ভারতকী প্রধানমন্ত্রী

ঐহাক্কী মন্ত্রীমন্দলগী কেন্দ্র মন্ত্রী প্রহ্লাদ জোশিজি , শ্রীপদ নাইকজি , ইন্দস্ত্রীগী লুচিঙবা পুম্নমক , ইনভেস্তরশিং , স্তার্তঅপ ৱার্ল্দগী মরুপশিং , মকোক থোঙবা ওফিসিএলশিং , ইকায় খুম্নজরবা মিথুংলেনশিং , ভারত অমসুং মপান লৈবাকশিংদগী লাকপা ইচিল-ইনাও অমসুং ইচল-ইচেশিং।

ভারত রিন্যুএবল ইনর্জি সমিৎ অসিদা ময়াম পুম্নমকপু তরাম্না ওকচরি অমসুং য়াইফ-পাওজেল পিজরি। চহি অসিগী সমিৎ অসি অখন্নবা অমনি মরমদি মসি অখন্নবা ফিভমশিংদা পাঙথোক্লি। চহি অসিদা মতৌ করম্না ইনর্জিদা খংহৌদনা অপনবা থোকখিবগী মতাঙদা খন্ন-নৈনবশিংনা অচৌবা মওংদা মপাল তাংবগে হায়বদু ঐখোয়না উবা ফংলে। ঐখোয়গী পূন্সিদা অমসুং ঐখোয়গী চাওখৎ-থৌরাংগী খোঙচত্তা রিন্যুএবল ইনর্জিগী মরুওইবা অদু চহি অসিদা হেন্না ময়েক শেংলে। সমিৎ অসিগা লোয়ননা ইন্তর্নেস্নেল সোলর এলায়েন্সকি ৯সুবা এসেম্বলি পাংথোকপা অসিসু নুংঙায়বা থৌদোক অমনি। গ্রীন হায়দ্রোজেনগী মরিসুবা কনফরেন্সতা শরুক য়ারিবা মিহুৎশিংসু মফম অসিদা শরুক য়ারি। হায়বদি চহি অসিগী থৌরম অসিগী স্কেল অসি য়াম্না চাওই হায়বনি। ঐহাক্না ময়াম পুম্নমকপু য়াইফ-পাওজেল পিজরি।

মরুপশিং,

হৌখিবা চহি খরসিদা মালেমগী শেনমিৎলোন্দা মমাঙদা অমুক্তা ওইখিদ্রিবা মওংদা ক্রাইসিসশিং উবা ফংলে। কোবিদ লাইচত্তগী হৌরগা ৱেস্ত এসিয়াগী ক্রাইসিস ফাওবা, মালেম অসিনা অচৌবা শিংনবা কয়া মায়োক্নরি, অমসুং ৱেস্ত এসিয়াদা ক্রাইসিস অসি হৌজিকসু মখা চত্থরি। অদুবু ভারত মচা ক্রোর ১৪০না ঐখোয়না শিংনবশিং অসি অতোপ্পা কয়াদগী হেন্না ফনা থেংনবদা চাওথোকচবা ফাওই, অমসুং অসিগুম্বা ক্রাইসিসশিং অসি লৈরবসু ভারতকি গ্রোথ অসি ৱাংনা লৈরি। হৌখিবা দিকেদ কয়াদগী ভারতনা ক্লিন ইনর্জিদা শেল থাদরম্লবদি অমসুং সেক্তর অসিদা অনৌবা সিস্তেমশিং লিংখৎলমদ্রবদি ঐখোয়গী ক্রাইসিস অসি মালেম পুম্বনা থেংনরিবা অসিদগী য়াম্না হেন্না শাথিবা ওইরম্লগনি।

