ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা রাজ্য সভাদা পন্দুনা লৈরিবা নলন্দা য়ুনিবর্সিতী (এমেন্দমেন্ত) বিল, ২০১৩ ৱিদ্রো তৌনবা প্রপোজেল অদু অয়াবা পীখ্রে।

নলন্দা য়ুনিবর্সিতী অসি ২০০৯দা থাইলেন্দা পাংথোকখিবা ৪শুবা ইস্ত এসিয়া সমিৎতা পীখিবা অপুনবা প্রেস স্তেতমেন্ত অমদা য়ুমফম ওইরগা লিংখৎখিবনি, মদুনা নন-স্তেত, নন-প্রোফিৎ, সেক্যুলর অমসুং সেল্ফ-গবর্নিং ইন্তর্নেস্নেল ইন্সতিত্যুসন অমসু লিংখৎপদা মতেং পাংখি। মখা তারকপদা, নলন্দা য়ুনিবর্সিতী এক্ত, ২০১০ অসি পর্লিয়ামেন্তনা পাস তৌখি অমদি ২০১০গী নবেম্বর ২৫দগী চৎনহনখি।

হৌজিক্কী ওইবা প্রপোজেল অসি নলন্দা য়ুনিবর্সিতী এক্ত, ২০১০গী হৌজিক লৈরিবা অকক্নবা প্রোবিজনশিং এমেন্দ তৌনবা ২০১৩গী ওগস্ত ২৬তা রাজ্য সভাদা পুথোকখিবা নলন্দা য়ুনিবর্সিতী (এমেন্দমেন্ত) বিল, ২০১৩ ৱিদ্রো তৌনবা রাজ্য সভাদা মোসন অমা পুথোকপনি।

নলন্দা য়ুনিবর্সিতীগী গবর্নিং বোর্দ অসি ভারতকী রাষ্ট্রপতিনা অয়াবা পীবগা লোয়ননা নলন্দা য়ুনিবর্সিতী এক্ত, ২০১০গী সেক্সন ৭কী মতুং ইন্না ২১.১১.২০১৬ তগী লিংখৎখি। এমেন্দমেন্ত বিল অসি নলন্দা য়ুনিবর্সিতীগী হৌজিক লৈরিবা গবর্নিং বোর্দকা লোয়ননা খন্ন-নৈনবা মথৌ তাগনি। মখা তারকপদা, হৌজিক লৈরিবা গবর্নিং বোর্দ অসিনা নলন্দা য়ুনিবর্সিতী এক্ত, ২০১০ নৌনা য়েংশিন্দুনা মথৌ তাবা এমেন্দমেন্তশিং/এদিসনশিংগী ৱাফম পুথোকপা য়ারি।

য়ুনিবর্সিতী অসিদা তাকপি-তম্বিবগী থবক অসি মপালগী থৌরম পুবা মন্ত্রী শ্রীমতি সুশ্মা স্বরাজনা ২০১৪গী সেপ্তেম্বর থাদা হৌদোকখি। ভারতকী রাষ্ট্রপতি অসি য়ুনিবর্সিতী অসিগী ভিজিতর্নি, দা. বিজয় ভাতকরনা চাঞ্চেলরনি অমসুং প্রোফেসার সুনেনা সিংহনা ভাইস-চেঞ্চেলরনি। হৌজিক হৌজিকমক, য়ুনিবর্সিতী অসিগী স্কুল অহুমদা মহৈরোয় ১১৬ লৈরি, মখোয়শিং অদুদি স্কুল ওফ হিস্তোরিকেল স্তদিজ, স্কুল ওফ ইকোলোজি & এনভাইরনমেন্ত স্তদিজ অমসুং স্কুল ওফ বুদ্ধিস্ত স্তদিজনি। মসিগী মনুংদা মীরমগী লৈবাক ২১দগী অন্তরজাতিগী মহৈরোই ৩৫ য়াওরি।