ਪੀਐੱਮਇੰਡੀਆ

2017 ਵਿੱਚ ਸੰਸਦ ਦਾ ਅੱਜ ਸੈਸ਼ਨ ਸ਼ੁਰੂ ਹੋ ਰਿਹਾ ਹੈ| ਰਾਸ਼ਟਰਪਤੀ ਜੀ ਦਾ ਸੰਬੋਧਨ: ਬਜਟ ਅਤੇ ਕਾਫੀ ਲੰਬੇ ਸਮੇਂ ਤੱਕ ਸੈਸ਼ਨ ਦਰਮਿਆਨ ਕਈ ਵਿਸ਼ਿਆਂ ‘ਤੇ ਸੰਵਾਦ| ਪਿਛਲੇ ਦਿਨੀਂ ਸਾਰੀਆਂ ਸਿਆਸੀ ਪਾਰਟੀਆਂ ਨਾਲ ਸਮੂਹਕ ਤੌਰ ‘ਤੇ ਅਤੇ ਵਿਅਕਤੀਗਤ ਤੌਰ ‘ਤੇ ਲਗਾਤਾਰ ਚਰਚਾ ਹੋਈ ਹੈ| ਸੈਸ਼ਨ ਦੀ ਸਭ ਤੋਂ ਵੱਧ ਵਰਤੋਂ ਜਨਹਿਤ ਲਈ ਹੋਵੇ, ਸਾਰਥਕ ਚਰਚਾ ਹੋਵੇ, ਬਜਟ ਦੀ ਵੀ ਬਰੀਕੀ ਨਾਲ ਚਰਚਾ ਹੋਵੇ|

ਪਹਿਲੀ ਵਾਰ ਬਜਟ ਇੱਕ ਫਰਵਰੀ ਨੂੰ ਹੋ ਰਿਹਾ ਹੈ| ਤੁਹਾਨੂੰ ਸਾਰਿਆਂ ਨੂੰ ਯਾਦ ਹੋਵੇਗਾ ਕਿ ਸਾਡੇ ਦੇਸ਼ ਵਿੱਚ ਪਹਿਲਾਂ ਬਜਟ ਸ਼ਾਮ ਨੂੰ ਪੰਜ ਵਜੇ ਪੇਸ਼ ਕੀਤਾ ਜਾਂਦਾ ਸੀ| ਜਦ ਅਟਲ ਬਿਹਾਰੀ ਵਾਜਪੇਈ ਜੀ ਦੀ ਸਰਕਾਰ ਆਈ ਤਾਂ ਬਜਟ ਨੂੰ ਪੇਸ਼ ਕਰਨ ਦਾ ਸਮਾਂ ਸਵੇਰੇ ਸੰਸਦ ਸੈਸ਼ਨ ਸ਼ੁਰੂ ਹੁੰਦਿਆਂ ਹੀ ਕਰ ਦਿੱਤਾ ਗਿਆ|

ਅੱਜ ਇਕ ਹੋਰ ਨਵੀਂ ਪਰੰਪਰਾ ਦੀ ਸ਼ੁਰੂਆਤ ਹੋ ਰਹੀ ਹੈ| ਇੱਕ ਤਾਂ ਬਜਟ ਕਰੀਬ ਇੱਕ ਮਹੀਨੇ ਪਹਿਲਾਂ ਆ ਰਿਹਾ ਹੈ| ਦੂਜੇ ਇਸ ਦੇ ਨਾਲ ਰੇਲ ਬਜਟ ਵੀ ਜੋੜ ਦਿੱਤਾ ਗਿਆ ਹੈ| ਸਦਨ ਵਿੱਚ ਇਸ ‘ਤੇ ਵਿਆਪਕ ਚਰਚਾ ਹੋਵੇਗੀ ਅਤੇ ਉਸ ਨਾਲ ਆਉਣ ਵਾਲੇ ਦਿਨਾਂ ਵਿੱਚ ਕੀ ਲਾਭ ਹੋਣ ਵਾਲੇ ਹਨ, ਇਹ ਵੀ ਉੱਭਰ ਕੇ ਸਾਹਮਣੇ ਆਵੇਗਾ|

ਮੈਨੂੰ ਆਸ ਅਤੇ ਵਿਸ਼ਵਾਸ ਹੈ ਕਿ ਸਾਰੇ ਰਾਜਨੀਤਕ ਦਲ ਵਡੇਰੇ ਜਨਤਕ ਹਿਤਾਂ ਲਈ ਮਿਲ ਕੇ ਉੱਚ ਚਰਚਾ ਯਕੀਨੀ ਬਣਾਉਂਦੇ ਹੋਏ ਸੰਸਦ ਦੇ ਕੰਮ ਨੂੰ ਅੱਗੇ ਵਧਾਉਣਗੇ|

ਬਹੁਤ-ਬਹੁਤ ਧੰਨਵਾਦ!

AKT