ପିଏମଇଣ୍ଡିଆ

ହରିଦ୍ୱାରସ୍ଥିତ ଉମୀୟା ଧାମ ଆଶ୍ରମର ଉଦ୍ଘାଟନ ଉତ୍ସବ ଅବସରରେ ଆୟୋଜିତ ଏକ ସମ୍ମିଳନୀକୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଭିଡିଓ କନଫେରେନ୍ସିଂ ଜରିଆରେ ସମ୍ବୋଧିତ କରିଛନ୍ତି ।

ପ୍ରଧାନମନ୍ତ୍ରୀ କହିଥିଲେ ଯେ ଭାରତରେ ଆଧ୍ୟାତ୍ମିକ ଅନୁଷ୍ଠାନଗୁଡ଼ିକ ସାମାଜିକ ସଂସ୍କାର ବ୍ୟବସ୍ଥାର ପ୍ରସାରଣ କେନ୍ଦ୍ର ଭାବେ କାର୍ଯ୍ୟ କରନ୍ତି । ସେ ପର୍ଯ୍ୟଟନକୁ ଭାରତର ଏକ ପ୍ରାଚୀନ ପରିକଳ୍ପନା ଏବଂ ଆଧ୍ୟାତ୍ମିକ ପରମ୍ପରା ଭାବେ ବର୍ଣ୍ଣନା କରିଛନ୍ତି । ସେ କହିଲେ ଯେ ଆଜି ଉଦ୍ଘାଟିତ ହୋଇଥିବା ଆଶ୍ରମ ଦ୍ୱାରା ହରିଦ୍ୱାରକୁ ଆସୁଥିବା ତୀର୍ଥଯାତ୍ରୀମାନେ ଲାଭବାନ ହେବେ । ସେ କହିଲେ ଯେ ଯାତ୍ରାର ପରିକଳ୍ପନା ଆମ ସଂସ୍କୃତିର ଏକ ଗୁରୁତ୍ୱପୂର୍ଣ୍ଣ ଅଂଶବିଶେଷ ଭାବେ ରହିଆସିଛି । ଯାତ୍ରା ମାଧ୍ୟମରେ ଆମେ କେବେ ଦେଖି ନଥିବା ଦେଶର ବିଭିନ୍ନ ଭାଗ ସହିତ ପରିଚିତ ହୋଇଥାଉ ।

ପ୍ରଧାନମନ୍ତ୍ରୀ କହିଲେ ଯେ ମା’ ଉମୀୟାଙ୍କ ଭକ୍ତମାନଙ୍କ ଦ୍ୱାରା ଗ୍ରହଣ କରାଯାଇଥିବା କାର୍ଯ୍ୟ ଅନେକ ଲୋକଙ୍କ ହୃଦୟକୁ ଛୁଇଁଛି । ସେମାନେ ଲିଙ୍ଗଗତ ବୈଷମ୍ୟ ଦୂର କରିବା ନେଇ ସଚେତନତା ବାର୍ତ୍ତା ପ୍ରସାର କରିଛନ୍ତି । “ବେଟି ବଚାଓ, ବେଟି ପଢ଼ାଓ” ବାର୍ତ୍ତାକୁ ଅଧିକ ପ୍ରସାର କରିଥିବା ମେହଶାନା ଜିଲ୍ଲାର ମହିଳାମାନଙ୍କୁ ସେ ବିଶେଷ ଧନ୍ୟବାଦ ପ୍ରଦାନ କରିଥିଲେ ।

ମା’ ଉମୀୟାଙ୍କର ଭକ୍ତମାନେ ସ୍ୱଚ୍ଛାଗ୍ରହୀ ହୋଇ ସ୍ୱଚ୍ଛ ଭାରତ ମିଶନକୁ ସୁଦୃଢ଼ କରିବାକୁ ପ୍ରଧାନମନ୍ତ୍ରୀ ଅନୁରୋଧ କରିଥିଲେ ।

******