ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি নই দিল্লীগী ভারত মন্দপমদা ভারত রিন্যুএবল ইনর্জী সম্মিৎ অমসুং এক্সপো ২০২৬ হৌদোকখ্রে। ভারত অমসুং মপালদগী লাকপা ইন্দস্ত্রীগী লুচিংবশিং, ইনভেস্তরশিং, স্তার্তঅপকী মীহুৎশিং অমসুং মকোক থোংবা ওফিসিএলশিংগী মীফমদা ৱা ঙাংলদুনা প্রধান মন্ত্রীনা হায়খি মদুদি চহি অসিগী সম্মিৎ অসি নুংতিগী পুন্সিদা অমসুং জাতিগী চাউখৎ-থৌরাংদা রিন্যুএবল ইনর্জীগী য়াম্না মরু ওইবা অদু খঙহল্লিবা মালেমগী ইনর্জীগী শোকশিংনা খুদুম চনশিল্লবা অখন্নবা ফিভমশিং অসিগী চৈরক্তা পাংথোক্লি। মহাক্না হায়খি মদুদি চহি অসিগী থৌরমগী হীরম অসি অখন্ননা পাক চাউই মরমদি মসি ইন্তর্নেস্নেল সোলর এলাইন্সকী মপালশুবা এসেমব্লীগা পুন্না তারি অমসুং মরিশুবা গ্রীন হাইদ্রোজেন কনফরেন্সকী দেলিগেৎশিংসু য়াওরি।

গ্লোবেল ইকনোমী অসি কোরোনা লাইচৎতগী হৌরগা হৌজিক চৎথরিবা নোংচুপ এসিয়াগী লান অসিদগী অমুক্তা ওইখিদ্রিবা অপনবশিংনা চৈথেং পীরিবা অসি পল্লদুনা প্রধান মন্ত্রীনা হায়খি মদুদি ভারত মচা করোর ১৪০না লৈবাক অসি অৱাংবা ইকনোমিক গ্রোথ ঙাক্তুনা থমদুনা অৱাবা অসি ইফেক্তিব ওইনা মেনেজ তৌখিবদা চাউথোকচবা পোকই। মহাক্না হায়খি মদুদি চহি তরা লেপ্তনা দোমেস্তিক ইনভেস্তমেন্ত তৌবা অমসুং সিস্তমেতিক রিফোর্মশিং ক্লিন ইনর্জীদা পুরকপা অসিনা লৈবাক অসিবু মপালগী অকনবা চৈথেংশিংদগী লৈবাক অসিবু ঙাকথোকখি। “করিগুম্বা ভারতনা ক্লিন ইনর্জীদা ইনভেস্ত তৌরমদ্রবা অমসুং হৌখিবা চহি তরাগী খুজিং হেনবা অসিদা অনৌবা সিস্তেমশিং শেমলমদবা তারবদি ঐখোয়গী চৈথেং অসি মালেমদগী হেন্না শাথিরম্বা য়াই”, হায়না পি.এম. মোদীনা হায়খি।

হন্দক্কী মালেমগী অপনবশিং অসিনা ইনর্জী সেক্যুরিতী অমসুং ইকনোমিক সেক্যুরিতীগী মরক্তা হকথেংননা মরী অমা লৈ তাকখ্রে হায়না ফোংদোক্লদুনা প্রধান মন্ত্রীনা চেকশিনৱা থমখি মদুদি মখা তানা ফোসিল ফুএলদা কা হেন্না মীপাল তাংবনা মালেমগী ইকনোমীদা হঞ্জিন হঞ্জিন অপনবা থোকহনগনি মরমদি ফোসিল রিজর্বশিং অসি লোইবা নাই অমসুং লমদম খরা খক্তদা ফংই। মহাক্না খুদোংথিবা অসিবু ক্লিন ইনর্জীগী ঙমখৈ লৈতবা, মালেম শিনবা থুংনা ফংবা ঙম্বগী মতিংগা খেন্নবা অদু উৎখি। “অমসুং ঐখোয় পুম্নমক্না খঙই, ইনর্জী সেক্যুরিতীগী তুংলমচৎ অসি ক্লিন ইনর্জীদা লৈ,” হায়না শ্রী মোদীনা ফোংদোকখি।

