ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ৱেস্ত বেঙ্গলগী কোলকাতাদা লুপা করোর ১৮,০০০ হেনবগী তোঙান তোঙানবা চাউখৎ-থৌরাংগী থবক কয়াগী উরেপ উয়ুং তমখ্রে অমসুং শঙ্গাখ্রে। মীয়াম তিনখিবা অদুদা ৱা ঙাংলদুনা প্রধান মন্ত্রীনা হায়খি, “ঙসি, কোলকাতাগী লমদমদগী, ৱেস্ত বেঙ্গল অমসুং নোংপোক ভারতকী চাউখৎপগী অনৌবা পন্দুপ অমা ইরি।”

প্রধান মন্ত্রীনা হায়খি মদুদি থৌরম অসিদা লম্বী, রেলৱেজ অমসুং পোর্ত ইনফ্রাস্ত্রকচরগা মরী লৈনবা লুপা করোর ১৮,০০০ হেনবগী প্রোজেক্তশিংগী উরেপ উয়ুং তমখ্রে অমসুং কত্থোকখ্রে। প্রোজেক্তশিং অসিনা ৱেস্ত বেঙ্গল অমসুং নোংপোক থংবা ভারত্তা অনৌবা শাহৌ পীগনি, ললোন-ইতিক অমসুং ইন্দস্ত্রীদা ইনোৎ পীরগনি অমসুং মীওই লাখ কয়াদা অনৌবা খুদোংচাবশিং ফংহন্দুনা মখোয়গী পুন্সি লায়থোকহল্লগনি হায়না মহাক্না অকনবা ৱাফম থমখি। মরুওইবা প্রোজেক্ত খরগী মতাংদা পল্লদুনা প্রধান মন্ত্রীনা হায়খি খারাগপুর মোরেগ্রাম এক্সপ্রেসৱে লোইশিনবনা নোংচুপ বেঙ্গলগী মফম কয়াদা শেন্মিৎলোনগী থবকশিং খুমাং চাউশিলহল্লগনি। মহাক্না দব্রাজপুর বাইপাস অমসুং কঙ্গসাবতী অমসুং শিলাবতী তুরেলগী মথক্তা শেমগৎলিবা মরু ওইবা থোংশিংসু পনখি। মসিনা কন্নেক্তিবিতী হেন্না ফগৎহনগনি। শ্রী মোদীনা হায়খি, “মসিগুম্বা ত্রান্সফোর্মেতিব প্রোজেক্তশিং অসিগীদমক ঐহাক্না ৱেস্ত বেঙ্গল অমসুং নোংপোক থংবা ভারতকী মীয়াম্বু থাগৎচরি।”

প্রধান মন্ত্রীনা হায়খি মদুদি ভারতকী রেলৱেজ মোদর্নাইজ তৌনবা লৈবাক শিনবা থুংনা অকনবা কেম্পেন অমা চত্থরি। মসিগী মিসন অসিদা ৱেস্ত বেঙ্গলসু শোত্থনা লৈহন্দবা হায়বা অসি সরকারগী অচেৎপা ফিরেপনি। কেন্দ্র সরকারনা নোংচুপ বেঙ্গলদা রেলৱে ইনফ্রাস্ত্রকচর য়াম্না থুনা পাকথোক চাউথোকহল্লি হায়না মহাক্না ফোংদোকখি। থৌরম অসিদা, কালাইকুন্দা-কানিমাহুলী সেক্সন্দা ওতোমেতিক ব্লোক সিগনেলিং সিস্তেম লৈবাক মীয়ামদা কত্থোকখ্রে। শ্রী মোদীনা হায়খি, “অসিগুম্বা খোঙথাংশিং অসিনা মী চিনবা রেলৱেজকী লম্বীশিংগী কেপাসিতী হেনগৎহনগনি, চৎথোক-চৎশিনবু হেন্না শাফবা ওইহল্লগনি, অমসুং পেসেঞ্জরশিংগীদমক স্পীদ অমসুং খুদোংচাবসু হেনগৎহল্লগনি।”

প্রধান মন্ত্রীনা অমৃত ভারত স্তেসনশিং ওইনা কামাখ্যাগুরি, অনারা, তামলুক, হাল্দিয়া, বরাভুম অমসুং সিয়ুরি স্তেসন তরুক শঙ্গাগনি হায়না লাউথোকখি। মহাক্না হায়খি মদুদি বেঙ্গলগী চাউরবা কলচর অসি হৌজিক্তি হায়রিবা স্তেসনশিং অসিদা হেন্না মঙাল থোকহল্লে, অমসুং অতোপ্পা স্তেসন কয়া অমসু নৌনা শেমগৎলক্লি। পুরুলিয়া অমসুং আনন্দ বিহার তর্মিনেলগী মরক্তা অনৌবা এক্সপ্রেস ত্রেন সর্ভিস অমা ফ্লেগ ওফ তৌখ্রে। শ্রী মোদীনা হায়খি, “মসিগী ত্রেন সর্ভিস অসিনা ৱেস্ত বেঙ্গলগী মীয়ামদা কান্নবা ফংহনবতা নত্তনা ঝারখন্দ, বিহার, উত্তর প্রদেশ অমসুং দিল্লীগী মীয়ামদসু কান্নবা ফংহনগনি।”

