ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা মার্চ ১৭তা নই দিল্লীদা ইন্দিয়ন এগ্রিকলচর রিসর্স ইন্সতিত্যুৎ, আইএআরআই পুসা কেম্পসতা চহিগী ওইনা পাংথোকপা ‘কৃষি উন্নতি মেলা’দা ৱা ঙাংগনি। মহাক্না লৌমীশিংগী মফমদসু ৱা ঙাংগনি, ওর্গানিক ফার্মিংগা পোর্তেল অমসু শঙ্গাগনি অমসুং কৃষি বিজ্ঞান কেন্দ্র ২৫গী উরেপ-উয়ুংশু তমগনি। থৌরম অদুদা প্রধান মন্ত্রীনা “কৃষি কর্মন” অমসুং “পন্দিৎ দীন দয়াল উপধ্যায় কৃষি বিজ্ঞান প্রোৎসাহন”গী মনাসু য়েন্থোক্কনি।

মেলা অসিগী থীম অসি ২০২০ফাওবগী মনুংদা লৌমীশিংগী চাগা অনি ওইহনবনি। ‘কৃষি উন্নতি মেলা’গী পান্দমদি লৌমীশিংগী মরক্তা লৌমী অমসুং মরি লৈনবা লমশিংদা অনৌবা তেক্নোলোজীগী ওইবা চাওখৎ-থৌরাংগী মরমদা খঙহনবনি।

লৌমীশিংগী চাগা শরুক অনি ওইহনবগী থীমগী পবেলিয়ন, মাইক্রো-ইরিগেসন্দা দেমোন্সত্রেসন তৌবা, অরেম্বা ঈশিংবু অমুক হন্না শিজিন্নবা, এনিমেল হসবেন্দরী অমসুং ঙা য়োকপনা মেলা অসিগী মরু ওইবা শরুক্নি। মেলা অসিদা মরু-মরাং, হার অমসুং তিলহৎ হিদাক্কী মরমদসু পেবিলিয়ন অমা হাংদোক্কনি।