ভারতকী চহি ১২গী ক্লিন ইনর্জীগী খোঙচৎ অসি ২০৩০ ফাওবদা নন-ফোসিল কেপাসিতীগী ৫০০ গিগাৱাত ফংনবা মাগী কোপ-২৬কী পান্দম অদুনা তাক্লদুনা মসিবু প্রোমিস, পেসন অমসুং পরফোর্মেন্সনা মশক তাকপা অমনি হায়না ফোংদোক্লদুনা প্রধান মন্ত্রীনা হায়খি মদুদি থাখিবা মতমদগী চহি মঙা ঙনখৎনা ২০২৫দা নন-ফোসিল সোর্সশিংদগী মাগী ইনস্তোল পাৱর কেপাসিতীগী শরুক তঙ্খাই পীনবা মাগী পেরিসকী ৱাশক অদু থুংহনখ্রে। ভারতনা সোলর অমসুং রিন্যুএবল ইনর্জীদা মকোক থোংবা লৈবাক অহুমগী মনুংদা হৌজিক চনবা ঙমলে লোয়ননা নন-ফোসিলগী ইনস্তোল কেপাসিতীগী চাদা ৫০ হেল্লে অমসুং ৫০০ গিগাৱাতকী পান্দমগী মাইকৈদা চংশিন্দুনা ৩০০ গিগাৱাতকী ময়াদা হান্নদগী ফংবা ঙমখ্রে হায়না পল্লদুনা মহাক্না মথংগী চহি ১০দগী ১১ অসিদা অনৌবা নন-ফোসিল কেপাসিতীগী অতোপ্পা ৫০০ গিগাৱাত অমা হাপচিন্নবা অচৌবা পান্দম অমা লাউথোকখ্রে। “মসিগী পান্দম অসি অৱাবা ওইবদি য়াই অদুবু ঐহাক্না ঐহাক্কী লৈবাক্কী তৌবা ঙম্বদা থাজবা থম্মি; মরম অদুনা ঐহাক্না হায়রি, ঐখোয়না মসি পাংথোক্কনি!” হায়না পি.এম. মোদীনা ফোংদোকখ্রে।

ভারতনা মাগী ইন্নোভেসনশিংগী কান্নবশিং অমসুং এক্সপরিয়েন্সশিং অসি মীওইবা জাতি পুম্নমক্কা শিয়র তৌবা পাম্মি হায়না হায়রদুনা প্রধান মন্ত্রীনা হায় মদুদি লৈবাক অসিনা মমাংদা পীখিবা অখন্নবা খুদমশিং অদু উৎত্রিঙৈগী মমাংদা চপ মান্নবা কোওপরেতিবকী ৱাখল্লোনগা লোয়ননা গ্রীন ইনর্জীগীদমক হোৎনখি। “লম অসিদা ভারতকী মায় পাকপশিং অসি মালেমগী লৈবাক কয়ামরুমগীদমক কান্নবা ওইরগনি,” হায়না শ্রী মোদীনা হায়খ্রে।

য়ুম করোর অমদা রুফতোপ সোলর পেনেলশিং ইনস্তোল তৌনবা ফেব্রুৱারী ২০২৪দা হৌদোকখিবা পি.এম. সুর্য় ঘর মুফ বিজলি য়োজনাগী খোঙজেল য়াংনা খুমাং চাউশিল্লকপা অদুগী মতাংদা অকুপ্পা মরোল ফোংদোক্লদুনা প্রধান মন্ত্রীনা হায়খি মদুদি য়ুমথোং লাখ ৬৫ হেনবনা থা ২৪দগী ২৫গী মনুংদা মসিগী ইহৌ অসিদা য়াওশিন্দুনা নুমিৎ তরুক্নি খুদিংগী অনৌবা য়ুম লাখ অমদা হাপ্পা ঙম্বগী খোঙজেলদা চংশিন্দুনা মৈগী বিলশিং অসি চাউরাক্না চাদা ৬৭রোম হন্থহনবা ঙমখ্রে হায়না স্তদী অমনা হায়রি অমসুং গ্রিদতা সরপ্লস পাৱর য়োল্লিবা ইমুং লাখ কয়ানা হৌজিক বিল জিরোদা হন্থহল্লি। “ভারতকী স্কিম অসিনা লৈবাক কয়াদা ইনর্জী সেক্যুরিতীদা শক্তি পীবা ঙমগনি,” হায়না পি.এম. মোদীনা হায়খ্রে।

