ಪಿಎಂಇಂಡಿಯಾ

ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು ಇಂದು 80ನೇ ಸ್ವಾತಂತ್ರ್ಯ ದಿನಾಚರಣೆಯ ಸಂದರ್ಭದಲ್ಲಿ ಕೆಂಪುಕೋಟೆಯ ವೇದಿಕೆಯಿಂದ ರಾಷ್ಟ್ರವನ್ನುದ್ದೇಶಿಸಿ ಭಾಷಣ ಮಾಡಿದರು. ವಂದೇ ಮಾತರಂನ 150ನೇ ವರ್ಷವನ್ನು ಆಚರಿಸುವಾಗ ದೇಶಾದ್ಯಂತ ಪ್ರತಿ ಹೃದಯದ ಬಡಿತ ಮತ್ತು ಮನೆ ತ್ರಿವರ್ಣ ಧ್ವಜದ ಚೈತನ್ಯ ಮತ್ತು ಹೊಸ ಸಂಕಲ್ಪಗಳೊಂದಿಗೆ ಪ್ರತಿಧ್ವನಿಸುತ್ತದೆ ಎಂದು ಹೇಳಿದ  ಅವರು ತಮ್ಮ ಹೃತ್ಪೂರ್ವಕ ಶುಭಾಶಯಗಳನ್ನು ತಿಳಿಸಿದರು. “ತ್ಯಾಗದ ಮಹಾನ್ ಸಂಪ್ರದಾಯವನ್ನು ಜಾಗೃತಗೊಳಿಸಿದ ಎಲ್ಲಾ ಸ್ವಾತಂತ್ರ್ಯ ಹೋರಾಟಗಾರರು ಮತ್ತು ಮಹಾನ್ ಕ್ರಾಂತಿಕಾರಿಗಳಿಗೆ ನಾನು ಗೌರವಪೂರ್ವಕವಾಗಿ ನಮಿಸುತ್ತೇನೆ” ಎಂದು ಶ್ರೀ ಮೋದಿ ಹೇಳಿದರು.

ಇತ್ತೀಚಿನ ತೀವ್ರ ಪ್ರವಾಹ ಮತ್ತು ಭೂಕುಸಿತದಿಂದ ಸಂತ್ರಸ್ತರಾದ ನಾಗರಿಕರ ಜೊತೆ ತಾವಿದ್ದೇವೆ ಎಂಬ  ಆಳವಾದ ಒಗ್ಗಟ್ಟನ್ನು ವ್ಯಕ್ತಪಡಿಸಿದ ಪ್ರಧಾನಮಂತ್ರಿಯವರು, ಈ ಸಂಕಷ್ಟದ ಸಮಯದಲ್ಲಿ ರಾಷ್ಟ್ರವು ಅಚಲ ಬೆಂಬಲವನ್ನು ನೀಡುತ್ತದೆ ಎಂದು ಭರವಸೆ ನೀಡಿದರು. “ಸಂತ್ರಸ್ತ ಕುಟುಂಬಗಳ ದುಃಖ ಮತ್ತು ನೋವಿನಲ್ಲಿ ನಾವು ಮತ್ತು ಇಡೀ ದೇಶವು ಅವರೊಂದಿಗೆ ದೃಢವಾಗಿ ನಿಲ್ಲುತ್ತೇವೆ ಎಂದು ನಾನು ಭರವಸೆ ನೀಡುತ್ತೇನೆ” ಎಂದು ಶ್ರೀ ಮೋದಿ ದೃಢವಾಗಿ ನುಡಿದರು.

ರಾಷ್ಟ್ರೀಯ ಶ್ರೇಷ್ಠತೆಯ ಮೂಲಭೂತ ತತ್ವಗಳನ್ನು ಒತ್ತಿ ಹೇಳಿದ ಪ್ರಧಾನಮಂತ್ರಿಯವರು, ಒಂದು ರಾಷ್ಟ್ರವು ತನ್ನ ಸ್ವಂತ ಆಕಾಂಕ್ಷೆಗಳು ಮತ್ತು ದೃಢವಾದ ಸಾಮರ್ಥ್ಯಗಳನ್ನು ಅವಲಂಬಿಸಿದಾಗ ಮಾತ್ರ ನಿಜವಾದ ಸಾಧನೆಯನ್ನು ಮಾಡಬಹುದು ಎಂದು ಪ್ರತಿಪಾದಿಸಿದರು. “ಯಾವುದೇ ರಾಷ್ಟ್ರವು ತನ್ನ ಕನಸುಗಳು ಮತ್ತು ಸಂಕಲ್ಪಗಳ ಶುದ್ಧ ಶಕ್ತಿಯ ಮೇಲೆ ಮುನ್ನಡೆದಾಗ ಅದು ಶ್ರೇಷ್ಠವಾಗುತ್ತದೆ ಮತ್ತು ತನ್ನ ಗುರಿಗಳನ್ನು ಸಾಧಿಸುತ್ತದೆ” ಎಂದು ಶ್ರೀ ಮೋದಿ ಹೇಳಿದರು.

ರಾಷ್ಟ್ರೀಯ ಪರಿಧಿಯನ್ನು ವಿಸ್ತರಿಸುವ ವಿಸ್ತಾರವಾದ ದೃಷ್ಟಿಕೋನಗಳ ಸಲುವಾಗಿ ಸಣ್ಣ ಮಹತ್ವಾಕಾಂಕ್ಷೆಗಳನ್ನು ತ್ಯಜಿಸುವಂತೆ ನಾಗರಿಕರಿಗೆ ಮನವಿ ಮಾಡಿದ ಪ್ರಧಾನಮಂತ್ರಿಯವರು, ದೃಢ ಸಂಕಲ್ಪವು ಸ್ವಾಭಾವಿಕವಾಗಿ ಬಿಕ್ಕಟ್ಟುಗಳ ಮೂಲಕ ಸಾಗುವ ಶಕ್ತಿಯನ್ನು ನೀಡುತ್ತದೆ ಎಂದು ವಿವರಿಸಿದರು. “ನಿರ್ಣಯವು ದೃಢವಾಗಿದ್ದಾಗ, ವಿಪತ್ತುಗಳ ಸಂದರ್ಭದಲ್ಲಿ ಮಾರ್ಗಗಳನ್ನು ಕಂಡುಕೊಳ್ಳುವ ಸಾಮರ್ಥ್ಯವು ಸ್ವಯಂಚಾಲಿತವಾಗಿ ಹೊರಹೊಮ್ಮುತ್ತದೆ” ಎಂದು ಶ್ರೀ ಮೋದಿ ಹೇಳಿದರು.

ಮಹತ್ವಾಕಾಂಕ್ಷೆ ಮತ್ತು ವಾಸ್ತವಿಕ ಸಾಮರ್ಥ್ಯದ ನಡುವಿನ ನೇರ ಸಂಬಂಧವನ್ನು ವಿವರಿಸಿದ ಪ್ರಧಾನಮಂತ್ರಿಯವರು, ಉನ್ನತ ಕನಸುಗಳು ಅಂತರ್ಗತವಾಗಿ ರಾಷ್ಟ್ರೀಯ ಪ್ರಯತ್ನಗಳ ಒಟ್ಟಾರೆ ಪ್ರಮಾಣ ಮತ್ತು ಸಂಪೂರ್ಣ ಎತ್ತರವನ್ನು ಹೆಚ್ಚಿಸುತ್ತವೆ ಎಂದು ಒತ್ತಿ ಹೇಳಿದರು. “ಕನಸುಗಳು ಮತ್ತು ನಿರ್ಣಯಗಳು ಹೆಚ್ಚಾದಾಗ, ನಮ್ಮ ಸಾಮರ್ಥ್ಯದ ಸಂಪೂರ್ಣ ಎತ್ತರವೂ ಹೆಚ್ಚಾಗುತ್ತದೆ” ಎಂದು ಶ್ರೀ ಮೋದಿ ಹೇಳಿದರು.

ಸ್ಮರಣೀಯ ರಾಷ್ಟ್ರೀಯ ದೃಷ್ಟಿಕೋನವನ್ನು ಘೋಷಿಸಿದ ಪ್ರಧಾನಮಂತ್ರಿಯವರು, 2047ರ ವೇಳೆಗೆ ದೇಶವನ್ನು ಸಂಪೂರ್ಣ ಅಭಿವೃದ್ಧಿ ಹೊಂದಿದ ರಾಷ್ಟ್ರವಾಗಿ ಪರಿವರ್ತಿಸುವ ದೃಢ ಸಂಕಲ್ಪವನ್ನು ಘೋಷಿಸಿದರು, ಇದು ಭಾರತದ ಅಪಾರ ಧೈರ್ಯ ಮತ್ತು ಸಾಮರ್ಥ್ಯವನ್ನು ಗುರುತಿಸಲು ಜಗತ್ತನ್ನು ಆಗ್ರಹಿಸುತ್ತದೆ ಎಂದರು.  “140 ಕೋಟಿ ದೇಶವಾಸಿಗಳ ಕಠಿಣ ಪರಿಶ್ರಮದಿಂದ, ಸ್ವಾತಂತ್ರ್ಯದ 100ನೇ ವರ್ಷದ ವೇಳೆಗೆ ನಾವು ಖಂಡಿತವಾಗಿಯೂ ವಿಕಸಿತ ಭಾರತವನ್ನು ನಿರ್ಮಿಸುತ್ತೇವೆ” ಎಂದು ಶ್ರೀ ಮೋದಿ ಪ್ರತಿಪಾದಿಸಿದರು.

ಎಲ್ಲಾ ಜನಸಂಖ್ಯಾ ವಿಭಾಗಗಳ ಸಾಮೂಹಿಕ ಸಮರ್ಪಣೆಯನ್ನು ಗುರುತಿಸಿದ ಪ್ರಧಾನಮಂತ್ರಿಯವರು, ಕಳೆದ 12 ವರ್ಷಗಳಲ್ಲಿ ಮಾನವ ಸಬಲೀಕರಣ ಮತ್ತು ಆರ್ಥಿಕ ಪರಿವರ್ತನೆಯ ಕುರಿತು ಸಮಗ್ರ ವರದಿ ಪತ್ರವನ್ನು ಪ್ರಸ್ತುತಪಡಿಸಿದರು, 25 ಕೋಟಿ ನಾಗರಿಕರು ಬಡತನವನ್ನು ಸೋಲಿಸಿದ್ದಾರೆ ಮತ್ತು ಭಾರತವು ‘ದುರ್ಬಲ ಐದು’ ರಾಷ್ಟ್ರದಿಂದ ವೇಗವಾಗಿ ಬೆಳೆಯುತ್ತಿರುವ ಪ್ರಮುಖ ಆರ್ಥಿಕತೆಯಾಗಿ ಪರಿವರ್ತನೆಗೊಂಡಿದೆ ಎಂದು ಒತ್ತಿ ಹೇಳಿದರು. “ಪ್ರತಿಯೊಬ್ಬ ನಾಗರಿಕರು ದೇಶವನ್ನು ಹೊಸ ಎತ್ತರಕ್ಕೆ ಕೊಂಡೊಯ್ಯಲು ಸಂಪೂರ್ಣ ಸಮರ್ಪಣಾ ಭಾವದಿಂದ ಸಾಧ್ಯವಿರುವ ಎಲ್ಲ ಪ್ರಯತ್ನಗಳನ್ನು ಮಾಡಿದ್ದಾರೆ” ಎಂದು ಶ್ರೀ ಮೋದಿ ದೃಢಪಡಿಸಿದರು.

ವೇಗದ  ಕೊರತೆ ಎಂಬ ದುರಂತವು ಅವಕಾಶಗಳನ್ನು ಕಳೆದುಕೊಳ್ಳುವಂತಾದ  ಜಾಗತಿಕ ನಿಶ್ಚಲತೆಗೆ ಕಾರಣವಾದ ಹಿಂದಿನ ಅವಕಾಶಗಳನ್ನು ಪ್ರತಿಬಿಂಬಿಸಿದ ಪ್ರಧಾನಮಂತ್ರಿಯವರು, ವೇಗದಲ್ಲಿ ಅಗಿರುವ ಅದ್ಭುತ ಬದಲಾವಣೆಯನ್ನು ಉತ್ಸಾಹದಿಂದ ಉಲ್ಲೇಖಿಸಿದರು. ಜನರ ಸಾಮೂಹಿಕ ಸಂಕಲ್ಪವನ್ನು ಈಗ ಸಂಪೂರ್ಣವಾಗಿ ತಡೆಯಲಾಗದು ಎಂದು ಒತ್ತಿ ಹೇಳಿದರು. “ಭಾರತವು ನಂಬಲಾಗದ ಹೊಸ ವೇಗವನ್ನು ಪಡೆದುಕೊಂಡಿದೆ, ಮತ್ತು 140 ಕೋಟಿ ದೇಶವಾಸಿಗಳ ಸಾಮರ್ಥ್ಯವನ್ನು ತಡೆಯುವುದು ಈಗ ಅಸಾಧ್ಯ” ಎಂದು ಶ್ರೀ ಮೋದಿ ಹೇಳಿದರು.

ಕಳೆದ 12 ವರ್ಷಗಳಲ್ಲಿ ಉತ್ಪಾದನೆ, ಡಿಜಿಟಲ್ ಬೆಳವಣಿಗೆ ಮತ್ತು ನಾಗರಿಕ ವಿತರಣೆಯಲ್ಲಿ ಭಾರತದ ಪ್ರಗತಿಯ ವಿವರವಾದ ವರದಿ ಕಾರ್ಡ್ ನ್ನು ಪ್ರಸ್ತುತಪಡಿಸಿದ ಪ್ರಧಾನಮಂತ್ರಿಯವರು, ರಕ್ಷಣಾ ಉತ್ಪಾದನೆಯು ಸುಮಾರು 4 ಪಟ್ಟು ಹೆಚ್ಚಾಗಿದೆ, ಖಾದಿ ಮತ್ತು ಗ್ರಾಮೋದ್ಯೋಗಗಳು 5 ಪಟ್ಟು ಹೆಚ್ಚಾಗಿವೆ, ಎಲೆಕ್ಟ್ರಾನಿಕ್ಸ್ ಉತ್ಪಾದನೆಯು ಸುಮಾರು 7 ಪಟ್ಟು ವಿಸ್ತರಿಸಿದೆ, ರೈಲ್ವೆ ಕೋಚ್ ಉತ್ಪಾದನೆ 21 ಪಟ್ಟು ಹೆಚ್ಚಾಗಿದೆ ಮತ್ತು ಮೊಬೈಲ್ ಫೋನ್ ಉತ್ಪಾದನೆ 33 ಪಟ್ಟು ಹೆಚ್ಚಾಗಿದೆ ಎಂದು ಒತ್ತಿ ಹೇಳಿದರು. ಡಿಜಿಟಲ್ ನಾವೀನ್ಯತೆಯಲ್ಲಿ, ಇಂಟರ್ನೆಟ್ ಗ್ರಾಹಕರು 4 ಪಟ್ಟು ಹೆಚ್ಚಾಗಿದ್ದಾರೆ, ಪೇಟೆಂಟ್ ಅನುದಾನ 4 ಪಟ್ಟು ಹೆಚ್ಚಾಗಿದೆ ಮತ್ತು ಡಿಜಿಟಲ್ ವಹಿವಾಟುಗಳು 100 ಪಟ್ಟು ಹೆಚ್ಚಾಗಿವೆ, ಇವಲ್ಲದೆ ಮೂಲಭೂತ ಸೌಕರ್ಯಗಳಲ್ಲಿ ನೀರಿನ ಸಂಪರ್ಕಗಳ  ವೇಗ 15 ಪಟ್ಟು ಹೆಚ್ಚಾಗಿದೆ., ಎಲ್ಪಿಜಿ ಸಂಪರ್ಕಗಳು 6 ಪಟ್ಟು ವೇಗವಾಗಿ ವಿಸ್ತರಿಸುತ್ತಿವೆ, ಶೌಚಾಲಯಗಳನ್ನು 4 ಪಟ್ಟು ವೇಗವಾಗಿ ನಿರ್ಮಿಸಲಾಗಿದೆ, ಪಕ್ಕಾ ಮನೆಗಳನ್ನು 3 ಪಟ್ಟು ವೇಗವಾಗಿ ನಿರ್ಮಿಸಲಾಗಿದೆ ಮತ್ತು ನೂರಾರು ಬಳಕೆಯಲ್ಲಿಲ್ಲದ ಕಾನೂನುಗಳನ್ನು ರದ್ದುಪಡಿಸಲಾಗಿದೆ. “ಅನೇಕ ಬೃಹತ್ ಸಾಧನೆಗಳು ನಮ್ಮ ಮುಂದಿರುವಾಗ, ವಿಕಸಿತ ಭಾರತವಾಗುವ ಸಂಕಲ್ಪವು ಎಂದಿಗೂ ಈಡೇರದೆ ಉಳಿಯಲು ಸಾಧ್ಯವಿಲ್ಲ” ಎಂದು ಶ್ರೀ ಮೋದಿ ಪ್ರತಿಪಾದಿಸಿದರು.

