ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি গুজরাতকী বনাসকান্থাদা লুপা করোর ১৪,০০০ হেনবগী চাউখৎ-থৌরাংগী প্রোজেক্তশিংগী উরেপ উয়ুং তমখ্রে, শঙ্গাখ্রে অমসুং জাতিদা কত্থোকখ্রে। নবরাত্রিগী মতুংদা ইমা অম্বাগী অশেংবা লমদমদা ৱা ঙাংলদুনা মহাক্না নুপীশিং, অঙাংশিং, লৌমীশিং অমসুং শা-ষন য়োক্লিবশিংগীদমক থৌরাং কয়া অমা হৌদোকখি। লৈবাক শীনবা থুংনা লৈরিবা অপীকপা লৌমী মিলিয়ন কয়াদা পি.এম. কিসান সম্মান নিধিগী অনৌবা ইন্সতোলমেন্তসু পীখি।

লৌমীশিং অমসুং অন্নদাতাশিংবু বিক্সিত ভারতকী খ্বাইদগী মপাঙ্গল কনবা য়ুম্বীশিংগী মরক্তা অমনি হায়না পল্লদুনা প্রধান মন্ত্রীনা হায়খি মদুদি সরকারনা মখোয়গী য়াইফনবা অমসুং শক্তি লৈহনবদা মতম পুম্নমক্তা অখন্নবা মীৎয়েং থম্লি। ২০১৩-১৪গা চাংদম্নবদা নেস্নেল এগ্রিকলচরেল বজেৎ অসি শরুক মঙা হেনগৎহনখ্রে। পি.এম. কিসান সম্মান নিধি অসি অপীকপা লৌমীশিংগী পুন্সিগী শরুক অমা ওইরক্লি হায়না পল্লদুনা মহাক্না হায়খি মদুদি গুজরাতকী লৌমী লাখ ৫০গী একাউন্তশিংদা লুপা করোর ১০০০ হেন্না দিপোজিৎ তৌখ্রে। মসিগী মনুংদা বনাসকান্থাগী লৌমী ইমুং লাখ কয়াগী লুপা করোর ৫০গী চাংদা দিপোজিৎ তৌখ্রে। প্রধান মন্ত্রীনা হায়খি, “ঙসিদা চাউরাক্না লৌমী করোর ১০গী একাউন্তশিংদা লুপা করোর ১৮গী শেনফম অমা থাখ্রে।”

হৌখিবা চহীশিংদা সরকারগী পোলিসীশিংনা লৌমীশিংগীদমক লুপা করোর লাখ ৫০ হেন্না ফংহনখ্রে নৎত্রগা কনবা ঙমখ্রে হায়না পল্লদুনা প্রধান মন্ত্রীনা মরুওইবা খুদম মঙাগী মনুংদা অহানবা খুদম পীরদুনা পি.এম. কিসান সম্মান নিধিগী মখাদা অপীকপা লৌমীশিংগী বেঙ্ক একাউন্তশিংদা লুপা করোর লাখ ৪.৫ রোম হকথেংননা ত্রান্সফর তৌখ্রে হায়খি। মহাক্না পনখি মদুদি অপীকপা লৌমীশিংনা লৌমী কাংলুপকী চাদা ৮৫ হেন্না শেম্মি অমসুং “ঐখোয়গী সরকারনা অসিগুম্বা অপীকপা লৌমীশিংগীদমক খল্লি অমসুং পি.এম. কিসান সম্মান নিধিগী খুত্থাংদা মখোয়দা মতেং পীরি”, হায়না শ্রী মোদীনা ফোংদোকখ্রে।

হৌখিবা চহি খরা অসিদা মালেমগী তংদু-লৈতদবগা লোয়ননা মালেমগী ফর্তিলাইজরগী মমলদা চাউনা হেনগৎলকপা অদু পল্লদুনা প্রধান মন্ত্রীনা মরুওইনা ফোংদোকখি মদুদি মহাক্কী লৌমীদা মীৎয়েং থম্বা সরকারনা লৌমীশিংবু মমল হেনগৎলকপদগী ঙাকথোক্লি। প্রধান মন্ত্রীনা হায়খি “সরকারনা মসিগীদমক চাউরাক্না লুপা করোর লাখ ১৬ চাদিং তৌখি”।