প্রধান মন্ত্রীনা অকনবা ৱাফম থমখি মদুদি পোর্তশিং অমসুং ৱাতর ত্রান্সপোর্ত অসি লম্বী অমসুং রেলগী কন্নেক্তিবিতীগা মান্ননা শেন্মিৎলোনগী খুমাং চাউশিলহনবদা মরু ওইবা থৌদাং অমা লৌরি। মহাক্না ফোংদোকখি মদুদি চহি তরাগী খুজিং কয়াগী মমাংদা, নোংপোক থংবা ভারতকী অসিগুম্বা অচৌবা পোতেন্সিএল অসি অয়াম্বনা উবা ফংখিদে, অদুবু ঙসিদি, ঈশিংগী লম্বীশিংনা ললোন-ইতিক অমসুং ইন্দস্ত্রীগী খুমাং চাউশিনবগী অনৌবা লম্বীশিং হাংলি। মসিগী মাইকৈ অসিদা, মরু ওইবা পোর্ত ইনফ্রাস্ত্রকচর প্রোজেক্তশিংগী উরেপ-উয়ুং তমখ্রে অমসুং কত্থোকখ্রে। প্রধান মন্ত্রীনা হায়খি মদুদি কোলকাতা অমসুং হাল্দিয়া পোর্তশিং অসি মতম কয়াগী মমাংদগী নোংপোক থংবা ভারতকী মরুওইবা ত্রেদ সেন্তরশিং ওইদুনা লাক্লি। হাল্দিয়া দোক কমপ্লেক্স মেকানিজমেন্ত তৌবনা কার্গো ওপরেসনশিং খুমাং চাউশিলহল্লগনি, পোর্ত কেপাসিতী হেনগৎহল্লগনি অমসুং ত্রেদকী অনৌবা খুদোংচাবশিং ফংহল্লগনি। মসিগী মথক্তা, কোলকাতা দোক সিস্তেমদা লৈবা বাস্কুল ব্রিজ শেমদোক-শাদোকপা অমসুং কিদ্দেরপুর দোক্তা কার্গো হেন্দলিং কেপাসিতী হেনগৎহনবগী থবকসু পায়খৎলি। “প্রোজেক্তশিং অসিনা নোংপোক থংবা ভারতকী লোজিস্তিক্স সিস্তেম হেন্না মপাঙ্গল কনখৎহল্লগনি” হায়না শ্রী মোদীনা ফোংদোকখি।

মহাক্কী লোইশিনবগী ৱারোলদা প্রধান মন্ত্রীনা হায়খি মদুদি লম্বী, রেলৱেজ অমসুং পোর্তশিংগা মরী লৈনবা অনৌবা প্রোজেক্তশিংনা নোংচুপ বেঙ্গলগী অনৌবা তুংলমচৎ অমগী লম্বী য়াৎলি। মহাক্না হায়খি মদুদি প্রোজেক্তশিং অসিগী কান্নবা অসি লৌমীশিং, ললোন-ইতিক তৌবা মীওইশিং, ওন্তপ্রিন্যুওরশিং, মহৈরোইশিং অমসুং খুন্নাইগী শরুক খুদিংমক্তা য়ৌরগনি। তুরিজমগুম্বা সেক্তরশিংদা অনৌবা খুদোংচাবশিং থোরক্কনি, অমসুং লোকেল ইন্দস্ত্রীশিং অমসুং সর্ভিসশিংনা অনৌবা থৌনা ফংগনি। প্রধান মন্ত্রীনা বেঙ্গলনা ভারতকী লম্বী তাকপদা লৌখিবা পুৱারী ওইরবা থৌদাং অদু নীংশিংখি। মপাঙ্গল কনবা কন্নেক্তিবিতী অমসুং মোদর্ন ইনফ্রাস্ত্রকচরনা চাউখৎলবা বেঙ্গল অমগী য়ুম্ফম ওইগনি হায়না মহাক্না থাজবা ফোংদোকখি। “ভারতকী লম্বীদা মতম পুম্নমক্তা লমজিংদুনা লাক্লিবা বেঙ্গল অসি অমুক হন্না ‘ভিক্সিৎ বেঙ্গল’ ওইদুনা মাগী মগুন অদু ফংবা হায়বসি ঐখোয়গী পান্দমনি” হায়না শ্রী মোদীনা হায়খি।

Speaking at the launch of development works in Kolkata. These initiatives will boost connectivity and improve the quality of life for people.
https://t.co/yMphItf5By

— Narendra Modi (@narendramodi) March 14, 2026

आज देश में रेलवे को आधुनिक बनाने का तेज अभियान चल रहा है।

हमारा ये संकल्प है कि पश्चिम बंगाल इस अभियान में पीछे न रहे।

इसीलिए, केंद्र सरकार, पश्चिम बंगाल के रेलवे इंफ्रास्ट्रक्चर का भी तेजी से विस्तार कर रही है: PM @narendramodi

— PMO India (@PMOIndia) March 14, 2026

कोलकाता और हल्दिया जैसे बंदरगाह लंबे समय से पूर्वी भारत में व्यापार के प्रमुख केंद्र रहे हैं।

हल्दिया डॉक कॉम्प्लेक्स का मशीनीकरण हो रहा है।

इससे कार्गो ऑपरेशन और तेज होगा, बंदरगाह की क्षमता बढ़ेगी और व्यापार के लिए नई सुविधा मिलेगी: PM @narendramodi

— PMO India (@PMOIndia) March 14, 2026

***