ದೃಢವಾದ ಸ್ವಾವಲಂಬನೆ ಮತ್ತು ರಾಷ್ಟ್ರೀಯ ಹೆಮ್ಮೆಯ ಸಂಪೂರ್ಣ ಅಗತ್ಯವನ್ನು ಒತ್ತಿ ಹೇಳಿದ ಪ್ರಧಾನಮಂತ್ರಿಯವರು, ಅಗ್ಗದ ವಿದೇಶಿ ಆಮದನ್ನು ಅವಲಂಬಿಸುವ ಕಲ್ಪನೆಯನ್ನು ದೃಢವಾಗಿ ತಿರಸ್ಕರಿಸಿದರು, ಬದಲಿಗೆ ಪ್ರಬಲ ದೇಶೀಯ ಸಾಮರ್ಥ್ಯಗಳನ್ನು ಸಕ್ರಿಯವಾಗಿ ನಿರ್ಮಿಸುವ ಉಪಕ್ರಮಗಳನ್ನು ಪ್ರತಿಪಾದಿಸಿದರು. “ನಾವು ನಮ್ಮ ಸ್ವಂತ ಸಾಮರ್ಥ್ಯಗಳನ್ನು ವ್ಯವಸ್ಥಿತವಾಗಿ ಹೆಚ್ಚಿಸಿಕೊಳ್ಳಬೇಕು ಮತ್ತು ನಮ್ಮ ಸ್ವಂತ ಹಿತಾಸಕ್ತಿಗಳನ್ನು ಸುರಕ್ಷಿತವಾಗಿ ಕಾಪಾಡಿಕೊಳ್ಳಬೇಕು” ಎಂದು ಶ್ರೀ ಮೋದಿ ದೃಢವಾಗಿ ನುಡಿದರು.

ದೇಶದ ಕ್ಷಿಪ್ರ ತಾಂತ್ರಿಕ ಪ್ರಗತಿಯನ್ನು  ಮತ್ತು ಸ್ವಾವಲಂಬನೆಗಾಗಿ ಆಕ್ರಮಣಕಾರಿ ಉತ್ತೇಜನವನ್ನು ವಿವರಿಸಿದ ಪ್ರಧಾನಮಂತ್ರಿಯವರು, ಸೆಮಿಕಂಡಕ್ಟರ್ಗಳ ನಿರ್ಣಾಯಕ ಜಾಗತಿಕ ಮಹತ್ವವನ್ನು ಎತ್ತಿ ತೋರಿಸಿದರು ಮತ್ತು ಪ್ರಮುಖ ಪ್ರಗತಿ ವರದಿಯನ್ನು ಪ್ರಸ್ತುತಪಡಿಸಿದರು, ಮೂರು ದೇಶೀಯ ಸ್ಥಾವರಗಳು ಈಗಾಗಲೇ ಕಾರ್ಯನಿರ್ವಹಿಸುತ್ತಿವೆ ಮತ್ತು ಜಾಗತಿಕ ಮಾರುಕಟ್ಟೆಗಳಿಗೆ ಚಿಪ್ಗಳನ್ನು ರಫ್ತು ಮಾಡುತ್ತಿವೆ ಎಂದು ಹೆಮ್ಮೆಯಿಂದ ಘೋಷಿಸಿದರು, ಜೊತೆಗೆ 7 ರಿಂದ 8 ಹೊಸ ಉತ್ಪಾದನಾ ಸೌಲಭ್ಯಗಳು 1 ರಿಂದ 2 ವರ್ಷಗಳಲ್ಲಿ ಕಾರ್ಯಾರಂಭ ಮಾಡಲಿವೆ ಎಂಬ ಪ್ರಮುಖ ನೀತಿ ಘೋಷಣೆಯನ್ನು ಮಾಡಿದರು. “ಈ ಸ್ವಾವಲಂಬಿ ಭಾರತವು ವಿಕಸಿತ ಭಾರತದ ದಿಕ್ಕಿನಲ್ಲಿ ವೇಗವಾಗಿ ಸಾಗಲು ನಮಗೆ ಸಂಪೂರ್ಣ ಹೆದ್ದಾರಿಯನ್ನು ನೀಡುತ್ತದೆ” ಎಂದು ಶ್ರೀ ಮೋದಿ ಪ್ರತಿಪಾದಿಸಿದರು.

ಸಂಪನ್ಮೂಲ ಭದ್ರತೆಯ ಕಾರ್ಯತಂತ್ರದ ಅಗತ್ಯವನ್ನು ಒತ್ತಿ ಹೇಳಿದ ಪ್ರಧಾನಮಂತ್ರಿಯವರು, ಬಜೆಟ್ನಲ್ಲಿ ಘೋಷಿಸಲಾದ ರಾಷ್ಟ್ರೀಯ ನಿರ್ಣಾಯಕ ಖನಿಜಗಳ ಮಿಷನ್ ಮತ್ತು ಕ್ರಿಟಿಕಲ್ ಮಿನರಲ್ಸ್ ಕಾರಿಡಾರ್ ನ ಪ್ರಾರಂಭವನ್ನು ವಿವರಿಸಿದರು, ವ್ಯಾಪಕವಾದ ಅಂತರರಾಷ್ಟ್ರೀಯ ಒಪ್ಪಂದಗಳು ಭಾರತವನ್ನು ಜಾಗತಿಕವಾಗಿ ವಿಶ್ವಾಸಾರ್ಹ ಪಾಲುದಾರನಾಗಿ ಸ್ಥಾಪಿಸಿವೆ ಎಂದು ಹೇಳಿದರು. “ವಿಶ್ವದ ಅನೇಕ ದೇಶಗಳು ಈಗ ಈ ನಿರ್ಣಾಯಕ ಖನಿಜಗಳ ಕಾರ್ಯತಂತ್ರದ ದಿಕ್ಕಿನಲ್ಲಿ ಭಾರತವನ್ನು ದೃಢವಾಗಿ ನಂಬಲು ಪ್ರಾರಂಭಿಸಿವೆ” ಎಂದು ಶ್ರೀ ಮೋದಿ ಹೇಳಿದರು.

ಹೆಚ್ಚುತ್ತಿರುವ ಇಂಧನ ಬೇಡಿಕೆಗಳೊಂದಿಗೆ ತಾಂತ್ರಿಕ ಪ್ರಗತಿಯನ್ನು ಜೋಡಿಸಿದ ಪ್ರಧಾನಮಂತ್ರಿಯವರು, “ಶಾಂತಿ” ಕಾಯ್ದೆಯಡಿ ಹೆಗ್ಗುರುತಿನ ಇಂಧನ ಸುಧಾರಣೆಗಳನ್ನು ಎತ್ತಿ ತೋರಿಸಿದರು ಮತ್ತು 2047ರ ವೇಳೆಗೆ 100 ಗಿಗಾವ್ಯಾಟ್ ಪರಮಾಣು ಸಾಮರ್ಥ್ಯದ ಗುರಿಯನ್ನು ನಿಗದಿಪಡಿಸುವ ಪ್ರಮುಖ ನೀತಿ ಘೋಷಣೆಯನ್ನು ಮಾಡಿದರು, 6 ರಿಂದ 7 ವರ್ಷಗಳಲ್ಲಿ 5 ಹೊಸ ರಿಯಾಕ್ಟರ್ಗಳು ಕಾರ್ಯನಿರ್ವಹಿಸುತ್ತವೆ, ಇದು ಫಾಸ್ಟ್ ಬ್ರೀಡರ್ ನ್ಯೂಕ್ಲಿಯರ್ ತಂತ್ರಜ್ಞಾನದಲ್ಲಿನ ಪರಿಣಿತಿಯ  ಬೆಂಬಲದಿಂದ ಸಾಧ್ಯವಾಗುತ್ತದೆ ಎಂದರು. “ನಿರ್ಣಾಯಕ ಪರಮಾಣು ಇಂಧನದಲ್ಲಿ ಸಂಪೂರ್ಣವಾಗಿ ಸ್ವಾವಲಂಬಿಯಾಗುವ ನಿಖರವಾದ ದಿಕ್ಕಿನಲ್ಲಿ ನಾವು ಯಶಸ್ವಿಯಾಗಿ ದೊಡ್ಡ ಹೆಜ್ಜೆ ಇಟ್ಟಿದ್ದೇವೆ” ಎಂದು ಶ್ರೀ ಮೋದಿ ದೃಢಪಡಿಸಿದರು.

ರಾಷ್ಟ್ರೀಯ ಸಂಪನ್ಮೂಲ ಪರಿಶೋಧನೆಗೆ ತೀವ್ರವಾಗಿ ಅಡ್ಡಿಯಾಗುವ ಹಿಂದಿನ ನಿರ್ಬಂಧಿತ ನೀತಿಗಳನ್ನು ಟೀಕಿಸಿದ ಪ್ರಧಾನಮಂತ್ರಿಯವರು, ದೇಶೀಯ ತೈಲ ಮತ್ತು ಅನಿಲ ಅಭಿವೃದ್ಧಿಯಲ್ಲಿ ದಿಟ್ಟ ಮಾದರಿ ಬದಲಾವಣೆಯನ್ನು ಎತ್ತಿ ತೋರಿಸಿದರು, ಕರಾವಳಿಯ ಶೇ.99 ಭಾಗವನ್ನು ‘ನೋ-ಗೋ ಏರಿಯಾ’ದಿಂದ ‘ಗೋ ಅಹೆಡ್ ಏರಿಯಾ’ಗೆ ಪರಿವರ್ತಿಸಲಾಗಿದೆ ಮತ್ತು ಹೊಸ ಇಂಧನ ನಿಕ್ಷೇಪಗಳನ್ನು ಅನ್ಲಾಕ್ ಮಾಡಲು 85,000 ಕೋಟಿ ರೂ.ಗಳ ಸಮುದ್ರ ಮಂಥನ ಉಪಕ್ರಮದ ಬೆಂಬಲದೊಂದಿಗೆ ವಿಸ್ತಾರವಾದ ಕಡಲಾಚೆಯ ಕಾರ್ಯಾಚರಣೆಗಳನ್ನು ಪ್ರಾರಂಭಿಸಲಾಗಿದೆ ಎಂದರು. “ನಾವು ಆ ಪ್ರದೇಶಗಳನ್ನು ನಿರ್ಣಾಯಕವಾಗಿ ಮುಕ್ತಗೊಳಿಸಿದ್ದೇವೆ ಮತ್ತು ಈಗ ಸಮುದ್ರದೊಳಗೆ ಬೃಹತ್ ಹೊಸ ಸಂಪನ್ಮೂಲ ನಿಕ್ಷೇಪಗಳನ್ನು ಹುಡುಕುವತ್ತ ಹೆಚ್ಚು ಒಲವು ಹೊಂದಿದ್ದೇವೆ” ಎಂದು ಶ್ರೀ ಮೋದಿ ಪ್ರತಿಪಾದಿಸಿದರು.

ಪರ್ಯಾಯ ಇಂಧನ ಮೂಲಸೌಕರ್ಯಗಳ ತ್ವರಿತ ವಿಸ್ತರಣೆಯನ್ನು ಒತ್ತಿ ಹೇಳಿದ ಪ್ರಧಾನಮಂತ್ರಿಯವರು ಕಳೆದ ಹನ್ನೆರಡು ವರ್ಷಗಳ ಜೊತೆಗೆ ಹಿಂದಿನ ಸ್ಥಾಗಿತ್ಯ ಸ್ಥಿತಿಯನ್ನು ತುಲನೆ ಮಾಡುತ್ತ, ನಗರ ಅನಿಲ ವಿತರಣೆಯು 70 ರಿಂದ 700 ನಗರಗಳಿಗೆ ವಿಸ್ತರಿಸಿದೆ, ಪೈಪ್ಡ್ ಅಡುಗೆ ಅನಿಲವು 1.75 ಕೋಟಿ ಮನೆಗಳನ್ನು ತಲುಪಿದೆ ಮತ್ತು ಸೌರ ಸಾಮರ್ಥ್ಯವು 2 ಗಿಗಾವ್ಯಾಟ್ ನಿಂದ 160 ಗಿಗಾವ್ಯಾಟ್ ಗೆ ಏರಿದೆ ಎಂದು ಹೇಳಿದರು. “ಹನ್ನೆರಡು ವರ್ಷಗಳಲ್ಲಿ ಕೊಳವೆ ಮೂಲಕ ಅನಿಲ ಜಾಲವನ್ನು 70 ನಗರಗಳಿಂದ 700 ನಗರಗಳಿಗೆ ವಿಸ್ತರಿಸಿರುವುದು ನಿಜವಾದ ವೇಗ ಮತ್ತು ನಿಜವಾದ ವಿಸ್ತರಣೆಗೆ ಉದಾಹರಣೆಯಾಗಿದೆ” ಎಂದು ಶ್ರೀ ಮೋದಿ ಹೇಳಿದರು.

ನವೀಕರಿಸಬಹುದಾದ ಇಂಧನದ ಮೂಲಕ ಮಧ್ಯಮ ವರ್ಗದವರಿಗೆ ತಲುಪಿಸುವ ನೇರ ಆರ್ಥಿಕ ಪ್ರಯೋಜನಗಳನ್ನು ವಿವರಿಸಿದ ಪ್ರಧಾನಮಂತ್ರಿಯವರು, ಪ್ರಧಾನಮಂತ್ರಿ ಸೂರ್ಯ ಘರ್ ಮುಫ್ತ್ ಬಿಜ್ಲಿ ಯೋಜನೆಯ ತ್ವರಿತ ಯಶಸ್ಸನ್ನು ಉತ್ಸಾಹದಿಂದ ಉಲ್ಲೇಖಿಸಿದರು. ವಿದ್ಯುತ್ ಬಿಲ್ ಗಳನ್ನು ಶೂನ್ಯಕ್ಕೆ ಇಳಿಸಲು ಮತ್ತು ಹೆಚ್ಚುವರಿ ವಿದ್ಯುತ್ ಮಾರಾಟದ ಮೂಲಕ ಹೆಚ್ಚುವರಿ ಆದಾಯವನ್ನು ಗಳಿಸಲು ಪ್ರತಿ ಕುಟುಂಬಕ್ಕೆ 80,000 ರೂ.ಗಳವರೆಗೆ ಆರ್ಥಿಕ ನೆರವು ನೀಡುವ ಮೂಲಕ ಉಚಿತ ಸೌರ ವಿದ್ಯುತ್ ಯೋಜನೆಯು 50 ಲಕ್ಷ ಮನೆಗಳನ್ನು ದಾಟಿದೆ ಎಂದು ಒತ್ತಿ ಹೇಳಿದರು. “ಸಾವಿರಾರು ಮನೆಗಳು ಇಂದು ಹೆಚ್ಚುವರಿ ವಿದ್ಯುತ್ ಮಾರಾಟ ಮಾಡುವ ಮೂಲಕ ಆದಾಯ ಗಳಿಸುತ್ತಿವೆ ಮತ್ತು ನಾವು ಈ ಬೃಹತ್ ಕಾರ್ಯವನ್ನು ತ್ವರಿತವಾಗಿ ಪೂರೈಸುತ್ತಿದ್ದೇವೆ” ಎಂದು ಶ್ರೀ ಮೋದಿ ಹೇಳಿದರು.

