ପିଏମଇଣ୍ଡିଆ

ଜଳବାୟୁ ପ୍ରସଙ୍ଗରେ

ନିଜର ପ୍ରାରମ୍ଭିକ ଅଭିଭାଷଣକୁ ଉଲ୍ଲେଖ କରି ପ୍ରଧାନମନ୍ତ୍ରୀ କହିଥିଲେ ଯେ ଅତ୍ୟନ୍ତ ସରଳ ଭାବେ ସେ ନୂଆ ଭାରତ(New India)ର ଦୃଷ୍ଟିଭଙ୍ଗୀ ଓ 5ହଜାର ବର୍ଷ ପୂର୍ବେ ଲେଖାଯାଇଥିବା ବେଦ ସମ୍ପର୍କରେ କହିଥିଲେ । ବେଦରେ କୁହାଯାଇଛି ଯେ ପ୍ରକୃତିର ଦୋହନ କରାଯାଇପାରିବ କିନ୍ତୁ ପ୍ରକୃତିର ଶୋଷଣ ନୁହେଁ ।

ସେ କହିଥିଲେ ଯେ 3ବର୍ଷ ପୂର୍ବେ ଜର୍ମାନୀରେ ତାଙ୍କୁ ଏହି ପ୍ରଶ୍ନ ପଚରାଯାଇଥିଲା ଓ ସେ ସେତେବେଳେ କହିଥିଲେ କି ପ୍ୟାରିସ୍ ବୁଝାମଣା ହେଉ କି ନହେଉ, ଭାରତର ପରମ୍ପରା ହେଉଛି ଆମର ପିଲାମାନଙ୍କୁ ସ୍ୱଚ୍ଛ ବାୟୁ ସହ ସୁସ୍ଥ ଗ୍ରହ ପ୍ରଦାନ କରିବା । ଯାହାଫଳରେ ସେମାନେ ଭଲ ଭାବେ ରହିପାରିବେ । ଏଠି ଯେଉଁ ପ୍ରସଙ୍ଗ ଅଛି ତାହା ଏକପାଖିଆ ହେଉ ଅବା ଅନ୍ୟ ସମ୍ପର୍କରେ କିନ୍ତୁ ଏହା ଯେଉଁ ପୀଢ଼ି ଜନ୍ମ ନନେଇଛି ସେମାନଙ୍କ ପକ୍ଷରେ ବୋଲି ସେ ଦୃଢ଼ ଭାବେ କହିଥିଲେ ।

ଭାରତ ରଷିଆ ସମ୍ପର୍କ ଓ ଚୀନ ସମ୍ପର୍କରେ

ପ୍ରଧାନମନ୍ତ୍ରୀ କହିଥିଲେ ଯେ ବିଶ୍ୱ ଏବେ ଦୁଇ ଧ୍ରୁବୀୟ ହୋଇନାହିଁ ଯାହା କିଛି ଦଶନ୍ଧି ପୂର୍ବରୁ ଥିଲା । ଯେତେବେଳେ ଆମେ ଆନ୍ତର୍ଜାତିକ ସମ୍ବନ୍ଧ ପ୍ରସଙ୍ଗରେ ଆଲୋଚନା କରୁଛୁ, ଆମେ ଜାଣିରଖିବା ଉଚିତ୍ ଯେ ସମଗ୍ର ବିଶ୍ୱ ପରସ୍ପର ସହ ଜଡ଼ିତ ଓ ପରସ୍ପର ଉପରେ ନିର୍ଭରଶୀଳ । ପ୍ରତ୍ୟେକ ରାଷ୍ଟ୍ର ଅନ୍ୟ ରାଷ୍ଟ୍ର ସହ କୌଣସି ନା କୌଣସି ଭାବେ ଯୋଡ଼ି ହୋଇ ରହିଛି । ସେମାନଙ୍କ ମଧ୍ୟରେ ମତଭେଦ ଥାଇପାରେ ଅବା ସହଯୋଗ ନଥାଇପାରେ ।

ଭାରତ ଓ ରୁଷିଆ ସମ୍ପର୍କ ବିଷୟରେ ପ୍ରଧାନମନ୍ତ୍ରୀ କହିଥିଲେ ଯେ ଏହା ଅତ୍ୟନ୍ତ ସୁଦୃଢ଼ । ସେଣ୍ଟ ପିଟର୍ସବର୍ଗ ଘୋଷଣାପତ୍ରକୁ ସମଗ୍ର ବିଶ୍ୱ ଧ୍ୟାନର ସହ ପଢ଼ିଲେ ବୁଝିପାରିବେ ଆମର ସମ୍ପର୍କ କ’ଣ ଓ ଆମେ କିଭଳି ଆଗକୁ ବଢ଼ୁଛୁ ।

