ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত অমসুং সিঙ্গাপুরগী মরক্তা অর্বান প্লানিং অমসুং দিবেলপমেন্তকী লমদা তেংবাং পীননবা য়ানা ৱারোলদা অয়াবা পীখ্রে। য়ানা ৱারোল অসি ২০১৮ গী মে ৩১ দা খুৎয়েক পীনখিবনি।

য়ানা ৱারোল অসিগী পান্দমদি অর্বান দিবেলপমেন্ত অমদি মেনেজমেন্ত অমসুং অতোপ্পা এরিয়াশিংগী লমদা সিঙ্গাপুর এজেন্সিশিংগী খং হৈরবশিংদা পায়খৎহন্দুনা ম্যুনিসিপাল বোদিশিং য়াওনা কেন্দ্র অমসুং রাজ্যদা গবর্নমেন্ত এজেন্সিশিংবু লায়থোকহনবনি অমদি মদুনা অর্বান রেজুভেনেসন মিসনদা মতেং পাংলি। মসিনা নিতীদা কেপাসিতিজ শাগৎপদসু লাইথোকহল্লগনি অমদি হেন্না ইফেক্তিব ওইবা থৌওং অমদা থিঙ্ক তেঙ্ক অমগী নৌনা এসাইন তৌরবা থৌদাং অদু পাংথোকপদা নিতীদা মতেং ওইরগনি।

য়ানা ৱারোল অসিগী মখাদা, প্লানিংগী লমদা কেপাসিতী বিলদিং প্রোগ্রাম, অর্বান প্লানিংগী লমশিংদা মীৎয়েং থম্বা, ইশিং অমসুং ৱেস্ত ৱাতর মেনেজমেন্ত, সোলিদ ৱেস্ত মেনেজমেন্ত, ইন্তেলিজেন্ত ত্রান্সপোর্ত সিস্তেম অমসুং পব্লিক ফাইনান্সিং য়াওগনি।
চাওনা থেংনরিবশিং:

য়ানা ৱারোল অসিনা অর্বান প্লানিং, ইশিং অমসুং ৱেস্ত ৱাতর মেনেজমেন্ত, সোলিদ ৱেস্ত মেনেজমেন্ত, ইন্তেলিজেন্ত ত্রান্সপোর্ত সিস্তেম অমসুং পব্লিক ফাইনান্সিংগী লমদা রাজ্য অমসুং কেন্দ্রগী থাক্তা তোঙান তোঙানবা গবর্নমেন্ত এজেন্সিশিংদা শৌগৎকনি।

কানবা ফংলিবশিং:

কেন্দ্র সরকার, রাজ্য সরকার অমসুং অর্বান লোকেল বোদীশিংদগী ওফিসিয়েলশিংনা মখোয়গী নোলেজ হেঙ্গৎহন্দুনা চপচানা কানবা ফংহল্লগনি।