ರೈಲ್ವೆ ಮೂಲಸೌಕರ್ಯದಲ್ಲಿನ ಆಧುನಿಕ ದಕ್ಷತೆಯನ್ನು ಹಿಂದಿನ ಐತಿಹಾಸಿಕ ನಿಶ್ಚಲತೆಗೆ ಹೋಲಿಸಿದ  ಪ್ರಧಾನಮಂತ್ರಿಯವರು, ಹಿಂದಿನ ನೀತಿಗಳು 90 ವರ್ಷಗಳಲ್ಲಿ ಕೇವಲ 30 ಪ್ರತಿಶತದಷ್ಟು ವಿದ್ಯುದ್ದೀಕರಣವನ್ನು ಸಾಧ್ಯ ಮಾಡಿದವು, ಆದರೆ ಪ್ರಸ್ತುತ ಸರ್ಕಾರವು ಬೃಹತ್ ಪರಿಸರ ಪ್ರಯೋಜನಗಳನ್ನು ತಲುಪಿಸಲು ಕೇವಲ ಒಂದು ದಶಕದಲ್ಲಿ ವಿಶಾಲ ಜಾಲ ವ್ಯಾಪ್ತಿಯನ್ನು ಸಾಧಿಸಿದೆ ಎಂದು ಹೇಳಿದರು. “ನಾವು ಈ ಒಂದು ದಶಕದಲ್ಲಿ ಶೇಕಡಾ 100 ರಷ್ಟು ಬೃಹತ್ ವಿದ್ಯುದ್ದೀಕರಣ ಕಾರ್ಯವನ್ನು ಪೂರ್ಣಗೊಳಿಸಿದ್ದೇವೆ, ಆಮದು ಮಾಡಿದ ಡೀಸೆಲ್ ಅನ್ನು ಯಶಸ್ವಿಯಾಗಿ ಉಳಿಸಿದ್ದೇವೆ” ಎಂದು ಶ್ರೀ ಮೋದಿ ದೃಢವಾಗಿ ನುಡಿದರು.

ಭವಿಷ್ಯದ ಇಂಧನಗಳಲ್ಲಿ ಪ್ರಮುಖ ಪ್ರಗತಿಯನ್ನು ಘೋಷಿಸಿದ ಪ್ರಧಾನಮಂತ್ರಿಯವರು, ಭಾರತವು ತನ್ನ ಮೊದಲ ಮೇಡ್-ಇನ್-ಇಂಡಿಯಾ ಹೈಡ್ರೋಜನ್ ರೈಲಿನ ಕೆಲಸವನ್ನು ಪ್ರಾರಂಭಿಸಿದೆ, ಇದನ್ನು ವಿಶ್ವದ ಅತಿ ಉದ್ದದ ಮತ್ತು ಅತ್ಯಂತ ಶಕ್ತಿಶಾಲಿ ಹೈಡ್ರೋಜನ್ ರೈಲಾಗಿ ಅಭಿವೃದ್ಧಿಪಡಿಸಲಾಗುತ್ತಿದೆ ಎಂದು ಒತ್ತಿ ಹೇಳಿದರು. “ವಿಶ್ವದ ಹೈಡ್ರೋಜನ್ ರೈಲುಗಳ ಕ್ಷೇತ್ರದಲ್ಲಿ, ಭಾರತವು ಹೆಮ್ಮೆಯಿಂದ ಮತ್ತು ದೃಢವಾಗಿ ತನ್ನ ಧ್ವಜವನ್ನು ನೆಟ್ಟಿದೆ” ಎಂದು ಶ್ರೀ ಮೋದಿ ಪ್ರತಿಪಾದಿಸಿದರು

2047ರ ಅಭಿವೃದ್ಧಿ ಗುರಿಗಳತ್ತ ಪ್ರಕ್ಷುಬ್ಧ ಪ್ರಯಾಣ ಮತ್ತು ಕೋವಿಡ್-19 ಜಾಗತಿಕ ಸಾಂಕ್ರಾಮಿಕ ಮತ್ತು ಉಕ್ರೇನ್ ಹಾಗು ಪಶ್ಚಿಮ ಏಷ್ಯಾದಲ್ಲಿನ ಭೌಗೋಳಿಕ ರಾಜಕೀಯ ಸಂಘರ್ಷಗಳಂತಹ ತೀವ್ರ ಜಾಗತಿಕ ಬಿಕ್ಕಟ್ಟುಗಳನ್ನು ನಿಭಾಯಿಸಿ ದಾಟುವುದನ್ನು  ಪ್ರತಿಬಿಂಬಿಸಿದ ಪ್ರಧಾನಮಂತ್ರಿಯವರು, ಭಾರತದ ಈಗಾಗಲೇ ಪರೀಕ್ಷೆಗೆ ಒಳಪಟ್ಟ ಸ್ಥಿತಿಸ್ಥಾಪಕತ್ವವನ್ನು ಶ್ಲಾಘಿಸಿದರು ಮತ್ತು ದುರುದ್ದೇಶಪೂರಿತ ವದಂತಿಗಳನ್ನು ಹರಡುವ ಭಯ-ಪ್ರಚೋದಕರನ್ನು ತೀವ್ರವಾಗಿ ಟೀಕಿಸಿದರು, ಪೂರ್ವಭಾವಿ ಯೋಜನೆ ಮತ್ತು ದೃಢವಾದ ಸಿದ್ಧತೆಗಳು ಸಂಪೂರ್ಣ ದೇಶೀಯ ಸ್ಥಿರತೆಯನ್ನು ಖಾತ್ರಿಪಡಿಸುತ್ತವೆ ಎಂದು ಹೆಮ್ಮೆಯಿಂದ ಹೇಳಿದರು. “ನಮ್ಮ ಯೋಚನಾಶೀಲ ಯೋಜನೆಗಳು ಫಲಿತಾಂಶಗಳನ್ನು ತಂದಿವೆ ಎಂಬುದನ್ನು ದೇಶವು ಸ್ಪಷ್ಟವಾಗಿ ನೋಡಿದೆ, ಮತ್ತು ಇಂದು ನಾವು ನಮ್ಮ ಸ್ವಂತ ಶಕ್ತಿಯ ಮೇಲೆ ಸಂಪೂರ್ಣವಾಗಿ ಬಲವಾಗಿ ನಿಂತಿದ್ದೇವೆ” ಎಂದು ಶ್ರೀ ಮೋದಿ ದೃಢಪಡಿಸಿದರು.

ದೇಶೀಯ ರೈತರನ್ನು ರಕ್ಷಿಸುವಲ್ಲಿ ಸರ್ಕಾರದ ಅತ್ಯಂತ ಪೂರ್ವಭಾವಿ ಪಾತ್ರವನ್ನು ಒತ್ತಿ ಹೇಳಿದ ಪ್ರಧಾನಮಂತ್ರಿಯವರು, ಅಂತಾರಾಷ್ಟ್ರೀಯ ಬೆಲೆಯ 3,000 ರೂ.ಗಿಂತ ಕಡಿಮೆ ಬೆಲೆಯ ಯೂರಿಯಾವನ್ನು 300 ರೂ.ಗಿಂತ ಕಡಿಮೆ ಬೆಲೆಗೆ ಮತ್ತು 5,000 ರೂ.ಗಿಂತ ಹೆಚ್ಚು ವೆಚ್ಚದ ಡಿಎಪಿಯನ್ನು ಕೇವಲ 1,350 ರೂ.ಗಳಿಗೆ ಒದಗಿಸಲು ಸರ್ಕಾರವು ಭಾರಿ ವೆಚ್ಚವನ್ನು ಭರಿಸಿದೆ ಎಂದು ಹೇಳುವ ಮೂಲಕ ಕೃಷಿ ಕಲ್ಯಾಣಕ್ಕೆ ದೃಢವಾದ ಬದ್ಧತೆಯನ್ನು ಒತ್ತಿ ಹೇಳಿದರು. “ಇಂದಿಗೂ ನಾವು ದೇಶದ ರೈತರನ್ನು ಆ ದೊಡ್ಡ ಹೊರೆಯನ್ನು ಹೊರುವಂತೆ ಒತ್ತಾಯಿಸುತ್ತಿಲ್ಲ, ಸರ್ಕಾರವು ಅದನ್ನು ದೃಢವಾಗಿ ಹೊರುತ್ತಿದೆ” ಎಂದು ಶ್ರೀ ಮೋದಿ ನುಡಿದರು.

ಸ್ವಾವಲಂಬನೆಯ ಹಿಂದಿನ ಟೀಕೆಗಳನ್ನು ತಳ್ಳಿಹಾಕಿದ ಪ್ರಧಾನಮಂತ್ರಿಯವರು, ರಾಷ್ಟ್ರಗಳು ಅಗತ್ಯ ಸಂಪನ್ಮೂಲಗಳನ್ನು ಹೆಚ್ಚು ಹೆಚ್ಚು ಶಸ್ತ್ರಾಸ್ತ್ರಗಳನ್ನಾಗಿ ಮಾಡುತ್ತಿರುವ ಬೃಹತ್ ಜಾಗತಿಕ ಮಾದರಿ ಬದಲಾವಣೆಯತ್ತ ಗಮನ ಸೆಳೆದರು,  ಇದು ಕಳೆದ ದಶಕದಲ್ಲಿ ದೃಢವಾದ ದೇಶೀಯ ಸ್ಥಿತಿಸ್ಥಾಪಕತ್ವವನ್ನು ನಿರ್ಮಿಸಬೇಕಾದ  ಸಂಪೂರ್ಣ ಅಗತ್ಯವನ್ನು ಸಾಬೀತುಪಡಿಸುತ್ತದೆ ಎಂದರು. “ಸ್ವಾವಲಂಬನೆಯ ಶಕ್ತಿಯುತ ಮಂತ್ರವನ್ನು ತೆಗೆದುಕೊಂಡು ನಾವು ಸರಿಯಾದ ದಿಕ್ಕಿನಲ್ಲಿ ದೃಢವಾಗಿ ಸಾಗದಿದ್ದರೆ, ನಾವು ಅಂತಹ ಬೃಹತ್ ಸವಾಲುಗಳನ್ನು ಹೇಗೆ ಬಲವಾಗಿ ಎದುರಿಸುತ್ತಿದ್ದೆವು” ಎಂದು ಶ್ರೀ ಮೋದಿ ಪ್ರಶ್ನಿಸಿದರು.

 ರಾಷ್ಟ್ರಕ್ಕೆ ಹೆಚ್ಚುತ್ತಿರುವ ಅಂತಾರಾಷ್ಟ್ರೀಯ ಗೌರವಕ್ಕೆ ಸ್ಥಿರ ರಾಜಕೀಯ ಜನಾದೇಶ ಮತ್ತು ರೋಮಾಂಚಕ ಪ್ರಜಾಪ್ರಭುತ್ವ  ಕಾರಣವಾಗಿದೆ ಎಂದು ಹೇಳಿದ ಪ್ರಧಾನಮಂತ್ರಿಯವರು, ಈ ಮಾನ್ಯತೆ ಪಡೆದ ದೇಶೀಯ ಸ್ಥಿರತೆಯು 2014 ರ ನಂತರ ಸುಮಾರು 40 ದೇಶಗಳೊಂದಿಗೆ ಮುಕ್ತ ವ್ಯಾಪಾರ ಒಪ್ಪಂದಗಳನ್ನು ಯಶಸ್ವಿಯಾಗಿ ಸುಗಮಗೊಳಿಸಿದೆ, ಇದು ಕೃಷಿ, ಮೀನುಗಾರಿಕೆ, ಜವಳಿ ಮತ್ತು ಎಂಎಸ್ಎಂಇಗಳಾದ್ಯಂತ ಬೃಹತ್ ರಫ್ತು ಅವಕಾಶಗಳನ್ನು ತೆರೆದಿದೆ ಎಂದು ಒತ್ತಿ ಹೇಳಿದರು. “ಇಂದು, ಭಾರತವು ವೇಗವಾಗಿ ಇಡೀ ಜಗತ್ತಿಗೆ ಹೆಚ್ಚು ಸ್ವೀಕಾರಾರ್ಹ ಮತ್ತು ಗೌರವಾನ್ವಿತವಾದ ದೇಶವಾಗುತ್ತಿದೆ” ಎಂದು ಶ್ರೀ ಮೋದಿ ನುಡಿದರು.

ದೇಶೀಯ ಕೈಗಾರಿಕೆಗಳು ಬೃಹತ್ ಅಂತರರಾಷ್ಟ್ರೀಯ ವ್ಯಾಪಾರ ಅವಕಾಶಗಳನ್ನು ಆಕ್ರಮಣಕಾರಿಯಾಗಿ ಬಳಸಿಕೊಳ್ಳುವಂತೆ ಆಗ್ರಹಿಸಿದ ಪ್ರಧಾನಮಂತ್ರಿಯವರು, ಲೂಧಿಯಾನ ಮತ್ತು ತಿರುಪುರದಿಂದ ಕರಾವಳಿ ಸಮುದ್ರಾಹಾರ ಕೇಂದ್ರಗಳವರೆಗೆ ಭಾರತೀಯ ಉತ್ಪನ್ನಗಳಿಗೆ ಗುಣಮಟ್ಟ ಮತ್ತು ಒಟ್ಟಾರೆ ಕೈಗೆಟುಕುವಿಕೆಯ ದರದಲ್ಲಿ  ಅಂತರರಾಷ್ಟ್ರೀಯ ನಿಯತಾಂಕಗಳನ್ನು ಕಟ್ಟುನಿಟ್ಟಾಗಿ ಅನುಸರಿಸಿ ಜಾಗತಿಕ ಮಾರುಕಟ್ಟೆಗಳಲ್ಲಿ ಪ್ರಾಬಲ್ಯ ಸಾಧಿಸಲು ದಿಟ್ಟ ಕ್ರಮ ಕೈಗೊಳ್ಳುವಂತೆ  ವಿನಂತಿಸಿದರು. “ನಾವು ಪ್ರಸ್ತುತ ಜಗತ್ತಿನಿಂದ ಪಡೆಯುತ್ತಿರುವುದಕ್ಕಿಂತ ಉತ್ತಮ ಮತ್ತು ಅಗ್ಗದ ಉತ್ಪನ್ನಗಳನ್ನು ನಾವು ಖಡಾಖಂಡಿತವಾಗಿ  ನೀಡಬೇಕಾಗುತ್ತದೆ” ಎಂದು ಶ್ರೀ ಮೋದಿ ಪ್ರತಿಪಾದಿಸಿದರು

ಈ ಕ್ಷಣದ ಆರ್ಥಿಕ ಕಾರ್ಯತಂತ್ರಗಳನ್ನು ಅಂತಿಮ ರಾಷ್ಟ್ರೀಯ ದೃಷ್ಟಿಕೋನಕ್ಕೆ ನೇರವಾಗಿ ಸಂಪರ್ಕಿಸಿದ ಪ್ರಧಾನಮಂತ್ರಿಯವರು, ಜಾಗತಿಕ ಪ್ರಾಬಲ್ಯಕ್ಕಾಗಿ ಆಕ್ರಮಣಕಾರಿ ಒತ್ತಡವು ಭವ್ಯ ಅಭಿವೃದ್ಧಿಯ ಗುರಿಗಳಿಗಾಗಿ  ದೃಢವಾಗಿ ನಿಂತಿರುವ ಬಲವಾದ ಅಡಿಪಾಯವನ್ನು ರೂಪಿಸುತ್ತದೆ ಎಂದು ವಿವರಿಸಿದರು. “ವಿಕಸಿತ ಭಾರತದ ಗುರಿಯು ನಮ್ಮ ದೇಶವಾಸಿಗಳು ಹೆಮ್ಮೆಯಿಂದ ತೋರಿಸಿದ ನಂಬಲಾಗದ ಸಾಮರ್ಥ್ಯದಲ್ಲಿ ಆಳವಾಗಿ ಬೇರೂರಿದೆ” ಎಂದು ಶ್ರೀ ಮೋದಿ ಹೇಳಿದರು.