সরকারনা এম.এস.পি.গী ফিরেপ অদু মপুং ফাহনখি হায়না প্রধান মন্ত্রীনা ফোংদোকখি। “হৌখিবা চহি ১২দা, গম অমসুং ধানগী লৌমীশিংনা এম.এস.পি.গী ওইনা লুপা কোতি লাখ ২৪ হেন্না ফংখ্রে” হায়না শ্রী মোদীনা ফোংদোকখ্রে।

পি.এম. ফাসল বিমা য়োজনাগী খুত্থাংদা লৌমীশিংদা পীরিবা মপাঙ্গল কনবা ঙাকশেল অদু পল্লদুনা, প্রধান মন্ত্রীনা হায়খি মদুদি লৌমীশিংনা হৌখিবা চহি ১০-১২ অসিদা লুপা করোর লাখ ২গী চাংদা ক্রোপ ইন্সুরেন্সকী কম্পেন্সেসন ফংখ্রে। মসিগা লোয়ননা পি.এম.-কুসুম স্কিমগী পাকথোক চাউথোকপা থৌদাংগী খুত্থাংদা ইরিগেসনগী শেনফম হন্থহন্নবা লেপ্তনা হোৎনরি। স্কিম অসিগী মখাদা সোলর পম্প চাউরাক্না লাখ ১২ য়েন্থোকপনা অহেনবা ইলেক্ত্রিসিতী পুথোক্লে অমসুং লৌমী লাখ কয়ানা দিজল লিতর করোর ৮০ হেন্না লৈবগী শেনফম কনবা ঙম্লে, মসিনা অচৌবা স্কিম অমসুং ৱারেপ মঙা অসিদগী অপুনবা শেল-থুমগী কান্নবা লুপা করোর লাখ ৫০ য়ৌহল্লে। প্রধান মন্ত্রীনা হায়খি “লুপা করোর লাখ ৫০ অসিনা লৈবাক অসিগী লৌমীশিংগী শেন্থোক হেনগৎহল্লে অমসুং ভারতকী লৌউ-শিংউগী তৌবা ঙম্বসু হেনগৎহল্লে”।

লৌউ-শিংউ অসি ভারতকী চৎনবী অমসুং ভারতকী নাৎকী মরুওইবা শরুক অমনি হায়না পল্লদুনা প্রধান মন্ত্রীনা হায়খি মদুদি হৌখিবা চহি ১২ অসিদা সরকারনা লৌউ-শিংউ অমসুং শা-ষন য়োকপদা সাইন্স অমসুং তেক্নোলোজী পাক-শন্না পুনশিনখ্রে। মহাক্না সোইল হেল্থ কার্দ অসি মরুওইবা খুদম অমা ওইনা পনখি। মসিনা লৌমীশিংনা মখোয়গী লৌফমদা চঙগদবা ফর্তিলাইজরগী মখল অমসুং চাং খঙদোকপদা থেংনখিবা অৱাবা অদু কোকহনখি। মসিনা লৈবাক শীনবা থুংনা লৌউ-শিংউগী থবকশিং মোদর্নাইজ তৌখি। “ঙসিদি লৈবাক অসিগী লৌমীশিংদা সোইল হেল্থ কার্দ কোতি ২৬ হেন্না লৈরে” হায়না শ্রী মোদীনা হায়খি।

মহৈ-মরোং থাবশিংগীদমক হোংলক্লিবা নুংশিৎকী ফীভম অসিনা অচৌবা শিংনবা অমা ওইরি হায়বা খঙলদুনা প্রধান মন্ত্রীনা হায়খি মদুদি সরকারনা লৌমীশিংদা অনৌবা ক্লাইমেৎ রেসিলেন্ত সিদ মখলশিং ফংহন্নবা লেপ্পা লৈতনা হোৎনরি। “হৌখিবা চহী খরা অসিদা, মহৈ-মরোং মখল লিশিং অহুমগী মথক্তা লৌমীশিংদা ফংহনখ্রে” হায়না পি.এম. মোদীনা ফোংদোকখি।

