ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা হকশেল অমসুং হিদাক-লাংথক্কী লমদা ভারত অমসুং ইতলীগী মরক্তা তৌনবা তেংবাং পীনবগী য়ানা চেরোল (এমওয়ু)দা অয়াবা পীখ্রে। য়ানা চেরোল অসি নই দিল্লীদা নবেম্বর ২৯, ২০১৭তা খুয়েক পীনখিবনি।

য়ানা চেরোলদা মখাদা পীরিবা লমশিং অসি কোনশিনগনি –

১. মেদিকেল দোক্তরশিং, ওফিসিএলশিং, অতৈ হকশেলগী প্রোফেস্নেলশিং অমসুং এক্সপার্তশিং ত্রেনীং পীবা অমসুং শিন্দোক-শিঞ্জিন তৌনবা;

২. হ্যুমেন রিসোর্সশিং, হকশেলগী থবকশিংগী চাওখৎ থৌরাং অমসুং হেল্থ ক্যার ফেসিলিতীশিং শেমগৎপদা তেংবাং পীনবা;

৩. হকশেলগী লমদা হ্যুমেন রিসোর্সশিংগী অতেনবা ত্রেনীং;

৪. ফার্মাসুতিকেল্স, মেদিকেল দিভাইসশিং অমসুং ই-পাউ পীথোক-পীশিন তৌনবগী কাংলোন;

৫. ফার্মাসুতিকেল্স অমসুং পার্তীশিংনা অতৈ শকখঙলবা লমশিংদা চাওখৎ-থৌরাংগী খুদোংচাবশিংদা পুক্নীং থৌগৎপা;

৬. জেনেরিক অমসুং তঙাইফদবা হিদাকশিং ফংহনবা অমসুং হিদাক-লাংথক্কী সপ্লাইদা তেংবাং পীনবা;

৭. হকশেলগী খুৎশু-খুৎলাইশিং অমসুং ফার্মাসুতিকেল্সকী পোৎথোকশিং ফংহনবা;

৮. ন্যুরোকার্দিওভাস্কুলরগী লাইনা, কেন্সর, সিওপিদি, মেন্তেল হেল্থ অমসুং দিমেনশিয়াগুম্বা লমশিংদা তেংবাং পীনবা অমসুং নাকল অনিগী কান্নবগা মরি লৈনবা মতাংদা এনসিদিশিং থিংবদা তেংবাং পীনবা, মসিদা এসদিজি ৩ অমসুং মরি লৈনবা লমশিংদা শাফু পীরি;

৯. লৌনগনবা লাইনাশিং অমসুং ভেক্তর বোন দিজিজশিংদা অহিং অশাগী অহোংবনা শোকহনবা মফমশিংদা তেংবাং পীনবা;

১০. এসদিজি ২ অমসুং ন্যুত্রিসন সর্বিসশিংগী মতাংদা মেলন্যুত্রিসন (ওভর ন্যুত্রিসন অমসুং অন্দর ন্যুত্রিসন) য়াওনা মচি ওইবা চিঞ্জাক;

১১. পোৎথোক, হোংদোক-হোংজিন তৌবা, য়েন্থোকপা অমসুং চিঞ্জাক ফংহনবা;

১২. ফুদ ইন্দস্ত্রী ওপরেতরশিংগী ত্রেনীং অমসুং রিসর্স;

১৩. হাইজিন অমসুং ফুদ সেফতী লোইননা মচি ওইবা চিঞ্জাক চাবগী হৈনবী থমবগী মতাংদা মীয়ামদা খঙহনবা অমসুং ই-পাউ পীবা;

১৪. নাকল অনিগী ৱারেপকী মতুং ইন্না তেংবাং পীনবগী অতৈ লমশিং।

এমওয়ু অসি থবক্তা ওন্থোক্নবা য়েংশিন্নবা অমসুং য়ানা ৱারোলগী মতুং ইন্না অতৈ অকুপ্পা ৱারোলশিংগী অপুনবা ৱাকিং গ্রুপ অমা শেমগনি।