ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা রেলৱেজগী লমদা তেক্নিকেলগী ওইবা তেংবাং পীননবা ইন্দিয়ন রেলৱেজ অমসুং এস এন সি এফ মোবিলাইতস (ফ্রান্সনা চলাইবা কম্পেনী অমা)কী মরক্তা তৌনখিবা য়ানা ৱারোলদা অয়াবা পীখ্রে। য়ানা ৱারোল অসি ২০১৮গী মার্চ ১০দা খুৎয়েক পীনখিবনি।

য়ানা ৱারোল অসিনা রেলৱে সেক্তরদা খ্বাইদগী নৌবা দিবেলপমেন্তশিং অমসুং ৱাখল্লোন সেয়ার তৌনবা প্লেৎফোর্ম অমা ইন্দিয়ন রেলৱেজদা ফংহল্লগনি। য়ানা ৱারোল অসিনা তেক্নিকেল এক্সপার্তশিং, রিপোর্ত অমসুং দোকুমেন্তশিং, অখন্নবা তেক্নোলোজীগী লমশিংদা মীৎয়েং থম্বা ত্রেনিং অমদি সেমিনার/ৱার্কশোপশিং একচেঞ্জ তৌবদা হেন্না লায়থোকহল্লগনি।

য়ানা ৱারোল অসিনা মখাগী মরুওইবা লমশিং অসিদা মীৎয়েং থম্নবা কোওপরেসনগী ফ্রেমৱার্ক অমা ফংহল্লগনি:-

১. হাই স্পীদ অমদি সেমি-হাই স্পীদ রেল;

২. স্তেসন রিনোবেসন অমদি ওপরেসন্স;

৩. হৌজিক লৈরিবা ওপরেসনশিং অমসুং ইনফ্রাস্ত্রকচরশিং মোর্দনাইজ তৌবা;

৪. সবঅর্বান ত্রেনশিং।

য়ুমফম:

রেলৱে মন্ত্রালয়না তোঙান তোঙানবা মীরৈবাক্কী সরকার কয়া অমদি নেস্নেল রেলৱেজগা লোয়ননা রেল সেক্তরদা তেক্নিকেলগী ওইবা তেংবাং পীননবগীদমক য়ানা ৱারোলশিং খুৎয়েক পীনরি। তেংবাং পীনগদবা লমশিংদা হাই স্পীদ কোরিদোর্স, হৌজিক লৈরিবা রুৎশিংদা খোংজেল হেঙ্গৎহনবা, ৱার্ল্দ ক্লাস স্তেতসশিং দিবেলপ তৌবা অমদি রেল ইনফ্রাস্ত্রকচর মোর্দনাইজ তৌবা অসিনচিংবা য়াওরি। তেংবাং পীনবা অসি তেক্নিকেল এক্সপার্তশিং, রিপোর্ত অমসুং দোকুমেন্তশিং, অখন্নবা তেক্নোলোজীগী লমশিংদা মীৎয়েং থম্বা ত্রেনিং অমদি সেমিনার/ৱার্কশোপশিং একচেঞ্জ তৌবগী খুত্থাংদা পাংথোকই।