লৌউ-শিংউবা অসি খুঙ্গংগী নুপীশিংনা চাউনা শরুক য়াবা খুঙ্গংগী শেন্মিৎলোনগী মরুওইবা মচাক অমনি হায়না পল্লদুনা প্রধান মন্ত্রীনা হৌখিবা চহী তরা অসিদা সাইন্স অমসুং তেক্নোলোজীবু দাইরী অমসুং শা-ষনগী সেক্তরদা পুনশিন্নবগী মতাংদা অকনবা ৱাফম থমখি। মহাক্না শন্দোক্না হায়খি মদুদি অৱাংবা থাক্কী শাগী ময়াৎশিংনা শঙ্গোমগী পোত্থোক্কী চাং হেনগৎহল্লি অদুগা মতম চানা ভেক্সিনেসন অমসুং মেদিকেল ত্রিৎমেন্ত তৌবনা লায়না নাদুনা শিবগী চাং হন্থহল্লি। “মসিনা তাকপদি, শা-ষন অসি হকচাং ফনা লৈরবদি, ঐহাক্কী শা-ষন য়োকপা ইচিল-ইনাওশিংগী শেন্থোকসু হেনগৎলগনি” হায়না শ্রী মোদীনা ফোংদোকখি।

লমদমসিগী শা-ষনশিং ঙাক-শেন্দুনা থম্বা অমসুং সাইন্তিফিক ওইবা মওংদা য়োকখৎপদা রাস্ত্রিয় গোকুল মিসনগী থৌদাং অদু পল্লদুনা প্রধান মন্ত্রীনা হায়খি মদুদি বনাসকান্থাদা নৌনা শাবা রিসর্চ সেন্তর অসিনা লমদমসিগী শা-ষনশিং হায়বদি গির, সাহিৱাল অমসুং কাংরেজ, মেহসানা, মুরাহ অমসুং জাফরাবাদিগুম্বা ইরোইগী ময়াৎশিং ঙাক-শেন্দুনা থম্বা অমসুং মগুন হেনগৎহন্দুনা মিসন অসিবু মপাঙ্গল কনখৎহল্লগনি, কাংরেজ ময়াৎকীদমক লৈবাক অসিগী অহানবা অসিগুম্বা ফেসিলিতী ওইনা থবক তৌরি। মহাক্না হায়খি মদুদি লৌমী অমনা পোত্থোক লৈবা, শেন্নবগী মথৌ তাদবা, হকচাং ফনা লৈবা ষনগীশিংদগী তুংগী মীরোলশিংদা ময়াৎ অসি শন্দোকপা পাম্লবদি, আই.ভি.এফ.গুম্বা অনৌবা তেক্নোলোজীশিংনা অৱাংবা থাক্কী ময়াৎশিং অদু শন্দোকপগী ওইথোকপা হেনগৎহল্লি। প্রধান মন্ত্রী মোদীনা হায়খি, “শা-ষন য়োক্লিবা লৌমীশিংনা মসিগী হকথেংননা কান্নবা ফংলগনি।”

ফুত এন্দ মাউথ দিজিগুম্বা লায়নাশিংদগী শা-ষনবু ঙাকথোকপা অসি মরুওইবা প্রাইওরিতী অমনি মরমদি অসিগুম্বা লায়নাশিং অসিনা শা-ষনগী হকশেল অমসুং শঙ্গোমগী পোত্থোক অনিমক্তা অকায়বা পী। হৌজিক ফাওবদা ভেক্সিন দোজ করোর ১৫০ কাপখ্রে হায়না মহাক্না ফোংদোকখি। মসিনা লৌমী করোর ৮ হেনবগী শা-ষনশিংদা লেম্না ভেক্সিনেসন তৌহনখ্রে। শ্রী মোদীনা হায়খি “মসিনা শা-ষন য়োক্লিবা লৌমীশিংগী শেলগী চৈথেংসু হন্থহল্লে।

দাইরী আউৎপুৎতা ইথিল পীরিবা থৌওংশিং অসিগী উবা ফংবগী মতাংদা পল্লদুনা প্রধান মন্ত্রীনা হায়খি মদুদি ২০১৩-১৪দা নোংমদা ষন নত্ত্রগা ইরোই অমগী শঙ্গোমগী পোত্থোক্কী চাংচৎ লিতর ৫গী মখাদা লৈরম্বা অদু ঙসিদি লিতর ৮দা হেনগৎখ্রে। মসিনা ভারতপু মালেমদা শঙ্গোমগী পোত্থোক হেনগৎপগী চাং খ্বাইদগী খোংজেল য়াংনা হেনগৎহল্লে অমসুং খুঙ্গংগী লৌমীশিংগী ইমুংশিংদা কান্নবা ফংহল্লে। “ভারত অসি শঙ্গোম পুথোকপদা মালেমদা নম্বর ৱান ওইরে” হায়না প্রধান মন্ত্রীনা ফোংদোকখি।

