ভারতকী প্রধানমন্ত্রী

বিরাত কোহলীনা পীরকপা ফিৎনেস চেলেঞ্জ অদু তরাম্না ওক্লদুনা প্রধান মন্ত্রী শ্রী নরেন্দ্র মোদীনা মহাক্কী ফিৎনেস ভিদিও ঙসি সেয়র তৌখ্রে।

প্রধান মন্ত্রীনা হায়খি, “মসিদা ঐহাক্কী অয়ুক্কী হকচাং-শাজেলদগী হৌরগা মীৎকুপ খুদিংমক য়াওরি। যোগগী মথক্তা পঞ্চতত্ব নত্রগা মহৌশাগী পোৎশক ৫- পৃথিবী, ঈশিং, মৈ, নুংশিৎ, অতিয়াগী ৱাখল্লোন অদুদা ঐহাক্না ত্রেক্ত অমদা চৎলি। মসিনা তশেংনা তেকখৎহল্লি অমসুং নহা ওইথোকহল্লি। ঐহাক্না শোর হোন্দোক হোঞ্জিন তৌবগী এক্সরসাইজসু প্রেক্তিস তৌই।
নোংমগী মনুংদা পুংজা খরদি ফিৎনেসকী মায়কৈদা কত্থোক্নবা ঐহাক্না ভারত মচা পুম্নমক্কী মফমদা আপিল তৌজরি।
নঙোন্দা খুদোং চাগদবা মখল অমা হেক্তগী শাজেল পাংথোকপনা নহাক্কী পুন্সিদা পোজিতিব ওইবা অহোংবা অদু নহাক্না উবা ফংগনি।”

ফিৎনেস চেলেঞ্জকী মোমেন্তম অদু মখা তারদুনা প্রধান মন্ত্রীনা কর্নাতক্কী মুখ্য মন্ত্রী শ্রী ঐচ দি কুমারস্বামী, তেবল তেনিসকী শান্নরোই মনিকা বত্রা অমসুং চহি ৪০গী মথক্তা লৈরবা আই.পি.এস. ইচিল ইনাও পুম্নমকপু ফিৎনেস চেলেঞ্জ অসিগীদমক নোমিনেৎ তৌখি।

প্রধান মন্ত্রীনা হায়খি, “ফিৎনেস চেলেঞ্জ অসি মখাগী মীওইশিং অসি নোমিনেৎ তৌবদা ঐহাক অপেনবা পোকই:
কর্নাতকাগী মুখ্য মন্ত্রী শ্রী ঐচ দি কুমারস্বামী

ভারতকী চাউথোকচনীংঙাই ওইরিবী অমদি ২০১৮গী কমন ৱেল্থ গেম্সতা ভারতকীদমক্তা মেদল খ্বাইদগী য়াম্না লৌখিবশিংগী মরক্তা অমা ওইরিবী, মনিকা বত্রা

চহি ৪০গী মথক্তা লৈরবা আই.পি.এস. ইচিল ইনাও পুম্নমক।”