ভারতকী প্রধানমন্ত্রী

নুমিৎ নিন–হুম্নিগী মতুংদা রক্ষাবন্ধনগী শেংলবা কুম্মৈ অমসুং অদোম ইচে–ইচল পুম্নমক্না অসুক চাউখ্রবা রক্ষা (ঙাক–শেল)গী রাখী পুদুনা লাক্লি, ঐহাক অদোম পুম্নমক্কী লমন তোনশিঞ্জরবনি। অমসুং লৈবাক অপুনবা অসিগী ইমাশিং অমদি ইচে–ইচলশিংনা থৌজাল পীবীদুনা ঐঙোন্দা ঙাক–শেলগী কোল্হৌ অসি পীবীরি, থৌজাল পীবীরি, মসিগীদমক্তা ঐনা ইমাশিং অমদি ইচে–ইচলশিংবু থমোই শেংনা তৌবীমল খঙবা উৎচরি।

রক্ষাবন্ধনগী কুম্মৈনা মাংদা লাক্লবা অদুগা গুজরাত্তা ইমুং লাখ অমদগী হেনবদা, ইচল–ইচেশিংনা মখোয়গী মমিংদা ইশাগী য়ুম ফংলবা, মসিদগী হেনবা রক্ষাবন্ধনগী অতৈ খুদোল অমমুক লৈররোই।

ঙসি য়ুম ফংলিবা ইচে–ইচলশিং অসিনা, য়ুম লৈতবা অদুগী চৈনা কমদৌবগে, করম্না পুন্সি লেনবগে, তুংলমচৎনা করম্না অমম্বা অদুদা লুপ্পগে, অয়ুক খুদিংগী অনৌবা মংলান পুদুনা হৌগৎলি, নুমিদাং ওইবগা মংলান অদু কাইখি, অদুগুম্বা ফদি–ফনাইগী খাংপোক্তমক লৈহৌই হায়বদু ময়েক শেংনা খঙই।

অদুবু হৌজিক ইশাগী য়ুম লৈরবনিনা মংলানশিং অদুসু লৈতেংবা হৌরগনি অদুগা মংলান অদুসু ইশাগী ওইরনি। লোইননা অদুগুম্বা মংলানশিং অদু মংফাওনহন্নবগীদমক ইমুং পুম্নমক্না, নহা–অহল পুম্নমক্না কন্না হোৎনদুনা পুন্সি মহিং হোংলকপা হৌরক্লগনি।

রক্ষাবন্ধন অসিগী শেংলবা কুম্মৈ অসিগী মাংওইননা ইমাশিং অমদি ইচে–ইচল পুম্নমকপু, লাখ অমদগী হেনবা ইমুংশিংবু, য়ুমশিং অসি কৎচবদা নখোয়গী নবুং/নৌপ্বা অমা ওইনা য়াম্না অপেনবা পোকচৈ।

ঙসি অমরোমদা লুপা ক্রোর ৬০০কী অতোপ্পা স্কিমসু, মখল অমরোমদা রক্ষা বন্ধনগী শেংলবা কুম্মৈ অসিগী মাংওইননা ঐখোয়গী ইমাশিং, ইচে–ইচলশিংদা খুদোল ওইনা কৎচরবনি। ঈশিংগী অৱাবসি ঈমুং অমদা খ্বাইদগী চাউনা কনানা মায়োক্নবগে হায়বদা ইমাশিং, ইচে–ইচলশিংননি। ইমুং অপুনবগীদমক্তা ঈশিংগী থৌরাং ঐখোয়গী ইমুংশিংদা ঙসিসু ইমাশিং, ইচে–ইচলশিংনা তৌবা তারি। অমসুং অফবা ঈশিং ফংদবনা মরম ওইদুনা অমরোমদা য়ুম, পুন্সি অসি, লাইনাগী য়ুম ওইরকই। থক্ননবা অফবা ঈশিংনা লাইনাশিংদগী ঙাকথোকই।

