ভারতকী প্রধানমন্ত্রী

ভারত্ত মালেমগী ওইনা চাংদম্বা ঙম্বা কন্তেন্নর শাবগী থবক পায়খৎনবা, মপান্দগী পুশিল্লকপগী মখা পোনবা হন্থনবা অমসুং সপ্লাই-চেন রিসিলিয়েন্স মপাঙ্গল কনখৎনবা শেনবা চহি ২০৩০-৪০ ফাওবা লুপা করোর ১০,০০০ গী বজেতকী শেনফম কাইথোকপগা লোয়ননা, প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা মেনুফেকচরিং প্রোমোসন স্কিম (সি এম পি এস) অয়াবা পীরে। স্কিম অসিনা অনৌবা মেনুফেকচরিং ফেসিলিতিশিং শৌগৎকনি অমসুং হৌজিক লৈরিবা কন্তেন্নর মেনুফেকচরিং য়ুনিতশিং পাকথোক-চাউথোক্নবা হোৎনগনি।

কেন্দ্রগী বজেত ২০২৬-২৭ দা কন্তেন্নর মেনুফেকচরিংগী স্কিম লাউথোকখিবনি।

মখাগী মরুওইবা মচাকশিং স্কিম অসিদা য়াওরি:

1.       গ্রিল্দ কন্তেন্নর মেনুফেকচরিং ফেসিলিতিশিং লিংখৎনবা অমসুং হৌজিক লৈরিবা কন্তেন্নর মেনুফেকচরিং কেপাসিতিশিং গৎনবা কন্তেন্নর মেনুফেকচররশিংনা ফংলিবা কেপিতেল লোনশিংদা চহিদা চাদা ৩ গী ইন্তরেষ্ট সবভেন্সন পীনবা লুপা করোর ৮৫৯ গী শেনফম অমা কাইথোক্তুনা ইন্তরেষ্ট সবভেন্সন এসিষ্টেন্স (আই এস এ) লৈরে।

2.       মালেমগী সিপ্পিং ষ্টেন্দার্দস অমসুং মতিক চারবা কন্তেন্নর মেনুফেকচররশিংনা য়োনবগী মতুংইন্না কন্তেন্নর মেনুফেকচররশিংদা শেন্থং পীনবা লুপা করোর ৮৮৯১ গী শেনফম অমা কাইথোক্তুনা ওপরেসনেল এক্সপেন্দিচর এসিষ্টেন্স (ও ই এ) লৈরি। মসিনা কোষ্ট গেপ মেনখৎপদা মতেং পাংগনি অমসুং লৈবাক অসিদা শাবা কন্তেন্নরশিং চাংদম্না ঙম্বা হেনগৎহনগনি।

3.       দাইনামিক লোঙ্গিচুদিনেল ইম্পেক তেষ্টিংগুম্বা পুন্না শীজিন্নবা য়াবা খুদোংচাবশিং লিংখৎপদা মতেং পাংনবা লুপা করোর ১৫০ গী শেনফম অমা কাইথোক্তুনা তেষ্টিং অমসুং সর্তিফিকেসনগী মতেং পাংবা।

পীগদবা কান্নবা:

•        চহিগী ওইনা লৈবাক অসিদা কন্তেন্নর পুথোকপা শরুক ১০ রোম হেনগৎকনি, ৭.৫ লাখ তি.ই.য়ু ফাওবা য়ৌগনি।

•        ভারত অফবা সিপ্পিং কন্তেন্নরশিংগী মালেমগী এক্সপোর্ত হব অমা ওইনবা মালেমগী ওইনা চাংদম্নবা য়াওবা ঙম্বা মেনুফেকচরিং বেজ অমা শেমগৎপা।

•        ভারতকী মেরিতাইম অমসুং লোজিষ্টিক্স সপ্লাই চেনশিং অৱাবা মায়োক্নবা ঙম্বা হেনগৎহনবা।

•        কোর্নর কাষ্টিংস, স্পিসিএলাই ষ্টিল, উগী ফ্রেমশিং অমসুং পেন্তশিংগুম্বা এন্সিলারি ইন্দষ্ট্রিশিং শৌগৎপগা লোয়ননা, হকথেংনবা থবক ৩,০০০ অমসুং নাকোইনবা থবক ৫০,০০০ পীগনি হায়না পানরি।

***