নুংতিগী পুন্সি, ইন্দস্ত্রী অমসুং লৌউ-শিংউদা সোলর পাৱর ইন্তিগ্রেৎ তৌনবা হৌখিবা চহি ১২দা হোৎনরিবশিং অদু পল্লদুনা প্রধান মন্ত্রীনা হায় মদুদি সোলর ইনর্জীগা লোয়ননা সরকারগী বিল্দিং ৪৪,০০০ হেনবা অসি কন্নেক্ত তৌবনা চহিদা লুপা করোর ৭০০কী ময়াদা কনবা ঙম্লে, অমরোমদা কুসুম স্কিমনা লৌমী লাখ ৩০ হেনবদা সোলর ইরিগেসন পীখি অমসুং সোলর পম্প বেনিফিসরী অমমমনা চহি খুদিংগী লুপা লাখ অমগী ময়াদা কনবা ঙম্লে। ঈশিংগী ঈপাকশিং ওপ্তিমাইজ তৌনবা অমসুং লম লৌশিনবগী শেনফম কনবা ঙম্নবা রিজার্বরশিং, পুখ্রিশিং অমসুং পাৎশিংদা সোলর পেনেলশিং ইনস্তোল তৌখিবা পি.এম. সর্য় ঘর সরোভর য়োজনাগী মতাংদসু মহাক্না পনখি। “ভারতনা সোলর পাৱর অসি মাগী প্রজাশিংগী পুন্সিগী শরুক অমা ওইহল্লি,” হায়না শ্রী মোদীনা হায়খ্রে।

ভারতকী ক্লিন ইনর্জী ইকোসিস্তেম অসি হাইদ্রো, সোলর, ৱিন্দ অমসুং ন্যুক্লিয়র পাৱরদগী হেন্দোরক্লি হায়রদুনা প্রধান মন্ত্রীনা ফোংদোকখি মদুদি লৈবাক অসিনা ত্রান্সপোর্ত সেক্তরদা গ্রীন হাইদ্রোজেন ইন্তিগ্রেৎ তৌদুনা চহি তরাগী খুজিং অসি লোইশিল্লকপদা গ্রীন হাইদ্রোজেন তন লাখ ৫০ পুথোক্নবা নেস্নেল গ্রীন হাইদ্রোজেন মিসনগী মখাদা মিসন মোদতা খুমাং চাউশিল্লি। “শুপ্নগী থা খরগী মাংদা ভারতনা মাগী অহানবা গ্রীন হাইদ্রোজেন ত্রেন চেনবা হৌহনখ্রে,” হায়না পি.এম. মোদীনা হায়খ্রে।

পাৱর জেনরেসন অসি সোলর অমসুং ৱিন্দগী হায়-প্রদক্সন জোনশিংদগী আউৎপুৎ হন্থবশিংদা ইফিসিএন্ত ওইনা দিস্ত্রিব্যুসন তৌবগা চান্নহন্দুনা লৈবাক শিনবা থুংবদা লৈরিবা য়ুমশিং, ফার্মশিং অমসুং ইন্দস্ত্রীশিংদা চপ মান্ননা কান্নবা ফংহল্লি ফোংদোক্লদুনা প্রধান মন্ত্রীনা রিজনেল গ্রিদ মঙাবু সিঙ্গল ফ্রিক্বেন্সীদা পুনশিনখিবা ৱান নেসন, ৱান পাৱর গ্রিদ নেৎৱার্কনা সপোর্ত তৌবা দেদিকেতেদ ত্রান্সমিসন লাইনশিং অমসুং সবস্তেসনশিং য়াওবা গ্রীন ইনর্জী কোরিদোরশিং শেমগৎলি হায়খ্রে। মহাক্না মখা তারদুনা হায় মদুদি লৈবাক অসিনা ত্রান্সমিসন ইনফ্রাস্ত্রকচর হেন্না মপাঙ্গল কনখৎহন্নবা মথংগী তাঙ্কক্তা হৌজিক চংশিল্লি। “হন্দক্তা, ভারতনা মসিগীদমক লুপা করোর লাখ ২ রোমগী ইনভেস্তমেন্ত অমগী পান্দম থমখিবা লৈখ্রে”, হায়না শ্রী মোদীনা হায়খি।

