ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত অমসুং ইতালিগী মরক্তা ইন্দিয়া-ইতালি কোওপরেসন ইন রিন্যুএবল ইনর্জিদা তৌনখিবা মেমোরেন্দম ওফ অন্দর্সতেন্দিং অদু চৎনহনখ্রে । এমওয়ু অদু ইং ২০১৭ কী ওক্তোবর ৩০দা ন্যু দিল্লিদা খুৎয়েক পিনখিবনি । এমওয়ু অদু ভারত সরকারগী মায়কৈদগী ন্যু এণ্ড রিন্যুএবল ইনর্জি মন্ত্রালয়গী সেক্রেতরি শ্রী অনন্দ কুমার অমসুং ভারত্তা ইতালিগী রাষ্ট্রদুত ওইনা লৈরিবা হিজ এক্সেলেন্সি মিস্তর লোরেঞ্জো এঞ্জেলোনিগী মরক্তা খুৎয়েক পিনখিবনি ।

নাকল অনিমক্না চাং মান্ননা কান্নবা ফংমিন্নবা অমসুং অমগা অমগা পীথোক পীশিন তৌনবদা য়ুমফম ওইরগা ন্যু অমসুং রিন্যুএবল ইশুশিংদা নাকল অনিগী ওইবা তেক্নিকেল কোওপরেসন থৌগৎপা অমসুং প্রমোত তৌনবা কোওপরেতিব ইনস্তিত্যুস্নেল রিলেসনশিপ অমগীদমক য়ুমফম থোন্নবা ভারত অমসুং ইতালিনা পান্দম থম্লি । এমওয়ু অসিনা কোওপরেসনগী লমশিংদা মরি লৈনবা ৱাফমশিংদা হঙ্গৎনা য়েংশিন্নবা, মোনিতর তৌনবা অমসুং খন্ন-নৈন্নবা জোইন্ত ৱার্কিং কম্মিতি অমা শেমগৎনবা মীৎয়েং থম্লি । মসিনা অখং অহৈ অমসুং ই-পাও পীথোক পীশিন তৌনবা অমদি লৈবাক অনিগী মরক্তা বাইলেতরেল কোওপরেসন হেন্না কনখৎহন্নবা পান্দম থম্লি ।