ভারতকী প্রধানমন্ত্রী

মসাচুসেতস ইন্সতিতুৎ ওফ তেক্নোলোজি( এম আই তি), স্কুল ওফ ইঞ্জিনিয়ারিংনা নিউ য়োর্কতা পাংথোকপা রাউন্দতেবল অমদা প্রধান মন্ত্রী শ্রী নরেন্দ্র মোদীনা তেক্নোলোজি ইন্দস্ত্রিশিংগী লুচিংবশিংগা ৱারি শান্নখ্রে। তেক-রাউন্দতেবল অদুনা আর্তিফিসিএল ইন্তিলিজেন্স অমসুং ক্বান্তম; বাইওতেক্নোলোজি অমসুং লাইফ সাইন্সেস; কম্পুতিং, আই.তি অমসুং কম্মুনিকেসন; অমসুং সেমিকন্দক্তর তেক্নোলোজিশিংদা মীৎয়েং থমখি।

ভারতকী মীয়াম য়াওনা মালেমগী মীয়াম নুংঙাই-য়াইফনবা হায়রিবা অৱাংবা থাক্কী তেক্নোলোজিশিংনা করম্বা থৌদাং লৌরিবগে হায়বা অমসুং নৌবা তেক্নোলোজিশিংগী মতাংদা মীফম শরুক য়াখিবা সি.ই.ওশিংগা প্রধান মন্ত্রীগা য়াম্না কুপ্না খন্নখ্রে। মালেমগী শেন্মিৎলোন অমসুং মীওইবগী চাউখৎপদা অচৌবা অওনবা পুরক্নবা কমদৌনা তেক্নোলোজিগী নৌবা থবকশিং শীজিন্নবগে হায়বগী মতাংদা মখোয়না শন্দোক্না তাকখি।

তেক্নোলোজিগী লুচিংবশিং মফম অমদা পুনহলবগীদমক এম.আই.তি স্কুল ওফ ইঞ্জিনিয়ারিং অমসুং মসিগী দিন প্রধান মন্ত্রীনা থাগৎপা ফোঙদোকখি। মহাক্না হায়খি তেক্নোলোজিগী মতেং পাংনবা অমসুং ইনিসিয়েতিপ ওন ক্রিতিকেল এন্দ ইমর্জিং তেক্নোলোজিস(আই সি ই তি)গুম্বগী থবকশিং অসি ইন্দিয়া-য়ু.এস কমপ্রেহেন্সিপ গ্লোবেল স্ত্রাতেজিক পার্তনরশিপকী মরুওইবনি। মহাক্কী অহুমশুবা তার্মদা মালেমদা অহুমশুবা খ্বাইদগী চাউবা ইকোনোমি ওইনবা ভারতনা হোৎনগনি। পুন্না থবক তৌমিন্ননবা অমসুং অনৌবা থবকশিং পায়খৎনবা কম্পেনিশিংনা ভারতকী চাউখৎপগী ৱারিগী খুদোংচাবশিং লৌগদবনি। মালেমগীদমক মখোয়না ভারত্তা পুন্না শেমগৎমিন্নবা, পুন্না দিজাইন তৌমিন্নবা অমসুং পুন্না শামিন্নবা য়াগনি। লোয়না ভারতকী শেন-থুম অমসুং তেক্নোলোজি চাউখৎলকপগী খুদোংচাবশিং লৌগদবনি। ইন্তেলেকচুএল  প্রোপর্তি ঙাক-শেন্নবা অমসুং তেক-ইন্নোবেসন য়োকখৎনবা ললোন-ইতিক্কী লুচিংবশিংদা ভারতনা অচেৎপা থাজবা পীরি।

প্রধান মন্ত্রীনা হায়খি ইলেক্ত্রোনিক্স অমসুং ইনফোর্মেসন তেক্নোলোজি মেনুফেকচরিং, সেমিকন্দক্তরশিং, বাইওতেক অমসুং গ্রিন দিবলপমেন্তগী লমদা ভারত্তা শেন-থুমগী অওনবা লাক্লে। ভারত অসি সেমিকন্দক্তর শাবগী মালেমগী মফম অমা ওইহন্নবা মহাক্কী সরকারনা থবক পায়খৎলে। ভারত বাইতেক পৱারহাওস অমা ওইনবা ভারতকী বাইও ই৩ পোলিসি লৈরে। মরম চানা অমসুং দাইত্ব লৈনা শীজিন্নদুনা, মীওই খুদিংমক্কী এ.আই য়োকখৎপা হায়বসি ভারতকী থৌশিলনি।

ভারত্তা শেন থাদনিংবা অমসুং পুন্না থবক তৌমিন্ননিংবগী অপাম্বশিং সি.ই.ওশিংনা ফোঙদোকখি। ভারত মালেমগী তেক্নোলোজিগী মফম অমা ওইরকপা, লৈবাক অসিগী ইন্নোবেসনগা চুনবা থৌশিলশিং অমসুং কৈথেলগী খুদোংচাবশিং অসি তেক্নোলোজিগী লুচিংবশিংনা থাগৎপা ফোঙদোকখি। স্তার্দঅপশিংদা শেন থাদবা অসি ভারত্তা অনৌবা তেক্নোলোজিশিং পুথোক্নবা খুদোংচাবা অমা ওইগনি হায়বা মখোয়না য়াখি।

রাউন্দতেবলগী চিয়ার লৌখিবা এম.আই.তি স্কুল ওফ ইঞ্জিনিয়ারিংগী দিন অমসুং  ইন্সতিতুৎকী চীফ ইন্নোবেসন অমসুং স্ত্রাতেজি ওফিসার, এম.আই.তি প্রোফেসার অনন্থ চন্দ্রকাসন্না প্রধান মন্ত্রী অমসুং সি.ই.ও শরুক য়াবগীদমক থাৎপা ফোঙদোকখি অমসুং মালেমগী য়াইফনবগীদমক তেক্নোলোজি চাউখৎনবা অমসুং মসি মীয়ামদা ফংহন্নবা এম.আই.তিগী থাজবা পীখি।

রাউন্দতেবল শরুক য়াখিবা সি.ই.ওশিংগী মমিং:

*****