ভারতকী গ্রীন ইনর্জীগী মায় পাকপা অসিনা অপিকপা সোলর কম্পোনেন্তশিংদং ফাওবা মপানদগী পুশিল্লকপদা চহি কয়া মপুং ফানা মীপাল তাংলম্লবা মতুংদা দোমেস্তিক মেন্যুফেকচরিংদা চাউনা হেনগৎহল্লি হায়রদুনা প্রধান মন্ত্রীনা সোলর মোদ্যুল মেন্যুফেকচরিং কেপাসিতী অসি চহি তরাগী খুজিং অমগী মমাংদা ২ গিগাৱাত ওইরম্বা অদু সোলর সেল কেপাসিতীগী ৪০ গিগাৱাতকা লোয়ননা ঙসি ২০০ গিগাৱাত হেনবা ঙম্লে অমসুং অতোপ্পা কম্পোনেন্তশিং পুথোকপদসু পাকথোক চাউথোরক্লি। “হায়বদি গ্রীন ইনর্জীগা মরী লৈনবা ভারতকী পান্দমশিং অসি ঐখোয়গী আত্মনির্ভর ভারত কেম্পেন অমসুং মেক ইন ইন্দিয়া কেম্পেন মায় পাকপগী খুদমসু ওইরি,” হায়না পি.এম. মোদীনা ফোংদোকখ্রে।

লৈবাক অসিনা মাগী মাগী মায় পাকপশিংদা পেন্থোকপগী মহুৎ মাগী খোঙজেল য়াংবা মোমেন্তম অদু ঙাক্তুনা থম্নবা হায়রদুনা প্রধান মন্ত্রীনা সরকারগী বিল্দিং, স্কুল, কোলেজ, হোস্পিতাল অমসুং স্ত্রীৎলাইৎ নেৎৱার্ক খুদিংমক সোলর ইনর্জীগা কন্নেক্ত তৌনবগীদমক হায়খ্রে। মহাক্না তোপ পরফোর্মরশিংবু ইন্সেন্তিভাইজ তৌনবা রাজ্যশিং অমসুং লোকেল বোদীশিংগী মরক্তা অফবা কম্পিসন থৌগৎনবা অমসুং লোকেলগী মায় পাকপগী ৱারীশিংদগী পিয়র লর্নিং য়াহন্নবা হায়খ্রে। “ঐখোয়না মসিগী থবক অসি অথুবদা খোঙজেল য়াংনা তৌগদবনি,” হায়না শ্রী মোদীনা হায়খ্রে।

লৌউ-শিংউদা সোলর পাৱর পাকথোক-চাউথোকহন্নবগী অখন্নবা সজেসন অমা পীরদুনা প্রধান মন্ত্রীনা লৌউ-শিংউ তৌদবা ফার্মগী মফমশিং শীজিন্নদুনা সোলর পম্প লাখ কয়া য়েন্থোকপদগী হেন্না থবক তৌনবা হায়খ্রে। মহাক্না অহাংবা লম লোয়ননা লৌবুক্কী ঙমখৈদা লৈবা পল্লিবশিংদসু সোলর পেনেলশিং ইনস্তোল তৌনবা খুঙ্গং কয়াদা লৌমীশিংদা পুক্নিং থৌগৎপগী মথৌ তাবা অদুদা অকনবা ৱাফম থমখি। “ঐখোয়না সোলর পম্পশিংদগী হেনবা তৌগদবনি,” হায়না পি.এম. মোদীনা ফোংদোকখ্রে।

