ভারতকী প্রধানমন্ত্রী

য়োর হায়নেস, এক্সিলেন্সীশিং,

খুরুমজরি!

ব্রিক্সকী পাকথোক-চাউথোরক্লিবা ইমুং অসিদা ময়াম পুম্নমকপু তরাম্না ওকচরি।

ঙসিদি, হোল অসিনা তোঙান তোঙানবা কন্তিনেন্তশিং, কলচরশিং, অমসুং চাউখৎপগী খোঙচৎশিং পুনশিল্লি। মসি ব্রিক্সকা মরী লৈনবা হেনগৎলক্লিবা মপাঙ্গল, অপীল অমসুং মমাংদা অমুক্তা ওইখিদ্রিবা থাজবগী খুদম অমনি।

ভারতকী প্রসিদেন্সীগী মখাদা ঐখোয়না ঐখোয়গী হোৎনরিবশিং অসি য়ুম্বী মরিদা মীৎয়েং থম্লি: রেসিলিয়েন্স, ইন্নোবেসন, কোওপরেসন অমসুং সস্তেনেবিলিতী। অদোমগী তেংবাং অমসুং মতেংগা লোইননা ঐখোয়গী মান্নবা মীৎয়েং অসি মাইপাক্না চৎমিন্নবা তেংবাং পীনবা অমা ওইহনবদা ঐহাক নুংঙাইবা ফাওই।

ঙসিদি, মালেম শীনবা থুংনা লৈরিবা অৱাবা অসি লেপ্তনা হেনগৎলক্লি, মসিনা মীচম প্রজাগী পুন্সিদা শাথীনা শোকহল্লি।

লাইচৎশিং, ক্লাইমেৎ দিজাস্তরশিং অমসুং সপ্লাই চেন থিংজিনখিবশিংনা ঙসিগী অমগা অমগা শম্নরবা মালেম অসিদা, অৱাবা অসি লমদম অমা খক্তদা লেপ্লোই হায়বা উৎলে। মরম অদুনা, ঐখোয়না ব্রিক্স গ্রুপকী মনুংদা রেসিলিয়েন্স হেনগৎহনবদা অখন্নবা মীৎয়েং থম্লি। মতম চানা শিংনবশিং খঙদোকপা, মখোয়গীদমক শেম-শারিবা, অমসুং খুদক্তা থবক লৌখৎপা অসিসু চপ মান্ননা মরু ওই।

ৱাখল্লোন অসিগা লোইননা, লৌনগনবা লাইনাশিং থীংনবা অমসুং থেংননবা ব্রিক্স ইন্তিগ্রেতেদ আর্লী ৱার্নিং সিস্তেমদা য়ান্নবা অমা পুরকপা ঙমখ্রে। দিজাস্তর মেনেজমেন্তকীদমক অঙনবা মতমগী এৱার্নেস দেতা পুনশিন্নবগী লমজিং-লমতাকশিং শেমখ্রে। ব্রিক্স লোজিতিক্স সপ্লাই চেন কোওপরেসন ফ্রেমৱার্কনা ঐখোয়গী সপ্লাই চেনশিংবু হেন্না থাজবা য়াবা অমসুং রেসিলিয়েন্ত ওইহনবদা মতেং পাংগনি।

মরুপশিং,

ইন্নোবেসন য়ুম্বীগী মখাদা, ব্রিক্স ইনক্যুবেতর নেৎৱার্কনা ঐখোয়গী স্তার্ত-অপশিং অমসুং ইনক্যুবেতরশিং শম্নহল্লগনি। অনৌবা অমসুং স্কেল তৌবা ঙম্বা সোলুসনশিং পুথোক্নবা ঐখোয়না ব্রিক্স স্তার্তঅপ ইন্নোবেসন ফন্দ হৌদোক্লে।

দিজিতেল এগ্রিকলচরদা ব্রিক্স নেৎৱার্কনা লৌমীশিংগীদমক অনৌবা খুদোংচাবশিং শেমগনি। খোঙথাং অসিগী খুত্থাংদা, এ.আই., জিওস্পেসিএল তেক্নোলোজী, অমসুং দিজিতেল পব্লিক ইনফ্রাস্ত্রকচর অসি লৌমীশিংগী তঙাই ফদবশিং অদুগা চান্নহল্লগনি।

তেক্নোলোজী অমসুং ক্রিতিকেল মিনরেলশিংবু খুৎলায় ওইনা শীজিন্নবনা ঐখোয়গী অপুনবা খুমাং চাউশিল্লকপদা অৱাবা ওইহনবা য়াই। মরম অদুনা, ঐখোয়না তেক্নোলোজী শীজিন্নবদা ইনক্লুসিবিতীদা মীৎয়েং থম্লি।

মরুপশিং,

ভারতনা ব্রিক্স প্লেৎফোর্মগী খুত্থাংদা মরুপ ওইবগী মরী, পার্তনরশিপ অমসুং কোওপরেসন হেনগৎহল্লে।

ঐখোয়না ব্রিক্স কোওপরেসন অসি লৈঙাকশিং খক্তদা য়ুম্ফম ওইদনবা হোৎনরি; ঐখোয়না ঐখোয়গী ওন্তপ্রিন্যুওরশিং, লৌমীশিং, রিসর্চরশিং, নুপীশিং, নহাশিং অমসুং মীচম প্রজাশিংসু এক্তিব পার্তিসিপেন্তশিং ওইহনবা পাম্মি।