মরুপশিং,

মালেমগী ক্রাইসিস অসিনা লৈবাক খুদিংমক্তা ময়েক শেংবা পাওজেল অমা পিরে: ইনর্জি সেক্যুরিতি অসি ইকোনোমিক সেক্যুরিতিগা হকথেংননা মরি লৈনৈ। অমসুং ঐখোয় পূম্নমক্না খঙই মদুদি ইনর্জি সেক্যুরিতিগী তুংগী ফিভম অসি ক্লিন ইনর্জিদা লৈরি। করিগুম্বা ঐখোয়না মখা তানা ফোশিল ফ্যুএলদা য়াম্না মখা তানা মখা পোল্লবদি মালেমগী শেনমিৎলোন অসি হঞ্জিন হঞ্জিন খুদোংচাদবা কয়া মায়োক্নগনি। ফোশিল ফ্যুএল রিজরভরশিং অসি য়াম্না নেম্মী অমসুং লমদম খরখক্তদা কন্সেন্ৎরেৎ তৌই। মায়কৈ অমারোমদা রিন্যুএবল ইনর্জিদা লিমিৎ লৈতবা পোতেন্সিয়েল লৈরি, অমসুং লমদম খুদিংমক অমসুং লৈবাক খুদিংমক্না মসিদগী কান্নবা ফংলবা য়াই।

মরুপশিং,

হৌখিবা দিকেদ কয়াদগী সেক্তর অসিদা ভারতকি খোঙচৎ অসি ৱাশক, পামজবা, অমসুং থবক পাংথোকপগী অমনি। মসিগী প্রমান অসি সি.ও.পি.-২৬তা পিখিবা ঐখোয়গী ৱাশক অদুনি। ২০২১গী সমিত্তা ভারতনা ২০৩০ ফাওবদা নন-ফোশিল ফ্যুএল কেপাসিতি গীগাৱাত্‍‌ ৫০০ ফঙনবা ৱারেপ লৌখি, ঐখোয়না হায়খি: ঐখোয়না তৌগনি! ঐখোয়গী পেরিশকি ৱাশক অদুদা ভারতনা মসিগী ইন্সতোল তৌরবা পাৱর কেপাসিতিগী শরুক অহুম থোকপগী অমদি নন-ফোশিল সোর্সশিংগী খুত্থাংদা ফংহন্নবা পান্দমসু থমখিবনি। ভারতনা মশামক্না পান্দম অদু ২০২৫দা ফংবা ঙমখি, অতোপ্পা ৱাহন্থোক অমদা হায়রবদা, ঐখোয়না মসি চহি মঙাগী মমাঙদা ফংবা ঙমখি। ঙসিদি ঐখোয়গী ইন্সতোল তৌরবা পাৱর কেপাসিতিগী চাদা ৫০ হেন্না নন-ফোশিল সোর্সশিংদা য়ুম্ফম ওইরি। ভারতসু গীগাৱাত্‍‌ ৫০০গী পান্দম অদু ফঙনবা চেৎনা মাংলোমদা চংশিল্লি। ঐখোয়না হান্ননা চাওরাক্না গীগাৱাত্‍‌ ৩০০ ফংবা ঙমলে। অদুগাা ঙসিদি সোলর অমসুং রিন্যুএবল ইনর্জিগী লমদা মালেমগী মকোক থোঙবা লৈবাক অহুমগী মনুংদা ভারত য়াওরি। মথংগী চহি তরাদগী তরামাথোই ফাওবগী মনুংদা ঐখোয়না হোত্‍‌নরিবা অসি অনৌবা নন-ফোশিল ফ্যুএল কেপাসিতিগী অতোপ্পা গীগাৱাত্‍‌ ৫০০ হাপচিনবনি। মসিগী পান্দম অসি খরা শিংনবা অমনি, অদুবু ঐহাক্কি লৈবাক্কি তৌবা ঙম্বশিংদা ঐহাক্না মপুঙ ফানা থাজবা থম্লি। অমসুং মরম অসিনা, ঐহাক্না হায়রি: ঐখোয় তৌগনি!