সোলর রিভোল্যুসনগী অনৌবা চহিচা অসিনা এদোপ্সনগা চাং মান্ননা ইন্নোভেসনগী মপাল তাংলি ফোংদোক্লদুনা প্রধান মন্ত্রীনা মপালদগী পুশিল্লকপা গ্যাসকী মীপাল তাংবা হন্থহন্নবা রুফতোপ সোলর কুকিং অমসুং ইলেক্ত্রিক্কী চকা অনি পানবা অমসুং কারশিংগীদমক হোম সোলর চার্জিং তৌবা য়াওবা য়ুমগী মথৌ তাবশিং য়ারিবা মখৈ থুংহনবা ঙম্নবা স্তার্তঅপশিং, আই.আই.তি.শিং, ইন্নোভেতরশিং অমসুং ওন্ত্রপ্রিন্যুওরশিংদা পুং কুন মরি চুপ্না, নোংজু-নুংশা খাইদবা সোলর মোদেলশিং দিজাইন তৌনবা হায়খ্রে। “মসিগী খুত্থাংদা লৈবাক অসিগী মিদ্দল-ক্লাসকী ইমুংশিংনা চহি খুদিংগী লুপা লিশিং কয়া কনবা ঙম্লে”, হায়না শ্রী মোদীনা ফোংদোকখ্রে।

খুঙ্গংগী এলাইদ সেক্তরশিংদা অখন্নবা ক্লিন ইনর্জী এপ্লিকেসনশিংগীদক মথৌ তাবা অদু পল্লদুনা প্রধান মন্ত্রীনা দাইরী সেক্তরদা সোলর পাৱর প্রমোৎ তৌনবা দেদিকেতেদ সোলর প্রদক্তশিং শেমগৎনবগীদমক হায়খ্রে। “শা-ষনগী মচিঞ্জাক, মহৈ মরোং উবা অমসুং লৌরোক মতুং অসিগুম্বা থবক খুদিংমক্কীদমক সোলর ইক্বিপমেন্ত পুথোক্কদবনি”, হায়না পি.এম. মোদীনা হায়খ্রে।

পান্দমশিং অসি ফংনবা হোৎনবদা নেক্স-জেনরেসন ইন্নোভেসন, ইন্দিজিনস স্তোরেজ হার্দৱেয়র, অমসুং অনৌবা বেত্তরী স্তোরেজ কেপাসিতীগী মথৌ তাই হায়রদুনা প্রধান মন্ত্রীনা মসিগী মথৌ তাবা অসি ভারতকী নহারোলগীদমক অচৌবা খুদোংচাবা অমানি অমসুং মসিগী খুদোংচাবা অসি রিসর্চ তৌরিবা অমসুং ইনভেস্তরশিংনা লৌহৌগদবনি। “ভারত্তা অদোম্না শেমখিবা সোল্যুসনশিং অসি মালেমগী লৈবাক কয়ামরুমগীদমক কান্নবা ওইরক্কনি,” হায়না শ্রী মোদীনা ফোংদোকখ্রে।

মালেমগী নৌরিবা লৈবাকশিংগী মনুংদা অমদা ক্লিন ইনর্জীগী ইনিসিএতিব খুদিংমক্না পেনেল অমসুং হার্দৱেয়র মেন্যুফেকচরিং, ইনস্তোলেসন, সর্ভিসিং অমসুং ত্রান্সপোর্তেসনদা থবক লিশিং কয়া পীরি পল্লদুনা প্রধান মন্ত্রীনা ইকনোমী শিনবা থুংনদা সোলর কেপাসিতী হেন্না পাকথোক চাউথোকপা অসিনা থবক্কী খুদোংচাবশিং হেনগৎহনগনি। “চাকশঙগী স্তোবতগী হৌরগা ত্রান্সপোর্তকী পাম্বৈশিং ফাওবা খুদিংমকপু সোলর-পাৱর-দ্রিভন অমসুং গ্রীন-ইনর্জী-দ্রিভন ওইহল্লকপা মতমদা অনৌবা ইন্দস্ত্রী অমা থোরক্কনি,” হায়না পি.এম. মোদীনা ফোংদোকখ্রে।