‘ব্রিক্স কনেক্ত’কী খুত্থাংদা ঐখোয়না স্কিল দিবেলপমেন্ত, এমপ্লোয়েবলিতী, ৱার্কফোর্স্তা নুপীশিংগী শরুক য়াবা, সোসিএল সেক্যুরিতী, অমসুং কেপাসিতী বিল্দিং প্রমোৎ তৌরি।

অপীকপা ইন্তর্প্রাইজশিংবু লৌশিং, শেল-থুম অমসুং অনৌবা কৈথেলশিংগা শম্নহন্নবা ‘ব্রিক্স এম.এস.এম.ই. কোওপরেসন পোর্তেল’ ইনিসিয়েতিব হৌদোকখ্রে।

ঐখোয়গী শহরশিংগী মরক্তা খ্বাইদগী ফবা থৌওংশিং শেয়র তৌনবা ‘ব্রিক্স অর্বান মোবিলিতী হব’ লিংখৎলে।

মরুপশিং,

ভারতকী সিভিলাইজেসনদা মহৌশা অসি মমা অমা ওইনা ইকাই খুম্নৈ। চাউখৎ-থৌরাং অমসুং অকোইবগী ফিভম অসি অমনা অমগী অল্তর্নেতিবশিং নত্তে, মখোয়না অমগা অমগা মরী লৈনৈ হায়না ঐখোয়না মতম কয়াগী মমাংদগী থাজনরি। ব্রিক্সকী মনুংদা, ঐখোয়না মীওইবগী চাউখৎ-থৌরাং অমসুং অকোইবগী ফিভমগী মরক্তা খল কাইদনা থম্বদা মীৎয়েং থম্লি।

মসিনা সস্তেনেবিলিতীগী য়ুম্ফম ওই। মসি তুংগী মীরোলশিংগীদমক্তসু ঐখোয়গী থৌদাং অমনি। মসিগী মতাংদা ঐখোয়না হীরম কয়াদা খুমাং চাউশিল্লে।

ঐখোয়না ব্রিক্স দিজিতেল সেন্তর ওফ এক্সেলেন্স ফোর স্মার্ত গ্রিদ অমসুং ইনর্জী স্তোরেজ লিংখৎলে। মসিনা ঐখোয়গী ক্লিন ইনর্জী সিস্তেমশিংবু হেন্না থাজবা য়াবা, ইফিসিএন্ত ওইবা অমসুং ফংহনবদা মতেং পাংগনি।

এগ্রো-ইকোলোজী অমসুং রিজেনেরেতিব এগ্রিকলচরগী সেন্তর ওফ এক্সেলেন্সনা ত্রেদিস্নেল নোলেজবু মোদর্ন সাইন্সকা পুনশিন্নগনি। কম্যুনিতিদা য়ুম্ফম ওইবা ক্লাইমেৎ এদাপ্তেসনগীদমক শেমখিবা প্রিন্সিপলশিংনা ক্লাইমেৎ এক্সনগীদমক মরুওইবা য়ুম্ফম অমা ওইনা ইন্দিজিনেল নোলেজ শেম্লগনি।

মরুপশিং,

হায়রিবা য়ুম্বী মরি অসিদা য়ুম্ফম ওইদুনা, ঐখোয়না ব্রিক্সকী খুত্থাংদা মালেমগী ইনক্লুসিব গ্রোথ হেনগৎহন্নবা হোৎনরি। মরমদি ঐখোয়না থাজৈ মদুদি ব্রিক্সকী মনুংদা পুথোক্লিবা সোলুসনশিংগী কান্নবশিং অসি ব্লোক অদু খক্তদা য়ুম্ফম ওইদুনা লৈরোইদবনি। মখোয়শিং অসি গ্লোবেল সাউথকী মথৌ তাবশিং ফংহন্নবা এদাপ্তেবল অমসুং এক্সেসিবল ওইহনগদবনি।

মরুপশিং,

ঐহাক্না ঐহাক্কী ইশাগী এক্সপরিয়েন্সকী মতুং ইন্না ব্রিক্সতা গ্লোবেল সাউথকী লৈবাকশিংগী থাজবা হেনগৎলক্লি হায়না ফোংদোকপা ঙম্মী, মরমদি ব্রিক্স মনুংদা –

মখোয়গী ভোইসশিং অদু তাই।

মখোয়গী এক্সপরিয়েন্সশিং অসি ইকাই খুম্নৈ।

অমসুং সোলুসনশিং অসি মখোয়গীদমক্তা নত্তনা মখোয়গা লোয়ননা শেম্মী।

ব্রিক্সকী মপাঙ্গল অসি ঐখোয়গী দাইভর্সিতী অমসুং কোওপরেসনদা লৈরি।

ঐখোয়না তোঙান-তোঙানবা রিএলিতিশিংদগী লাকপা ওইবা য়াই, অদুবু পুন্না, ঐখোয়মা কোওপরেসনগী খুত্থাংদা চাউখৎলি অমসুং মীওইবা খুন্নাইগীদমক লৈরি।

ঐখোয়গী দাইভর্সিতী কয়া অসি ঐখোয়গী শক্তম ওইদুনা লৈরসনু, ঐখোয়গী কোওপরেসন অসিনা ঐখোয়গী ইথিল পীবা ওইরসনু, অমসুং ঐখোয়গী খুমাং চাউশিল্লকপনা মীওইবা খুন্নাই পুম্নমক্তা মতেং পাংবা ওইরসনু।

ময়াম পুম্নমকপু হন্না-হন্না থাগৎচরি।

***********