মরুপশিং,

ঐখোয়না ভারতকি অনৌবা পুথোকপা অমসুং ভারতকি এক্সপরিয়েন্সনা মিওইবা জাতি পুম্নমক্তা কান্নবা ফংহনবা পাম্মী। মসি গ্রীন ইনর্জিগী মায়কৈদসু ঐখোয়গী এপ্রোচনি। হীরম অসিদা ভারতনা মায়পাকপা অসি মালেমগী লৈবাক কয়াদা কান্নবা ওইবা য়াই। মসি ঐহাক্না খুদমশিংগী খুত্থাংদা শন্দোক্না তাক্কনি।

মরুপশিং,

২০২৪গী ফেব্রুৱারিদা ঐখোয়না পি.এম.সুর্য় ঘর মুফ বিজলি য়োজনা হৌদোকখি। স্কিম অসিগী মখাদা য়ুম কোতি অমদা য়ুমথক সোলর পেনেলশিং থম্নবা পান্দম থমলি। হৌখিবা থা তরানিপালদগী তরানিপাল খক্তগী মনুংদা য়ুম লাখ ৬৫ হেন্না কেম্পেন অসিদা শরুক য়াখ্রে। অমসুং ঐখোয়গী মন্ত্রী শ্রী প্রহ্লাদ জোশিজিনা হৌজিক পনখিবগুম্না নুমিৎ ৬নি খুদিংগী অনৌবা য়ুম লাখ অমা সোলর মুবমেন্ত অসিগী শরুক অমা ওইরকই। মসিগী ইম্পেক্ত অসি ইলেক্ত্রিসিতি বিলশিংদসু উবা ফঙই। থিজিনবগী থবক অমনা তাকলি মদুদি য়ুমথোঙ লাখ ৬৫ অসিগী মৈগী বিল চাওরাক্না চাদা ৭৬ হন্থরে। মৈগী বিল জিরো ওইরক্লবা ইমুং লাখ কয়া লৈরি। অহেনবা মৈ পুথোকপা অমসুং গ্রীদতা অমুক হন্না য়োন্দুনা সেন্থোক লমবি ফংলিবা ইমুং কয়া অমাসু লৈরি। স্কিম অসিনা লৈবাক কয়াদা মরুওইনা গ্লোবেল সাউথতা ইনর্জি সেক্যুরিতি য়াম্না মপাঙ্গল কনখৎহনবা ঙমগনি।

মরুপশিং,

ভারতনা সোলর পাৱর অসি মসিগী নাগরিকশিংগী পূন্সিগী শরুক অমা ওইহল্লি। হৌখিবা চহি তরা অসিদা ঐখোয়না ইন্দস্ত্রীশিং অমসুং ফারমশিংসু সোলর পাৱরগা শম্নহন্নবা হোত্‍‌নখি । ভারত্তা লৈরিবা সরকারগী বিল্দিং ৪৪,০০০ হেন্না হৌজিক সোলর ইনর্জিগা শম্নহল্লে। মসিনা চহি খুদিংগী চাওরাক্না লুপা করোর ৭০০ কনবা ঙম্লি। কুসুম স্কিম অসিদগী ভারতকি লৌমিশিংসু য়াম্না কান্নবা ফংলি। মসিগী খুত্থাংদা লৌমি লাখ ৩০ হেনবনা সোলর পাৱর ইরিগেসনগী খুদোংচাবা ফংলে। সোলর পম্প অমাদগী কান্নবা ফংলিবা লৌমি খুদিংমক্না চহি খুদিংগী চাওরাক্না লুপা লাখ অমা কনবা ঙম্লি হায়না পানরি। পি.এম.সুরয় শরোবর য়োজনাগী খুদমসু পিজগে। মসিগী ৱাখল্লোন অসি পুখ্ৃশিং, লেকশিং, অমসুং রিজরবরশিংদা সোলর পেনেলশিং থমদুনা মৈ পুথোকপনি। মসিনা ৱাতর বোদিশিং হেন্না ফবা মওংদা শিজিন্নবা য়াহল্লি। অসিগুম্বা প্রোজেক্তাশিং অসিনা লম লৌশিনবগা মরি লৈনবা চাদিংসু হন্থহল্লি।