ঐনা চহি কয়া ঐগী নহা ওইরিঙৈগী চহি কয়ামরুম ত্রাইবেল এরিয়া অসিদা লেনখি। ঐনা ধর্মপুর সিদম্বারীদা লৈরিঙৈদা পুক্নীংদা ৱাহং অমা হংদুনতা লাকখি মদুদি মফম অসিদা নোং অদুক্কী মতিক চুরিবা অদুবু দিৱালীগী মতুং থা অনিগী মতুংদগী হেন্না ঈশিং তুংহৌদে অমসুং ঈশিংগীদমক্তা য়াম্না ৱানৈ। অমসুং ঐহাক ফজনা নীংশিংলি মদুদি মতম অদুদা ধর্মপুরদা, সিদম্বুর, বেল্ত পুম্নমক্তা, ত্রাইবেলগী মফম অপুনবা অসিদগী হৌরগা উমরগাওঁদগী অম্বাজী ফাওবা ত্রাইবেল বেল্ত পুম্নমক্তা নোং কন্না চুজরবসু ঈশিং পুম্নমক ঐখোয়রোমদা, তুরেল্লোমদা, সমুদ্ররোমদা চেন্থখি। মফম পুম্নমক অদু ঈশিংগীদমক ৱানখি।

অমসুং ঐনা মুখ্য মন্ত্রী ওইরিঙৈদা উমরগাওঁদগী অম্বাজী ফাওবা, ত্রাইবেলগী বেল্ত পুম্নমক, গুজরাতকী অৱাং থংবা ফিবানশিং, খুঙ্গং পুম্নমক্তা, য়ুমথোং পুম্নমক্তা কোঞ্জিলদগী ঈশিং ফংনবা লুপা ক্রোর লিশিং চংনা মংলান অদু মংজখি।

য়েংহনখিবা ফিল্ম অসিদা উৎখিবা প্লান তরাদা অসি ঙসিগী অরোইবা প্লান অদুগীসু ঙসি থবক হৌরে। ফিল্ম অসি য়েংখিবা মীওইশিংনা মসিদা অঙকপা পোকপীরমগনি। ঈশিং য়ৌহনগদবা খ্বাইদগী ৱাংবা মফম অদুদা মথোল ২০০ লোংবা য়ুমগী খ্বাইদগী মতোন্দা ঈশিং য়ৌহনবা অদুগুম্না য়ৌহনগদৌরিবনি। হায়বদি তুরেল অদু মথোল ২০০ ৱাংনা পুবগুম্বনি অমসুং মফম অদুদগী মীয়ামদা ঈশিং য়ৌহনগদৌরিবনি। মসি তেক্নোলোজীগী মিত্রং অদুনি।

ঐখোয়গী লৈবাক্তা অসিগুম্বা অরাপ্পা মনুং হঞ্জিন্না লৈবা উমংশিংদা পোলিং বুথ ভোতর অমগীদমক শেম্মি, ভোতর অমা পোলিং বুথ অমা। মালেমদা মদু বোক্স আইতেম ওইরে মদুদি হিন্দুস্তানগী মীখলগী থৌওংদা অশুকপা উমংদা ভোতর অমখক্কীদমক পোলিং বুথ শাই অদুবু মফম অদুদসু মীখলগী থৌরাংদি পাংথোকই।

অঙকপা অমা ওইরগনি হায়না ঐনা খল্লি মদুদি খুঙ্গং অমগী মথক্তা য়ুম ২০০–৩০০ তাবা খুঙ্গং, অদুবু মদুদা ঈশিং য়ৌহন্নবা পুকচেল শেংলবা সরকারনা মথোল ২০০ ফাওবা ঈশিং চিংখৎপা, মীপুম খুদিংমক্কী মফমদা ঐখোয়গী লাইনীং অসি কয়াদা ৱাংনা থম্লিবা, মসিগী অমত্তা ঙাইরবা খুদম্নি।

হান্নসু সরকার লৈরম্মি। ত্রাইবেলগী মুখ্য মন্ত্রীসু লৈখ্রে। ঐনা মুখ্য মন্ত্রী নৌনা ওইরকপা মতমদা, হান্না ত্রাইবেল মুখ্য মন্ত্রী ওইরম্বা অদুগী খুঙ্গংদা ঐনা চৎখিবদা ঈশিংগী তেঙ্কীদি লৈরম্মি অদুবু ঈশিংদি লৈরমদে। খুঙ্গং অদুদা ঈশিং পীনবগী থবকসু লাইবক ফবদগী ঐনা ফংজখি।