ଚୀନ ସମ୍ପର୍କରେ ପ୍ରଧାନମନ୍ତ୍ରୀ କହିଥିଲେ ଯେ ଅବଶ୍ୟ ସେଠାରେ ସୀମାବିବାଦ ରହିଛି କିନ୍ତୁ ଗତ 40ବର୍ଷ ମଧ୍ୟରେ ସୀମାରେ ଗୋଟିଏ ବି ଗୁଳି ଫୁଟିନାହିଁ । ଆମର ଆର୍ଥିକ ସମ୍ପର୍କ ସମ୍ପ୍ରସାରିତ ହେଉଛି । କୌଣସି ଦୁଇ ରାଷ୍ଟ୍ରର ସମ୍ବନ୍ଧକୁ ତୃତୀୟ ରାଷ୍ଟ୍ରର ଚଷମାରେ ଦେଖାଯିବା ଅନୁଚିତ୍ । ସେ କହିଛନ୍ତି ଯେ ବ୍ରିକ୍ସରେ ସମସ୍ତ ସଦସ୍ୟ ରାଷ୍ଟ୍ର ମିଳିମିଶି କାମ କରୁଛନ୍ତି । ଏ ସମ୍ପର୍କରେ ସେ ଉଦାହରଣ ଭାବେ ବ୍ରିକ୍ସ ବ୍ୟାଙ୍କ ପ୍ରସଙ୍ଗରେ ଉଲ୍ଲେଖ କରିଥିଲେ । ପ୍ରଧାନମନ୍ତ୍ରୀ କହିଥିଲେ ଯେ ଭାରତ ସବ୍କା ସାଥ୍, ସବ୍କା ବିକାଶରେ ବିଶ୍ୱାସ କରେ । ଆମେ ସମସ୍ତଙ୍କୁ ଏକାଠି ବିକାଶ ମାର୍ଗରେ ନେବାକୁ ଚାହୁଁଛୁ ।

ଆତଙ୍କବାଦ ପ୍ରସଙ୍ଗରେ

ପ୍ରଧାନମନ୍ତ୍ରୀ କହିଥିଲେ ଯେ, ଅଶୀ ଓ ନବେ ଦଶକରେ, ଆତଙ୍କବାଦ ଓ ଏହାର ବିପଦକୁ ବିଶ୍ୱ ଠିକ୍ ଭାବେ ବୁଝିପାରିନଥିଲା । ଭାରତ 40ବର୍ଷ ଧରି ସୀମାପାର ଆତଙ୍କବାଦର ଶିକାର ହେଉଛି । କେବଳ 9/11 ଆକ୍ରମଣ ପରେ ଆତଙ୍କବାଦର ବାସ୍ତବିକ ଭୟାବହତାକୁ ବିଶ୍ୱ ବୁଝିଥିଲା ଓ ବାସ୍ତବତା ହେଉଛି ଏହା କୌଣସି ସୀମା ସରହଦ ନାହିଁ । ପ୍ରଧାନମନ୍ତ୍ରୀ କହିଥିଲେ ଯେ  ସମସ୍ତ ମାନବତାବାଦୀ ଶକ୍ତି ଏକଜୁଟ ହୋଇ ବିଶ୍ୱକୁ ଆତଙ୍କବାଦ କବଳରୁ ସୁରକ୍ଷିତ ରଖିବା ହେଉଛି ବର୍ତ୍ତମାନ ସମୟର ଆବଶ୍ୟକତା ।

ଜାତିସଂଘ ଗତ 40ବର୍ଷ ଧରି ଆତଙ୍କବାଦର ପରିଭାଷାକୁ ନେଇ ଏକ ରାଜିନାମା କରିବାରେ ସକ୍ଷମ ହୋଇନାହିଁ ବୋଲି କହି ପ୍ରଧାନମନ୍ତ୍ରୀ କ୍ଷୋଭ ବ୍ୟକ୍ତ କରିଥିଲେ । ରାଷ୍ଟ୍ରପତି ପୁଟିନଙ୍କ ଯୁକ୍ତିକୁ ଆମେ ସ୍ୱାଗତ କରୁଛୁ କି ସେ ଏହି ପ୍ରସଙ୍ଗକୁ ଜାତିସଂଘରେ ଉଠାଇବେ ।

ପ୍ରଧାନମନ୍ତ୍ରୀ କହିଥିଲେ ଯେ, ଆତଙ୍କବାଦୀମାନେ ଅସ୍ତ୍ରଶସ୍ତ୍ର ନିର୍ମାଣ କିମ୍ବା ମୁଦ୍ରା ଛପାନ୍ତି ନାହିଁ । ଏହା ସ୍ପଷ୍ଟ ଯେ ଆତଙ୍କବାଦୀମାନେ ଏସବୁ କେତେକ ନିର୍ଦ୍ଦିଷ୍ଟ ରାଷ୍ଟ୍ରରୁ ପାଉଛନ୍ତି । ସମଗ୍ର ବିଶ୍ୱ ଏକଥା ଅନୁଭବ କରିବା ଉଚିତ୍ ଯେ ଏହା ଏପରି ଏକ ପ୍ରସଙ୍ଗ ଯେଉଁଥିପାଇଁ ମାନବ ଜାତି  ଚିନ୍ତିତ ଓ ଏହା ପରେ ହିଁ ଆମେ ଆତଙ୍କବାଦର ନିୟନ୍ତ୍ରଣ କରିପାରିବା ।

ବିଶ୍ୱ ବାଣିଜ୍ୟ ପ୍ରସଙ୍ଗରେ

ପ୍ରଧାନମନ୍ତ୍ରୀ କହିଥିଲେ ଯେ ଭାରତ ମୁକ୍ତ ଅର୍ଥବ୍ୟବସ୍ଥାରେ ବିଶ୍ୱାସ କରେ । ବିଶ୍ୱ ବାଣିଜ୍ୟ କ୍ଷେତ୍ରରେ ସମସ୍ତ ରାଷ୍ଟ୍ର ପରସ୍ପର ପାଇଁ ସମାଯୋଜନ କରିଥାନ୍ତି ଓ ପରସ୍ପରର ସହାୟତା କରିବା ମଧ୍ୟ ମଧ୍ୟ ଉଚିତ୍ ।

**********