ভারতকী প্রধানমন্ত্রী

মসিগী পুৱারী ওইরবা থৌরম অসিদা শরুক য়াবীরিবা মন্ত্রীপরিসদকী ঐহাক্কী মরূপ শ্রী অমিত শাহ, শ্রী হরদীপ পুরী জী, মন্ত্রীমন্দলগী অতোপ্পা সদস্যশিং, আই.এন.এ.গী ত্রস্তী পুম্নমক, এন.দি.এম.এ.গী মীহুৎ পুম্নমক, জুরী মেম্বরশিং, এন.দি.আর.এফ., কোস্ত গার্দস অমদি আই.এম.দি.গী দাইরেক্তর জেনরেলশিং, আপদা প্রবন্ধন পুরস্কার মনা ফংলবা মরূপশিং, অতোপ্পা শক্নাইরবা পুম্নমক, ইচিল-ইনাও অমসুং ইচল-ইচেশিং!

ভারত ইমাগী অথৌবা মপারি, নেতাজী সুভাস চন্দ্র বোসকী ১২৫শুবা মপোক কুমওন্দা লৈবক পুম্বগী মায়কৈদগী ঙসি ঐহাক্না হন্না-হন্না খুরুমজরি। নুমিৎ অসি পুৱারী ওই, মতম অসিসু পুৱারী ওই অমদি মফম অসি, ঐখোয় পুম্নমক্না তিল্লরিবা মফম অসিসু পুৱারী ওই। ভারতকী লোকতন্ত্রগী খুদম ওইরিবা ঐখোয়গী সংসদ নক্না লৈরি, ঐখোয়গী এক্তিভিজম অমসুং পব্লিক লোয়েলতীগী খুদম ওইরিবা বিলদিং কয়া অমসু ঐখোয়গা লোয়ননা নক্না উরি, ঐখোয়গী থৌনা ফবা অথৌবশিংদা কত্থোক্লবা নেস্নেল ৱার মেমোরিএলসু নক্না লৈরে। পুম্নমক অসিগী মঙালদা ঙসি ঐখোয়না ইন্দিয়া গেৎতা আমৃৎ মহোতসব পাংথোক্লি অমদি নেতাজী সুভাসচন্দ্র বোসপু ইকোক নোন্না শ্রদ্ধানজলি কৎচরি। নেতাজী সুভাস, ঐখোয়দা ইন্দিপেন্দেন্ত অমসুং সোভরেন ভারতকী থাজবা পীবীরমখিবা অদুগুম্লবা মীওই, মহাক অদুনা য়াম্না চাউথোকচবগা লোয়ননা, অচৌবা আত্মবিশ্বসকা লোয়ননা, য়াম্না থৌনা ফনা অংগ্রেজকী শক্তিগী মাংদা হায়বীখি- “ঐহাক স্বতন্ত্রগী ভিখা লৌরোই, ঐহাক্না মসি শোইদনা ফংগনি।” ভারতকী লৈপাক লৈহাওদা অহানবা মনিং তম্বা সরকার লিংখৎখিবা মহাক অদু, ঐখোয়গী অদুগুম্লবা নেতাজীগী অচৌবা মীতম ঙসি দিজিতেলগী শক্লোনদা ইন্দিয়া গেৎকী নাক্তা খিল্লে। অথুবা মতমদা মসিগী হোলোগ্রাম মীতম অসিগী মফমদা গ্রেনাইতকী অচৌবা মীতমসু খিল্লগনি। মীতম অসি নিংতম্বগী অথোইবা অথৌবগী মফমদা লৈবাক অসিগী শ্রদ্ধানজলিনি। নেতেজী সুভাসকী মীতম অসি ঐখোয়গী দেমোক্রেতিক ইন্সতিত্যুসনশিংবু, ঐখোয়গী জেনরেসনশিংবু লৈবাক্কী থৌদাং অদু খংহল্লগনি, লাক্কদৌরিবা জেনরেসনশিংবু, হৌজিক্কী জেনরেসনবু লেপ্পা লৈতনা পুক্নিং থৌগৎলগনি।