ರಾಷ್ಟ್ರೀಯ ಕೆಲಸದ ಸಂಸ್ಕೃತಿ, ಚಿಂತನೆ ಮತ್ತು ಕಾರ್ಯಗತಗೊಳಿಸುವ ವೇಗದಲ್ಲಿ ಆಮೂಲಾಗ್ರ ಪರಿವರ್ತನೆಗಾಗಿ ಆಗ್ರಹಿಸಿದ  ಪ್ರಧಾನಮಂತ್ರಿಯವರು, ಕಳೆದ ದಶಕಗಳಲ್ಲಿ ಬಹಳವಾಗಿ ಸ್ಥಗಿತಗೊಂಡಿದ್ದನ್ನು ಐದರಿಂದ ಏಳು ವರ್ಷಗಳಲ್ಲಿ ಸಾಧಿಸುವ ಆಕ್ರಮಣಕಾರಿ ಗುರಿಯನ್ನು ನಿಗದಿಪಡಿಸಿದರು, ರಾಷ್ಟ್ರದ ಕಠಿಣ ಪರಿಶ್ರಮಿ ಕಾರ್ಮಿಕ ಪಡೆ/ಕಾರ್ಯಪಡೆಯ ಮೇಲೆ ಅಪಾರ ನಂಬಿಕೆಯನ್ನು ವ್ಯಕ್ತಪಡಿಸಿದರು. “ನನ್ನ ದೇಶದ ಯುವ ಶಕ್ತಿ, ತಾಯಂದಿರು, ಸಹೋದರಿಯರು, ರೈತರು ಮತ್ತು ಕಾರ್ಮಿಕರನ್ನು ನಾನು ಆಳವಾಗಿ ನಂಬುತ್ತೇನೆ, ಒಟ್ಟಾಗಿ ನಾವು ಖಂಡಿತವಾಗಿಯೂ ಈ ಭವ್ಯ ಕನಸನ್ನು ನನಸಾಗಿಸಬಹುದು” ಎಂದು ಶ್ರೀ ಮೋದಿ ದೃಢಪಡಿಸಿದರು.

ರಚನಾತ್ಮಕ ಬದಲಾವಣೆಗೆ ಆಡಳಿತದ ಅವಿರತ ಬದ್ಧತೆಯನ್ನು ಪುನರುಚ್ಚರಿಸಿದ ಪ್ರಧಾನಮಂತ್ರಿಯವರು, ವ್ಯಾಪಕ ಆಡಳಿತ ಮತ್ತು ಆಡಳಿತಾತ್ಮಕ ಕೂಲಂಕಷ ಪರಿಶೀಲನೆಗಳು ಬಾಹ್ಯ ಬಲವಂತಕ್ಕಿಂತ ಹೆಚ್ಚಾಗಿ ಆಳವಾದ ಆಂತರಿಕ ದೃಢನಿಶ್ಚಯದಿಂದ ಕಟ್ಟುನಿಟ್ಟಾಗಿ ನಡೆಸಲ್ಪಡುತ್ತವೆ ಎಂದು ಸ್ಪಷ್ಟಪಡಿಸಿದರು, ಮುಂದಿನ ಹಂತದ ಸುಧಾರಣೆಗಳಿಗೆ  ಚಾಲನೆ ಮಾಡಲು ಕೇಂದ್ರ, ರಾಜ್ಯಗಳು ಮತ್ತು ಸಮಾಜವು ಒಗ್ಗೂಡುವಂತಹ  ಸಹಕಾರಿ ಒಕ್ಕೂಟ ವ್ಯವಸ್ಥೆಯ ರಚನೆಗೆ  ಸ್ಪಷ್ಟ ಕರೆ ನೀಡಿದರು. “ನಮ್ಮ ಈ ಸುಧಾರಣೆಯು ಸಂಪೂರ್ಣ ನಂಬಿಕೆಯಾಗಿದೆ ಮತ್ತು ಮುಂಬರುವ ದಿನಗಳಲ್ಲಿ ನಾವು ಮುಂದಿನ ಹಂತದ ಸುಧಾರಣೆಯತ್ತ ಆಕ್ರಮಣಕಾರಿಯಾಗಿ ಸಾಗಲಿದ್ದೇವೆ” ಎಂದು ಶ್ರೀ ಮೋದಿ ಪ್ರತಿಪಾದಿಸಿದರು.

ಸಪ್ತ ಸಿಂಧುವಿನ ಪ್ರಾಚೀನ ನಾಗರಿಕತೆಯ ಶಕ್ತಿಯನ್ನು ನೆನಪಿಸುತ್ತಾ, ಪ್ರಧಾನಮಂತ್ರಿಯವರು ಪ್ರಬಲವಾದ ಹೊಸ ಕಾರ್ಯತಂತ್ರದ ಚೌಕಟ್ಟನ್ನು ಘೋಷಿಸಿದರು ಮತ್ತು ಪರಿವರ್ತಕ ಸಪ್ತಧಾರ ಅಥವಾ ಸಪ್ತ ಶಕ್ತಿಯನ್ನು ಅನಾವರಣಗೊಳಿಸುವ ಮೂಲಕ ಭಾರತದ ಮುಂದಿನ ಜಿಗಿತಕ್ಕೆ ಭವಿಷ್ಯದ ಸ್ಪಷ್ಟ ಕರೆ ನೀಡಿದರು. ಯುವಜನರ ಅಗಾಧ ಸಾಮರ್ಥ್ಯವನ್ನು ಸಂಪೂರ್ಣವಾಗಿ ಬಳಸಿಕೊಳ್ಳುವ ಈ ಏಳು ಕ್ರಿಯಾತ್ಮಕ ಶಕ್ತಿಯ ಪ್ರವಾಹಗಳು ರಾಷ್ಟ್ರವನ್ನು ಅಭೂತಪೂರ್ವ ಎತ್ತರಕ್ಕೆ ಮುನ್ನಡೆಸುತ್ತವೆ ಎಂದು ಅವರು ಒತ್ತಿ ಹೇಳಿದರು. “ಆ ಏಳು-ಧಾರೆ/ಪ್ರವಾಹಗಳ ತಂತ್ರದ ಅಗಾಧ ಸಾಮರ್ಥ್ಯ ಮತ್ತು ಶಕ್ತಿಯೊಂದಿಗೆ, ನಾವು ದೇಶಕ್ಕೆ ಹೊಸ ಎತ್ತರ ಮತ್ತು ಹೊಸ ವೇಗವನ್ನು ಆಕ್ರಮಣಕಾರಿಯಾಗಿ ನೀಡುತ್ತೇವೆ” ಎಂದು ಶ್ರೀ ಮೋದಿ ಭರವಸೆ ನೀಡಿದರು.

‘ಉತ್ಪಾದನಾ ಶಕ್ತಿ’ಯನ್ನು ನಿರ್ಣಾಯಕ ಮೊದಲ ಧಾರೆ (ಸ್ಟ್ರೀಮ್) ಎಂದು ಗುರುತಿಸಿದ ಪ್ರಧಾನಮಂತ್ರಿಯವರು, ಸಂಪೂರ್ಣ ದೇಶೀಯ ಮೌಲ್ಯ ಸರಪಳಿಗಳಲ್ಲಿ ಸಣ್ಣ ಬಿಡಿಭಾಗ ಘಟಕಗಳು ಮತ್ತು ಬೃಹತ್ ಅಂತಿಮ ಉತ್ಪನ್ನಗಳನ್ನು ಕರಗತ ಮಾಡಿಕೊಳ್ಳುವ ಮೂಲಕ ಉತ್ಪಾದನಾ ವಲಯವನ್ನು ಆಕ್ರಮಣಕಾರಿಯಾಗಿ ವಿಸ್ತರಿಸುವಂತೆ ಕರೆ ನೀಡಿದರು, ಶೂನ್ಯ-ದೋಷದ ನಿಖರತೆ, ವೆಚ್ಚದ ದಕ್ಷತೆ ಮತ್ತು ಜಾಗತಿಕ ಪ್ರಮಾಣದಲ್ಲಿ  ಮತ್ತು ಗುಣಮಟ್ಟಕ್ಕೆ ರಾಜಿಯಾಗದ ಬದ್ಧತೆಯ ಮೇಲೆ ಕಟ್ಟುನಿಟ್ಟಿನ ಗಮನವನ್ನು ಹರಿಸಬೇಕೆಂದು ಆಗ್ರಹಿಸಿದರು. “ವಿನ್ಯಾಸದಿಂದ ಸಂಪೂರ್ಣ ಉತ್ಪಾದನೆಯವರೆಗೆ, ಭಾರತವು ಖಂಡಿತವಾಗಿಯೂ ಜಾಗತಿಕ ಪೂರೈಕೆ ಸರಪಳಿಯ ಅತ್ಯಂತ ಹೆಚ್ಚು ವಿಶ್ವಾಸಾರ್ಹತೆಯ ಕೇಂದ್ರವಾಗಬೇಕು” ಎಂದು ಶ್ರೀ ಮೋದಿ ಪ್ರತಿಪಾದಿಸಿದರು.

‘ಕೃಷಿ ಮತ್ತು ಆಹಾರ ಸಂಸ್ಕರಣೆ’ಯನ್ನು ನಿರ್ಣಾಯಕ ಎರಡನೇ ಧಾರೆ/ವಿಭಾಗವೆಂದು ಹೆಸರಿಸಿದ ಪ್ರಧಾನಮಂತ್ರಿಯವರು, ರಾಸಾಯನಿಕ ಮುಕ್ತ ಕೃಷಿಯತ್ತ ರಾಷ್ಟ್ರವ್ಯಾಪಿ ಪರಿವರ್ತನೆಯನ್ನು ಪ್ರತಿಪಾದಿಸಿದರು ಮತ್ತು ಸಾಂಪ್ರದಾಯಿಕ ಭಾರತೀಯ ಆಹಾರಗಳು ಪ್ರವರ್ಧಮಾನಕ್ಕೆ ಬರುತ್ತಿರುವ ಜಾಗತಿಕ ಮಾರುಕಟ್ಟೆಗಳಿಗೆ ಹೊಲದಿಂದ ರಫ್ತು ಪೂರೈಕೆ ಸರಪಳಿಗೆ ತಡೆರಹಿತವಾಗಿ ಪರಿವರ್ತನೆಗೊಳ್ಳುವುದನ್ನು ಖಚಿತಪಡಿಸಿಕೊಳ್ಳುವುದಕ್ಕೆ  ಆದ್ಯತೆ ನೀಡುವಂತೆ ಆಗ್ರಹಿಸಿದರು. “ನಮ್ಮ ಕೃಷಿ ಉತ್ಪನ್ನಗಳು ಪ್ರತಿಯೊಂದು ಜಾಗತಿಕ ನಿಯತಾಂಕವನ್ನು ಯಶಸ್ವಿಯಾಗಿ ಪೂರೈಸಬೇಕು, ಇದರಿಂದ ನಾವು ಸುಲಭವಾಗಿ ಆ ಜಗತ್ತನ್ನು ತಲುಪಬಹುದು ಮತ್ತು ಪ್ರಾಬಲ್ಯ ಸಾಧಿಸಬಹುದು” ಎಂದು ಶ್ರೀ ಮೋದಿ ದೃಢಪಡಿಸಿದರು.

‘ತಂತ್ರಜ್ಞಾನ ಮತ್ತು ನಾವೀನ್ಯತೆ’ಯನ್ನು ಪ್ರಮುಖ ಮೂರನೇ ಧಾರೆ/ವಿಭಾಗವೆಂದು ಒತ್ತಿ ಹೇಳಿದ ಪ್ರಧಾನಮಂತ್ರಿಯವರು, ಕೃತಕ ಬುದ್ಧಿಮತ್ತೆ, ಕ್ವಾಂಟಮ್ ಕಂಪ್ಯೂಟಿಂಗ್, ಬಾಹ್ಯಾಕಾಶ, ಸುಧಾರಿತ ರೊಬೊಟಿಕ್ಸ್, ಡಿಜಿಟಲ್ ಪಬ್ಲಿಕ್ ಇನ್ಫ್ರಾಸ್ಟ್ರಕ್ಚರ್ (ಡಿಪಿಐ) ಮತ್ತು ಮೇಡ್-ಇನ್-ಇಂಡಿಯಾ 6ಜಿಯಂತಹ ಅತ್ಯಾಧುನಿಕ ಕ್ಷೇತ್ರಗಳಲ್ಲಿ ನಾವೀನ್ಯತೆಯ ಅಂತಿಮ ತಾಣವಾಗಲು ಭಾರತವು  ಜಾಗತಿಕ ಮಾರುಕಟ್ಟೆಯಾಗಿ ರೂಪುಗೊಳ್ಳಬೇಕು  ಎಂದು ಒತ್ತಿ ಹೇಳಿದರು. “ಮೇಡ್ ಇನ್ ಇಂಡಿಯಾ’ 6ಜಿ ಪ್ರತಿ ಮೂಲೆಯನ್ನು ತಲುಪಬೇಕು ಎಂಬುದು ನಮ್ಮ ಗುರಿಯಾಗಿರಬೇಕು. ಮತ್ತು ನಾವು ಇದನ್ನು ಆಕ್ರಮಣಕಾರಿಯಾಗಿ ವೇಗಗೊಳಿಸಬೇಕು” ಎಂದು ಶ್ರೀ ಮೋದಿ ಪ್ರತಿಪಾದಿಸಿದರು.

‘ಗತಿ ಶಕ್ತಿ’ಯನ್ನು ಅಗತ್ಯವಾದ ನಾಲ್ಕನೇ ಧಾರೆ/ವಿಭಾಗವೆಂದು ವಿವರಿಸಿದ ಪ್ರಧಾನಮಂತ್ರಿಯವರು, ಹೈಸ್ಪೀಡ್ ರೈಲು, ಆಧುನಿಕ ಹೆದ್ದಾರಿಗಳು, ಒಳನಾಡಿನ ಜಲಮಾರ್ಗಗಳು ಮತ್ತು ಬಂದರುಗಳನ್ನು ಬಂದರು-ಆಧಾರಿತ ಅಭಿವೃದ್ಧಿ ಬೆಳವಣಿಗೆಯ ಅತ್ಯಂತ ಕ್ರಿಯಾತ್ಮಕ ಚಲನಶೀಲ  ಕೇಂದ್ರಗಳಾಗಿ ಪರಿವರ್ತಿಸುವುದನ್ನು ಒಳಗೊಂಡಿರುವ ತಡೆರಹಿತ ಬಹು ಮಾದರಿ ಲಾಜಿಸ್ಟಿಕ್ಸ್  ರಚಿಸಲು ಆಕ್ರಮಣಕಾರಿ ಮೂಲಸೌಕರ್ಯ  ಕಡ್ಡಾಯ ಎಂದೂ ನುಡಿದರು. “ನಾವು ನಮ್ಮ ಬಂದರುಗಳನ್ನು ಬೃಹತ್ ಬಂದರು ಆಧಾರಿತ ಅಭಿವೃದ್ಧಿಯ ಕಾರ್ಯತಂತ್ರದ ದಿಕ್ಕಿನಲ್ಲಿ ಸರಿಸಬೇಕಾಗಿದೆ” ಎಂದು ಶ್ರೀ ಮೋದಿ ಹೇಳಿದರು.

