প্রধান মন্ত্রী শ্রী নরেন্দ্র মোদিনা ২০২৬কি ওক্তোবর ৩০-৩১দা গুজরাত্তা চৎকনি।
ওক্তোবর ৩০দা, অয়ুক্কি পূং ৯:৩০দা প্রধান মন্ত্রীনা বনাসকান্থাদা লৈবা এম্ব্রায়ো ত্রান্সফর তেক্নোলোজি-ইন ভিত্রো ফর্তিলাইজেসন (ই.তি.-আই.ভি.এফ.) লেবোরেতরি অমসুং ভারত বোভিন ব্রিদিং অমসুং রিসর্চ সেন্তর (বি.বি.বি.আর.বি.)গী শা-সন ফার্মদা চৎকনি। চাওরাক্না অয়ুক পূং ১০:৩০দা বনাসকান্থাদা লুপা করোর ১৪,০০০ হেনবগী তোঙান তোঙানবা চাওখৎ-থৌরাংগী প্রোজেক্তশিং উরেপ-উয়ুং তমগনি, হৌদোক্কনি অমসুং জাতিগীদমক কত্থোক্কনি। মহাক্না পি.এম.-কিসানগী মখাদা লুপা করোর ১৯,০০০গী ২৪সুবা ইন্সতোলমেন্তসু রিলিজ তৌগনি, ত্রেন সর্ভিস অনি লমথাগনি অমসুং থৌরম অসিদা মীফম অদুদা ৱা ঙাংগনি।
মদুগী মতুংদা প্রধান মন্ত্রী কেভরিয়াগী এক্তা নগরদা চৎকনি। চাওরাক্না পূং ৫দা মহাক্না ভারত পর্ব ২০২৬ শঙ্গাগনি, চাওরাক্না পূং ৭:৪৫দা মহাক্না এক্তা প্রকাশ পর্ব, মতুংদা চাওরাক্না পূং ৮:১৫দা নর্মদা আর্তিগী শাক্ষি ওইগনি।
ওক্তোবর ৩১দা অয়ুক্কি পূং ৯ তাবদা প্রধান মন্ত্রীনা স্তেচু ওফ য়ুনিতিদা হৈকৎ-লৈকৎ তমগনি। মদুগী মতুংদা চাওরাক্না অয়ুক পূং ৯:১৫দা এক্তা নগরদা লুপা করোর ৪০০ হেনবগী তোঙান তোঙানবা চাওখৎ-থৌরাংগী প্রোজেক্তশিং উরেপ উয়ুং তমগনি অমসুং জাতিগীদমক কত্থোক্কনি। মতুং তারকপদা মহাক্না এক্তা নগরদা লৈবা রেন ফোরেস্ত অমসুং বমন বৃক্ষ বতিকাদা চৎকনি। চাওরাক্না নুমিদাং পূং ৫:৩০দা প্রধান মন্ত্রীনা সরদার ভল্লভভাই পতেলগী ১৫১সুবা মপোক কুমওন নিংশিংবা ওইনা পাঙথোক্কদৌরিবা রাস্ত্রীয়গী এক্তা দিৱসকী থৌরম পাংথোকপদা শরুক য়াগনি।
বনাসকান্থাদা পি.এম.