লাইবস্তোক ফার্মরশিংদা ষনথী অমসুং শঙ্গোমগী পোত্থোক্তগী শেন্থোক ফংহনবদা মতেং পাংনবা সরকারগী ৱারেপ অদু ফোংদোক্লদুনা, প্রধান মন্ত্রীনা হায়খি মদুদি ঙসি বাইও-সি.এন.জি. প্লান্ত অনিগী উরেপ-উয়ুং তম্বগী থৌরম পাংথোক্তুনা, বনাস দাইরীগুম্বা ইন্সতিত্যুসনশিংগী মরুওইবা মতেংগা লোয়ননা বাইও-গ্যাস, বাইও-সি.এন.জি. অমসুং ষনথী অমসুং মহৈ-মরোংগী লেমহৌবা মচাকশিংদগী ওর্গানিক ফর্তিলাইজর পুথোক্নবা ইনফ্রাস্ত্রকচর শেমগৎলি। মহাক্না শা-ষনগী হকচাং ফনা থম্নবা, শঙ্গোম পুথোকপা হেনগৎহনবা অমসুং ষনথী মপুং ফানা শীজিন্নহন্নবগী পান্দমদা অকনবা ৱাফম থমখি। শ্রী মোদীনা হায়খি, “ঐখোয়না শা-ষন য়োকপা অসি চৎনবী অমা ওইবতা নত্তনা লৌমীশিংগী শেন্থোক হেনগৎহন্নবা অমসুং খুঙ্গংশিংবু মপাঙ্গল কনখৎহন্নবা থৌরাং অমা ওইনা শেমগৎলি।”

সরকারনা হৌখিবা চহিশিংদা খুঙ্গংগী চাউখৎপা পুরক্নবা হোলিস্তিক এপ্রোচ অমগা লোয়ননা থবক তৌরি হায়না শন্দোক্না তাক্লদুনা, প্রধান মন্ত্রীনা ফিসরিজ সেক্তর পাকথোক চাউথোকহনবা অমসুং মসিগী মনুংদা কোওপরেতিবশিং প্রমোৎ তৌবগী মতাংদা পনখি। প্রধান মন্ত্রীনা হায়খি, “ভারতকী সিফুদ এক্সপোর্ত অসি শরুক অনি হেনগৎলে হায়বা খঙবদা অদোম নুংঙাইবা ফাওগনি।”

লৌমীশিংগীদমক অহেনবা শেন্থোক্কী অতোপ্পা মরুওইবা লম্বী অমা ওইনা বীকিপীংগী মতাংদা পল্লদুনা প্রধান মন্ত্রীনা হৌখিবা চহি ১২দা খোইহী পুথোকপা শরুক অনি হেনগৎলে হায়না পনখি অমসুং মাধু ক্রেন্তী অসি চৎথবদা নুপীশিংগী সেল্ফ হেল্প গ্রুপশিংনা লৌরিবা থৌদাংবু থাগৎপা ফোংদোকখি। শ্রী মোদীনা হায়খি, “ঐখোয়গী লৈবাক অসিনা মহৌশাগী ওইবা খোইহীগী অনিশুবা খ্বাইদগী চাউবা এক্সপোর্তর ওইরে হায়বা খঙবদা অদোম চাউথোকচবা পোক্কনি”।

মহাক্না অহানবা ওইনা ওক্তোবর ৭, ২০০১দা লৈঙাক্কী লুচিংবা ওইনা ৱাশক লৌখ্রবা মতুং ওক্তোবর ৭তা মহাক্না চহী ২৫ মপুং ফারকপা নীংশিংলদুনা, প্রধান মন্ত্রীনা মহাক্না সরকারগী ওফিসশিং নৎত্রগা ওফিসিএল ফাইলশিংগী মরমদা করিগুম্বা অমত্তা খঙদ্রিঙৈ মতম অদুদা গুজরাতি খুদিংমক্তগী মহাক্না ফংলকখিবা অপুনবা নুংশিবা অমসুং লমজিং-লমতাক অদুগী মতাংদা খন্নখি। মহাক্না লায়রবা ইমুং অমগী মীওই অমদা অহানবা ওইনা গুজরাত অমসুং লৈবাক অসিগী সেবা তৌবগী থৌদাং অদু পীবগীদমক মীয়ামদা থাগৎপা ফোংদোকখি। “অমসুং নুংশিবা অদুদগী হেন্না, গুজরাতি খুদিংমক্না ঐঙোন্দা তাকপী-তম্বীখি অমসুং অচুম্বা লম্বীদা লমজিংখি” হায়না প্রধান মন্ত্রীনা হায়খি।