ರಕ್ಷಣಾ ಶಕ್ತಿ’ಯನ್ನು ನಿರ್ಣಾಯಕ ಐದನೇ ಧಾರೆ/ವಿಭಾಗವೆಂದು ವರ್ಗೀಕರಿಸಿದ ಪ್ರಧಾನಮಂತ್ರಿಯವರು, ಸಂಪೂರ್ಣ ಕಾರ್ಯತಂತ್ರದ ಸ್ವಾವಲಂಬನೆಯನ್ನು ರಾಜಿ ಮಾಡಿಕೊಳ್ಳಲಾಗದ ರಾಷ್ಟ್ರೀಯ ಆದ್ಯತೆ ಎಂದು ಘೋಷಿಸಿದರು, ಡ್ರೋನ್ಗಳು, ಪ್ರತಿ ಡ್ರೋನ್ ವ್ಯವಸ್ಥೆಗಳು (ಕೌಂಟರ್ ಡ್ರೋನ್ ವ್ಯವಸ್ಥೆಗಳು) ಮತ್ತು ಹೈಪರ್ಸಾನಿಕ್ಸ್ ಸೇರಿದಂತೆ ಮುಂದಿನ ಪೀಳಿಗೆಯ ತಂತ್ರಜ್ಞಾನಗಳನ್ನು ಪ್ರವರ್ತಿಸುವ ಮತ್ತು ರಫ್ತು ಮಾಡುವ ಮೂಲಕ ಪ್ರಮುಖ ಜಾಗತಿಕ ಪೂರೈಕೆದಾರನಾಗುವ ಭಾರತದ ಗುರಿಯನ್ನು ಒತ್ತಿ ಹೇಳಿದರು. “ರಕ್ಷಣಾ ತಂತ್ರಜ್ಞಾನದ ಬೃಹತ್ ಜಾಗತಿಕ ಪೂರೈಕೆದಾರರಾಗುವ ದೃಢವಾದ ಗುರಿಯೊಂದಿಗೆ ನಾವು ಆಕ್ರಮಣಕಾರಿಯಾಗಿ ಮುಂದುವರಿಯಬೇಕಾಗಿದೆ” ಎಂದು ಶ್ರೀ ಮೋದಿ ಪ್ರತಿಪಾದಿಸಿದರು.

ಸೈಬರ್ ಭದ್ರತೆಯನ್ನು ರಾಷ್ಟ್ರೀಯ ರಕ್ಷಣೆಯ ಅವಿಭಾಜ್ಯ ಅಂಗವೆಂದು  ಹೇಳಿದ ಪ್ರಧಾನಮಂತ್ರಿಯವರು, ರಾಷ್ಟ್ರದ ಡಿಜಿಟಲ್ ಗಡಿಗಳು ಮತ್ತು ಜಾಗತಿಕ ಸೈಬರ್ ಭೂದೃಶ್ಯವನ್ನು ಭದ್ರವಾಗಿ  ರಕ್ಷಿಸಲು ಭಾರತೀಯ ಯುವಜನರ ಅಪಾರ ಡಿಜಿಟಲ್ ಸಾಮರ್ಥ್ಯವನ್ನು ಬಳಸಿಕೊಳ್ಳುವಂತೆ ಒತ್ತಿ ಹೇಳಿದರು. “ದೇಶ ಮತ್ತು ಪ್ರಪಂಚದ ಸಂಪೂರ್ಣ ರಕ್ಷಣೆಗಾಗಿ ಸೈಬರ್ ಭದ್ರತೆಯಲ್ಲಿ ನಮ್ಮ ಯುವಜನರ ಅದ್ಭುತ ಸಾಮರ್ಥ್ಯವನ್ನು ನಾವು ಸಕ್ರಿಯವಾಗಿ ಬಳಸಬಹುದು” ಎಂದು ಶ್ರೀ ಮೋದಿ ಹೇಳಿದರು.

‘ಹಸಿರು ಮತ್ತು ನೀಲಿ ಆರ್ಥಿಕತೆ’ಯನ್ನು ಸುಸ್ಥಿರ ಆರನೇ ಧಾರೆ/ವಾಹಿನಿಯಾಗಿ ಪರಿಚಯಿಸಿದ ಪ್ರಧಾನಮಂತ್ರಿಯವರು, ಹವಾಮಾನ ಬದಲಾವಣೆಯಲ್ಲಿ ಭಾರತವನ್ನು ಪೂರ್ವಭಾವಿ ಜಾಗತಿಕ ಸಮಸ್ಯೆ ಪರಿಹರಿಸುವ ದೇಶವಾಗಿ ಗುರುತಿಸಿದರು, ಹಸಿರು ಜಲಜನಕ, ನವೀಕರಿಸಬಹುದಾದ ಇಂಧನ, ಇಂಧನ ಸಂಗ್ರಹಣೆ ಮತ್ತು ಸಾಗರ, ಸಾಗರ ಸಾಮರ್ಥ್ಯ ಹಾಗು ಕರಾವಳಿ ಪ್ರವಾಸೋದ್ಯಮದ ಸಮಗ್ರ ಅಭಿವೃದ್ಧಿಯ ಮೂಲಕ ವ್ಯಾಪಕವಾದ ಹಸಿರು ಉದ್ಯೋಗಗಳನ್ನು ಸೃಷ್ಟಿಸಲು ಒತ್ತು ನೀಡಿದರು. “ಜಗತ್ತು ಜಾಗತಿಕ ತಾಪಮಾನ ಏರಿಕೆಯ ಬಗ್ಗೆ ಚರ್ಚಿಸುತ್ತಿರುವಾಗ, ನಾವು ಆಕ್ರಮಣಕಾರಿಯಾಗಿ ಮಾರ್ಗಗಳನ್ನು ಕಂಡುಕೊಳ್ಳುತ್ತೇವೆ ಮತ್ತು ದೃಢವಾದ ಪರಿಹಾರಗಳನ್ನು ಒದಗಿಸುತ್ತೇವೆ” ಎಂದು ಶ್ರೀ ಮೋದಿ ದೃಢಪಡಿಸಿದರು.

ಭಾರತದ ‘ಸಾಫ್ಟ್ ಪವರ್’ ಅನ್ನು ಅಂತಿಮ ಏಳನೇ ಧಾರೆ ಎಂದು ಗುರುತಿಸಿದ ಪ್ರಧಾನಮಂತ್ರಿಯವರು, ಯೋಗವನ್ನು ಏಕೀಕರಿಸುವ ಜಾಗತಿಕ ಶಕ್ತಿ ಎಂದು ಶ್ಲಾಘಿಸಿದರು ಮತ್ತು ಭಾರತದ ಪರಂಪರೆ, ಆಯುರ್ವೇದ ಹಾಗು ಪ್ರವಾಸೋದ್ಯಮದ ಜಾಗತೀಕರಣವನ್ನು ಬೆಂಬಲಿಸಿದರು, ಜೊತೆಗೆ ವಿಎಫ್ಎಕ್ಸ್, ಅನಿಮೇಷನ್, ಗೇಮಿಂಗ್ ಮತ್ತು ವೇವ್ಸ್ ಶೃಂಗಸಭೆಯಲ್ಲಿ ವ್ಯಾಪಿಸಿರುವ ಸೃಜನಶೀಲ ಆರ್ಥಿಕತೆಯಲ್ಲಿ ಆಕ್ರಮಣಕಾರಿ ನಾಯಕತ್ವವನ್ನು ವಹಿಸಿಕೊಳ್ಳುವುದು ಅನಿವಾರ್ಯ ಎಂದರು. “ಸೃಜನಶೀಲ ಜಗತ್ತಿನಲ್ಲಿ ಭಾರತವು ತನ್ನ ರೋಮಾಂಚಕ ಪ್ರಾಬಲ್ಯವನ್ನು ಸಕ್ರಿಯವಾಗಿ ಪ್ರದರ್ಶಿಸಬಹುದು, ಮತ್ತು ನಾವು ಅದನ್ನು ಖಂಡಿತವಾಗಿಯೂ ಜಾಗತಿಕ ಸಾಮರ್ಥ್ಯವಾಗಿ ಅಭಿವೃದ್ಧಿಪಡಿಸಬೇಕಾಗಿದೆ” ಎಂದು ಶ್ರೀ ಮೋದಿ ಪ್ರತಿಪಾದಿಸಿದರು.

ಭಾರತದ ವನ್ಯಜೀವಿಗಳು ಮತ್ತು ರಾಷ್ಟ್ರೀಯ ಉದ್ಯಾನವನಗಳ ಬೃಹತ್ ಬಳಕೆಯಾಗದ ಸಾಮರ್ಥ್ಯವನ್ನು ಗುರುತಿಸಿದ ಪ್ರಧಾನಮಂತ್ರಿಯವರು, ಜಾಗತಿಕ ಪ್ರವಾಸಿಗರನ್ನು ಆಕರ್ಷಿಸುವ ಮೂಲಕ ಮತ್ತು ಹೆಚ್ಚು ಲಾಭದಾಯಕ, ದೊಡ್ಡ ಪ್ರಮಾಣದ ಸಂಗೀತ ಕಚೇರಿ ಆರ್ಥಿಕತೆಯೊಂದಿಗೆ ಅಂತರರಾಷ್ಟ್ರೀಯ ಕ್ರೀಡಾಕೂಟಗಳನ್ನು ಹೆಚ್ಚು ಹೆಚ್ಚು  ಸಜ್ಜುಗೊಳಿಸುವ ಮೂಲಕ ಈ ಮೃದು ಶಕ್ತಿಯನ್ನು ಬಳಸಿಕೊಳ್ಳಲು ಆಕ್ರಮಣಕಾರಿ ಅಭಿಯಾನವನ್ನು ನಡೆಸುವಂತೆಯೂ ಒತ್ತಾಯಿಸಿದರು. “ವಿಶ್ವದ ಪ್ರವಾಸಿಗರನ್ನು ಬಲವಾಗಿ  ಆಕರ್ಷಿಸಲು ನಮ್ಮ ಮೃದು ಶಕ್ತಿಯ ಮೂಲಕ ನಮಗೆ ಬೃಹತ್ ಅವಕಾಶವಿದೆ ಮತ್ತು ನಾವು ಧೈರ್ಯದಿಂದ ನಮ್ಮ ಸಾಮರ್ಥ್ಯವನ್ನು ಜಗತ್ತಿಗೆ ತೋರಿಸಬೇಕು” ಎಂದು ಶ್ರೀ ಮೋದಿ ಹೇಳಿದರು.

ಈ ಏಳು ಪ್ರಬಲ ಧಾರೆಗಳ ಕಾರ್ಯತಂತ್ರದ ಉದ್ದೇಶವನ್ನು ಸಂಕ್ಷಿಪ್ತವಾಗಿ ವಿವರಿಸಿದ ಪ್ರಧಾನಮಂತ್ರಿಯವರು, ರಾಷ್ಟ್ರೀಯ ಮಹತ್ವಾಕಾಂಕ್ಷೆಗಳನ್ನು ಸಾಧಿಸಲು ಮತ್ತು ಜಾಗತಿಕ ಮಾನದಂಡಗಳನ್ನು ಮೀರಲು ಪ್ರತ್ಯೇಕ ವಲಯ ಪ್ರಗತಿಗಿಂತ ಹೆಚ್ಚು ಸಂಯೋಜಿತ ಅಂತರವಲಯ ವಿಧಾನದ ಅಗತ್ಯವಿದೆ ಎಂದು ಒತ್ತಿ ಹೇಳಿದರು. “ಸಮಗ್ರ ವಿಧಾನದೊಂದಿಗೆ, ನಾವು ರಾಷ್ಟ್ರಕ್ಕಾಗಿ ಭದ್ರವಾಗಿ/ಖಚಿತವಾಗಿ ನಿಗದಿಪಡಿಸಿದ ಮಹತ್ವಾಕಾಂಕ್ಷೆಯ ಪ್ರಮಾಣವನ್ನು ದಾಟುವ ಆಕ್ರಮಣಕಾರಿ ದಿಕ್ಕಿನಲ್ಲಿ ನಾವು ಖಂಡಿತವಾಗಿಯೂ ಕೆಲಸ ಮಾಡಬೇಕಾಗಿದೆ” ಎಂದು ಶ್ರೀ ಮೋದಿ ದೃಢಪಡಿಸಿದರು.

ರಾಷ್ಟ್ರದ ಕಾರ್ಪೊರೇಟ್ ಮಹತ್ವಾಕಾಂಕ್ಷೆಗಳಿಗೆ ಸವಾಲೊಡ್ಡುವಂತೆ ಪ್ರಬಲ ಕರೆ ನೀಡಿದ ಪ್ರಧಾನಮಂತ್ರಿಯವರು, ಜಾಗತಿಕ ಶ್ರೇಯಾಂಕದಲ್ಲಿ ಭಾರತ ಪ್ರಾಬಲ್ಯ ಹೊಂದಬೇಕು ಎಂದರು. ಕಾನೂನು,ರೇಟಿಂಗ್, ಕನ್ಸಲ್ಟಿಂಗ್, ಅಕೌಂಟಿಂಗ್ ಮತ್ತು ಟೆಕ್ನಾಲಜಿ ಸಂಸ್ಥೆಗಳು ಫಾರ್ಚೂನ್ 500 ರಲ್ಲಿ 50 ಭಾರತೀಯ ಕಂಪನಿಗಳು, ಉನ್ನತ ಶ್ರೇಣಿಯ ಜಾಗತಿಕ ಬ್ಯಾಂಕ್, ವಿಶ್ವದ ಅಗ್ರ ಐದು ಫಾರ್ಮಾ ದೈತ್ಯ ಮತ್ತು ಕಾನೂನಿನಾದ್ಯಂತ ಪ್ರಮುಖ ಜಾಗತಿಕ ನಾಯಕತ್ವ ಸೇರಿದಂತೆ ದಿಟ್ಟ ಗುರಿಗಳನ್ನು ಸಾಧಿಸಲು ತಮ್ಮ ನೀತಿಗಳನ್ನು ತ್ವರಿತವಾಗಿ ಆಧುನೀಕರಿಸುವಂತೆ ಸರ್ಕಾರಗಳನ್ನು ಒತ್ತಾಯಿಸಿದರು. “ಈ ಹಾದಿಯಲ್ಲಿ, ನಮ್ಮ ಕಠಿಣ ಪರಿಶ್ರಮದಲ್ಲಿ ಯಾವುದೇ ಕೊರತೆಯಿಲ್ಲದಿದ್ದರೆ, ನಾವು ಖಂಡಿತವಾಗಿಯೂ ವಿಕಸಿತ ಭಾರತದ ಬೃಹತ್ ಕನಸನ್ನು ನನಸು ಮಾಡುತ್ತೇವೆ” ಎಂದು ಶ್ರೀ ಮೋದಿ ಪ್ರತಿಪಾದಿಸಿದರು.