প্রধান মন্ত্রীনা গুজরাতকি বনাসকান্থাদা লৈবা ভিল্দিদা লৈবা ভারত বোভিন ব্রিদিং অমসুং রিসর্চ সেন্তর (বি.বি.বি.আর.বি.) জাতিগীদমক কত্থোক্কনি। একর ১২৭তা শন্দোক্তুনা লৈরিবা অসি অনৌবা মতমগী সেন্তর ওফ এক্সেলেন্স অমা ওইনা লিংখৎলে। বি.বি.বি.আর.বি.না বোভিন ব্রিদিং, জিনেতিক অপগ্রেদ তৌবা অমসুং অহোঙবা রিপ্রদক্তিব তেক্নোলোজিশিং মপাঙ্গল কনখৎহনগনি, মসিনা ব্রিদ ফগৎহনবদা শরুক ১০–২০ হেন্না য়াংশিলহল্লগনি। মসি কংগ্রেজ কেতল ব্রীদতা কত্থোক্লবা অসিগুম্বা মখলগী লৈবাক অসিগী অহানবা ফেসিলিতি ওইগনি।
প্রধান মন্ত্রীনা থারদ অমসুং রাধনপুরদা লৈবা বনস দাইরিগী বাইও-বি.এন.জি.গী প্লান্ত অনিগী উরেপ-উয়ুং তমগনি, মসিদা মথংশিৎনা নোংমদা ষন্থি মেত্রিক তন ৭৫ অমসুং সন-ঈরোয়শিং মেত্রিক তন ১০০ প্রোসেশিং তৌবগী কেপাসিতি লৈগনি।
প্রধান মন্ত্রীনা অহমদবাদ মেত্রো ফেজ-২এ (এয়রপোর্ত এক্সচেন্সন) অমসুং ফেজ-২বি (জি.আই.এফ.তি. ফেজ-২এ অসি কিলোমিতর ৬ হেন্না শাংগনি, মসিনা কোতেস্বর রোদতগী এয়রপোর্ত ফাওবা স্তেসন মঙা কোনশিনগনি, অদুগা ফেজ-২বিনা কিলোমিতর ৩.৩ হেন্না শাংগনি, মসিনা জি.আই.এফ.তি.সিতিদগী শাহপুর ফাওবগী স্তেসন অহুম কোনশিনগনি।
প্রধান মন্ত্রীনা চাওরাক্না লুপা করোর ২৬০০ গী অহমদবাদ-মেহসানা রোদ (স্তেত হায়ৱে-৪১) অসি লেন মরিদগী লেন ৮দা অপগ্রেদ তৌবা অমসুং মপাঙ্গল কনখৎহনবগী উরেপ-উয়ুং তমগনি। প্রোজেক্ত অসিনা অহমদবাদ অমসুং নোংপোক গুজরাতকি মরক্তা চত্থোক-চৎশিন তৌবদা য়াম্না থুনা, হেন্না শাফবা অমসুং হেন্না নুংঙায়বা ওইহল্লগনি।
প্রধান মন্ত্রীনা অনৌবা চাইল্দ ফ্রেন্দলি অঙ্গনৱাদি সেন্তর ৪০৩০গী উরেপ-উয়ুং তমগনি অমসুং গুজরাত্তা মপুঙ ফারবা চাইল্দ ফ্রেন্দলি অঙ্গনৱাদি সেন্তর ৩৬১ শঙ্গাগনি। লুপা কোতি ৮০০গী ইনভেস্তমেন্ত অমগা লোয়ননা ইনিসিয়েতিব অসিনা মিওই লাখ ৪ হেনবদা কান্নবা ফংহল্লগনি।
প্রধান মন্ত্রীনা এগ্রিকলচর ইনফ্রাস্ত্রকচর ফন্দগী মখাদা লোয়শিনখিবা প্রোজেক্ত ৫২১ জাতিদা কত্থোক্কনি, মসিদা চাওরাক্না লুপা করোর ৪৯৫০গী অপুনবা প্রোজেক্ত কোস্ত্ অমা য়াওগনি। প্রোজেক্তশিং অসিগী মনুংদা কোল্দ স্তোরেজ ফেসিলিতিশিং অমসুং কোল্দ চেনশিং, ৱেয়রহাউসশিং, শাইলোশিং, পোলিহাউসশিং অমসুং গ্রিনহাউসশিং, ইন্তিগ্রেতেদ প্রাইমারি অমসুং সেকেন্দরি প্রোসেশিং ফেসিলিতিশিং, অমসুং প্রাইমারি প্রোসেশিং সেন্তরশিং য়াওরি।
প্রধান মন্ত্রীনা সনাদারদা লৈবা আলু প্রোসেশিং প্লান্ত অসি চাওথোকহনবগী থবক হৌদোক্কনি অমসুং পালনপুরদা অলত্রা-হায়-তেম্পেরেচর (য়ু.ঐচ.তি.)গী পোত্থোকশিংগীদমক ওতোমেতেদ স্তোরেজ অমসুং রিত্রাইভল সিস্তেম (এ.এস.আর.এস.) কম্মিসন তৌগনি।
কনেক্তিবিতী কনখৎহল্লদুনা অহমদবাদ (শাবরমতি)-বরানসি এক্সপ্রেশ অমসুং মেহশানা-বেচারাজি-শাবরমতি মেমু ত্রেন সর্ভিশ প্রধান মন্ত্রীনা লমথাগনি৷
প্রধান মন্ত্রীনা লৈবাক শিনবা থুংনা লৈরিবা লৌমিশিংদা মখা তানা শেল-থুমগী তেঙবাং পিদুনা লুপা কোতি ১৯,০০০গী পি.এম.-কিসানগী ২৪সুবা ইন্সতোলমেন্ত রিলিজ তৌরগনি। মহাক্না এপ্রুব তৌরবা হোর্তিকলচর ক্লস্তর ১২গী মখাদা ওন-গ্রাওন্দ এক্তিবিতিশিং হৌরকপগী মতাঙদসু তাককনি। চাওরাক্না হেক্তর লাখ ১.৪৬ কোনশিল্লিবা ক্লস্তরশিং অসিনা লৌমি লাখ ১.৩ হেনবদা কান্নবা পিগনি হায়না পানরি। নোংপোক গুজরাতকি ক্লস্তর অনিনা আলুদা মিত্য়েং থমগনি।
একতা নগরদা পি.এম.