মরূপশিং,

মমাং চহিদগী লৈবাক অসিনা নেতাজীগী জয়ন্তীবু পরাক্রম দিবসকী মওংদা পাংথোকপা হৌখি। ঙসি পরাক্রম দিবসকী তাঞ্জা অসিদা সুভাসচন্দ্র বোস আপদা প্রবন্ধন পুরস্কারসু লান্থোকখ্রে। নেতাজীগী পুন্সিদগী ইন্সপিরেসন লৌদুনা মনাশিং অসি পীননবা লাউথোকখিবনি। চহি ২০১৯দগী চহি ২০২২ ফাওবা, মতম অদুগী ৱিনর পুম্নমকপু, মীওই পুম্নমকপু, ঙসি ইকায় খুম্নবগী তাঞঢ্জা ফংলবা সংস্থান পুম্নমকপু ঐহাক্না হন্না-হন্না য়াইফ পাউজেল পীজরি।

মরূপশিং,

অদোম্না অরাং-খৌরাংবা মতমদা গুহা অমা তৌবা-হায়বা পাউরৌ অমা অসি হৌজিক ফাওবদা ঐখোয়গী লৈবাক অসিদা দিজাস্তর মেনেজমেন্তগী মতাংদা য়াম্না চুনরি৷ ঐনা রিপ্রজেন্ত তৌজরিবা কাশি লমদমদা অসুম্না হায়নবা লৈ: ভোজ ঘরি কোহরা রোপে, হায়বদি  ভোজকী মতম লাক্লবনিনা কোহর মনা-মশিং থাবা হৌবা৷ মদুদি, দিজাস্তর থোক্লবা মতম খক্তদা রেমিদিএল মিজরশিং এক্সপ্লোর তৌখি৷ মসি খক্ত নত্তনা, মীওই খরা খক্তনা খঙবা য়াম্না চমম্নবা সিস্তেম অমা লৈরমখি৷ চহি কয়া অমা, এগ্রীকল্চর দিপার্তমেন্তনা দিজাস্তরশিংগা থেংনদুনা লাক্লমখি৷ মসিগী চপ চাবা মরম অদুদি ইশিং-ইচাউশিং, নোং কন্না চুবা অমদি লেন তাবগা মরী লৈননা থোক্লক্লিবা ফিভম অসি থেংনবগী থৌদাং অসি লৌউ-শিংউ মন্ত্রালয়না লৌরমখি৷ অসিগুম্বা মখলগী দিজাস্তর মেনেজমেন্ত অসি লৈবাক অসিদা লেপ্প-লৈতনা চৎথদুনা লাকখি৷ অদুবু ২০০১গী গুজরাত্তা থোকখিবা য়ুহা য়াবগী থৌদোক অদু লৈবাক অসিবু অমুক নৌহৌননা ৱাখল খলহনখি৷ মদুনা দিজাস্তর মেনেজমেন্তগী ৱাহন্থোক অসি হোংদোকখি৷ দিপার্তমেন্তশিং অমদি মন্ত্রালয় পুম্নমক রিলিফ অমদি রেস্ক্যু ৱার্ক তৌনবা ঐখোয়না তকশিনখি৷ মতম অদুগী এক্সপরিয়েন্সশিং অদুদগী তমদুনা, ২০০৩দা গুজরাত স্তেত দিজাস্তর মেনেজমেন্ত এক্ত চৎনখি৷ দিজাস্তরশিংগা মরী লৈননা অসিগুম্বা লো অমা চৎনবা রাজ্য অসি ভারত্তা গুজরাতনা ইহান হানবা ওইখি৷ মতুং তারকপদা, কেন্দ্র সরকারনা গুজরাতকী লোশিং অসিদগী লৌশিং লৌদুনা অসিগুম্না মান্নবা দিজাস্তর মেনেজমেন্ত এক্ত অমা ২০০৫দা লৈবাক অসিগীদমক চৎনখি৷ নেস্নেল দিজাস্তর মেনেজমেন্ত ওথোরিতী শেমখিবা অসিসু লো অসিগী মখাদা খক্তনি৷ কোরোনা লান্থেংনবা মতমদা লো অসিনা লৈবাক অসিবু অদুক্কী মতিক মতেং পাংখি৷

