ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଭିଡିଓ କନଫେରେନସିଙ୍ଗ ଜରିଆରେ ସୁରଜକୁଣ୍ଡ ରେଳ ବିକାଶ ଶିବିରକୁ ସମ୍ବୋଧିତ କରିଛନ୍ତି ।

ଏହି ଅବସରରେ ପ୍ରଧାନମନ୍ତ୍ରୀ କହିଛନ୍ତି ଯେ, ଚଳିତ ଶତାବ୍ଦୀ ହେଉଛି ପ୍ରଯୁକ୍ତି ବିଦ୍ୟା ପରିଚାଳିତ ସମାଜର ସମାହାର । ଏବେ ଆବିଷ୍କାର ଓ ନବସୃଜନ ବାଞ୍ଛନୀୟ ହୋଇପଡିଛି । ତେଣୁ ରେଳବାଇ ଉଭୟ ‘ଗତି’ ଓ ‘ପ୍ରଗତି’ର ପ୍ରତୀକ ହେବା ଆବଶ୍ୟକ ।

ସେ କହିଥିଲେ ଯେ, ପ୍ରତ୍ୟେକ ଅଫିସର ନିଜେ ନିଜେ ଭଲ କାମ କରିବା ଉତ୍ତମ କଥା । କିନ୍ତୁ ଆମେ ମିଳିମିଶି ଏକ ଟିମ ଭାବେ କାମ କରିବା ସହିତ ରେଳବାଇ କିଭଳି ହେବା ଆବଶ୍ୟକ ତାହା ଚିନ୍ତା କରିବା ଉଚିତ ।

ପ୍ରଧାନମନ୍ତ୍ରୀ ଭାରତୀୟ ରେଳବାଇକୁ ଆର୍ଥିକ ଦୃଷ୍ଟିରୁ ସ୍ଵଚ୍ଛଳ ଓ ଆଧୁନିକ କରିବା ଉପରେ ଗୁରୁତ୍ଵ ଦେଇଥିଲେ । ଏହା ଭାରତର ଜନସାଧାରଣ ତଥା ରେଳବାଇ ପାଇଁ କାମ କରୁଥିବା କର୍ମଚାରୀଙ୍କ ପାଇଁ ଲାଭଦାୟକ ହେବ ।

ତାଙ୍କ ସରକାର ରେଳ ବଜେଟକୁ କେବେହେଲେ ରାଜନୀତି ଦୃଷ୍ଟିକୋଣରୁ ବିଚାର କରି ନାହାନ୍ତି, ତଥାପି ଏହି କ୍ଷେତ୍ରର ଢାଞ୍ଚାଗତ ପରିବର୍ତ୍ତନ ପାଇଁ ପଦକ୍ଷେପ ନିଆଯାଇଛି । ଶତାବ୍ଦୀ ବଦଳି ଯାଇଛି । ସେହିପରି ରେଳବାଇର କାର୍ଯ୍ୟ ପଦ୍ଧତିରେ ମଧ୍ୟ ପରିବର୍ତ୍ତନ ଅଣାଯିବା ଆବଶ୍ୟକ । ଏବେ ଆମ ପାଖରେ ଯେଉଁ ମାନବ ସମ୍ବଳ ରହିଛି ଏବଂ କର୍ମଚାରୀ ଗୋଷ୍ଠୀ ରହିଛନ୍ତି ସେମାନେ ରେଳବାଇରେ ବ୍ୟାପକ ପରିବର୍ତ୍ତନ ଆଣିବା ଦିଗରେ କାର୍ଯ୍ୟ କରିପାରିବେ ବୋଲି ପ୍ରଧାନମନ୍ତ୍ରୀ ଦୃଢ ଆଶା ପୋଷଣ କରିଛନ୍ତି ।

ନିଜର ବାଲ୍ୟକାଳ କିଭଳି ରେଳ ପ୍ଲାଟଫର୍ମରେ କଟିଛି ସେ ବିଷୟରେ ସ୍ମରଣ କରି ପ୍ରଧାନମନ୍ତ୍ରୀ କହିଥିଲେ ଯେ, ତାଙ୍କର ରେଳବାଇ ସହିତ ସମ୍ପର୍କ ଅତୀବ ନିବିଡ । ସେଥିପାଇଁ ସେ ରେଳବାଇକୁ ସଂସ୍କାର ମାଧ୍ୟମରେ ବ୍ୟାପକ ପରିବର୍ତ୍ତନ ଆଣିବାକୁ ପ୍ରୟାସ କରୁଛନ୍ତି ବୋଲି ପ୍ରଧାନମନ୍ତ୍ରୀ କହିଥିଲେ ।