মরুপশিং,

ঐখোয়গী ক্লিন ইনর্জি ইকোসিস্তেম অসি হায়দ্রো, সোলর, ৱিন্দ, অমসুং ন্যুক্লিয়র ইনর্জি খক্তদা লিমিৎ লৈতে। গ্রীন হায়দ্রোজেনগী লমদা অচৌবা খোঙথাং অমা লৌখৎনবা ভারতনা মিসন মোদতা চংশিল্লি। নেস্নেল গ্রীন হায়দ্রোজেন মিসনগী মখাদা ঐখোয়না দিকেদ অসিগী অরোয়বদা গ্রীন হায়দ্রোজেন তন মিলিয়ন মঙা পুথোক্নবা পান্দম থম্লে। ঐখোয়না ঐখোয়গী ত্রান্সপোর্ত সেক্তরবু গ্রীন হায়দ্রোজেনগা শম্নহনবসু য়াওরি। থা খরগী মমাঙদা ভারতনা অহানবা গ্রীন হায়দ্রোজেন ত্রেন হৌদোকখি।

মরুপশিং,

অদোম অখঙ-অহৈ পূম্নমক্না খঙবিরিবা অদুনি মদুদি সুপ্নগী মৈ পুথোকপা খক্তানা মতীক চাদে। মসি ইফিশিয়েনত ওইনা য়েন্থোকপা অমসুং মথৌ তাবা মফমদা য়ৌহনবা অসিসু চপ মান্ননা মরুওই। ভারত্তা সোলর অমসুং ৱিন্দ ইনর্জি অসি অকক্নবা লমদম খরদা হেন্না মরাঙ কায়না পুথোকই। ঐখোয়না পাৱর জেনেরেসন য়াম্না নেম্বা মফমশিংদসু মসিদগী কান্নবা ফংহনগদবনি, মদুনা মরম ওইরগা মফম অদুদা লৈরিবা য়ুমশিং, ফার্মশিং, অমসুং ইন্দস্ত্রীশিংসু ক্লিন পাৱরদা চলায়বা ঙমগনি। মরম অসিনা গ্রীন ইনর্জি কোরিদোরশিং শেমগত্‍‌লি। কোরিদোরশিং অসিগী মখাদা ত্রান্সমিসন লায়নাশিং অমসুং সব-স্তেসনশিংগী দেদিকেত তৌরবা নেতৱর্ক অমা শেমগৎলি। মসিনা সোলর অমসুং নুংশিৎকি পাৱর পুথোকপা মফমশিংদগী দিমান্দ লৈবা মফমশিংদা ত্রান্সফর তৌবদা লাইথোকহল্লি। অমসুং হোত্‍‌নরিবা অসিদা ৱান নেসন, ৱান পাৱর গ্রীদকি কন্ত্রীব্যুসন অসি য়াম্না চাওই। চহি কয়াদগী ঐখোয়না রিজনেল গ্রীদ মঙা অসি নেস্নেল নেতৱার্ক অমখক্তদা ইনতিগ্রেৎ তৌখ্রে। ঙসিদি লৈবাক পুম্বা কমন ফ্রিক্বেন্সী অমদা ওপরেৎ তৌরিবা পাৱর গ্রীদ অমগী খুত্থাংদা শম্নহল্লে। গ্রীন ইনর্জি কোরিদোর সিস্তেম অসিবু হেন্না মপাঙ্গল কনখৎহন্নবা হৌজিক ঐখোয়না মথংগী ফেজদা চংশিল্লে। হন্দক্তা ভারতনা মসিগীদমক্তা চাওরাক্না লুপা কোতি লাখ ২গী ইনভেশ্তমেন্তকি পান্দম থমখি।

মরুপশিং,

গ্রীন ইনর্জিদা ঐখোয়না মায়পাকপগী অচৌবা মরম অমদি ঐখোয়গী হেনগৎলক্লিবা মেন্যুফেকচরিং কেপাসিতিসুনি। চহি খরগী মমাঙ ফাওবদা ঐখোয়না সোলর ইনর্জিগা মরি লৈনবা খ্বাইদগী অপিকপা কম্পোনেন্তশিং ফাওবা ইম্পোরততা মপুঙ ফানা মখা পোল্লি। দিকেদ অমা মমাঙদা ঐখোয়গী সোলর মোদ্যুল মেন্যুফেকচরিং কেপাসিতি অসি চাওরাক্না গীগাৱাত্‍‌ ২ খক্তমক ওইখি। ঙসিদি মসিনা গীগাৱাত্‍‌ ২০০ লানথোকখ্রে। সোলর শেল মেন্যুফেকচরিং কেপাসিতিসু চাওরাক্না গীগাৱাত্‍‌ ৪০ য়ৌরে। ঐখোয়না হৌজিক অতোপ্পা কম্পোনেন্তশিংসু শাবগী থবক পাকথোক চাওথোকহল্লি। অতোপ্পা ৱাহন্থোক অমদা হায়রবদা, গ্রীন ইনর্জিদা ভারতকি অপাম্বশিং অসিসু ঐখোয়গী আত্মনিরভর ভারত মিসন মায় পাকপা অমসুং মেক ইন ইন্দিয়া কেম্পেনগী মায় পাকপগী প্রমান্নি।