মরূপশিং,

২০১৪দগী হৌদুনা, দিজাস্তর মেনেজমেন্তবু ইফেক্তিব ওইহন্নবা ঐখোয়গী সরকারনা নেস্নেলগী থাক্তা পাক-চাওরবা খোংথাংশিং লৌখৎখ্রে৷ ঐখোয়না রিলিফ, রেস্ক্যু, রিহেবিলিতেসন অমদি রিফোর্মদা মীৎয়েং চংখি৷ লৈবাক পুম্বদা ঐখোয়না এন.দি.আর.এফ.পু হেন্না মপাঙ্গল লৈহনখি, মতমগা চুননবা ওন্থোকখি অমদি চাওথোকহনখি৷ স্পেস তেক্নোলোজীদগী হৌদুনা প্লানিং অমদি মেনেজমেন্তদা ঐখোয়না খ্বাইদগী ফরবা থবকশিং পাংথোকখি৷ ঐখোয়গী এন.দি.আর.এফ., এস.দি.আর.এফ. অমদি সেক্যুরিতী ফোর্সশিংনা মখোয়গী পুন্সিবু পুথোক্তুনা মীওই খুদিংমক অমদি পুন্সি খুদিংমক কন্নবা হোৎনখি৷ মরম অদুনা, মসিগী থৌরম অসি এন.দি.আর.এফ. নত্রগা এস.দি.আর.এফ. পর্সোনেল নত্রগা ঐখোয়গী সেক্যুরিতী ফোর্সশিংবু ওইরবসু পুন্সিবু রিস্ক লৌদুনা থবক পাংথোক্লিবা মীওই খুদিংমক্তা ইকাই খুম্নবা অমদি তৌবিমল খঙবা উৎনবগী থৌরম্নি৷

মরপশিং,

করিগুম্বা ঐখোয়না ঐখোয়গী সিস্তেমশিং অসি লেপ্প-লৈতনা মপাঙ্গল লৈহল্লবদি, দিজাস্তরশিংবু থেংননবগী কেপাসিতী অদুসু অদুমক হেনগৎলক্কনি৷ করিগুম্বা ঐনা কোরোনা মতমগী চহি অমা নত্রগা চহি অনি অসি পনবা তারবদি, লাইনা-লাইচৎ অসিগী মনুং ফাওবদা তোঙান তোঙানবা কলামিতী কয়া অমা লৈখি অদুগা অমরোমদা, মফম কয়া অমদা য়ুহা হাবা অমদি ইশিং-ইচাউ থোকপগী থৌদোক কয়া অমা লৈখি৷ সাইক্লোনশিংনা ওরিশা অমদি ৱেস্ত বেঙ্গলা য়াওনা নোংপোক থংবা সমুদ্র মপানশিং অমদি গোৱা, মহারাস্ত্র অমসুং গুজরাত য়াওনা নোংচুপ থংবা সমুদ্র মপানশিংদা শোকহনখি৷ মমাংগী মতমদা, সাইক্লোন অমা থোকপা মতমদা, মীওই চা কয়া শিনরমখি অদুবু হৌজিক্কী মতম অসিদদি থোক্ত্রে৷ অনৌবা ফোর্স অমগা লোইননা চেলেঞ্জ খুদিংমক লৈবাক অসিনা পাউখুম পীখি৷ মসিনা মরম ওইদুনা, হায়রিবা দিজাস্তরশিং অসি থোকপা মতমদা, ঐখোয়না মীওইবগী পুন্সি খ্বাইদগী য়াম্না কনবা ঙমখিবনি৷ নহাশিংনা এন.দি.এম.এ.গী ‘অপদা মিত্র’গুম্বা স্কিমশিংগী শরুক ওইরক্লি অমদি থৌদাং লৌমিন্নরি৷ মসিনা হায়নিংলিবা অদুদি, মীয়াম্না শরুক য়াবগী চাং অসি হেনগৎলক্লি হায়বনি৷ করিগুম্বা মফম অমদা দিজাস্তর অমা হেক্তা থোকপা তারবদি, মীয়াম্না ভিক্তিমশিং ওইনা খক্তা লৈথোক্তে, মখোয়না ভোলুন্তিয়রশিং ওইদুনা দিজাস্ততর অদু মাইয়োক্নরি৷ মসিনা হায়নিংলিবা অদুদি, দিজাস্তর মেনেজমেন্ত অসি সরকারগী থৌদাং অমা খক্তা ওইদ্রে, মসি ‘সবকা প্রয়াস’কী মোদেল অমা ওইখ্রে হায়বনি৷

