Search

অনৌবা পাউশিং

মচাকশিং অসি পি আই বিদগী মশা মথন্তা লৌথোকচবনি

প্রধান মন্ত্রীনা ফিলিপিন্সকী মনিলাদা লৈবা খালসা দিৱান গুরুদ্বারাদা চৎখ্রে

প্রধান মন্ত্রীনা ফিলিপিন্সকী মনিলাদা লৈবা খালসা দিৱান গুরুদ্বারাদা চৎখ্রে


প্রধান মন্ত্রী শ্রী নরেন্দ্র মোদীনা ঙসি মনিলাদা খালসা দিৱান গুরুদ্বারাদা চৎখ্রে অমসুং পানি প্যারা য়াওদুনা গুরুদ্বারাগী নৌনা শেমগৎ-শাগৎপগী উরেপ উয়ুংগী থৌরমসু লমজিংখ্রে। থৌরম অসিদা সেনেতর ঐচ.ই. ফ্রান্সিস জোসেফ এস্কুদেরো অমসুং মনিলা সিতীগী ইকাই খুম্নরবা মেয়র শ্রী ফ্রান্সিস্কো ইস্কো মোরেনো য়াওনা মশক নাইরবা মীওই কয়ামরুমদু য়াওখি।

১৯০১দা তশেংনা লিংখৎখিবা অমসুং ১৯০৩দা হৌনবী মতুং ইন্না শেমখিবা ইন্সতিত্যুসন অসি ১৯২৪দা খালসা দিৱান ওইনা রেজিস্তর তৌখি। খালসা দিৱান গুরুদ্বারা অসি ফিলিপিন্সতা খ্বাইদগী অরিবা গুরুদ্বারা ওইবগী অখন্নবা মশক অমসু লৈজরি। মসিনা মনিলাদা সিখ অমসুং অতোপ্পা ফুরুপশিংগীদমক মাগী স্পিরিচুএল, কলচরেল অমসুং ফিলান্থ্রোপিক এক্তিবিতীশিংগী খুত্থাংদা মরু ওইবা থৌদাং অমা মখা তানা লৌদুনা লাকখি।

খালসা দিৱান গুরুদ্বারানা ভারতকী সিখ ফুরুপ অমসুং ফিলিপিন খুন্নাইগী মরক্তা মরু ওইবা থোং অমা মখা তানা ওইরি।

*****