ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা নই দিল্লীদা ইস্মাইলি কম্ম্যুনিতীগী ৫০শুবা ইমাম হিস হাইনেস প্রিন্স রহিম আগা খান Vগা উনখ্রে। মীফম অদুগী মনুংদা, শ্রী মোদীনা হিস হাইনেস প্রিন্স রহিম আগা খান Vগী মপা, লৈখিদ্রবা আগা খান IV অমসুং চাউখৎ-থৌরাংগী থবকশিংদা মহাক্না লেপ্তনা শরুক তমখিবা অদুবু নীংশিংখি।

প্রধান মন্ত্রীনা হকশেল, লৌউ-শিংউ, খুঙ্গংগী চাউখৎ-থৌরাং, নহারোলশিংগী শক্তি হেনগৎহনবা অমসুং নুপীশিংগী শক্তি হেনগৎহনবা য়াওনা মরুওইবা লমশিংদা আগা খান দিবেলপমেন্ত নেতৱর্ক্কা লোয়ননা পার্তনরশিপ অসি মখা তানা মপাঙ্গল কনখৎহন্নবা লম্বীশিং খন্নখি।

এক্সকী পোস্ত অমদা শ্রী মোদীনা হায়খি;

“ঐহাক্না হিস হাইনেস প্রিন্স রহিম আগা খান Vগা উনবদা নুংঙাইবা ফাওই। মহাক্কী মপা, লৈখিদ্রবা আগা খান IV অমসুং চাউখৎ-থৌরাংগী থবকশিংদা মহাক্না লেপ্তনা শরুক তমখিবশিং অদু নীংশিংজরি।

হকশেলগী লমদা, লৌউ-শিংউ, খুঙ্গংগী চাউখৎ-থৌরাং, নহাশিং অমসুং নুপীশিংদা শক্তি পীনবগী লমদা আগা খান দিবেলপমেন্ত নেৎৱার্ক্কা লোয়ননা ঐখোয়গী পার্তনরশিপ মখা তানা মপাঙ্গল কনখৎহন্নবা লম্বীশিং খন্নখি।

@akdn”

Happy to meet His Highness Prince Rahim Aga Khan V. Fondly recalled his father, the late Aga Khan IV and his enduring contributions to development efforts.

Discussed ways to further strengthen our partnership with the Aga Khan Development Network in healthcare, agriculture,… pic.twitter.com/momsfAjgOi

— Narendra Modi (@narendramodi) September 10, 2026

*****