ঙসিসু ঈশিংগীদমক্তা থবক তৌখিবা লাখা বলধারাগী ৱারী গুজরাত অমসুং রাজস্থানগী খুঙ্গংশিংদা লিনরি। মরমদি কনাগুম্বা অমনা ঈশিংগীদমক্তা থবক তৌখি। ঙসি ঐহাক চাউথোকচরি মদুদি গুজরাত সরকারনা মরন্নাই ওইনা য়ুমথোং খুদিংদা কোঞ্জিন্দা ঈশিং ফংহন্নবগীদমক খোংজং চংশিল্লি।

ঐখোয়গী গুজরাত অসি তুংদা করি ওইহনগনি। লাইরবদগী লাইরবগী পুন্সি করম্না ওইহনগনি, করম্না ঐখোয়গী করম্বা মংলান, মংলানশিং অদু মংফাওনহন্নবগীদমক ঐখোয়না করি হোৎনগনি, পুম্নমক অসি উবা ফংলি।

ঐখোয়না শক্তম অসি শাগৎনবা হোৎনরি অমসুং ঐহাক নুংঙাইবা ফাওই মদুদি ইমা–ইচল/ইচেশিংনা মশানা মশাবু থাজবা হেনগৎলে। পেনজবগা লোইননা হায়রি, ঐখোয়গী হক ফংলে, কাংলোনগী মখাদা ফংলে, ঐখোয়না কনাদসু লুপা অমা ফাওবা পীবগী মথৌ তাখিদে।

য়ুমশিং অদু অদোম্না উবীরমগনি, প্রধান মন্ত্রী আৱাস য়োজনাগী মখাদা শাখিবা য়ুমশিং অসিগী ক্বালিতী ঐখোয়না য়েংবদা অদোমসু শোইদনা, সরকারনা অসিগুম্বা য়ুমশিং শাবসু ঙমবোইরেকো হায়না খনবীগনি। সরকারনা লন পুথোকই হায়বসি অচুম্বনি অদুবু সরকারগী পৈশাগা লোইননা ইমুং অদুগী হুমাং মমলসু মসিদা য়াওরিবনি। অমসুং মদুনা মরম ওইদুনা মশানা য়ুমগী মওংদু খনখিবনি। করম্বা মেতরিয়েল শিজিন্নগনি হায়বদু ইমুংদুনা লেপচখিবনি। য়ুম করম্বা মওংদা শাগনি হায়বদু মশানা লেপচখিবনি।

সরকারগী কোন্ত্রেক্ররশিংদা ঐখোয়না থবক অসি শিন্নখিদে, ঐখোয়না ইমুং অসিদা শিন্নখি অমসুং ইমুং অদুনা মখোয়গী য়ুম শাজরবদি খ্বাইদগী ফবা মওংদা শাই লোইননা খুঙ্গং খুদিংমক্তা ইমুংশিং অদুনা খ্বাইদগী ফবা য়ুম হরাও হরাওনা শাজখি। মসিগীদমক ঐনা মখোয়বু থাগৎচরি।

লৈবাক অসিদগী লাইরবা কোকহন্নবা য়াম্না চাউরবা খোংজং অমা ঐখোয়না চংশিল্লি, অদুবু লাইরবশিংদা মপাঙ্গল কলহনবা ওইনা পাংথোক্লি। বেঙ্কতা লাইরবশিংনা চংবা য়ারমদে। ঐখোয়না বেঙ্ক অদুমক লাইরবশিংগী য়ুমগী মাংদা পুরক্তুনা থম্লে প্রধান মন্ত্রী জন ধন য়োজনাদা।

খুঙ্গংদা ইনাক খুনবগী য়ুম খক্তদা মৈগী কনেক্সন লৈরম্মি, লাইরবশিংগী য়ুমদা মৈগী কনেক্সন ফংবা অসিদি মখোয়দা অঙকপা ওইনা থোক্নরম্মি। ঙসিদি উজালা য়োজনাগী মখাদা য়ুমথোং খুদিংদা সৌভাগ্য য়োজনাগী মখাদা য়ুমথোং খুদিংদা মৈগী কনেক্সন পীবগী অচৌবা খোংজং অমা পাইখৎলি অমসুং লাক্কদৌরিবা চহি অমা মখাইরোমদা মশাগী মৈগী কনেক্সন লৈতবা য়ুম অমত্তা হিন্দুস্তান্দা লৈররোই।

