ପିଏମଇଣ୍ଡିଆ

ହାଇଡ୍ରୋକାର୍ବନ ଉଦ୍ୟୋଗ କ୍ଷେତ୍ରରେ ବାଂଲାଦେଶ ସହିତ ସହଯୋଗ ଲାଗି ଉଦ୍ଦିଷ୍ଟ ବୁଝାମଣା ଫ୍ରେମୱାର୍କକୁ କେନ୍ଦ୍ର କ୍ୟାବିନେଟ ଅନୁମୋଦନ କରିଛନ୍ତି । ଆଜି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ଏହି ନିଷ୍ପତ୍ତି ନିଆଯାଇଛି । ବୁଝାମଣା ଫ୍ରେମୱାର୍କର ଉଦ୍ଦେଶ୍ୟ ହେଲା ଯେ, ଦୁଇ ଦେଶର ସ୍ୱାର୍ଥକୁ ଦୃଷ୍ଟିରେ ରଖି ଏଭଳି ଏକ ଢ଼ାଂଚାଗତ ସହଯୋଗ ବ୍ୟବସ୍ଥା ସୃଷ୍ଟି କରାଯିବ ଯେଉଁଥିରେ କି ଉଭୟ ରାଷ୍ଟ୍ରକୁ ହାଇଡ୍ରୋକାର୍ବନ କ୍ଷେତ୍ରରେ ସମାନ ସୁବିଧା ମିଳିବ ।

ବୁଝାମଣା ଫ୍ରେମୱାର୍କ ଆଂଚଳିକ ଏବଂ ଉପ-ଆଂଚଳିକ ସ୍ତରରେ ହାଇଡ୍ରୋକାର୍ବନ ସହଯୋଗକୁ ବୃଦ୍ଧି କରିବ । ଏହି ବୁଝାମଣା ଦୁଇ ଦେଶର ଜନସାଧାରଣଙ୍କ ଆଶା ଓ ଆକାଂକ୍ଷା ଅନୁରୂପ ସହଯୋଗକୁ ବଢ଼ାଇବା ସହ ଦକ୍ଷିଣ ଏସିଆରେ ଶାନ୍ତି ଓ ସମୃଦ୍ଧିର ପଥକୁ ଉନ୍ମୁକ୍ତ କରିବ ।
ବୁଝାମଣା ଫ୍ରେମୱାର୍କର ଅବଧି ପାଞ୍ଚ ବର୍ଷ ରହିଥିବା ବେଳେ ଏହା କୌଣସି ପକ୍ଷ ପାଇଁ ବାଧ୍ୟବାଧକତା ରଖାଯାଇନାହିଁ ।