মরুপশিং,

ভারতনা য়াম্না অতেনবা মতমগী মনুংদা অচৌবা থবক অমা ফঙনবা হোত্‍‌নরি। ঐখোয়না মফম অসিদা লেপ্পা ঙমদে। ঐখোয়না সরকারগী বিল্দিং খুদিংমক, স্কুল অমসুং কোলেজ খুদিংমক, হোশ্পিতাল খুদিংমক, অমসুং স্ত্রীৎ-লাইতিং সিস্তেম পুম্নমক সোলর ইনর্জিগা শম্নহনগদবনি, অমসুং মসি ঐখোয়না খোঙজেল য়াংনা তৌগদবনি। ঐহাক্না হায়জনিঙবদি রাজ্যশিং অমসুং লোকেল বোদিশিংগী মরক্তা হকচাং ফবা কম্পিতিসন পুক্নিং থৌগৎকদবনি, মদুনা হেন্না ফবা থবক তৌরিবশিংদা মনা পিবা ঙমগনি অমসুং অতোপ্পশিংনা মখোয়গী মায়পাকপগী ৱারিশিংদগী তমজবা ঙমগনি।

মরুপশিং,

লৌউ-শিংউদসু সোলর পাৱরগা মরি লৈনবা ঐগী শজেসন অমা লৈরি। ঐখোয়না সোলর পম্প লাখ কয়া য়েন্থোকখ্রে, অদুবু হৌজিক্তি ঐখোয়না সোলর পম্পতগী হেন্না চঙসিনবা মথৌ তাই। ঐগী মিত্‍‌য়েংদি অন্নদাতা অসিসু উর্জাদাতা ওইহনগদবনি – ফুদ প্রোভাইদর অসি ইনর্জি প্রোভাইদর ওইগদবনি। লৌমিশিংনা শিজিন্নদবা লমদা সোলর পেনেলশিং থমগদবনি। লমশিংগী ঙমখৈ ফাওবা শিজিন্নদনা লৈরোয়দবনি; মফম অদুদসু সোলর পেনেলশিং থমগদবনি। ঐখোয়না মসি য়ারিবমখৈ খুঙ্গং কয়াদা য়ৌহনগদবনি।

মরুপশিং,

সোলর রিভোলুসনগী অনৌবা ফেজ অসি এদোপ্ত তৌবখক্তগী নত্তে; মসি ইনোবেসন্দসু মখা পোল্লি। মরম অদুনা ঐহাক্না ঐখোয়গী স্তার্তঅপশিং, আই.আই.তি.শিং, ইনোবেতরশিং, অমসুং ওন্ৎরপ্রিনরশিংদা অখন্নবা অপীল অমা তৌরি: মাংলোমদা লাকপিয়ু অমসুং য়ুমথোঙগী মথৌ তাবশিং অদু য়ারিবমখৈ সোলর পাৱরগী খুত্থাংদা ফংহনবা ঙম্বা মোদেলশিং শেমমু। নোংমাদা পূং তরা মরি অমসুং ঋতু খুদিংগী সোলর পাৱর ফংহনবা ঙম্বা শোলুসনশিং ঐখোয়না মথৌ তাই। ইমুং অমনা মশাগী য়ুমথক্তা ইন্সতোল তৌরবা সোলর প্লানতনা পুথোকপা মৈ শিজিন্নদুনা চানবা চাক থোঙবা য়াবা ফীভম অমগী মায়কৈদা চঙসিনগদবনি। ঐখোয়না ক্লিন কুকিং মুবমেন্ত অমা হৌদোকপা মথৌ তাই। মপান্দগী পুশিল্লকপা গ্যাসতা মখা পোনবা অসি য়ারিবমখৈ হন্থহনগদবনি। ঐখোয়না মিদল ক্লাসকি ইমুং মশিং য়াম্না ইলেক্ত্রিক গাড়ীশিংগী ওপসন লৈবা অমসুং মখোয়গী সোলর সিস্তেমদগী পুথোকপা মৈ শিজিন্নদুনা মখোয়গী স্কুতর, বাইক, অমসুং গাড়ীশিং য়ুমদা চার্জ তৌবা য়াবা ফীভম অমাসু শেমগৎকদবনি। মসিনা মিদল ক্লাসকি ইমুংশিংদা চহি খুদিংগী লুপা লিশিং কয়া কনবা ঙমগনি।