য়ুম লৈরবা, য়ুমদা অমাংশঙ লৈরবা, মৈ লৈরবা, থক্নবা ঈশিং লৈরবা, গ্যাসকী লৈরং লৈরবা – অমরোমদা মখোয়গী পুন্সিদা কান্নরবা অহোংবা পুরক্নবা থবক পাইখৎলি।

অদুগা ঐগী নুংশিরবা ইচিল–ইনাওশা, অদোম্না ঐবু চাউহনবীবনি। অদোম গুজরাতকী মীয়াম্না ঐবু য়োকপী–থাকপীরকপনি। গুজরাতনা ঐবু ফনা য়াম্না তমবীখি। অমসুং অদোম ময়ামদগী ঐনা তমজখিবশিং অদুনা মরম ওইদুনা মংলানশিং অদু মতম চানা মংফাওনবা ঙমহন্নবা হোৎনরিবনি অমসুং ২০২২দা, হিন্দুস্তানগী নীং খা তম্বা চহি ৭৫ মপুং ফারকপদা, লৈবাক অসিগী ইমুং অমত্তনা মশাগী য়ুম লৈতবা ওইদবা ভারত অমা শেম্ননবা মংলান মংলি।

ঙসি ফাওবদা লুচীংবশিংগী অচৌ অচৌবা য়ুম শাবগী পাউ লাকখি, ঙসি ফাওবদা লুচীংবশিংগী য়ুম লৈতেংবগী পাউ লাকখি, হৌজিক লাইরবশিংগী য়ুম লৈতেংবগী পাউ লাক্লে।

লাখ অমদগী হেন্না য়ুমদা চংবগী থৌরমদা শরুক য়াননবগীদমক্তা বলসারগী লমদমদা লাক্তুনা ভিদিও কনফ্রেন্সকী থোংদা ইমুং পুম্নমক্কা লোইননা মখোয়গী মথুম–মরাং হৌবা, ময়াই কাবা অদুদা শরুক য়াররিবা প্রধান মন্ত্রী অদুনি মসি।

ইচিল–ইনাওশা, হৌখিবা চয়োল অসি ঐখোয়গীদমক্তদি য়াম্না অৱাবা পোকখিবা চয়োল ওইখি। অতল বিহারী ভাজপেয়ীজী চৎখ্রে অদুবু মহাক্কী মিংদা শেমখিবা প্রধান মন্ত্রী গ্রাম সরক য়োজনা অসি খুঙ্গং খুদিংমকপু পক্কা সরক্কা শম্নহন্নবগী থবকসু ঐখোয়না অপীবা মতমগী মনুংদা পান্দম থমদুনা পাইখৎলি।

অমরোমদা মরু ফংনা হোংদোকপগী মাইকৈদা থবক পাইখৎলি। মফম অসিদা অদোম্না উবীরমগনি স্কিল দিবেলপমেন্ত, অরাপ্পা মনুং হঞ্জিনবা ত্রাইবেলগী খুঙ্গংশিংদা লৈরিবা ইচানুপীশিংবু স্কিল দিবেলপমেন্তকী মতুংদা শেল তান্ননবগীদমক্তা খুদোংচাবা ফংবা ঙম্ননবা, মদুগীদমক ঐনা সর্তিফিকেৎ পীবগী তাঞ্জা অদু ফংজরে।

ঐনা বলসার অপুনবগী ঐগী নুংশিজরবা ইচিল–ইনাওশিং, অসুক কুইরবা মতম অসি ফাওবা মশিং য়াম্না অদোম্না ফম্বীরি, ঐনা অদোমগী তৌবীমল খঙবা উৎচবা খিবিক মতিক চাদ্রবনি।

ইমাশিং ইচল–ইচেশিং পুম্নমকপু রক্ষাবন্ধনগীদমক হন্না হন্না নুংঙাইবা ফোংদোকচবগা লোইননা অদোম পুম্নমকপু হন্না হন্না থাগৎচরি।