ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଦିଲ୍ଲୀ ଉଚ୍ଚ ନ୍ୟାୟାଳୟର ୫୦ତମ ପ୍ରତିଷ୍ଠା ଦିବସ ଅବସରରେ ବିଗତ ପଚାଶ ବର୍ଷ ଧରି ନ୍ୟାୟାଳୟ ପାଇଁ ଅବଦାନ ଥିବା ବ୍ୟକ୍ତିମାନଙ୍କ ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।

ସେ କହିଥିଲେ ଯେ ଭାରତର ସମ୍ବିଧାନ ଅନୁଯାୟୀ ବିଭିନ୍ନ ବ୍ୟକ୍ତିମାନଙ୍କୁ ପ୍ରଦାନ କରାଯାଇଥିବା କାର୍ଯ୍ୟଗୁଡିକ ଠିକ୍ ଭାବେ ସମ୍ପାଦନ କରିବାର ଆବଶ୍ୟକତା ରହିଛି ।

୩୧ ଅକ୍ଟୋବରକୁ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ଜୟନ୍ତୀ ବୋଲି ଉଲ୍ଲେଖ କରି ପ୍ରଧାନମନ୍ତ୍ରୀ କହିଥିଲେ ଯେ ସର୍ଦ୍ଦାର ପଟେଲ ଜଣେ ଓକିଲ ଥିଲେ ଯିଏକି ରାଷ୍ଟ୍ର ପାଇଁ ତାଙ୍କ ଜୀବନ ଉତ୍ସର୍ଗ କରିଦେଇଥିଲେ । ଅଖିଳ ଭାରତ ପ୍ରଶାସନିକ ସେବା ଆରମ୍ଭ କରିବା ସହ ସର୍ଦ୍ଦାର ପଟେଲଙ୍କ ଅନ୍ୟ ଅବଦାନଗୁଡିକର ସେ ସ୍ମୃତିଚାରଣ କରିଥିଲେ ।

ପ୍ରଧାନମନ୍ତ୍ରୀ ବୈକଳ୍ପିକ ବିବାଦ ସମାଧାନ ବ୍ୟବସ୍ଥାକୁ ଅଧିକ ଦୃଢ କରିଥିବାରୁ ଆଇନ ସେବା ଗୋଷ୍ଠୀଙ୍କୁ ଶୁଭେଚ୍ଛା ଜଣାଇଥିଲେ । ନ୍ୟାୟପାଳିକା ସମ୍ମୁଖରେ ଆସୁଥିବା ଆହ୍ଵାନର ସମାଧାନ ହେତୁ ଭବିଷ୍ୟତର ଏକ ରୋଡମ୍ୟାପ ପ୍ରସ୍ତୁତ କରିବା ପାଇଁ ସେ କହିଥିଲେ ।