ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদী ঙসি ঝার্খন্দগী পলামুদা চৎখ্রে।
মহাক্না প্রধান মন্ত্রী অৱাস য়োজনাগী মখাদা কানবা ফংলবা ২৫,০০০গী অপুনবা ই-গ্রীহপ্রবেশকী শাক্ষি ওইখি।
মহাক্না নোর্থ কোয়ল(মন্দল দাম) প্রোজেক্ত, কনহার স্তোন পাইপলাইন ইরিগেসন সিস্তেম অমুক হন্না থবক হৌবগী অমসুং মশিং য়াম্লবা ইরিগেসন সিস্তেমশিং মপাঙ্গল কনখৎহনবা অমদি লাইনিংগী থবকশিংগী উরেপ উয়ুং তমখি। প্রোজেক্তশিং অসি পুন্না লুপা কোতি ৩৫০০ হেনবগী মমল ওইগনি হায়না প্রধান মন্ত্রীনা ফোংদোকখি।
মীয়াম তিনখিবা অদুদা ৱা ঙাংলদুনা প্রধান মন্ত্রীনা হায়খি মদুদি প্রোজেক্তশিং অসি ইরিগেসনগী মমল হন্থহন্দুনা লৌমীশিংগী ইনকম হেঙ্গৎহন্নবা সরকারনা হোৎনরিবা অদুগী মরুওইবা শরুক অমনি।
নোর্থ কোয়ল(মন্দল দাম) প্রোজেক্ত অসি চাওরাক্না চহী ৪৭তগী লোইশিন্দনা লৈরক্লবনি হায়না প্রধান মন্ত্রীনা থিন্দুনা তাকখি। লৌমীশিংনা মায়োক্নরিবা প্রোব্লেমশিং সোলব তৌনবা পুকচেল শেংনা হোৎননবা মহাক্কী ৱাশক অদু মহাক্না অমুক হন্না নিংশিংখি। চহী কয়াদগী পন্দুনা লৈরক্লবা অদুগুম্লবা অচৌবা ইরিগেসন প্রোজেক্ত ৯৯বু লুপা কোতি ৯০,০০০গী মমল চংনা হৌজিক থবক পায়খৎলি হায়না মহাক্না ফোংদোকখি। মহাক্না হায়খি মদুদি কেন্দ্র সরকারনা লৌমীশিংবু “অন্নদাতা”গুম ত্রিৎ তৌদুনা থবক তৌরি। লৌউ-শিংউবা অমসুং লৌমীশিংগীদমক অনৌবা মীৎয়েং অমগা লোয়ননা সরকার অসিনা থবক তৌরি হায়না প্রধান মন্ত্রীনা ফোংদোকখি।
প্রধান মন্ত্রীনা ২০২২ ফাওবদা মীপুম খুদিংমকপু ময়ুম ফংহন্নবা পান্দম থম্লিবা প্রধান মন্ত্রী অৱাস য়োজনাগী মখাদা পীখিবা য়ুম ২৫,০০০ অদু পনখি। হৌখিবা মতমদা হৌদোকখিবা মসিগা মান্নবা স্কিমশিংদগী মতৌ করম্না স্কিম অসি খেৎনবগে হায়বদু প্রধান মন্ত্রীনা শন্দোক্না তাকখি। হৌজিক্তি হেন্না মনুং মপান ফাওনা উবা মওং অমদা কানবা ফংগদবশিং খল্লে হায়না মহাক্না ফোংদোকখি।
প্রধান মন্ত্রী অৱাস য়োজনাগী মখাদা য়ুম শাবগী ক্বালিতী মোনিতর তৌনবা অনৌবা সিস্তেম অমা দিবেলপ তৌরে হায়না প্রধান মন্ত্রীনা হায়খি। মসিদা ফোতোগ্রাফী অমসুং জিও-তেগ্গিং মনুং চল্লি। হৌজিক পীরিবা য়ুমশিং অসি মৈ, চাকথোং গ্যাস কনেক্সনশিং অমসুং তোইলেৎশিং য়াওরে। হৌজিক্তি অতোপ্পা দিজাইনশিং ফংলে অমসুং য়ুমগী এরিয়াসু হেঙ্গৎহল্লে হায়না মহাক্না ফোংদোকখি। য়ুম শাবদা লমদম অদুদা ফংবা পোৎলমশিং শিজিন্ননবসু হোৎনরি। য়ুম শাবগী খোংজেলসু হেঙ্গৎলে অমদি চহী মঙা য়ৌদবা মতম অসিদা চাওরাক্না য়ুম কোতি ১.২৫ শারে হায়না মহাক্না ফোংদোকখি। য়ুম অমা শাবদা লৌরিবা মতম অসি চাংচৎতা থা ১২ দগী থা ১৮ ফাওবা ওইরি হায়না মহাক্না ফোংদোকখি।
হৌজিক্তি ইন্তোলমেন্ত মরিদা কানবা ফংলবশিংগী একাউন্তদা লুপা লাখ ১.২৫ লায়না য়ৌহল্লে হায়না মহাক্না ফোংদোকখি। মমাংদদি লুপা ৭০,০০০ খক্তমক শিজিন্নরম্মি হায়না মহাক্না মখা তাখি। নিংতম্লবা মতুংদগী অহানবা ওইনা সরকার অসিনা মিদল ক্লাসকী য়ুমগী দরকার ওইবা অদু খংলে অমদি মখোয়দা শেন্দোয় য়াওদনা শেলগী তেংবাং পীরি হায়না মহাক্না হায়খি।
থা অহুমগী মমাংদা ঝার্খন্দদগী হৌদোকখিবা প্রধান মন্ত্রী জন অরোগ্যা য়োজনানা ঙসিদি লাইরবা লাখ কয়াদা মেদিকেলগী তেংবাং পীরি হায়না প্রধান মন্ত্রীনা হায়খি। অহানবা নুমীৎ ১০০গী মনুংদা মসিনা প্রজা লাখ তরুক হেনবদা কানবা ফংহনখ্রে, অমদি ঙসি নুমীৎ খুদিংগী চাওরাক্না প্রজা ১০,০০০না মসিগী কানবা ফংলি হায়না মহাক্না ফোংদোকখি।
We have transformed the housing sector. More houses are being built with better facilities, allocated without favouritism and aimed at women empowerment.
— Narendra Modi (@narendramodi) January 5, 2019
Congress built few houses, allowed middlemen to make merry and named schemes after members of one family! pic.twitter.com/bKdYGKrymN
जब सरकार बिना भ्रष्टाचार के साफ नीयत से काम करती है तो परिणाम दिखता है।
— Narendra Modi (@narendramodi) January 5, 2019
एक सिंचाई परियोजना जिसे दशकों पहले पूरा हो जाना चाहिए था, उसे कांग्रेस की सरकारों ने लगातार लटकाए रखा।
हमने किसानों के कल्याण के लिए बड़ी सिंचाई परियोजनाओं को पुनर्जीवित किया है। pic.twitter.com/MW7slZqCXl
हमारे लिए किसान अन्नदाता हैं, उनके लिए वोटबैंक।
— Narendra Modi (@narendramodi) January 5, 2019
जब किसानों को कोई सिर्फ वोटबैंक समझता है तब वो आधी-अधूरी कर्जमाफी से आगे नहीं सोच पाता।
हम यह सुनिश्चित करना चाहते हैं कि किसानों के ऊपर आर्थिक बोझ न रहे। उन्हें सिंचाई और तकनीक की बेहतर सुविधा मिले, जिससे उनकी आय दोगुनी हो। pic.twitter.com/4vG7ikbUqT