মরুপশিং,

ঐখোয়না দাইরি সেক্তরদা সোলর পাৱর প্রমোত তৌবা পোত্থোকশিংসু মথৌ তাই। শা-শনগী মচীঞ্জাক শেম-শাবদগী হৌরগা মহৈ-মরোং থাবা অমসুং লৌরোক মতুংগী ওপরেসনশিং ফাওবা থবক খুদিংমক্কীদমক সোলর-পাৱর ইক্বিপমেন্তশিং শেমগৎকদবনি।

মরুপশিং,

মথংগী মিরোলগী অনৌবা পুথোকপা য়াওদনা মসিগী মনুংদা অমত্তা ওইথোকলোই। মসিগীদমক লৈবাক অসিনা মথৌ তাবা হার্দৱেয়র মথৌ তাই। ঐখোয়না ইন্দিজিনস স্তোরেজ শোলুসনশিং মথৌ তাই। ঐখোয়না অনৌবা বেত্তরি স্তোরেজ কেপাসিতি শেমগত্‍‌পা মথৌ তাই। মসি অদোম পুম্নমক্কীদমক অমসুং লৈবাক অসিগী নহারোলশিংগীদমক অচৌবা খুদোংচাবা অমনি। রিসর্চকি মালেমদা লৈরিবা মীপূম খুদিংমকপু অমসুং ইনভেস্তর পুম্নমক্তা হায়জরি মদুদি মসিগী খুদোংচাবা অসি লাপ্না লৈহল্লোয়দবনি। ভারততা নখোয়না শেমগত্‍‌লিবা শোলুসনশিং অসিনা মালেমগী লৈবাক কয়াগী সেবা তৌগনি।

মরুপশিং,

ভারত অসি মালেমদা খ্বাইদগী নহা ওইরিবা লৈবাকশিংগী মনুংদা অমনি, অমসুং ক্লিন ইনর্জিদা হোত্‍‌নরিবা খুদিংমক্না মশিং য়াম্লবা অনৌবা থবক ফঙনবগী খুদোংচাবা কয়া শেমগত্‍‌লি। ঙসি ফাওবা সেক্তর অসিদা মিওই লিশিং কয়া অমসুং লিশিং কয়ানা থবক ফংলি, অমসুং গ্রীন জোবকি অচৌবা পোতেন্সিয়েল লৈরি। হায়রিবা খুদোংচাবশিং অসি তোঙান তোঙানবা লমশিংদা শেমগত্‍‌লি, মেন্যুফেকচরিং পেনেল অমসুং অতোপ্পা হার্দৱেয়রদগী হৌরগা ইন্সতোলেসন, সর্ভিশিং, অমসুং ত্রান্সপোর্তেসন ফাওবা। তুংদা সোলর পাৱর কেপাসিতি মখা তানা হেনগত্‍‌লকপগা লোয়ননা থবক কয়া হেন্না শেমগৎকনি হায়বশি খন্দুনা য়েঙবিয়ু। কিচেন স্তোবশিংদগী হৌরগা ত্রান্সপোর্তেসন সিস্তেমশিং ফাওবা, পোত্‍‌ খুদিংমক সোলর পাৱর অমসুং গ্রীন ইনর্জিনা থৌবা ওইরকপা মতমদা মপুঙ ফানা অনৌবা ইন্দস্ত্রী অমা থোরক্কনি।

