ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ସ୍ୱାଧୀନତା ଦିବସ ଅବସରରେ ଦେଶକୁ ହାର୍ଦ୍ଦିକ ଶୁଭେଚ୍ଛା ଜଣାଇଛନ୍ତି। ସେ ଉଲ୍ଲେଖ କରିଥିଲେ ଯେ ଏହି ଜାତୀୟ ଉତ୍ସବ ଆମ ସାହସୀ ସ୍ୱାଧୀନତା ସଂଗ୍ରାମୀମାନଙ୍କ ଅବିଶ୍ୱସନୀୟ ସାହସ, ଅକ୍ଳାନ୍ତ ସଂଘର୍ଷ ଏବଂ ମାତୃଭୂମି ପ୍ରତି ଅତୁଳନୀୟ ସମର୍ପଣର ଏକ ମର୍ମସ୍ପର୍ଶୀ ସ୍ମୃତି ଭାବେ କାର୍ଯ୍ୟ କରିଥାଏ, ଯାହା ଔପନିବେଶିକ ଶାସନର ଅନ୍ତକୁ ସୁନିଶ୍ଚିତ କରିଥିଲା।

ପ୍ରଧାନମନ୍ତ୍ରୀ କହିଥିଲେ ଯେ ସେମାନଙ୍କ ସ୍ୱପ୍ନ ଆମକୁ ନିରନ୍ତର ଅନୁପ୍ରାଣିତ କରୁଛି ଏବଂ ଆମେ ଏକ ବିକଶିତ ଭାରତର ସଂକଳ୍ପକୁ ସାକାର କରିବା ପାଇଁ ସାମୂହିକ ଭାବେ କାର୍ଯ୍ୟ କରୁଥିବାରୁ ନାଗରିକମାନଙ୍କୁ ସେମାନଙ୍କ ଆଦର୍ଶ ଗ୍ରହଣ କରିବାକୁ ଅନୁରୋଧ କରିଥିଲେ।

ଶ୍ରୀ ମୋଦୀ ଗୁରୁତ୍ୱାରୋପ କରି କହିଥିଲେ ଯେ ୧୪୦ କୋଟି ଭାରତୀୟଙ୍କ ଦ୍ୱାରା ପରିଚାଳିତ ହୋଇ ଆମ ଦେଶ ବିଭିନ୍ନ କ୍ଷେତ୍ରରେ ପ୍ରଗତିର ନୂତନ ଶିଖର ଛୁଇଁଛି। ଆଗାମୀ ସମୟରେ ଏହି ବିକାଶମୂଳକ ଯାତ୍ରା ଆହୁରି ଦ୍ରୁତ ଗତିରେ ଆଗକୁ ବଢ଼ିବ ବୋଲି ସେ ଆଶା ବ୍ୟକ୍ତ କରିଥିଲେ।

ଏକ୍ସ ଉପରେ ଏକ ପୋଷ୍ଟରେ ପ୍ରଧାନମନ୍ତ୍ରୀ ଲେଖିଛନ୍ତି:

“ସ୍ୱାଧୀନତା ଦିବସ ଅବସରରେ ହାର୍ଦ୍ଦିକ ଶୁଭେଚ୍ଛା।

ଆମେ ଅସଂଖ୍ୟ ସ୍ୱାଧୀନତା ସଂଗ୍ରାମୀଙ୍କୁ କୃତଜ୍ଞତାର ସହ ସ୍ମରଣ କରୁଛୁ, ଯେଉଁମାନଙ୍କ ସାହସ, ବଳିଦାନ ଏବଂ ଅତୁଟ ପ୍ରତିବଦ୍ଧତା ଔପନିବେଶିକ ଶାସନର ଅନ୍ତକୁ ସୁନିଶ୍ଚିତ କରିଥିଲା। ସେମାନଙ୍କ ସ୍ୱପ୍ନ ଆମକୁ ନିରନ୍ତର ପ୍ରେରଣା ଦେଉଛି, କାରଣ ଆମେ ଏକ ବିକଶିତ ଭାରତ ଗଠନ ପାଇଁ ମିଳିତ ଭାବେ କାର୍ଯ୍ୟ କରୁଛୁ।

୧୪୦ କୋଟି ଭାରତୀୟଙ୍କ ଦ୍ୱାରା ପରିଚାଳିତ, ଆମ ଦେଶ ବିଭିନ୍ନ କ୍ଷେତ୍ରରେ ପ୍ରଗତିର ନୂତନ ଶିଖରକୁ ଆରୋହଣ କରୁଛି। ଆଗାମୀ ସମୟରେ ଏହି ଯାତ୍ରା ଆହୁରି ଦ୍ରୁତ ଗତିରେ ଆଗକୁ ବଢ଼ୁ।

ସମସ୍ତ ଦେଶବାସୀଙ୍କୁ ସ୍ୱାଧୀନତା ଦିବସର ହାର୍ଦ୍ଦିକ ଶୁଭେଚ୍ଛା।

ଏହି ଜାତୀୟ ପର୍ବ ଆମକୁ ଦେଶର ସାହସୀ ଯୋଦ୍ଧାମାନଙ୍କର ଅଦ୍ଭୁତ ସାହସ, ଅକ୍ଳାନ୍ତ ସଂଘର୍ଷ ଏବଂ ମାତୃଭୂମି ପ୍ରତି ଅତୁଳନୀୟ ସମର୍ପଣର ସ୍ମରଣ କରାଇଥାଏ।

ଆସନ୍ତୁ ଆମେ ତାଙ୍କ ଆଦର୍ଶକୁ ଗ୍ରହଣ କରି ଏକ ବିକଶିତ ଭାରତର ସଂକଳ୍ପକୁ ସାକାର କରିବା ।

HS