ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা ইরাই নুমিত্তা ভারত্তা অন্দর–ন্যুত্রিসন অমসুং মসিগা মরি লৈনবা সমস্যাশিং থিংনবা অমসুং হন্থহনবগা মরি লৈননা পাইখৎলিবা খোংজংশিং অমসুং মদুগী খোংজেলশিংগী মতাংদা য়েংশিনখ্রে। অৱাংবা থাক্কী য়েংশিনবগী মীফম অদুদা পিএমও, নিতি আয়োগ অমসুং অতৈ মন্ত্রালয়শিংগী ওফিসরশিংনা শরুক য়াখি।

মচি ওইদবা, চাওজন্থিবা অমসুং মরি লৈনবা সমস্যাশিংগী হৌজিক্কী ওইরিবা ফিভম অদু য়েংশিনখি। অতোপ্পা চাওখৎলক্লিবা লৈবাক খরদা মাই পাক্না পাইখৎলিবা ন্যুত্রিসনগী খোংথাংশিংগী মতাংদা মীফম অদুদা নৈনখি।

প্রধানমন্ত্রীনা চাওজন্থিবা, অন্দর ন্যুত্রিসন, অরুম্বা হন্থনা পোকপা অমসুং এনেমিয়া হন্থহন্নবগীদমক্তা অচেৎপা পান্দম অমগা লোইননা থবক তৌবগী তঙাইফদবা অদুদা শাফু পীখি। মহাক্না হায়খি মদুদি য়েংনীংঙাই অমসুং খল ওন্নীংঙাই ওইবা ফল অদু নীং খা তম্বা চহি ৭৫ শুরকপগী কুমওন, ২০২২ ফাওবগী মনুংদা উহনগদবনি।

মসিগী লোইশিল্লকপদা, মরু ওইনা শোৎথহৌরিবা জিলাশিংদা চৎথরিবা ন্যুত্রিসনগী ফলশিংগী মাইকৈদা রিয়েল–তাইম মোনিতরিংগী মতাংদা খন্ন–নৈনখি।

সেনিয়র ওফিসরশিংনা ৱাফম অসিদা শাফু পীরদুনা হন্না হন্না ফোংদোকখি মদুদি স্বচ্ছ ভারত অভিয়ান, মিসন ইন্দ্র ধনুষ, বেতী বচাও – বেতী পঢ়াও অমসুং প্রধানমন্ত্রী মাত্রু বন্দনা য়োজনানচিংবা কেন্দ্র সরকারগী খোংথাংশিং অসিনা ন্যুত্রিসনদা কান্নবা শাফু পীরি। ৱাফম অসিগা মরি লৈননা, প্রধানমন্ত্রীনা কেন্দ্র অমসুং রাজ্য সরকারশিংগী ন্যুত্রিসনগী ফলদা হকথেংননা নত্রগা নাকোইননা শাফু পীরিবা স্কিম পুম্নমক য়াওশিন্ননবা ফোংদোকখি। 

মাক্না হায়খি মদুদি পাম্লিবা ফল অদু ফংবা ঙম্ননবা, ন্যুত্রিসনগী মরু ওইবশিং অদু মীয়ামদা খঙহনবা হেনগৎহনবা মথৌ তাই । মহাক্না অসিগুম্বা পাউজেল অসি শেমগৎনবা ইনফোর্মেল ওইবা চেনেলশিং শেমগৎপগী মথৌ তাবা অদু ফোংদোকখি।