ওক্তোবর ৩০দা রাস্ত্রীয়গী এক্তা দিবস সেলেব্রেসনগী শরুক অমা ওইনা প্রধান মন্ত্রীনা এক্তা নগরদা ভারত পর্ব ২০২৬ শঙ্গাগনি। ভারতকি কলচরেল হেরিতেজ অমসুং নেস্নেল য়ুনিতিগী সেলেব্রেসন অমা ওইনা খনগত্লবা অমসুং এক ভারত শ্রেস্থ ভারতকি ৱাখল্লোনগী মশক তাকপা কুম্মৈ অসিনা রাজ্যশিং অমসুং য়ুনিয়ন তেরিতোরিশিংদা মখোয়গী তোপ তোপ্পা চৎনবিশিং, ফোল্ক পর্ফোমেন্সশিং, রিজনেল চাকচা-ইথকশিং, খুৎনা শাবা অমসুং লমকোয়বশিংগী পুক্নিং চিংশিননিংঙায় ওইবা মফমশিং উৎনবা প্লেৎফোর্ম অমা পিরগনি। কুহ্মৈ অসিনা এক্তা নগর অমসুং মসিগী অকোয়বদা লৈবা মফমশিংদা তুরিজম হেঙ্গৎহল্লগনি হায়না পানরি। মসি ২০২৬কি নবেম্বর ১৫ ফাওবা মখা চত্থগনি।
প্রধান মন্ত্রীনা ভারতকি অপুনবা, মখল-মখা কয়া, কলচরেল হেরিতেজ অমসুং খুমাং চাউখৎপবু নিংশিংবা মঙালগী কুম্মৈ অমা ওইরিবা এক্তা প্রকাশ পর্ব অসি উবা ফংগনি। ফেস্তিবেল অসিনা থিমেতিক ইলুমিনেসন অমসুং লাইতিং দিসপ্লেগী খুত্থাংদা এক্তা নগরদা নাইতোম্ তুরিজম্ প্রমোত তৌরি। মসিগী অচৌবা এৎরেকসন অনি লৈরি। মিতর ৫৩০ শাঙবা ভেলি ওফ ফ্লাৱর্স রোদ ইলুমিনেসন অসিনা ‘অরিবা ইন্দিয়াদগী মোদরন ইন্দিয়া ফাওবা’ থিম্ অসিনা ভারতকি নেস্নেল আইদােন্তিতি, শিভিলাইজেসন, নুপিশিংবু শক্তি পিবা, সেক্যুরিতি ফোর্স, তেক্নোলোজি, য়োগা অমসুং অঙাংশিংগীদমক ইমাজিনেতিব ওইবা তাইবং অমা উৎলি। মিতর ১৮০ শাঙবা গ্লো তনেল অসিনা ভারতকি লমদম মরিগী নাৎ, আর্কিতেকচর, খুনুং জগোয়, হেন্দিক্রাফ অমসুং পূন্সী মহিংগী থেংনরকখিবা এক্সপরিয়েন্স অমা পিরি। দিসপ্লেশিংদা এল.ই.দি. লাইত কোতি ১.৫ হেন্না শিজিন্নখ্রে, মসিদা লৈবাক অসিগী তোঙান তোঙানবা মফমশিংদগী আর্তিস্তশিংনা শাবা আর্তৱার্কশিং য়াওরি।
ওক্তোবর ৩১দা প্রধান মন্ত্রীনা এক্তা নগরদা লুপা করোর ৪০০ হেনবগী তোঙান তোঙানবা চাওখৎ-থৌরাংগী প্রোজেক্তাশিং জাতিগীদমক উরেপ-উয়ুং তমগনি, শঙ্গাগনি অমসুং জাতিগীদমক কত্থোক্কনি। হৌদোক্কদৌরিবা প্রোজেক্তশিংগী মনুংদা সিৱেজ অমসুং ৱাতর ত্রীত্মেন্ত প্লান্ত অমা, ফেশ লাইতিং, আই.আর.সি.তি.সি.