মহাক্না মীয়ামগী সেবাগী খুত্থাংদা লৈবাক অসিগী সেবা তৌবগী অমসুং গুজরাতকী চাউখৎ থৌরাংগী খুত্থাংদা লৈবাক অসি চাউখৎহন্নবগী লমজিং-লমতাক অনিখক খঙলম্মি হায়না পল্লদুনা, অতোপ্পা পুম্নমক মীয়ামদগী তমহন্দুনা প্রধান মন্ত্রীনা লৈবাক অসিগীদমক মহাক্না ফংলিবা খুদোংচাবশিংগীদমক নাগরিকশিংদা থাগৎপা ফোংদোকখি। “মসিগীদমক্তা ঐহাক পুন্সি চুপ্পদা অদোমগী মফমদা থাগৎপা ফোংদোকচরি। অমসুং ঐহাক্কী পুন্সিগী অরোইবা মতম ফাওবদা অদোমগী সেবাদা লেপ্পা লৈতনা থৌদাং লৌখিগনি” হায়না শ্রী মোদীনা ফোংদোকখি।

চহি ২৫গী মমাংদা লমদম অসিদা ঈশিং অমসুং মৈগী অৱাবা মায়োক্নখিবা অদু চহী য়াম্লবা নাগরিকশিংদা নীংশিংহন্দুনা, প্রধান মন্ত্রীনা হায়খি মদুদি মীয়াম্না রিসোর্স অনিমক কঞ্জার্ব তৌনবা মহাক্কী আপিল অদু করম্না ইথিল পীখি অমসুং মখোয়গী ফিভমশিং অদু মপুং ফানা হোংদোকখি মদুদি অরিবা অৱাবা অদু হৌজিক্তি নিংশিংবা খক্তদা ঙাইরে। প্রধান মন্ত্রীনা হায়খি, “ঐহাক্না ঙসি অমুক হন্না অদোমদা হায়জনীংবদি ঐখোয়না ঈশিং অমসুং মৈ কনবা তাই।”

নর্মদাগী ঈশিং অমসুং দ্রিপ ইরিগেসনগুম্বা মোদর্ন তেক্নোলোজীশিংনা মতৌ করম্না বনাসকান্থাবু শেমদোকপা ঙমহনবগে অমসুং বনাস দাইরীনা কাশী অমসুং মসিগী ৱাংমদা কোওপরেতিব মুভমেন্ত পাকথোক চাউথোকহনবগা লোয়ননা মাগী আলুবু মালেমদা মমিং চৎহনবগে হায়বগী মতাংদা পল্লদুনা প্রধান মন্ত্রীনা হায়খি মদুদি আলুগী পোত্থোকশিং হেন্না ফংহন্নবা ফ্রেঞ্চ ফ্রাইস পুথোক্লিবা পোতেতোস প্লান্তগী কেপাসিতীসু হেনগৎহনখ্রে। শ্রী মোদীনা হায়খি, “মসি আলুগী লৌমীশিংগীদমক য়াম্না চাউবা খুদোংচাবা অমনি।”

মহৈ-মরোং অমসুং মনা-মশিং থাবশিংগীদমক হৌজিক চৎথরিবা ক্লস্তর দিবেলপমেন্ত প্রোগ্রামগী অকুপ্পা ৱারোল পীরদুনা, মসিগী মখাদা ঙসি খামেন অশিনবা, আলু, মোরোক, অঙ্গুর, লফোই, তিলহৌ, কোমলা, কম্ফোই অমসুং কোকুৱাগীদমক ক্লস্তর ১২ অয়াবা পীখ্রে। প্রধান মন্ত্রীনা হায়খি মদুদি লৌমীশিংনা অনৌবা মহৈ-মরোং থাবগীদমক অমসুং অরিবা মহৈ-মরোংশিং অমুক হন্না শেমগৎনবগীদমক সবসিদী ফংলি। পি.এম. মোদীনা হায়খি “অৱাং গুজরাততা ফংলিবা ক্লস্তর অনি অসিনা বনাসকান্থা অমসুং সবারকান্তাগী আলুগী লৌমীশিংদা চাউনা কান্নবা ফংহল্লগনি”।

