ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলগী মীফমনা  শেনবা চহি ২০৩০-৩১ ফাওবা ইমপ্লিমেন্ত তৌনবা লুপা করোর ৮৪,০৮৪গী অয়াবা পীরবা শেনফম অমগা লোয়ননা পেত্রোলিয়ম অমসুং নেচরেল গ্যাস মন্ত্রালয়গী সেন্ত্রেল সেক্তর স্কিম অমা ওইরিবা ‘সমুদ্র মন্থন’ – নেস্নেল ওফশোর এক্সপ্লোরেসন স্কিম অয়াবা পীখ্রে।

স্কিম অসিনা ২০২৫গী নীংতম্বা নুমিৎতা লাল কিলাদগী ভারতকী অচৌবা সমুদ্রগী ইনর্জীগী পোতেন্সিএল ফংহন্নবা মতম অসিগা চুন্নবা সমুদ্র মন্থন অমগী মতাংদা ফোংদোকখিবা প্রধান মন্ত্রীগী ভিজন অদু উৎলি। মসিনা ভারতকী ইনর্জী সেক্যুরিতী মপাঙ্গল কনখৎহন্নবা, দোমেস্তিক এক্সপ্লোরেসন অমসুং প্রদক্সন খুমাং চাউশিলহন্নবা, তেক্নোলোজিকেল লিদরশিপ প্রমোৎ তৌনবা অমসুং বিক্সিত ভারতকী মীৎয়েং অসি মাংলোমদা পুখৎনবগী মায়কৈদা মরুওইবা খোঙথাং অমা ওইরি।

স্কিম অসিদা ওফশোর এক্সপ্লোরেসন ভেল্যু চেন পুম্নমক্তা লৌখৎপা খোঙথাংশিংগী মপুং ফাবা সেত অমা য়াওরি। মসিনা অৱাংবা থাক্কী সিস্মিক দেতা চাউনা লৌশিনবা, প্রোসেসিং তৌবা অমসুং ইন্তর্প্রেতেসন তৌবা, দীপৱাতর অমসুং অলত্রাদীপ এক্সপ্লোরেতরী দ্রাইভিং খোঙজেল য়াংখৎহনবা, ঙমখৈগী বেসিনশিংদা সাইন্তিফিক দ্রাইভিং, কম্মন ওফশোর প্রদক্সন অমসুং ইভাক্যুএসন ইনফ্রাস্ত্রকচর শেমগৎপা, অমসুং ইন্তিগ্রেতেদ ওইল অমসুং গ্যাস মেন্যুফেকচরিং অমসুং সর্বিস জোন অমা লিংখৎপা য়াহল্লি। মসিদা দিজিতেল প্রোগ্রাম মেনেজমেন্ত, কেপাসিতী বিল্দিং, তেক্নোলোজী এদোপ্ত তৌবা, স্তেকহোল্দরশিং য়াওহনবা অমসুং ইন্তর্নেস্নেল আউতরীচকীদমক্তা অখন্নবা প্রোভিজনশিংসু য়াওরি, মসিনা লৈবাক অসিদা ওফশোর এক্সপ্লোরেসন অমসুং প্রদক্সন য়াংখৎহন্নবা ইন্তিগ্রেতেদ ইকোসিস্তেম অমা শেমগৎলি।

সমুদ্র মন্থননা মিল্লিয়ন মেত্রিক তন  ওফ ওইল ইক্বিভেলেন্ত (এম.এম.তি.ও.ই.) ৬০০ হেনবগী রিজর্ব এক্রেসন কেতালাইজ তৌগনি, ওফশোর এক্সপ্লোরেশন এক্তিবিতী চাউনা হেনগৎহনগনি, দোমেস্তিক ওইল অমসুং গ্যাস পুথোকপা হেনগৎহনগনি, পাক-চাউনা থবক ফংহনগনি, মেক ইন ইন্দিয়া অমসুং আত্মনির্ভর ভারতকী মখাদা লমদম অসিদা মেন্যুফেকচরিং মপাঙ্গল কনখৎহনগনি অমসুং ওফশোর তেক্নোলোজীশিং অমসুং সর্ভিসশিংগীদমক মালেমগী থাক্তা চাংদম্নবা ঙম্বা ইকোসিস্তেম অমা শেমগৎকনি। স্কিম অসিনা ইন্দস্ত্রী, ইন্নোবেসন অমসুং শেন্মিৎলোন চাউখৎনবগীদমক অশাংবা মতমগী খুদোংচাবশিং শেমদুনা, এক্সপ্লোরেসন অমসুং প্রদক্সন ভেল্যু চেন পুম্বদা শেল থাদবা হেনগৎহল্লগনি হায়না পানরি।

ভারতনা চাউখৎলবা লৈবাক অমা ওইবগী মায়কৈদা খুমাং চাউশিল্লকপগা লোয়ননা, সমুদ্র মন্থন অসি লৈবাক অসিগী ওফশোর ইনর্জী রিসোর্সশিং ফংহন্নবা, অশাংবা মতমগী ইনর্জী সেক্যুরিতী মপাঙ্গল কনখৎহন্নবা, তেক্নোলোজিকেল কেপাসিতী হেন্না চেৎশিলহন্নবা অমসুং ইকোনোমী অমসুং তুংগী চারোন-শুরোনগীদমক তুং কোইনা চৎকদবা ভেল্যু অমা শেমগদবা ত্রান্সফোর্মেস্নেল নেস্নেল ইনিসিয়েতিব অমা ওইরি।

হৌখিবা চহি তরাগী খুজিং অসিদা সরকারনা অপস্ত্রীম সেক্তরদা অহোংবা পুরক্নবা রিফোর্মশিং পায়খৎলে। মসিগী মনুংদা এক্সপ্লোরেসনগীদমক্তা অখন্নবা সমুদ্রগী লম পুম্নমক হাংদোকপা, লেজিস্লেতিব অমসুং কন্ত্রেকচু্‌এল ফ্রেমৱার্ক মোদর্নাইজ তৌবা, অমসুং নেস্নেল দেতা রিপোজিস্তরী মপাঙ্গল কনখৎহনবা য়াওরি। রিফোর্মশিং অসিদা য়ুম্ফম ওইদুনা, সমুদ্র মন্থন অসিনা স্ত্রেতেজিক পব্লিক ইনবেস্তমেন্ত, অৱাংবা থাক্কী তেক্নোলোজী অমসুং মালেমগী থাক্কী ইনফ্রাস্ত্রকচরগী থোংদা ওফশোর এক্সপ্লোরেসনগী অনৌবা মতম অমা হৌরগনি।

****