ভারতকী প্রধানমন্ত্রী
প্রধান মন্ত্রী, শ্রী নরেন্দ্র মোদীনা ঙসি নই দিল্লীদা ১৮শুবা ব্রিক্স সম্মিতকী নাকলদা রিপব্লিক ওফ ফিলিপিন্সকী রাস্ত্রপতি, ঐচ.ই. ফর্দিনান্দ আর. মার্কোস জুনিয়রগা উনখ্রে। প্রধান মন্ত্রীনা ফিলিপিন্সনা হৌজিক এসিয়নগী চেয়র ওইনা ব্রিক্স সম্মিত অসিদা শরুক য়াবদা নুংঙাইবা ফোংদোকখি।
লুচিংবশিংনা হিরম খুদিংমক্তা লৈবাক অনিগী মরক্তা তেংবাং পীনবগী খোংজেলদা খুমাং চাউশিল্লকপা অসিদা নুংঙাইবা ফোংদোকখি, মখোয়না ঙাকশেল অমসুং সেক্যুরিতী, ললোন-ইতিক অমসুং ইনভেস্তমেন্ত, স্পেস, রেলৱে ইনফ্রাস্ত্রকচর, ফিনতেক, এজুকেসন, তুরিজম, সাইন্স অমসুং তেক্নোলোজী, ইন্নোবেসন অমসুং মীয়ামগী মরক্তা লৈনরিবা মরীশিংদা তেংবাং পীনবা হেন্না চেৎশিলহন্নবা অমসুং পাকথোক চাউথোকহন্নবা য়ানখি। লুচিংবা অনিমক্না লৈবাক অনিগী মরক্তা হৌখিবা ওগস্ত ২০২৫দা রাস্ত্রপতি মার্কোসনা ভারত রাজ্যগী খোংচৎ মনুংদা লিংখৎখিবা স্ত্রেতেজিক পার্তনরশিপকী মখাদা লৈবাক অনিগী মরক্তা লৈনরিবা মরী অসি মখাতানা খুমাং চাউশিলহন্নবা য়ানখি। প্রধান মন্ত্রীনা ফিলিপিন্সনা কোলিসন ফোর দিজাস্তর রেজিলিয়েন্ত ইনফ্রাস্ত্রকচরদা শরুক য়ানবা ৱারেপ লৌখিববু তরাম্না ওকখি।
লুচিংবা অনিমক্না ম্যুচেল ইন্তরেস্তকী রিজনেল অমসুং গ্লোবেল ইসুশিংদা মখোয়গী ৱাখল্লোনশিং ফোংদোক্নখি অমসুং স্ত্রেতেজিক পার্তনরশিপকী লম পুম্নমক্তা তেংবাং পীনবা হেনগৎহন্নবা মখোয়গী ফিরেপ অমুক হন্না ফোংদোক্নখি।
*********