গুজরাতকী চাউখৎ থৌরাংগীদমক ঙসি শঙ্গাখিবা নত্রগা হৌদোকখিবা মরুওইবা ইনফ্রাস্ত্রকচর প্রোজেক্ত কয়া পল্লদুনা, প্রধান মন্ত্রীনা অহমদাবাদ-ভরানসী সবরমতী এক্সপ্রেস অমসুং মেহসানা-বেচারাজী-সবরমতী মেমু ত্রেন, অহমেদাবাদ মেত্রো পাকথোক চাউথোকহনবগা লোয়ননা জি.আই.এফ.তি সিতি অমসুং এয়রপোর্তকা শম্নগদবা মেত্রো প্রোজেক্তশিংগী উরেপ উয়ুং তম্বগী থৌরম হৌদোকখিবগী মতাংদা পনখি। শ্রী মোদীনা হায়খি, “অহমদাবাদ-মৈহসানা হাইৱে অসি হৌজিক্তি লেন মরিগী মহুত্তা লেন নিপানগী ওইগদৌরি।”

রাজ্য অসিগী অঙাংশিংগীদমক্তা ঙসি হৌদোকখিবা অনৌবা সোসিএল ৱেলফেয়র ইনফ্রাস্ত্রকচর অদু পল্লদুনা প্রধান মন্ত্রীনা হায়খি মদুদি গুজরাত শিনবা থুংনা হৌজিক্কী মতমগী অঙ্গনৱাদি ৪,০০০ হেন্না হৌদোকখ্রে। “মসিনা অঙাং লাখ ৪ অমসুং মীরোনবী মমাশিংদা কান্নবা ফংহল্লগনি” হায়না প্রধান মন্ত্রীনা ফোংদোকখি।

লৌমী, নহারোল, ইচিন-ইনাও অমসুং মচানুপী খুদিংমক্না বিক্সিত ভারতকী ৱারেপ লৌদুনা মাংলোমদা চংশিন্নবগা লোয়ননা অসিগুম্বা চাউখৎ-থৌরাংগী থবক খুদিংমক চাউখৎলবা ভারত অমা শেমগৎনবা পান্দম থম্লি হায়না পল্লদুনা প্রধান মন্ত্রীনা হায়খি মদুদি লাইবক থিবদি ইলিমেন্ত খরনা চাউখৎপা অসি পামদে, অমসুং লৈবাক অসিনা অৱাবা তাবা উবা পাম্মি। শ্রী মোদীনা হায়খি, “লৈবাক অসিদা খুদোংচাদবা থোকপা মতমদা মখোয় নুংঙাইবা ফাওই।”

ইরান অমসুং গল্ফ লৈবাকশিংগী অকোইবদা চত্থরিবা লান অসি ভারতনা ফীভম অসি থেংননবা অমত্তা ওইনা লেপখিবা অদুগী ইকুই কুইদ্রিবা খুদম অমা ওইনা পল্লদুনা, ফর্তিলাইজরগী অৱাৎপা লৈবগী মতাংদা লৌমীশিংবু অমসুং গ্যাস সপ্লাইগী মতাংদা নুপীশিংবু অকিবা পোকহন্নবা তোকঙাশিং শন্দোরকপা মতমদা, প্রধান মন্ত্রীনা হায়খি মদুদি মখোয়গী থৌরাং অসি লৈবাক অসিদা চরাংনবা থোকহন্দুনা মহাকপু মীংচৎ থিহনবনি। পি.এম. মোদীনা হায় “ভারতনা মসিগী মায়োক্তা অমত্তা ওইনা লান্থেংননবা হোৎনরিঙৈদা, হায়রিবা মীওইশিং অসিনা অরানবা ৱাফমশিং শন্দোক্লি।”

লৌমীশিংদা মহাক্না মখোয়গীদমক লেপকনি হায়না মহাক্না অচেৎপা থাজবা পীখিবা অদু লৌমীশিংদা নীংশিংলদুনা প্রধান মন্ত্রীনা হায়খি মদুদি সরকারনা হৌজিক চত্থরিবা লান অসি লৈরবসু লৌউ-শিংউগী পোৎলমশিংগী অৱাৎপা লৈহন্দনবা হোৎনরি।