গ্লোবেল ইনভেস্তরশিংদা ভারতকী লম্বা লৈত্রবা দিমান্দ, স্কেল, স্কোপ, অমসুং পোলিতিকেল অমদি পোলিসী স্তেবিলিতী অসিবু শীজিন্নহৌনবা বর্তন তৌরদুনা প্রধান মন্ত্রীনা হায়খি মদুদি রিন্যুএবল ইনর্জী সেক্তরনা হৌখিবা দিকেদ অসিদা লুপা করোর লাখ ১৫ নত্ত্রগা দোলর বিলিয়ন ১৬৫ হেন্না চীংশিল্লি, মসিদা ২০২৪গী রি-ইনভেস্ত সম্মিৎতগী হৌদুনা শুপ্নগী চহি অনিদা লুপা করোর লাখ ৬ নত্ত্রগা দোলর বিলিয়ন ৬৩ য়াওরি লোয়ননা ইনভেস্তমেন্তগী খুদোংচাবা অসি চহি তরাগী খুজিং অসিনা লোইশিল্লকপদা লুপা করোর লাখ ২০ নত্ত্রগা দোলর বিলিয়ন ২২০ হেনগনি পান্নরি। “মরম অদুনা নখোয় পুম্নমক্কীদমক খুদোংচাবশিংগী অনৌবা পনখৈ অমা ভারতকী ক্লিন ইনর্জী সেক্তরদা হাংদোরক্লি”, হায়না শ্রী মোদীনা হায়খ্রে।

ক্লিন ইনর্জীগী খোঙচৎ অমসুং ইন্তর্নেস্নেল সোলর এলাইন্স অনিমকপু শৌগৎলিবা ভারতকী মালেমগী ওইবা মেসেজ ৱান আর্থ, ৱান ফেমিলী, ৱান ফ্যুচর অদু নীংশিংলদুনা প্রধান মন্ত্রীনা হায়খি মদুদি লৈবাক অসিনা তঙাই ফদবা শেনফম, তেক্নোলোজী অমসুং এক্সপর্তীজ অসি মথৌ তারিবা লৈবাক খুদিংদা য়ৌহন্নবা হোৎনরি। “মরম অদুনা, আফ্রিকাগীদমক্তা, দোল্লর মিলিয়ন ২০০গী আফ্রিকা সোলর ফেসিলিতী অমগী প্রপোজেল অমা পুখৎলে,” হায়না পি.এম. মোদীনা হায়খ্রে।

লাক্কদৌরিবা চহি তরা অসি মালেমগী ক্লাইমেৎকী পান্দমশিং ফংনবগীদমক য়াম্না মরু ওই হায়না পল্লদুনা প্রধান মন্ত্রীনা মীফম অদুদা শরুক য়ারিবা মীওইশিংনা লৈবাক খুদিংমক অমসুং লমদম খুদিংমকপু অহোংবা অসিদা শম্নদুনা তুংলমচৎকীদমক মরু ওইবা থৌদাং অমা লৌগনি হায়না থাজবা থমখি। শ্রী মোদীনা হায়খি, “মদুদা খক্তা ঐখোয়না ক্লিন ফ্যুচর, গ্রীন ফ্যুচর অমসুং সেক্যুর ফ্যুচর অমা শেমগৎপা ঙমগনি।”

Speaking at the Bharat Renewable Energy Summit in Delhi. Watch my speech. https://t.co/09hT8k2qmU

— Narendra Modi (@narendramodi) November 2, 2026

पिछले कुछ वर्षों से Global Economy ने अभूतपूर्व संकट देखे हैं।

कोरोना की महामारी से लेकर West Asia Crisis तक…दुनिया ने कई बड़े संकटों का सामना किया है।

और West Asia का संकट तो अभी भी जारी है…लेकिन 140 करोड़ भारतीयों को इस बात का गर्व है कि हमने अब तक इस संकट को बेहतर तरीके से संभाला है और इस संकट के बावजूद भी भारत की growth high रही है: PM @narendramodi

— PMO India (@PMOIndia) November 2, 2026

Energy Security का future Clean Energy में है: PM @narendramodi

— PMO India (@PMOIndia) November 2, 2026

सौर क्रांति का ये नया दौर केवल adoption का नहीं है…ये innovation पर भी निर्भर है।

इसलिए मैं अपने Startups से, IITs, innovators और Entrepreneurs से विशेष आग्रह करुंगा…आप आगे आएं…आप ऐसे model बनाएं जहां एक परिवार की ज्यादा से ज्यादा जरूरतें solar power से पूरी हों: PM @narendramodi

— PMO India (@PMOIndia) November 2, 2026

***