ಯುವಜನರನ್ನು ರಾಷ್ಟ್ರೀಯ ಪರಿವರ್ತನೆಯ ಮುಖ್ಯ ಬಿಂದುವಿನಲ್ಲಿ ಇರಿಸಿದ ಪ್ರಧಾನಮಂತ್ರಿಯವರು, ಯುವ ಭಾರತೀಯರು ಈ ತ್ವರಿತ ಪ್ರಗತಿಯ ಪ್ರಾಥಮಿಕ ವಾಸ್ತುಶಿಲ್ಪಿಗಳು ಮತ್ತು ಅಂತಿಮ ಫಲಾನುಭವಿಗಳು ಎಂದು ದೃಢಪಡಿಸಿದರು, ಅಭಿವೃದ್ಧಿ ಹೊಂದಿದ ರಾಷ್ಟ್ರದತ್ತ ಸಾಗುವ ಸಂಪೂರ್ಣ ಪ್ರಯಾಣವು ಅವರ ಸಬಲೀಕರಣದೊಂದಿಗೆ ಬೇರ್ಪಡಿಸಲಾಗದಂತಹ ಸಂಬಂಧ ಹೊಂದಿರಬೇಕು ಎಂದು ಒತ್ತಿ ಹೇಳಿದರು. “ನಮ್ಮ ಅತ್ಯುನ್ನತ ಆದ್ಯತೆಯಾಗಿ ವಿಕಸಿತ ಭಾರತದ ಗುರಿಯೊಂದಿಗೆ  ಯುವಜನರನ್ನು  ಪರಿಣಾಮಕಾರಿಯಾಗಿ ಸಂಪರ್ಕಿಸುವ ಮೂಲಕ ನಾವು ಸಂಪೂರ್ಣವಾಗಿ ಅದನ್ನು ಮುಂದಕ್ಕೆ ಕೊಂಡೊಯ್ಯಬೇಕಾಗಿದೆ” ಎಂದು ಶ್ರೀ ಮೋದಿ ದೃಢಪಡಿಸಿದರು.

ಕಳೆದ ದಶಕದಲ್ಲಿ 2.5 ಲಕ್ಷ ನೋಂದಾಯಿತ ಘಟಕಗಳೊಂದಿಗೆ ದೇಶೀಯ ನವೋದ್ಯಮ ಪರಿಸರ ವ್ಯವಸ್ಥೆಯ ಸ್ಫೋಟಕ ಬೆಳವಣಿಗೆಯನ್ನು ಸಂಭ್ರಮದಿಂದ ಉಲ್ಲೇಖಿಸಿದ  ಪ್ರಧಾನಮಂತ್ರಿಯವರು, 1 ಲಕ್ಷ ಕೋಟಿ ರೂ.ಗಳ ಸಂಶೋಧನೆ ಮತ್ತು ನಾವೀನ್ಯತೆ ನಿಧಿ, ಕೈಗೆಟುಕುವ ಡಿಜಿಟಲ್ ಡೇಟಾದ ಕ್ರಾಂತಿಕಾರಿ ಪರಿಣಾಮ ಮತ್ತು ಸ್ಕಿಲ್ ಇಂಡಿಯಾ, ಖೇಲೋ ಇಂಡಿಯಾ ಸೇರಿದಂತೆ ಪೂರ್ವಭಾವಿ ಚೌಕಟ್ಟುಗಳಂತಹ ಹೋಲಿಸಲಸಾಧ್ಯವಾದ ಸಂಪನ್ಮೂಲಗಳಿಂದ ನಡೆಸಲ್ಪಡುವ ಯುವ ಸಬಲೀಕರಣದ ವ್ಯಾಪಕ ಯುಗವನ್ನು ಎತ್ತಿ ತೋರಿಸಿದರು. ರಾಷ್ಟ್ರೀಯ ಡ್ರೋನ್ ನೀತಿ,  ಬಾಹ್ಯಾಕಾಶದಲ್ಲಿ ಖಾಸಗಿ ಭಾಗವಹಿಸುವಿಕೆ ಮತ್ತು 35 ವರ್ಷಗಳ ನಂತರ ಪರಿಚಯಿಸಲಾದ  ಐತಿಹಾಸಿಕ ರಾಷ್ಟ್ರೀಯ ಶಿಕ್ಷಣ ನೀತಿ 2020ನ್ನು  ಉಲ್ಲೇಖಿಸಿದರು. “ನೀವು ನಿಮ್ಮ ಬೃಹತ್ ಕನಸುಗಳನ್ನು ತನ್ನಿ, ನಾವು ಆರ್ಥಿಕ ಬೆಂಬಲದ ಪ್ರಬಲ ವ್ಯವಸ್ಥೆಯನ್ನು ಮಾಡಿದ್ದೇವೆ ಮತ್ತು ಸಂಪನ್ಮೂಲಗಳ ಕೊರತೆಯಾಗಲು ಖಂಡಿತವಾಗಿಯೂ ಬಿಡುವುದಿಲ್ಲ” ಎಂದು ಶ್ರೀ ಮೋದಿ ಹೇಳಿದರು.

ದೃಢವಾದ ಶೈಕ್ಷಣಿಕ ಮೂಲಸೌಕರ್ಯಗಳ ಪ್ರಬಲ ವಿಸ್ತರಣೆಯನ್ನು ವಿವರಿಸಿದ ಪ್ರಧಾನಮಂತ್ರಿಯವರು, ಹಿಂದಿನ ನಿಧಾನಗತಿಯ ಬೆಳವಣಿಗೆಯನ್ನು ಸಂಸ್ಥೆಗಳ ತ್ವರಿತ ಸೇರ್ಪಡೆಯೊಂದಿಗೆ ಹೋಲಿಸಿದರು, 350 ಕ್ಕಿಂತ ಕಡಿಮೆ ಇದ್ದ ವಿಶ್ವವಿದ್ಯಾಲಯಗಳ ಸಂಖ್ಯೆ ಸುಮಾರು 1,000 ಕ್ಕೆ ಮತ್ತು ವೈದ್ಯಕೀಯ ಕಾಲೇಜುಗಳು 400 ಕ್ಕಿಂತ ಕಡಿಮೆಯಿದ್ದ ಸ್ಥಿತಿಯಿಂದ ಸುಮಾರು 850 ಕ್ಕೆ ಜಿಗಿದಿದೆ ಎಂಬುದನ್ನು ಅವರುಎತ್ತಿ ತೋರಿಸಿದರು, 10,000 ಕ್ಕೂ ಹೆಚ್ಚು ಅಟಲ್ ಟಿಂಕರಿಂಗ್ ಲ್ಯಾಬ್ಗಳಿಂದ ಉತ್ತೇಜಿಸಲ್ಪಟ್ಟ ನಾವೀನ್ಯತೆ ಪರಿಸರ ವ್ಯವಸ್ಥೆ ಮತ್ತು ಯುವ ನೇತೃತ್ವದ ಸ್ಟಾರ್ಟ್ಅಪ್ಗಳು ತಮ್ಮ ಮೊದಲ ಪ್ರಯತ್ನಗಳಲ್ಲಿ ಖಾಸಗಿ ಉಪಗ್ರಹಗಳು ಮತ್ತು ರಾಕೆಟ್ಗಳನ್ನು ಉಡಾವಣೆ ಮಾಡುವ ರೋಮಾಂಚಕ  ಯಶಸ್ಸನ್ನು ಶ್ಲಾಘಿಸಿದರು. “ನಮ್ಮ ದೇಶದ ಯುವ ಮನಸ್ಸುಗಳು ಬಾಲ್ಯದಿಂದಲೇ ತಂತ್ರಜ್ಞಾನದತ್ತ ಹೆಚ್ಚು ಆಕರ್ಷಿತರಾಗುವ ದಿಕ್ಕಿನಲ್ಲಿ ನಾವು ಆಕ್ರಮಣಕಾರಿಯಾಗಿ ಕೆಲಸ ಮಾಡುತ್ತಿದ್ದೇವೆ” ಎಂದು ಶ್ರೀ ಮೋದಿ ಹೇಳಿದರು.

ಉದಯೋನ್ಮುಖ ತಂತ್ರಜ್ಞಾನಗಳಲ್ಲಿ ಸಂಪೂರ್ಣ ಜಾಗತಿಕ ಪ್ರಾಬಲ್ಯವನ್ನು ಪಡೆಯಲು ಬೃಹತ್ ಉಪಕ್ರಮವನ್ನು ಪ್ರಧಾನಮಂತ್ರಿಯವರು ಘೋಷಿಸಿದರು. ಮುಂಬರುವ ವರ್ಷದಲ್ಲಿ ಒಂದು ಕೋಟಿ ಯುವಜನರಿಗೆ ಕೃತಕ ಬುದ್ಧಿಮತ್ತೆ ಕೌಶಲ್ಯದಲ್ಲಿ ಔಪಚಾರಿಕವಾಗಿ ತರಬೇತಿ ನೀಡುವುದಾಗಿ ಕೆಂಪು ಕೋಟೆಯಿಂದ ಅವರು ಪ್ರಮುಖ ಘೋಷಣೆ ಮಾಡಿದರು. “ನಾವು ಒಂದು ಕೋಟಿ ಯುವಜನರಿಗೆ ಕೃತಕ ಬುದ್ಧಿಮತ್ತೆ ಕೌಶಲ್ಯಗಳ ತರಬೇತಿ ನೀಡಲು ಆಕ್ರಮಣಕಾರಿಯಾಗಿ ಕೆಲಸ ಮಾಡುತ್ತೇವೆ,  ನಮ್ಮ ಯುವಜನರು ಕೃತಕ ಬುದ್ಧಿಮತ್ತೆ ಕ್ಶೇತ್ರದಲ್ಲಿ ಜಗತ್ತನ್ನು ಮುನ್ನಡೆಸುವ ಸಂಪೂರ್ಣ ಸಾಮರ್ಥ್ಯವನ್ನು ಹೊಂದಿದ್ದಾರೆ” ಎಂದು ಶ್ರೀ ಮೋದಿ ಪ್ರತಿಪಾದಿಸಿದರು

ಸ್ಪಷ್ಟ, ದೂರದೃಷ್ಟಿಯ ನೀತಿಗಳಿಂದ ನೇರವಾಗಿ ಉಂಟಾಗುವ ಪರಿಣಾಮಕಾರಿ ಯಶಸ್ಸನ್ನು ಉಲ್ಲೇಖಿಸಿದ ಪ್ರಧಾನಮಂತ್ರಿಯವರು, 2014 ರಲ್ಲಿದ್ದ 60,000 ಕೋಟಿ ರೂ.ಗಳಿಂದ ಇಂದು ಸುಮಾರು 20 ಲಕ್ಷ ಕೋಟಿ ರೂ.ಗೆ ಜೈವಿಕ ಆರ್ಥಿಕತೆಯ ಸ್ಫೋಟಕ ಬೆಳವಣಿಗೆಯನ್ನು ಸಂಭ್ರಮಿಸುವ  ಉದಯೋನ್ಮುಖ ವಲಯಗಳ ವರದಿ ಪತ್ರವನ್ನು ನೀಡಿದರು. ಜೊತೆಗೆ ಎಲೆಕ್ಟ್ರಿಕ್ ವಾಹನಗಳ ಮಾರಾಟವು ವಾರ್ಷಿಕವಾಗಿ ಕೇವಲ 1.5 ಲಕ್ಷ ಇದ್ದದ್ದು 25 ಲಕ್ಷಕ್ಕೆ ಏರಿದೆ ಎಂದು ಹೇಳಿದರು. “ನೋಡಿ, ನೀತಿಗಳು ಸರಿಯಾಗಿದ್ದಾಗ ಮತ್ತು ಗುರಿ ಸ್ಪಷ್ಟವಾಗಿದ್ದಾಗ, ನನ್ನ ದೇಶದ ಯುವಜನರು ಹೇಗೆ ನಂಬಲಾಗದಷ್ಟು ಉತ್ತಮವಾಗಿ ಯಶಸ್ವಿಯಾಗಿ ಕಾರ್ಯನಿರ್ವಹಿಸುತ್ತಾರೆ ಎಂಬುದನ್ನು ” ಎಂದು ಶ್ರೀ ಮೋದಿ ಹೇಳಿದರು.

ಗ್ರಾಮೀಣ ಆಡಳಿತದ ಜೊತೆಗೆ ವಾಯುಯಾನ ಮತ್ತು ಏರೋಸ್ಪೇಸ್ ಕ್ಷೇತ್ರಗಳ ತ್ವರಿತ ವಿಸ್ತರಣೆಯನ್ನು ಒತ್ತಿ ಹೇಳಿದ ಪ್ರಧಾನಮಂತ್ರಿಯವರು, ಹೊಸ ವಿಮಾನ ನಿರ್ವಹಣಾ ಕೇಂದ್ರಗಳು ಮತ್ತು ಮೇಡ್-ಇನ್-ಇಂಡಿಯಾ ಸಿ-295 ರಕ್ಷಣಾ ಸಾರಿಗೆ ವಿಮಾನದ ಯಶಸ್ವಿ ಹಾರಾಟದ ಮೂಲಕ ಬೃಹತ್ ಉದ್ಯೋಗ ಸೃಷ್ಟಿಯನ್ನು ಉಲ್ಲೇಖಿಸಿದರು, 3.25 ಕೋಟಿ ಕುಟುಂಬಗಳಲ್ಲಿ ಗ್ರಾಮೀಣ ಆರ್ಥಿಕ ಸಾಮರ್ಥ್ಯದಲ್ಲಿ 140 ಲಕ್ಷ ಕೋಟಿ ರೂ.ಗಳನ್ನು ಅನ್ಲಾಕ್ ಮಾಡುವ ಡ್ರೋನ್ ಚಾಲಿತ ಸ್ವಾಮಿತ್ವ ಆಸ್ತಿ ಮ್ಯಾಪಿಂಗ್ ಯೋಜನೆಯ ರೋಮಾಂಚಕ ಯಶಸ್ಸನ್ನು ಶ್ಲಾಘಿಸಿದರು. “ಡ್ರೋನ್ಗಳಿಂದಾಗಿ ಗ್ರಾಮೀಣ ಆಸ್ತಿ ಯೋಜನೆಯು ಭಾರಿ ಪ್ರಮಾಣದಲ್ಲಿ  ಯಶಸ್ವಿಯಾಗುತ್ತಿದೆ, ಅಗತ್ಯ ಸಾಲಗಳು ಮತ್ತು ವ್ಯವಹಾರಕ್ಕಾಗಿ ಆಸ್ತಿ ಮೌಲ್ಯ ಒದಗಿ ಬರುವಂತೆ ಮಾಡುತ್ತಿದೆ” ಎಂದು ಶ್ರೀ ಮೋದಿ ಹೇಳಿದರು.

ಮಧ್ಯಮ ವರ್ಗದ ಕುಟುಂಬಗಳ ಮೇಲಿನ ಸ್ಪರ್ಧಾತ್ಮಕ ಪರೀಕ್ಷೆಗಳ ತೀವ್ರ ಆರ್ಥಿಕ ಮತ್ತು ಭಾವನಾತ್ಮಕ ಹೊರೆಯನ್ನು ನಿವಾರಿಸಲು ಬೃಹತ್ ಹೊಸ ಉಪಕ್ರಮವನ್ನು ಘೋಷಿಸಿದ ಪ್ರಧಾನಮಂತ್ರಿಯವರು, ಉಚಿತ ಆನ್ಲೈನ್ ತರಬೇತಿಗೆ ಚಾಲನೆ ನೀಡಿದರು. ಇದು ರಾಷ್ಟ್ರವ್ಯಾಪಿ ಸ್ಪರ್ಧಾತ್ಮಕ ಪರೀಕ್ಷಾ ಪೂರ್ವಸಿದ್ಧತಾ ಜಾಲದ ಮೂಲಕ ಉತ್ತಮ-ಗುಣಮಟ್ಟದ ಶೈಕ್ಷಣಿಕ ಬೆಂಬಲವನ್ನು ಒದಗಿಸಲು ದೃಢವಾದ ಡಿಜಿಟಲ್ ಸಾರ್ವಜನಿಕ ಮೂಲಸೌಕರ್ಯ (ಡಿಪಿಐ) ಮತ್ತು ಉನ್ನತ ಶಿಕ್ಷಕರನ್ನು ಬಳಸಿಕೊಳ್ಳುತ್ತದೆ. “ಆ ಬೃಹತ್ ಸಂಪನ್ಮೂಲಗಳನ್ನು ಒಟ್ಟುಗೂಡಿಸುವ ಮೂಲಕ, ಯುವಜನರಿಗೆ ಸಂಪೂರ್ಣವಾಗಿ ಉಚಿತ ತರಬೇತಿಯನ್ನು ನೀಡಲು ನಾವು ಸಂಪೂರ್ಣ ದೃಢವಾದ ಜಾಲವನ್ನು ನಿರ್ಮಿಸಲಿದ್ದೇವೆ” ಎಂದು ಶ್ರೀ ಮೋದಿ ಪ್ರತಿಪಾದಿಸಿದರು.

