ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা ঙসি মুম্বাইদা ব্যুজিনেসকী লুচীংবশিংগা উনদুনা ৱারী শানখ্রে। ব্যুজিনেসকী লুচীংবা ৪১না ইন্দিয়ান ইকোনোমীগী পাক চাউরবা স্পেক্ত্রম অমা রিপ্রজেন্ত তৌদুনা ৱারী শানবা অদুদা শরুক য়াখি।
হৌখিবা চহি মরি অসিদা কেন্দ্র সরকারনা পায়খৎলিবা পোলিসী রিফোর্মশিং অমসুং ইনিসিয়েতিবশিং অদু পুং অনি হেন্না ৱারী শানখিবা অদুদা পাক চাউনা খন্ন-নৈনখি। ইকোনোমিক গ্রোথ অমসুং দিবেলপমেন্তদা ইন্দস্ত্রীগী থৌদাং অদুসু খন্ন-নৈনখি।
ইন্দস্ত্রীগী মায়কৈদগী তোঙান তোঙানবা রিপ্রজেন্তেতিবশিংনা লৈবাক অসিগী ব্যুজিনেস এনভাইরনমেন্তা ফিভম ফগৎলক্লিবা অদুদা নুংঙাইবা ফোংদোকখি, অমদি মসিনা ভারতকী গ্রোথ পোতেন্সিয়েল ফংহল্লগনি হায়খি।
প্রধান মন্ত্রীনা হন্দক্তা স্তার্তঅপশিং অমসুং ইন্ত্রপ্রিনরশিংগা লোয়ননা মহাক্কা খন্ন-নৈনখিবশিং অদু ফোংদোকখি। মহাক্না কোর্পোরেৎ সেক্তরবু অখন্ননা এগ্রীকলচর সেক্তরদা চাউনা শেল থাদনবা তকশিনখি।
দোমেস্তিক মেনুফেকচরিং প্রমোৎ তৌবগী মথৌ তাবা অদুদা অকনবা ৱাফম থম্লদুনা মহাক্না মেদিকেল দিভাইসশিং, ইলেক্ত্রোনিক্স অমসুং দিফেন্স ইক্বিপমেন্তকুম্বা লমশিংদা প্রদক্সন হেঙ্গৎহনবগী মথৌ তাবা অদু পনখি।
মদুগী মমাংদা, শেল থুমগী মন্ত্রী শ্রী পিয়ুশ গোয়লনা হৌখিবা চহি মরি অসিদা কেন্দ্র সরকারনা লৌখৎলিবা ইনিসিয়েতিবশিং অদু পাউদমখি। মহাক্না পোলিসী ইনিসিয়েতিবশিং, দিবেলপমেন্তা চাউনা থেংনরিবশিং, ইনোবেসনগী স্পিরিৎ অমসুং তেক্নোলোজীগী মতাংদা ৱা ঙাংখি।
***