গী হোতেল অমা ওইরিবা নর্মদা তোর্ব্বান ফগৎহনবা অমসুং এক্তা নগরদা লৈবা রেনফোরেস্ত, য়ুনিতি অমসুং ইকো ত্রেলনচিঙবা য়াওরি। প্রধান মন্ত্রীনা গোরা-ভন্দ্রা রোদ দিবলপমেন্ত য়াওনা তোঙান তোঙানবা প্রোজেক্তাশিংগী য়ুম্ফম থোনগনি; ইনতিগ্রেতেদ জিরো ৱেস্ত স্মার্ত সোলিদ ৱেস্ত মেনেজমেন্ত প্রোজেক্ত; খালৱানি ইকো তুরিজম দিবেলপমেন্ত; অতোপ্পা কয়াগী মরক্তা কেক্তস এন্দ বতরফ্লাই গারদেন্দা ইন্তিগ্রেতেদ দিবেলপমেন্ত তৌবা।
প্রধান মন্ত্রীনা সরদার ভল্লভভাই পতেলগী ১৫১সুবা মপোক কুমওন নিংশিংদুনা ২০২৬কি ওক্তোবর ৩১দা রাস্ত্রীয়গী এক্তা দিবস পাংথোকপদা শরুক য়াগনি।
এক্তা পেরেদনা সেন্ত্রেল আর্ম পুলিশ ফোর্সশিং (সি.এ.পি.এফ.শিং), স্তেত পুলিশ ফোর্সশিং অমসুং সেন্ত্রেল পুলিশ ওর্গনাইজেসনশিংগী দিসিপ্লিন, প্রোফেস্নেলিজম, থৌনা অমসুং কত্থোকপা উৎকনি। চহি অসিগী পেরেদ অসিনা লেফ-ৱিং এক্সত্রিমিজম থেংনবদা সেক্যুরিতি ফোর্সশিংনা ফংবা মায় পাকপশিং অমসুং মমাঙদা শোকহল্লবা মফমশিংবু শান্তি, সেক্যুরিতি অমসুং চাওখৎ-থৌরাংগী মায়কৈদা ওন্থোকপদা অখন্নবা মিত্য়েং চংগনি।
সেলেব্রেসনশিং অসিগী অচৌবা মশক অমা ওইনা নেস্নেল স্কুল ওফ দ্রমা (এন.এস.দি.)না শিনবা নক্সল মুক্ত ভারতকি মতাঙদা অখন্নবা নাৎকি ওইবা প্রজেন্তেসন অমা ওইগনি, মসিদা লেফ-ৱিং এক্সত্রিমিজমনা শোকহল্লবা জিলা ১২৬কি আর্তিস্ত ২০০০ রোম শরুক য়াগনি। নাৎকি ওইবা থৌরমশিংগী খুত্থাংদা আর্তিস্তশিংনা লমদমশিং অসিদা লৈরিবা খুন্নাইশিংনা থেংনরিবা খুদোংচাদবশিং অমসুং শান্তি, সেক্যুরিতি অমসুং চাওখৎ-থৌরাংগী মায়কৈদা মখোয়গী খোঙচৎ অদু উৎকনি।
তেব্লোশিং অমসুং কলচরেল পর্ফোমেন্সশিং অসি ভন্দে মাতরামদা য়ুম্ফম তৌগনি, মসিনা লৈবাক নুংশিবা, জাতিগী চাওথোকচবা অমসুং পুন্না লৈমিন্নবগী মমি তাগনি। তেবলশিং অসিদা মিয়ামগী অপাম্বশিং, রাজ্যশিং অমসুং য়ুনিয়ন তেরিতোরিশিংগী নাৎকী ইনাক খুনবা অমসুং মিয়ামগী চাওখৎ-থৌরাংগী খোঙচৎশিং উৎকনি।
ভারত শিনবা থুংনা চাওরাক্না আর্তিস্ত ৫,০০০ য়াওবা অচৌবা কলচরেল প্রজেন্তেসন অমনা লৈবাক অসিগী তোপ তোপ্পা ক্লাসিকেল অমসুং ফোক ত্রেদিসনশিং, ম্যুজিক, নাৎ অমসুং কলাগী হেরিতেজশিং নিংশিংগনি।
***
