ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা হান্নগী প্রধান মন্ত্রী শ্রী চন্দ্র শেখরগী মপোক নুমিত্তা ইকায় খুম্নবা উৎখ্রে।

চহি অসি চন্দ্র শেখর জীগী চহি ১০০ মপুং ফারকপগী অহৌবনি হায়রদুনা, প্রধান মন্ত্রীনা হায়খি মদুদি মীৎকুপ অসি মহাক্না মঙলমবা চাওখৎপা অমসুং অচুম্বা চৎপা ভারত অমা শেমগৎনবা ফিরেপ অদু অমুক হন্না চেৎশিলহনবগী মতম্নি।

মহাক্কী পুন্সি ৱারী নীংশিংলদুনা, প্রধান মন্ত্রীনা হায়খি মদুদি চন্দ্র শেখর জী অসি থৌনা লৈবা, পুক্নিং চেৎপা অমসুং মীয়ামগী লৈঙাকপু মমল লৈনা লৌদুনা ফিরেপ চেৎনা লেপখিবা মীয়ামগী লুচিংবা অমা ওইনা নীংশিংনরি। ভারতকী লৈপাক লৈহাওদা চেৎনা মরা তাদুনা অমসুং মীচম মীয়ামগী অপাম্বশিং খঙবা লুচিংবা অমা ওইনা চন্দ্র শেখর জীনা মীয়ামগী পুন্সিদা অচমবা মওং অমসুং ময়েক শেংবা ফীভম পুরকখি হায়না মহাক্না ফোঙদোকখি‍।

প্রধান মন্ত্রীনা মহাক্না চন্দ্র শেখর জীগা উনবগী খুদোংচাবা ফংখিবা অমসুং লৈবাক অসিগী চাওখৎ থৌরাংগী মতাংদা ৱাখল্লোন ফোঙদোক্নখিবা থৌদোকশিং নীংশিংখি।

প্রধান মন্ত্রীনা ভারতকী নহারোলশিংদা ভারত চাওখৎনবগীদমক চন্দ্র শেখর জীনা থম্লম্বা ৱাখল্লোন অমসুং হোৎনজমনশিংগী মতাংদা হেন্না পানবা হায়খি‍।

X পোস্ত অমদা, শ্রী মোদীনা হায়খি;

“হান্নগী প্রধান মন্ত্রী চন্দ্র শেখর জীগী মপোক নুমিত্তা ইকায় খুম্নবা উৎচরি। চহি অসি মহাক্কী চহি ১০০ মপুং ফারকপগী অহৌবনি অমসুং মসি মহাক্না মঙলমবা চাওখৎপা অমসুং অচুম্বা চৎপা ভারত অমা শেমগৎনবা ঐখোয়গী ফিরেপ অদু অমুক হন্না চেৎশিলহনবগী মতম্নি। চন্দ্র শেখর জী অসি থৌনা লৈবা, পুক্নিং চেৎপা অমসুং মীয়ামগী লৈঙাকপু মমল লৈআ লৌবা ফিরেপ চেৎপা মীয়ামগী লুচিংবা অমা ওইনা নীংশিংনরি। ভারতকী লৈপাক লৈহাওদা চেৎনা মরা তাদুনা অমসুং মীচম মীয়ামগী অপাম্বশিং খঙবা লুচিংবা অমা ওইনা চন্দ্র শেখর জীনা মীয়ামগী পুন্সিদা অচমবা মওং অমসুং ময়েক শেংবা ফীভম পুরকখি‍। ঐহাক্না মহাক্কা উনবগী খুদোংচাবা ফংখিবা অমসুং লৈবাক অসিগী চাওখৎ থৌরাংগী মতাংদা ৱাখল্লোন ফোঙদোক্নখিবশিং অদু নীংশিংলি। ঐহাক্না ভারতকী নহারোলশিংদা ভারত চাওখৎনবগীদমক মহাক্না থম্লম্বা ৱাখল্লোন অমসুং হোৎনজমনশিংগী মতাংদা হেন্না পানবা হায়জরি।”

Tributes to former Prime Minister Chandra Shekhar Ji on his birth anniversary. This year marks the start of his 100th birth anniversary and is a time to reiterate our commitment to realising his vision for a prosperous and just India. Chandra Shekhar Ji is remembered as a mass… pic.twitter.com/Cf5P8k9n5I

— Narendra Modi (@narendramodi) April 17, 2026

***