অমদি মরূপশিং,

‘সবকা প্রয়াস’কী মতাংদা ঐনা পল্লকপা মতমদা, মসিদা স্ফেয়র খুদিংমক্তা হোৎনবা; হোলিস্তিক এপ্রোচ অমা দরকার ওইরি৷ দিজাস্তর মেনেজমেন্তদা প্রাইয়োরিতী পীরিঙৈ মতমদা, ঐখোয়না ঐখোয়গী এজুকেসন সিস্তেমদা অহোংবা কয়া অমসু পুরকপা ঙমখ্রে৷ সিবিল ইঞ্জিনিয়রিং অমদি আর্কিতেকচর কোর্সশিংগী কুরিকুলমদা ইনফ্রাস্ত্রকচরগা মরী লৈনবা সবজেক্তশিং অমদি দিজাস্তর মেনেজমেন্তবু হাপচিন্নবা হোৎনরি৷ দাম ফেল ওইবদগী ওইহল্লক্লিবা ফিভমশিং অসি থেংননবা সরকার অসিনা দাম সেফতী এক্ত চৎনখ্রে৷

মরূপশিং,

করিগুম্বা মালেম অসিদা দিজাস্তর অমা হেক্তা থোকপা মতমদা, দিজাস্তর অদুদা চাওনা শেল মাংলিবা অসিগী মথক্তা অকি তুজুংনিংঙাই ওইরবা মওংদা শিখিবা অমদি ইবাক্বেসনশিং তৌরিবা অসিগী মতাংদা খন্ন-নৈনরি৷ অদুবু দিজাস্তর অমদা ইনফ্রাস্ত্রকচরগী অমাংবা অসিদি খল্লুবগী লোইবা নাইররোই৷ মসিনা মরম ওইদুনা, দিজাস্তরশিংগা মতমদা থেংনবা ঙম্বা ইনফ্রাস্ত্রকচর শেমগৎপগী য়াম্না তঙাই ফদবা লৈরে৷ ঙসিদি ভারতনা মাইকৈ অসিদা চংশিল্লক্লি৷ য়ুহা তোইনা হাবা, ইশিং-ইচাউ নত্রগা সাইক্লোন খ্বাইদগী চাং ৱানা থোকপা য়ানা লৈরিবা মফমশিংদা পি.এম. অৱাস. য়োজনাগী মখাদা শারিবা য়ুমশিং কলামিতীশিং অসিগী চেকশিন-থৌরাং লৌখৎলি৷

মরূপশিং,

দিজাস্তর রিসাইলেন্ত ইনফ্রাস্ত্রকচর অসি য়েংলগা, ভারতনা য়াম্না চাওবা ইন্সতিত্যুসন অমগী ৱাখল্লোন অদু মালেম অসিদা পীখ্রে৷ অদু সি.দি.আর.আই. – কোলিয়েসন ফোর দিজাস্তর রিসাইলেন্ত ইনফ্রাস্ত্রকচরনি৷ ভারতকী ইনিসিয়েতিব অসিদা ব্রিতেননা ঐখোয়গী মরু ওইবা পার্তনর অমা ওইখ্রে অমদি ঙসিদি মালেম অসিগী লৈবাক ৩৫না মসিদা চংশিনখ্রে৷ মালেমগী লৈবাক কয়া অমদা আর্মীশিংনা জোইন্ত মিলিতরী এক্সর্সাইস কয়া অমা পাংথোকপা ঐখোয়না উরে৷ ভারতকী দিজাস্তর মেনেজমেন্তগী এক্সপরিয়েন্স অসি ঐখোয়গী খক্তা নত্তে মসি মীওইবা জাতি পুম্বগীনি৷ ২০১৭তা ভারতনা সাউথ এসিয়া জিওস্তেসনরী কম্ম্যুনিকেসন সেতলাইত লোঞ্চ তৌখিবা অদু অদোম্না নিংশিংলমগনি৷ খা এসিয়াগী ঐখোয়গী মরূপ-মপাং ওইরিবা লৈবাকশিং অসিনা নোংজু-নুংশা অমদি কম্ম্যুনিকেসনগী ফিল্দদা কান্নবা লৌরি৷