ಟಾಪ್ಸ್ ಯೋಜನೆ ಮತ್ತು ಖೇಲೋ ಇಂಡಿಯಾದಂತಹ ಅತ್ಯಂತ ವ್ಯೂಹಾತ್ಮಕ ಕಾರ್ಯತಂತ್ರದ ತಳಮಟ್ಟದ ಉಪಕ್ರಮಗಳ ಮೂಲಕ ಜಾಗತಿಕ ಕ್ರೀಡಾ ಕ್ಷೇತ್ರದಲ್ಲಿ ವರ್ಧಿಸುತ್ತಿರುವ ಭಾರತದ ಪ್ರಾಬಲ್ಯವನ್ನು ಸಂಭ್ರಮದಿಂದ ಉಲ್ಲೇಖಿಸಿದ ಪ್ರಧಾನಮಂತ್ರಿಯವರು, ಅಂತಾರಾಷ್ಟ್ರೀಯ ವೇದಿಕೆಗಳಲ್ಲಿ ತ್ರಿವರ್ಣ ಧ್ವಜದ ಹೆಚ್ಚುತ್ತಿರುವ ಉಪಸ್ಥಿತಿಯನ್ನು ಹೆಮ್ಮೆಯಿಂದ ಉಲ್ಲೇಖಿಸಿದರು, 2030ರ ಕಾಮನ್ವೆಲ್ತ್ ಕ್ರೀಡಾಕೂಟದ ಆತಿಥ್ಯ ವಹಿಸುವ ರಾಷ್ಟ್ರದ ದಿಟ್ಟ ಪ್ರಯತ್ನ ಮತ್ತು 2036ರ ಒಲಿಂಪಿಕ್ಸ್ಗೆ ಅದರ ಬಲವಾದ ಉಮೇದುವಾರಿಕೆಯನ್ನು ದೃಢಪಡಿಸಿದರು. “ಕ್ರೀಡಾ ಜಗತ್ತಿನಲ್ಲಿ ಭಾರತದ ಪ್ರದರ್ಶನವು ನಿರಂತರವಾಗಿ ಉತ್ತಮಗೊಳ್ಳುತ್ತಿದೆ ಮತ್ತು ಒಲಿಂಪಿಕ್ಸ್ ಆತಿಥ್ಯ ವಹಿಸಲು ನಾವು ಹೆಮ್ಮೆಯಿಂದ ಪ್ರಬಲ ಸ್ಪರ್ಧಿಗಳಾಗಿ ಮುಂದುವರಿಯುತ್ತಿದ್ದೇವೆ” ಎಂದು ಶ್ರೀ ಮೋದಿ ದೃಢಪಡಿಸಿದರು.

5 ರಿಂದ 15 ವರ್ಷ ವಯಸ್ಸಿನ ಮಕ್ಕಳನ್ನು ಗುರಿಯಾಗಿಸಿಕೊಂಡು ರಾಷ್ಟ್ರವ್ಯಾಪಿ ಕ್ರೀಡಾ ಪ್ರತಿಭಾನ್ವೇಷಣೆಗೆ ಚಾಲನೆ ನೀಡಿದ ಪ್ರಧಾನಮಂತ್ರಿಯವರು, ಪ್ರತಿ ಹಳ್ಳಿ ಮತ್ತು ಶಾಲೆಗಳಲ್ಲಿ ಜಾಗತಿಕ ಸ್ಪರ್ಧೆಗಳಿಗೆ ಭವಿಷ್ಯದ ಒಲಿಂಪಿಕ್ ಚಾಂಪಿಯನ್ ಗಳನ್ನು ಸಕ್ರಿಯವಾಗಿ ಗುರುತಿಸಲು, ತರಬೇತಿ ನೀಡಲು ಮತ್ತು ರೂಪಿಸಲು ಆಕ್ರಮಣಕಾರಿ ತಳಮಟ್ಟದ ಕಾರ್ಯತಂತ್ರವನ್ನು ಘೋಷಿಸಿದರು. “ಮಕ್ಕಳ ಪ್ರತಿಭೆಯನ್ನು ನೋಡಲಾಗುತ್ತದೆ ಮತ್ತು ಅವರಿಗೆ ವಿಶೇಷ ತರಬೇತಿ ನೀಡುವ ಮೂಲಕ, ಅವರನ್ನು ಹೆಮ್ಮೆಯಿಂದ ದೇಶಕ್ಕಾಗಿ ಆಡುವ ಅದ್ಭುತ ಆಟಗಾರರನ್ನಾಗಿ ಮಾಡಲಾಗುತ್ತದೆ” ಎಂದು ಶ್ರೀ ಮೋದಿ ಹೇಳಿದರು.

ತೀವ್ರ ರಾಷ್ಟ್ರೀಯ ಬಿಕ್ಕಟ್ಟನ್ನು ಉಂಟು ಮಾಡಿರುವ ಮಾದಕ ದ್ರವ್ಯ ಸೇವನೆಯ ಬಗ್ಗೆ ಮಾತನಾಡಿದ ಪ್ರಧಾನಮಂತ್ರಿಯವರು, ಮಾದಕ ದ್ರವ್ಯ ಮುಕ್ತ ಭಾರತವು ಭವಿಷ್ಯದ ಪೀಳಿಗೆಯ ಶಕ್ತಿಯನ್ನು ದೃಢವಾಗಿ ಭದ್ರಪಡಿಸಲು ಅತ್ಯಗತ್ಯವಾದ ಬೃಹತ್ ಸಾಮೂಹಿಕ ಜವಾಬ್ದಾರಿ ಎಂದು ಘೋಷಿಸಿದರು, ಪ್ರತಿ ಕುಟುಂಬ, ಎನ್ಜಿಒ ಮತ್ತು ಆಧ್ಯಾತ್ಮಿಕ ಸಂಸ್ಥೆಗಳು 100 ವಾರಗಳ ಸಮಗ್ರ ರಾಷ್ಟ್ರವ್ಯಾಪಿ ಮಾದಕ ದ್ರವ್ಯ ವಿರೋಧಿ ಅಭಿಯಾನಕ್ಕಾಗಿ ನಶಾ ಮುಕ್ತ ಯುವ ಅಭಿಯಾನದ ಅಡಿಯಲ್ಲಿ ಒಂದಾಗಲು ಕರೆ ನೀಡಿದರು. “ಈ ಅಭಿಯಾನದ ಸಕ್ರಿಯ ಭಾಗವಾಗಲು ಮತ್ತು ಮಾದಕ ಮುಕ್ತ ಭಾರತದ ಕನಸನ್ನು ನನಸಾಗಿಸಲು ಆಕ್ರಮಣಕಾರಿಯಾಗಿ ಮುಂದೆ ಬರುವಂತೆ ನಾನು ಪ್ರತಿ ಕುಟುಂಬಕ್ಕೆ ಹೇಳಲು ಬಯಸುತ್ತೇನೆ” ಎಂದು ಶ್ರೀ ಮೋದಿ ಪ್ರತಿಪಾದಿಸಿದರು.

ಲಕ್ಷಾಂತರ ಭವಿಷ್ಯಗಳನ್ನು ಸಂಪೂರ್ಣವಾಗಿ ಹಾಳುಗೆಡವಿದ್ದ ನಾಲ್ಕು ದಶಕಗಳ ಹಿಂಸಾತ್ಮಕ ಉಗ್ರವಾದದ ವಿನಾಶಕಾರಿ ಆಳ್ವಿಕೆಯನ್ನು ಪ್ರತಿಬಿಂಬಿಸಿದ ಪ್ರಧಾನಮಂತ್ರಿಯವರು, 3,500 ಕ್ಕೂ ಹೆಚ್ಚು ಭದ್ರತಾ ಸಿಬ್ಬಂದಿಯ ತ್ಯಾಗವನ್ನು ಗೌರವದಿಂದ ಸ್ಮರಿಸಿದರು ಮತ್ತು ನಕ್ಸಲಿಸಂ ನಿರ್ಣಾಯಕವಾಗಿ ನಿರ್ಮೂಲನೆ ಮಾಡಲಾಗಿದೆ ಎಂದು ಹೆಮ್ಮೆಯಿಂದ ಘೋಷಿಸಿದರು, ಅಂತಹ ದಂಗೆಗಳು ಈಗ ಸಂಪೂರ್ಣವಾಗಿ ಪ್ರಾದೇಶಿಕ ಅಭಿವೃದ್ಧಿಯ ಬೃಹತ್ ಉಲ್ಬಣದಿಂದ ಬದಲಾಯಿಸಲ್ಪಟ್ಟಿವೆ ಮತ್ತು ವಿಮೋಚನೆಗೊಂಡ ಪ್ರದೇಶಗಳಲ್ಲಿ ವಿಶ್ವಾಸವು ಪ್ರವರ್ಧಮಾನಕ್ಕೆ ಬಂದಿದೆ. “ಇಂದು ಅದೇ ಪ್ರದೇಶಗಳಲ್ಲಿ, ಅವು ಉಗ್ರವಾದದಿಂದ ಸಂಪೂರ್ಣವಾಗಿ ಮುಕ್ತವಾಗಿರುವ ಕಾರಣ, ಬೃಹತ್ ಅಭಿವೃದ್ಧಿ, ನಂಬಿಕೆ ಮತ್ತು ಪ್ರಯತ್ನದ ತ್ರಿವರ್ಣ ಧ್ವಜವು ಹೆಮ್ಮೆಯಿಂದ ಹಾರಾಡುತ್ತಿದೆ” ಎಂದು ಶ್ರೀ ಮೋದಿ ದೃಢಪಡಿಸಿದರು.

ಸೂಕ್ಷ್ಮ ಆಂತರಿಕ ಭದ್ರತೆಯ ಬಗ್ಗೆ ಕಟು ಎಚ್ಚರಿಕೆ ನೀಡಿದ ಪ್ರಧಾನಮಂತ್ರಿಯವರು, ರಾಷ್ಟ್ರೀಯ ನೀತಿಗಳ ಮೇಲೆ ದುರುದ್ದೇಶಪೂರಿತ ಪ್ರಭಾವ ಬೀರಲು ಅಧಿಕಾರದ ಕಾರಿಡಾರ್ ಗಳಲ್ಲಿ ಐತಿಹಾಸಿಕವಾಗಿ ನುಸುಳಿರುವ ಸೈದ್ಧಾಂತಿಕ ವಿಧ್ವಂಸಕ ಕೃತ್ಯಗಳು ಮತ್ತು ವಿಧ್ವಂಸಕ ಶಕ್ತಿಗಳ ವಿರುದ್ಧ ರಾಷ್ಟ್ರವು ಹೆಚ್ಚು ಜಾಗರೂಕರಾಗಿರಬೇಕು ಎಂದು ಮನವಿ ಮಾಡಿದರು. “ನಾವು ಈ ಸವಾಲನ್ನು ಕಡೆಗಣಿಸಬಾರದು, ಈ ಬಗ್ಗೆ ನಾವು ತುರ್ತಾಗಿ ಇನ್ನಷ್ಟು ಜಾಗರೂಕರಾಗಿರಬೇಕು” ಎಂದು ಶ್ರೀ ಮೋದಿ ಪ್ರತಿಪಾದಿಸಿದರು.

ಹಿಂಸೆ ಮತ್ತು ಅರಾಜಕತೆಗೆ ನಿರಂತರವಾಗಿ ಅವಕಾಶಗಳನ್ನು ಹುಡುಕುತ್ತಿರುವ ಸೈದ್ಧಾಂತಿಕ ಉಗ್ರಗಾಮಿಗಳಿಂದ ಎದುರಾಗುವ, ಬೆದರಿಕೆಯನ್ನು ಉಲ್ಲೇಖಿಸಿದ ಪ್ರಧಾನಮಂತ್ರಿ, ಈ ವಿಚ್ಛಿದ್ರಕಾರಕ ಶಕ್ತಿಗಳನ್ನು ಗುರುತಿಸಲು ಮತ್ತು ಸರಿಯಾಗಿ ಪ್ರತ್ಯೇಕಿಸಲು ಬೃಹತ್, ಹೆಚ್ಚು ಸಂಘಟಿತ ಪ್ರಯತ್ನಕ್ಕೆ ಕರೆ ನೀಡಿದರು. “ನಾವು ಈ ಸೈದ್ಧಾಂತಿಕ ಉಗ್ರಗಾಮಿಗಳನ್ನು ಗುರುತಿಸಬೇಕು, ಅವರನ್ನು ಪ್ರತ್ಯೇಕಿಸಬೇಕು ಮತ್ತು ಯುವ ಪೀಳಿಗೆಯನ್ನು ಸಕ್ರಿಯವಾಗಿ ಸಂಪರ್ಕಿಸಬೇಕು.”ಎಂದವರು ಹೇಳಿದರು.

ಆಧುನಿಕ ಯುದ್ಧವು ನಿರ್ಣಾಯಕ ದೇಶೀಯ ಮೂಲಸೌಕರ್ಯವನ್ನು ಹೆಚ್ಚಾಗಿ ಗುರಿಯಾಗಿಸುವ ವೇಗವಾಗಿ ಬದಲಾಗುತ್ತಿರುವ ಜಾಗತಿಕ ಭೂದೃಶ್ಯದಲ್ಲಿ ರಾಷ್ಟ್ರೀಯ ರಕ್ಷಣೆಯತ್ತ ಗಮನ ಹರಿಸಿದ ಪ್ರಧಾನಮಂತ್ರಿ, ಬೃಹತ್, ಆಧುನಿಕ, ಸ್ವಯಂಪ್ರೇರಿತ ನಾಗರಿಕ ರಕ್ಷಣಾ ಜಾಲವನ್ನು ರಚಿಸುವುದಾಗಿ ಅಧಿಕೃತವಾಗಿ ಘೋಷಿಸಿದರು, ಅದೇ ಸಮಯದಲ್ಲಿ ರಕ್ಷಣಾ ರಫ್ತು ಸುಮಾರು 100 ದೇಶಗಳಿಗೆ 50 ಪಟ್ಟು ಹೆಚ್ಚಾಗಿದೆ ಎಂದು ಎತ್ತಿ ತೋರಿಸಿದರು. “ಮುಂಬರುವ ದಿನಗಳಲ್ಲಿ ನಾವು ಹೆಚ್ಚು ರೋಮಾಂಚಕ ಮತ್ತು ಆಧುನಿಕ ನಾಗರಿಕ ರಕ್ಷಣಾ ಜಾಲವನ್ನು ನಿರ್ಮಿಸುತ್ತೇವೆ ಎಂದು ನಾನು ಇಂದು ಕೆಂಪು ಕೋಟೆಯಿಂದ ಹೆಮ್ಮೆಯಿಂದ ಘೋಷಿಸುತ್ತಿದ್ದೇನೆ” ಎಂದು ಶ್ರೀ ಮೋದಿ ಪ್ರಕಟಿಸಿದರು.