মরুপশিং,

অদোম পুম্নমক্কীদমক, মালেম শিনবা থুংনা ইনভেস্তরশিংগীদমক, ভারতনা অচৌবা খুদোংচাবশিং হাংদোক্লি। ভারতনা পিরিবা মখলগী দিমান্দ, স্কেল, অমসুং স্কোপ অসি অতোপ্পা মফম অমদা ফংবদা অৱাবা ওইরি। ভারতনা পিরিবা মখলগী রাজনিতিগী অমসুং পোলিশিগী তংদু লৈতাবা অসি থিবা অসিসু চপ মান্ননা অৱাবা অমনি। অমসুং মসিগী মহৈ ঐখোয়না উবা ফংলি। হৌখিবা দিকেদ কয়াদা রিন্যুএবল ইনর্জি সেক্তরদা লুপা কোতি লাখ ১৫ হেন্না, হায়বদি দোল্লর বিলিয়ন ১৬৪ হেন্না থাদখ্রে। ২০২৪গী রি-ইনভেস্ত সমিত্তগী ঙসি ফাওবদা সুপ্নতগী চহি অনিগী মনুংদা চাওরাক্না লুপা করোর লাখ ৬ হায়বদি দোল্লর বিলিয়ন ৬৩ হেন্না শেল থাদবা সেক্তর অসিদা লাক্লে। দিকেদ অসিগী অরোয়বদা সেক্তর অসিদা লুপা কোতি লাখ ২০ হেন্না, চাওরাক্না দোল্লর বিলিয়ন ২২০গী শেল থাদবগী খুদোংচাবশিং শেমগত্‍‌লগনি হায়না পানরি। মরম অদুনা ভারতকি ক্লিন ইনর্জি সেক্তরদা অদোম পুম্নমক্কীদমক খুদোংচাবশিংগী অনৌবা লমবি অমা হাংদোক্লি।

মরুপশিং,

ভারতনা মালেমদা পৃথিবি অমা, ইমুং অমখক, তুংলমচৎ অমগী পাওজেল পিখ্রে। চপ মান্নবা ফিলোজোফি অসি ঐখোয়গী ক্লিন ইনর্জিগী খোঙচত্তা উবা ফংলি। মসি ইন্তর্নেস্নেল সোলর এলায়েন্সকি তুংদা লৈরিবা ৱাখল্লোন অসিনি। ঐখোয়না হোত্‍‌নরিবা অসি রিন্যুএবল ইনর্জিগীদমক্তা মথৌ তাবা ফন্দ, তেক্নোলোজি, অমসুং এক্সপরতশিং অসি মথৌ তাবা লৈবাক খুদিংমক্তা য়ৌহনবনি। মরম অসিনা অফ্রিকাগীদমক দোলর মিলিয়ন ২০০গী অফ্রিকা সোলর ফেসিলিতি অমা শেমগৎনবা প্রপোজেল অমা পুথোকখ্রে।

মরুপশিং,

লাক্কদৌরিবা চহি তরা অসি ঐখোয়গী ক্লাইমেৎকি পান্দমশিংগীদমক য়াম্না মরুওই। অমসুং ঐহাক্না থাজবা থমলি মদুদি সমিৎ অসিদা শরুক য়ারিবা মীপূম খুদিংমক্না অদুগুম্বা তুংলমচৎ অদু শোয়দনা ফংহনবদা অচৌবা থৌদাং লৌগনি। ঐখোয়না লৈবাক খুদিংমকপু মিসন অসিগা শম্নহনগদবনি। লমদম খুদিংমক ত্রান্সফোর্মেসন অসিদা শরুক য়াবা অমা ওইগদবনি। মদু খক্তদা ঐখোয়না শেংলবা তুংলমচৎ অমা, অশংবা তুংলমচৎ অমা, অমসুং অশোয়-অঙাম য়াওদবা তুংলমচৎ অমা শেমগত্‍‌পা ঙম্লগনি। ৱাহৈশিং অসিগা লোয়ননা অমুক হন্না ময়াম পুম্নমকপু থমোই শেঙনা য়াইফ-পাওজেল পিজরি।

থাগৎচরি৷

***