ୟରେ ସାଇବର ସୁରକ୍ଷା କ୍ଷେତ୍ରରେ ସହଯୋଗ ଲାଗି ସ୍ୱାକ୍ଷରିତ ଚୁକ୍ତି (ଏମ୍ଓୟୁ)କୁ ମଞ୍ଜୁରି ମିଳିଛି । ଏହି ଏମ୍ଓୟୁ ନୂଆଦିଲ୍ଲୀ ଠାରେ ଗତ ଜାନୁଆରୀ 11 ତାରିଖରେ ସ୍ୱାକ୍ଷରିତ ହୋଇଥିଲା । ଏହି ଏମ୍ଓୟୁ ଦ୍ୱାରା ପ୍ରଚଳିତ ଆଇନ, ନୀତି ଏବଂ ନିୟମ ଆଧାରରେ ସାଇବର ସୁରକ୍ଷା କ୍ଷେତ୍ରରେ ସୂଚନା ଆଦାନପ୍ରଦାନ ଲାଗି ଉଭୟ ସଂସ୍ଥା ପରସ୍ପରକୁ ସହଯୋଗ କରିବେ । ଏହି ସହଯୋଗ ସମାନତା, ପାରସ୍ପରିକ ତଥ୍ୟ ବିନିମୟ ଓ ଉପକାର ଆଧାରରେ ହେବ ।