ವಾಯುಯಾನ, ಸ್ಟೆಮ್ (STEM) ಮತ್ತು ಎನ್.ಡಿ.ಎ. (NDA) ಮೂಲಕ ಸಶಸ್ತ್ರ ಪಡೆಗಳಾದ್ಯಂತ ಆಧುನಿಕ ರಾಷ್ಟ್ರ ನಿರ್ಮಾಣಕ್ಕೆ ಮಹಿಳೆಯರು ನೀಡಿದ ಅದ್ಭುತ ಕೊಡುಗೆಗಳನ್ನು ಸಂಭ್ರಮದಿಂದ ಉಲ್ಲೇಖಿಸಿದ ಪ್ರಧಾನಮಂತ್ರಿ, ಗ್ರಾಮೀಣ ಮಹಿಳೆಯರ ಸ್ಥಿತಿಸ್ಥಾಪಕತ್ವದ ಬೃಹತ್ ಆರ್ಥಿಕ ಸಬಲೀಕರಣವನ್ನು ಉಲ್ಲೇಖಿಸಿದರು, ಸಾಗರೋತ್ತರ ತಾಂತ್ರಿಕ ತರಬೇತಿಯ ನಂತರ ಸನಂದ್‌ನಲ್ಲಿ ಸುಧಾರಿತ ಮೈಕ್ರೋಚಿಪ್‌ಗಳನ್ನು ತಯಾರಿಸುತ್ತಿರುವ ಆತ್ಮವಿಶ್ವಾಸ ತುಂಬಿದ  ಬುಡಕಟ್ಟು ಹೆಣ್ಣುಮಕ್ಕಳ ಬಗ್ಗೆ ಅಪಾರ ಹೆಮ್ಮೆ ವ್ಯಕ್ತಪಡಿಸಿದರು. 3 ಕೋಟಿ ಲಕ್ಷಪತಿ ದೀದಿಗಳ ಸಾಧನೆಯೊಂದಿಗೆ ಆರ್ಥಿಕವಾಗಿ ಸಬಲೀಕರಣಗೊಳ್ಳುವ ನಿಟ್ಟಿನಲ್ಲಿ ಹಾಕಿಕೊಳ್ಳಲಾದ  ಮಹತ್ವಾಕಾಂಕ್ಷೆಯ ಗುರಿಯನ್ನು ಸಂಪೂರ್ಣವಾಗಿ ಮೀರಲಾಗಿದೆ ಎಂಬುದರತ್ತ ಗಮನ ಸೆಳೆದ  ಅವರು, ಅಭೂತಪೂರ್ವ ಪ್ರಾದೇಶಿಕ ಪರಿವರ್ತನೆಗೆ ಚಾಲನೆ ನೀಡಲು 6 ಕೋಟಿಯ  ದಿಟ್ಟ ಹೊಸ ಗುರಿಯನ್ನು ನಿಗದಿಪಡಿಸಿದರು. “ಇಂದು ಚಿಪ್ ತಯಾರಿಕೆಯ ಸಂಕೀರ್ಣ ಕೆಲಸವನ್ನು ಮಾಡುತ್ತಿರುವ ಆ ಹೆಣ್ಣುಮಕ್ಕಳಲ್ಲಿ ನಾನು ಕಂಡ ಅದ್ಭುತ ವಿಶ್ವಾಸವು ನನ್ನನ್ನು ನಿಜವಾಗಿಯೂ ಪ್ರಭಾವಿತಗೊಳಿಸಿತು” ಎಂದು ಶ್ರೀ ಮೋದಿ ಹೇಳಿದರು.

ಸಾರ್ವಜನಿಕ ಪ್ರತಿನಿಧಿಗಳಾಗಿ ಸೇವೆ ಸಲ್ಲಿಸುತ್ತಿರುವ ಕ್ರಿಯಾಶೀಲ ಮಹಿಳೆಯರು ನೀಡುವ ಅತ್ಯಂತ ಸಮರ್ಥ ನಾಯಕತ್ವವನ್ನು ಶ್ಲಾಘಿಸಿದ ಪ್ರಧಾನಮಂತ್ರಿ, ನಾರಿ ಶಕ್ತಿಗಾಗಿ ಸ್ಪಷ್ಟ ಕರೆ ನೀಡಿದರು, ದಶಕಗಳ ವಿಳಂಬವನ್ನು ಕೊನೆಗೊಳಿಸಲು ಮತ್ತು ಸಂಸತ್ತು ಹಾಗು ರಾಜ್ಯ ವಿಧಾನಸಭೆಗಳಲ್ಲಿ ಮಹಿಳೆಯರಿಗೆ ಮೂರನೇ ಒಂದು ಭಾಗದಷ್ಟು ಶಾಸಕಾಂಗ ಮೀಸಲಾತಿಯನ್ನು ತ್ವರಿತವಾಗಿ ಜಾರಿಗೆ ತರಲು ಎಲ್ಲಾ ರಾಜಕೀಯ ಪಕ್ಷಗಳಿಗೆ ಅವರು ಬಲವಾಗಿ  ಮನವಿ ಮಾಡಿದರು. “ಆ ಮಹಿಳೆಯರ ಗೌರವಾರ್ಥವಾಗಿ ಮುಂದೆ ಬನ್ನಿ, ಕ್ರೆಡಿಟ್ ತೆಗೆದುಕೊಳ್ಳಿ, ಆದರೆ ನನ್ನ ತಾಯಂದಿರು ಮತ್ತು ಸಹೋದರಿಯರಿಗೆ ಅವರ ಸೂಕ್ತವಾದ ಬಾಕಿ ಹಕ್ಕನ್ನು ಸಂಪೂರ್ಣವಾಗಿ ನೀಡಿ” ಎಂದು ಶ್ರೀ ಮೋದಿ ಪ್ರತಿಪಾದಿಸಿದರು.

ಹಿಂದಿನ ಕನಿಷ್ಠ ಸಾಮಾಜಿಕ ಭದ್ರತಾ ವ್ಯಾಪ್ತಿಯನ್ನು ಕಳೆದ ಪರಿವರ್ತನಾ ದಶಕದಲ್ಲಿ ಸಾಧಿಸಲಾದ ಬೃಹತ್ ವಿಸ್ತರಣೆಯೊಂದಿಗೆ ಹೋಲಿಸಿದ ಪ್ರಧಾನಮಂತ್ರಿ, 2014ರ ಮೊದಲು ಕೇವಲ 25 ಕೋಟಿ ನಾಗರಿಕರನ್ನು ಒಳಗೊಂಡಿದ್ದ  ಸಮಗ್ರ ಕಲ್ಯಾಣವು ಈಗ ಸುಮಾರು 100 ಕೋಟಿ ನಾಗರಿಕರನ್ನು ರಕ್ಷಿಸುತ್ತದೆ ಎಂದು ಉಲ್ಲೇಖಿಸಿದರು. “ಬೃಹತ್ ಅಭಿವೃದ್ಧಿಯು ಕೊನೆಯ ವ್ಯಕ್ತಿಯನ್ನು ಯಶಸ್ವಿಯಾಗಿ ತಲುಪಿದಾಗ ಮಾತ್ರ ವಿಕಸಿತ ಭಾರತದ ನಿರ್ಣಯವು ನಿಜವಾಗಿಯೂ ಈಡೇರುತ್ತದೆ” ಎಂದು ಶ್ರೀ ಮೋದಿ ಒತ್ತಿ ಹೇಳಿದರು.

ಪ್ರಬಲ ಕಲ್ಯಾಣ ಉಪಕ್ರಮಗಳು  ಜೀವನವನ್ನು ಬದಲಾಯಿಸುವ ಪರಿಣಾಮವನ್ನು ವಿವರಿಸುತ್ತಾ, ಪ್ರಧಾನಮಂತ್ರಿಯವರು ಆಯುಷ್ಮಾನ್ ಭಾರತ್ ಯೋಜನೆಯನ್ನು ಉಲ್ಲೇಖಿಸಿದರು. ಇದು 70 ವರ್ಷಕ್ಕಿಂತ ಮೇಲ್ಪಟ್ಟ ಹಿರಿಯ ನಾಗರಿಕರಿಗೆ 5 ಲಕ್ಷ ರೂ.ಗಳವರೆಗೆ ಉಚಿತ ವೈದ್ಯಕೀಯ ರಕ್ಷಣೆಯನ್ನು ವಿಸ್ತರಿಸಿದೆ ಮತ್ತು ಬಡ ಹಾಗು ಮಧ್ಯಮ ವರ್ಗದ ಕುಟುಂಬಗಳಿಗೆ ಅಧೃತವಾಗಿ ಸುಮಾರು 2 ಲಕ್ಷ ಕೋಟಿ ರೂ.ಗಳಷ್ಟು ದುಬಾರಿ ವೈದ್ಯಕೀಯ ಬಿಲ್‌ಗಳ ಉಳಿತಾಯ ಮಾಡಿದೆ. “ಈ ಆರೋಗ್ಯ ಕಾರ್ಡ್‌ನಿಂದಾಗಿ, ನನ್ನ ಬಡ ಮತ್ತು ಮಧ್ಯಮ ವರ್ಗದ ಕುಟುಂಬಗಳಿಗೆ ಔಷಧಗಳು ಮತ್ತು ಶಸ್ತ್ರಚಿಕಿತ್ಸೆಗಳಿಗೆ ವ್ಯಯವಾಗುವ ಬೃಹತ್ ಹಣವನ್ನು ಸಂಪೂರ್ಣವಾಗಿ ಉಳಿಸಲಾಗಿದೆ” ಎಂದು ಶ್ರೀ ಮೋದಿ ಗಮನಿಸಿದರು.

ಭಾರತದ ಮೊದಲ ಡಿಜಿಟಲ್ ಜನಗಣತಿ ಪ್ರಸ್ತುತ ನಡೆಯುತ್ತಿದೆ ಎಂಬುದರತ್ತ ಗಮನ ಸೆಳೆದ ಪ್ರಧಾನಮಂತ್ರಿ, ಕುಟುಂಬಗಳು ಮತ್ತು ಯುವಜನರು ಮೊಬೈಲ್ ಫೋನ್‌ಗಳ ಮೂಲಕ ಡಿಜಿಟಲ್ ಸ್ವಯಂ-ನೋಂದಣಿಯನ್ನು ಬಳಸಿಕೊಳ್ಳುವಂತೆ ಒತ್ತಾಯಿಸಿದರು, ಸಕ್ರಿಯ ನಾಗರಿಕರ ಭಾಗವಹಿಸುವಿಕೆಯ ಮೂಲಕ ಸುರಕ್ಷಿತವಾದ ದೋಷರಹಿತ ಜನಸಂಖ್ಯಾ ದತ್ತಾಂಶವು ನಿಖರವಾದ ಅಭಿವೃದ್ಧಿ ನೀಲನಕ್ಷೆಗಳು ಮತ್ತು ಪರಿಣಾಮಕಾರಿ ರಾಷ್ಟ್ರೀಯ ನೀತಿಗಳನ್ನು ರೂಪಿಸಲು ಅಡಿಪಾಯವನ್ನು ರೂಪಿಸುತ್ತದೆ ಎಂದು ವಿವರಿಸಿದರು. “ನೀವು ಡಿಜಿಟಲ್ ಆಗಿ ಹೆಚ್ಚು ನಿಖರವಾದ ಮಾಹಿತಿಯನ್ನು ಒದಗಿಸಿದರೆ, ದೇಶವು ವೇಗವಾಗಿ ಮುಂದುವರಿಯಲು ಬಹಳ ದೊಡ್ಡ ಸಹಾಯ ಮಾಡಿದಂತಾಗುತ್ತದೆ” ಎಂದು ಶ್ರೀ ಮೋದಿ ಪ್ರತಿಪಾದಿಸಿದರು.

ಈ ಡಿಜಿಟಲ್ ಜನಗಣತಿ ಅಭಿಯಾನವನ್ನು ಸಕ್ರಿಯವಾಗಿ ಮುನ್ನಡೆಸುವಂತೆ ಯುವ ನಾಗರಿಕರನ್ನು ಒತ್ತಾಯಿಸಿದ, ಪ್ರಧಾನಮಂತ್ರಿ ಅವರು ಯುವ ಜನರು ತಮ್ಮ ಕುಟುಂಬಗಳೊಂದಿಗೆ ಕುಳಿತು, ಮಾನವಚಾಲಿತ ದೋಷಗಳನ್ನು ನಿವಾರಿಸಲು ಫಾರ್ಮ್‌ಗಳನ್ನು ಎಚ್ಚರಿಕೆಯಿಂದ ಭರ್ತಿ ಮಾಡಿ ಮತ್ತು ದೋಷರಹಿತ ಡೇಟಾವನ್ನು ಆನ್‌ಲೈನ್‌ನಲ್ಲಿ ಅಪ್‌ಲೋಡ್ ಮಾಡಬೇಕು ಎಂದೂ  ಸಲಹೆ ನೀಡಿದರು. “ನನ್ನ ದೇಶದ ಯುವಜನರು ಡಿಜಿಟಲ್ ಜನಗಣತಿಯ ಈ ರೋಮಾಂಚಕ ಮಹತ್ವದ ಕೆಲಸದಲ್ಲಿ ಸಕ್ರಿಯವಾಗಿ ಮತ್ತು ತೀವ್ರವಾಗಿ ಸೇರಬೇಕೆಂದು ನಾನು ಬಲವಾಗಿ ಒತ್ತಾಯಿಸುತ್ತೇನೆ” ಎಂದು ಶ್ರೀ ಮೋದಿ ದೃಢವಾಗಿ ನುಡಿದರು.

ಪಂಚಪ್ರಾಣವನ್ನು ಪುನರುಚ್ಚರಿಸುವ ಮೂಲಕ ತಮ್ಮ ಸ್ವಾತಂತ್ರ್ಯ ದಿನಾಚರಣೆಯ ಭಾಷಣವನ್ನು ಮುಕ್ತಾಯಗೊಳಿಸಿದ ಪ್ರಧಾನಮಂತ್ರಿ, ಪ್ರತಿಯೊಬ್ಬ ನಾಗರಿಕನು ಸ್ವಹಿತಾಸಕ್ತಿಗಿಂತ ರಾಷ್ಟ್ರೀಯ ಹಿತಾಸಕ್ತಿಯನ್ನು ಆದ್ಯತೆಯಲ್ಲಿಡಲು, ವಸಾಹತುಶಾಹಿ ಮನಸ್ಥಿತಿಯನ್ನು ನಿರ್ಮೂಲನೆ ಮಾಡಲು ಮತ್ತು ಅಭಿವೃದ್ಧಿ ಹೊಂದಿದ ರಾಷ್ಟ್ರದ ನಿರಾಕರಿಸಲಾಗದ ಯಶಸ್ಸಿಗೆ ಸಾಮೂಹಿಕವಾಗಿ ಕೆಲಸ ಮಾಡಲು ಭವ್ಯ ಕನಸುಗಳನ್ನು ತ್ವರಿತವಾಗಿ ಪರಿವರ್ತಿಸಲು ಮುಂದಾಗಬೇಕು ಎಂದು ಕರೆ ನೀಡಿದರು. “ನಾವು ಪ್ರತಿ ಹೆಜ್ಜೆಯನ್ನು ಬಲವಂತವಾಗಿ ಅಭಿವೃದ್ಧಿಯ ಹೆಜ್ಜೆಯನ್ನಾಗಿ ಮಾಡೋಣ, ಹೆಜ್ಜೆಯೊಂದಿಗೆ ಹೆಜ್ಜೆಯನ್ನು ಹೊಂದಿಸೋಣ ಮತ್ತು ಒಟ್ಟಾಗಿ ಆಕ್ರಮಣಕಾರಿಯಾಗಿ ವಿಕ್ಷಿತ ಭಾರತವನ್ನು ಮಾಡೋಣ” ಎಂದು ಶ್ರೀ ಮೋದಿ ದೃಢವಾಗಿ ನುಡಿದರು.

*****