লান অসিনা মালেমগী ওইনা ফর্তিলাইজর অমসুং রো কেমিকেলগী মমল হেনগৎহনখি হায়না পল্লদুনা প্রধান মন্ত্রীনা হায়খি মদুদি সরকারনা ভারতকী লৌমীশিংবু অৱাবা অসিদগী ঙাকথোকখি। মালেমগী ওইনা লুপা ৩০০০ চংগদবা য়ুরিয়াগী বেগ অমা ভারত্তা লুপা ৩০০গী মখাদা অমসুং মালেমগী ওইনা লুপা ৫০০০ হেনবা দি.এ.পি.গী বেগ অমা লুপা ১৩৫০দা পীখি। প্রধান মন্ত্রীনা হায়খি “লৈবাক অসিনা মতেং অসি ঐখোয়গী লৌমীশিংবু শক্তি লৈহন্নবা অমসুং লৌমীশিংগী পুন্সি মহিং হেন্না ফগৎহন্নবা পীরি”।

ভারতকী খোঙজেল য়াংনা চাউখৎলক্লিবা অসিনা তংদু লৈতাদবা মালেম অসিদা অনৌবা আশা অমা পীরি অমসুং এক ভারত, শ্রেস্ত ভারতকী লম্বীদা লেপ্পা লৈতনা চৎপা মথৌ তাই হায়বা ৱাফম থম্লদুনা প্রধান মন্ত্রীনা হায়খি মদুদি ওক্তোবর ৩১ অসি নেস্নেল য়ুনিতী দেনি। শ্রী মোদীনা হায়খি, “ঐহাক্না লৈবাক অসিগী মীওই পুম্নমকপু, মরু ওইনা ঐহাক্কী নহা ওইরিবা মরুপশিংবু, হয়েং অয়ুক্কী রন ফোর য়ুনিতীদা থৱাই য়াওনা শরুক য়ানবা হায়জরি।”

ওক্তোবর ৩১দা এক্তা নগরদা চত্থগদবা চহীগী ওইবা য়ুনিতী ফেস্তিবেলগী মতম হোংদোকপগী মতাংদা পল্লদুনা প্রধান মন্ত্রীনা হায়খি মদুদি চহী অসিগী থৌরম অসি হয়েং নুমিদাং ৱাইরম পুং ৫.৩০দা পুলিস অমসুং সেক্যুরিতী ফোর্সকী পেরেদ অমসুং তেবলিয়ুগা লোয়ননা শিংথানিংঙাই ওইনা পাংথোক্কনি। মহাক্না কাশ্মীরদগী কন্যাকুমারী অমসুং কচ্ছদগী কামাখ্যা ফাওবা নাগরিকশিংদা থৌরম অসিদা শরুক য়ানবা অমসুং সরদার পতেলগী মফমদা ইকায় খুম্নবা উৎনবা হায়খি। “হায়জরিবা অসিগা লোয়ননা, হন্না-হন্না ময়াম পুম্নমকপু চাউখৎ-থৌরাংগী থবকশিং অসিগীদমক য়াইফ-পাউজেল পীজরি” হায়না পি.এম. মোদীগী ৱারোল লোইশিনখি।

From farms and dairy to infrastructure and connectivity, Banaskantha is making new strides in development. https://t.co/PCTYAW27DN

— Narendra Modi (@narendramodi) October 30, 2026

हमारे किसान, हमारे अन्नदाता, विकसित भारत के सबसे मजबूत स्तंभों में से एक है।

और हमारी सरकार ने हमेशा किसानों के कल्याण को, किसानों को सशक्त करने को प्राथमिकता दी है: PM @narendramodi

— PMO India (@PMOIndia) October 30, 2026

पशुपालन हमारी ग्रामीण अर्थव्यवस्था का महत्वपूर्ण अंग है।

इसमें हमारी बहनों की बहुत बड़ी भागीदारी है।

बीते दशक में हमने पशुपालन और डेयरी सेक्टर में भी विज्ञान और टेक्नोलॉजी के इस्तेमाल पर जोर दिया है: PM @narendramodi

— PMO India (@PMOIndia) October 30, 2026

हम पशुपालन को केवल परंपरा नहीं बल्कि किसान की आमदनी बढ़ाने और गांवों को समृद्ध बनाने का मजबूत साधन बना रहे हैं: PM @narendramodi

— PMO India (@PMOIndia) October 30, 2026

जीवन के अंतिम क्षण तक… आपकी सेवा में ही जुटा रहूंगा: PM @narendramodi in Banaskantha

— PMO India (@PMOIndia) October 30, 2026

***