ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা ঙসি নর্মদা তুরেল মথক্তা শাগদবা ভদভুত বেরেজকীদমক উরেপ উয়ুং তম্বগী খুদম ওইনবা প্লেক মায়খুম হাংদোকখ্রে । ভারুচতা পাংথোকপা মীয়ামগী মীফম অমদা প্রধানমন্ত্রীনা উধনা (সুরত, গুজরাত), অমসুং জৈনগর (বিহার)গী মরক্তা অনত্যোদয়া এক্সপ্রেসশু লমথাখি । মহাক্না গুজরাত নর্মদা ফর্তিলাইজর কোওপরেসন লিমিতেদকী মখল মখা য়াম্লবা প্লান্তশিংগী উরেপ উয়ুং তম্বা অমসুং শঙ্গাবগী খুদম ওইনবা প্লেকশিংগী মায়খুমশু হাংদোকখি ।

মীয়ামগী মীফমদা ৱা ঙাংলদুনা প্রধানমন্ত্রীনা হায়খি মদুদি অনত্যোদয়া এক্সপ্রেস অসি থাগৎনিঙাই ওইবা অনৌবা খোংথাং অমনি, মদুনা মরুওইনা উত্তর প্রদেস নত্রগা বিহারদগী লাকপা, অমশুং মখোয়গী ময়ুমদগী লাপ্না থবক শুরিবশিংদা মখোয়শিং অদুদা মতেং ওইরগনি । ত্রেন অসিনা উত্তর প্রদেস অমসুং বিহারগী লাকপা মীওইশিংদা ছত পুজাগীদমক ময়ুম হনবদা লাইহল্লগনি হায়না মহাক্না হায়খি । 

য়ুরিয়াদা নীম তোৎশিনবনা লৌমীশিংদা কান্নহলে অমসুং লোয়না লোয়ননা হুরানবা অমসুং শেঞ্জা থুমজা থিংলে হায়না প্রধানমন্ত্রীনা হায়খি ।

শ্রী নরেন্দ্র মোদীনা হায়খি মদুদি এনিমেল হজবেন্দরিদা গুজরাতকী খুমাং চাওশিনবা অদুনা লৌমীশিংদা কান্নহল্লে । মহাক্না হায়খি মদুদি মহাক্না উত্তর প্রদেসকী মুখ্যমন্ত্রী য়োগী অদিত্যানাথতা গুজরাত্তা তিম অমা থারক্তুনা পশু অর্য়োগ্যা মেলাশিং স্তদি তৌহন্নবা খংহনখ্রে । হন্দক্তা মদুগা মান্নবা মেলা বরানসিদা পাংথোকখি হায়না মহাক্না মখা তাখি, মদুদা প্রধানমন্ত্রীনা ভিজিত তৌবগী খুদোংচাবা ফংখি ।

 ***