মরূপশিং,

ফিভম অমা হেক্তবু ওইরবসু, ঐখোয়না থৌনা লৈরবদি, ঐখোয়না দিজাস্তরবু খুদোংচাবা অমদা ওন্থোকপা ঙমগনি৷ মসিনি নেতাজিনা নিংতম ইহৌগী মতমদা ঐখোয়দা পীবিরম্বা পাউতাক অদু৷ নেতাজিনা অসুম্না হায়বিরমখি: “নিংখা-তম্বা ভারতকী মংলানদা কৈদৌনুংদা থাজবা মাংবা তৌগনু৷ ভারতপু নিকহনবা ঙম্বা শক্তি অমতা মালেম অসিদা লৈতে৷” ঙসিদি নিং-তম্বা ভারত অমগী মংলানশিং মংফাওনবা ঙম্নবা ঐখোয়দা পান্দম অমা লৈরে৷ ২০৪৭, নিংতম্বা চহি চাম্মা শুরক্ত্রিবা ফাওবগী মমাংদা অনৌবা ভারত অমা শেমগৎনবগী পান্দম অদু ঐখোয়গী মীৎমাংদা তাদুনা লৈরে৷ লৈবাক অসিদা নেতাজিনা থম্লম্লিবা থাজবা অমদি মঙোন্দা ফাওরিবা ইহুল অদুগী মতুং ইন্না, পান্দম অসি ফংনবা হোৎনবদা ভারতপু অথিংবা পীবা ঙম্বা শক্তি অমতা মালেম অসিদা লৈতে হায়না ঐনা হায়বা ঙম্মী৷

ইচিল-ইনাও অমদি ইচল-ইচেশিং,

আজাদি কে অমৃৎ মহোতসবকী রিজোলুসনদি ভারতনা মশাগী আইদেন্দিতী অমসুং ইন্সপিরেসনশিং অদু অমুক হন্না হিংগৎহনগনি হায়বসিনি। নেতাজী সুভাসচন্দ্র বোসকী পুন্সীগা শম্নবা হেরিতেজ পুম্বসু লৈবাক অসিনা য়াম্না চাউথোকচনা য়োকখৎলি। নেতাজীনা অন্দমানদা মচু অহুমগী ফিরাল পাইহনখিবগী ৭৫শুবা পালন থৌরমদা অন্দমানগী ইথৎ অমগী মমিং মহাক্কী মমিং লৌদুনা থোনখ্রে। হন্দক দিসেম্বর মক্তদা অন্দমানদা য়াম্না অখন্নবা রিজোলুসন মেমোরিএল অমা নেতাজী সুভাস চন্দ্র বোসকীদমক কত্থোকখ্রে। মেমোরিএল অসি নেতাজীগা লোয়ননা নিংতম্বগীদমক মশাগী লৈজবা পুম্বা কত্থোকখিবা অদুগুম্লবা ইন্দিয়ান নেস্নেল আর্মীগী জৱানশিং অদুগীসু শ্রদ্ধানজলী অমনি। মসি ঐহাক্কী লাইবক ফবনি মদুদি হৌখিবা চহিদা, ঙসিগী নুমিৎ অসিমক্তদা ঐহাক কোলকতাদা নেতাজীগী মপা-মপুগী য়ুমদসু চৎচবগী তাঞ্জা ফংজখি। করম্বা মওং মতৌদা মহাক্না কোলকতাদগী থোকলকখিবা, মহাক্না ফমদুনা লাইরিক পাখিবা কা, মহাক্কী য়ুমগী সীরীশিং, মহাক্কী য়ুমগী চেকপলশিং, মদুবু য়েংজবা ফংখিবা, মদুগী এক্সপরিয়েন্স অদু ফোংদোক্নবা ৱাহৈ লৈতে।

