ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা জোর্দানগী নীংথৌ হিস মেজেস্তী অব্দুল্লা IIগা লোয়ননা ফোন্দা ৱারী শানদুনা কুহ্মৈগী য়াইফ পাউজেল পীনখি অমসুং লমদম অসিদা ওইরক্লিবা সেক্যুরিতীগী ফীভমগী মতাংদা খন্ন-নৈনখি।

প্রধান মন্ত্রীনা হিস মেজেস্তী নীংথৌ অব্দুল্লা IIগা ৱারী শানখি অমসুং ইদকী মাংজৌননা য়াইফ পাউজেল পীখি। খন্ন-নৈনবগী মনুংদা লুচিংবা অনিনা নোংচুপ এসিয়াদা ওইরক্লিবা ফীভম অসিদা নুংনাংবা ফোংদোকখি অমসুং লমদম অসিদা শান্তি, সেক্যুরিতী অমসুং স্তেবিলিতী অথুবা মতমদা অমুক হন্না হঞ্জিন্নবা দাইলোগ অমসুং দিপ্লোমেসীগী তঙাই ফদবা অদু পনখি।

প্রধান মন্ত্রীনা হায়খি মদুদি নোংচুপ এসিয়াগী ইনর্জী ইনফ্রাস্ত্রকচরদা চত্থরিবা এতেকশিং অসি নিন্দা তৌফম থোকই অমসুং মসিনা হেন্না ফীভম লুশিলহল্লকপা য়াই ফোংদোকখি। শ্রী মোদীনা হায়খি মদুদি ভারত অমসুং জোর্দাননা পোৎ-চৈ অমসুং ইনর্জীগী অথিংবা লৈতনা চৎথোক-চৎশিন তৌহন্নবগীদমক পুন্না লেপ্পী। প্রধান মন্ত্রীনা জোর্দাননা লমদম অসিদা পন্দুনা লৈরিবা ভারত মচাশিংবু ময়ুমদা শাফনা হলহনবদা মতেং পালিবা অসিগীদমক থমোয় শেংনা থাগৎপা ফোংদোকখি।

Xতা প্রধান মন্ত্রীনা ইখি:

“ঐহাক্কী ইনাও, জোর্দানগী নীংথৌ হিস মেজেস্তী অব্দুল্লা IIদা তেলিফোন্দা ইদকী মাংজৌননা য়াইফ-পাউজেল পীজখ্রে। নোংচুপ এসিয়াদা ওইরক্লিবা ফীভম অসিদা ঐখোয়না নুংনাংবা ফোংদোক্লি অমসুং লমদম অসিদা শান্তি, সেক্যুরিতী অমসুং স্তেবিলিতী অথুবা মতমদা অমুক হন্না হঞ্জিনহন্নবগীদমক দাইলোগ অমসুং দিপ্লোমেসীগী তঙাইফদবা অদু ঐখোয়না পনখি। নোংচুপ এসিয়াগী ইনর্জী ইনফ্রাস্ত্রকচরদা চত্থরিবা এতেকশিং অসি নিন্দা তৌফম থোকই অমসুং মসিনা হেন্না ফীভম লুশিলহল্লকপা য়াই। ভারত অমসুং জোর্দাননা পোৎলম অমসুং ইনর্জীগী অথিংবা লৈতনা ত্রাঞ্জিৎ তৌহনববু শৌগৎলি। লমদম অসিদা লৈরিবা ভারত মচাশিংবু শাফনা হল্লকপদা মতেং পাংলিবা জোর্দানগী খোঙথাংশিংবু থাগৎপা ফোঙদোকচরি।”

***