প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা এক্ত ওফ পার্লিয়ামেন্তকী খুথাংদা নেস্নেল ইমপোর্তেন্সকী ইন্সতিট্যুত অমগুম অন্ধ্রপ্রদেসকী বিসাখাপত্নমদা ইন্দিয়ান ইন্সতিট্যুত ওফ পেত্রোলিয়ম এণ্ড ইনর্জি (আইআইপিই) লিংখৎপদা মসিগী ওইবা অয়াবা পিখ্রে । ইন্সতিট্যুত অসিনা গোবর্নান্স স্ত্রকচর লৈগনি লোয়ন লোয়ননা আইআইতিএস না পেন্নিঙাই ওইরবা অদুগুম্লবা মান্নবা মেনরদা দিগ্রিশিং গ্রান্ত তৌনবা লেগেল পিবদা । পেত্রোলিয়ম অমসুং ইনর্জী স্তদিদা সেন্তর ওফ এক্সেলেন্ত অমা ওইরক্নবা ইন্সতিট্যুতকী মথৌ তাবা স্তেতস ফংনবা তোঙান্বা এক্ত অমশু পিরগনি ।
আইআইপিই লিংখৎনবা কেপিতেল এক্সপেন্দিচর ওইনা কোতি ৬৫৫.৪৬ গী শেনফমশু অমসুং মসিগী ইন্দোমেন্তকী মায়কৈদা কোতি ২০০ গী কন্ত্রিব্যুসন মন্ত্রীমন্দলনা য়াখ্রে ।
অন্ধ্রপ্রদেস রিওর্গনাইজেসন এক্ত, ২০১৪ গী ১৩ সেদুলগী মখাদা কমিত তৌরিবা অদুম্না, মসিগী ইন্সতিট্যুত অসি লিংখৎনবা ৱারেপ অসি লৌখি । ওবজেক্তিব অসি পেত্রোলিয়ম সেক্তরগী স্কিল মেনপৱার সপ্লাইতৌবা অমসুং সেক্তর অসি চাওখৎহন্নবা মথৌতাবা রিসার্স এক্তিবিতি প্রমোত তৌবদা ক্বান্তিতেতিব অমসুং ক্বালিতেতিব গেপ লৈরিবা অদু মেনশিনবনি । আইআইপিই গী একাদেমিক অমসুং রিসার্স এক্তিবিতীশিং কেজি-বেসিন, ভিসাখাপত্নম রিফাইনরি অমসুং কাকিনন্দাদা লৈবা প্লানদ পেত্রোকেমিকেল কমপ্লেক্স অসিনচিংবা সেক্তরগা মরী লৈনবা ইন্সতিট্যুতশিংদগী কান্নবা ফংগনি ।
য়ুমফম
অন্ধ্রপ্রদেস সরকারনা ভিসাখাপত্নম জিলাগী সববাভরম মন্দলদা আইআইপিই লিংখৎনবা একর ২০০ গী লম মমল য়াওদনা পিরে । আইআইপিই অসি ১৮/০৪/২০১৬ তা এপি সোসাইতি রেজিস্ত্রেসন এক্ত, ২০০১ গী মখাদা সোসাইতি অমগুম রেজিস্তার তৌখি । আইআইপিইগী মতম খরগী ওইবা কেমপস অমা একাদেমিক সেসন ২০১৬-১৭ কী ওইনা অন্ধ্র য়ুনিবর্সিতী কেমপসতা অন্দর গ্রেজুয়েত প্রোগ্রাম অনিগা মমিং ওইনা পল্লবদা, পেত্রোলিয়ম ইঞ্জিনিয়ারিং অমসুং কেমিকেল ইঞ্জিনিয়ারিং (অমমমদা ছাত্র ৫০) লোয়ননা শেমগৎলে । আইআইতি, খরগপুরনা ইন্সতিট্যুত অসি য়েংশিনবগী রেস্পোন্সিবিলিতী লৌরে ।