মরূপশিং,

ঐহাক্না ২০১৮গী ওক্তোবর ২১গী নুমীৎ অদুসু কাওবা য়ারোই, নুমীৎ অদুদা আজাদ হিন্দ সরকার চহি ৭৫ মপুং ফাখি। লাল কিলাদা পাংথোকখিবা অখন্নবা থৌরমদা ঐহাক্না আজাদ হিন্দ ফৌজকী তুপী উপ্তুনা মচু অহুমগী ফিরাল পাইহনখি। মীকুপ অদু নুংঙাইবনা থনখি, মীকুপ অদু কাওঙম্লরোইদবা অমনি। ঐহাক নুংঙাইবা ফাওই মদুদি লাল কিলামক্তদা আজাদ হিন্দ ফৌজকা মরী লৈনবা মোনুমেন্ত অমদসু থবক পায়খৎলি। ২০১৯দা জনুৱারী ২৬কী পেরেদতা আজাদ হিন্দ ফৌজকী হান্নগী লান্মীশিংবু উরুরগা পুক্নিং মকা লামখিবা অদুসু ঐহাক্কী মমল নায়দ্রবা মেমোরী অমনি।

মরূপশিং,

নেতাজী সুভাসনা করিগুম্বা তৌগে হায়না খনখিবা অদু শক্তি অমত্তনা থিংবা ঙমখিদে। ঐখোয়না নেতাজী সুভাসকী ‘কেন দু, ৱিল দু’ স্পিরিৎতগী ইন্সপিরেসন লৌদুনা মাংলোমদা চংশিনগদবনি। মহাক্না মসি খংলম্মি মদুনবু ৱাফম অসি মতম পুম্নমক্তা হায়বীরম্মি। ঐখোয়না নেস্নেলিজমসু হিংহন্দুনা থমগদবনি। ঐখোয়না প্রদক্সনসু তৌগদবনি। অমদি নেস্নেল কন্সিয়সনেসসু মীকপ থোকহনদুনা থমগদবনি। ঐহাক্না থাজবা থম্লি মদুদি ঐখোয় অমত্তা ওইনা পুন্দুনা ভারতপু নেতাজী সুভাসকী মংলানগী ভারত ওইহনবদা মায় পাক্কনি। ময়াম পুম্নমকপু অমুক হন্না পরাক্রম দিবসকী য়াইফ পাউজেল পীজরি অমদি ঐহাক্না ঙসি এন.দি.আর.এফ., এস.দি.আর.এফ.কী মীওইশিংবুসু অখন্ননা নুংঙাইবা ফোংদোকচরি। মরমদি য়াম্না তেনখ্রবা মতমগী মনুংদা মখোয়না মশাগী শক্তম অদু তাকখি। ঐহাক্না পরাক্রম দিবসতা নেতাজীবু নিংশিংজদুনা, ঐহাক্না ন.দি.আর.এফ.কী জৱানশিংবু, মীনুংশি অমসুং সেন্সিতিবিতীগা লোয়ননা থবক তৌবগীদমক হন্ন-হন্না নুংঙাইবা ফোংদোকচরি। মখোয়বু তৌবিমল খংবা উৎচরি। অসিগুম্লবা মীওই পুম্নমকপু ইকোক নোন্না খুরুমজদুনা ঐহাক্না ময়াম পুম্নমকপুসু ঙসি পরাক্রম দিবসকী হন্না-হন্না য়াইফ পাউজেল পীজবগা লোয়ননা ঐহাক্কী ৱাফম লোইশিনজরি। হন্না-হন্না থাগৎচরি।

*****