ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা সিনেমাতোগ্রাফ এক্ত, ১৯৫২ শেমদোক্নবগীদমক সিনেমাতোগ্রাফ এমেন্দমেন্ত বিল, ২০১৯ পুথোকপগা মরি লৈনবা ইনফোর্মেসন অমসুং ব্রোদকাস্তিং মন্ত্রালয়গী ৱাফমদা অয়াবা পীখ্রে। বিল অসিগী পান্দমদি ফিল্ম পায়রেসী থিংবনি অমসুং মসিদা অনওথোরাইজ কেমকোর্দিং অমসুং ফিল্মগী কোপী লৌবা/শেম্বগী মায়োক্তা চৈরাক পীনবগী ৱারোল হাপচিনবনি।
অকুপ্পা ৱারোল
ফিল্ম পায়রেসী থিংনবগীদমক শেমদোকপা অসিদা মখাগীশিং অসি য়াওরিঃ
মখাগী সেক্সন অসি সিনেমাতোগ্রাফ এক্ত, ১৯৫২গী মতুংদা হাপচিনগনি।
৬এ.এ.: “অতৈ অতোপ্পা কাংলোন চৎনরবা ফাওবদা কনাগুম্বনা অইবগী অইবা অয়াবা য়াওদনা করিগুম্বা ওদিও ভিজুএল রিকোর্দ দিভাইস শিজিন্নদুনা করিগুম্বা ফিল্ম অমা নত্ত্রগা মদুগী শরুক অমা হেক্তা শন্দোক্নবগী নত্ত্রগা শন্দোক্নবা হোৎনবা নত্ত্রগা শন্দোকপদা মতেং পীবগী অয়াবা পীরোই।”
* মসিদা অইবা হাইরিবা অসিগী ৱাহন্থোক অসি সিনেমাতোগ্রাফ এক্ত, ১৯৫৭কী সেক্সন ২গী ক্লোজ দিদা পীখিবা ৱাহন্থোক অদুগা মান্নৈ।
“কনাগুম্বনা সেক্সন ৬এ.এ.গী ৱারোল অসিবু থৌওইদবা তারবদি, মহাক চহি ৩গী মীয়াৎ নত্ত্রগা লুপা লাখ ১০ ফাওবগী ফাইন থিবগী চৈরাক ফংবা য়াই।”
পুখৎলক্লিবা শেমদোক্নবা ৱাফম অসিনা ইন্দস্ত্রীগী রেভেন্যু হেনগৎহল্লগনি, থবক পীবা হেনগৎহল্লগনি, ভারতকী নেস্নেল আই.পি. পোলিসীগী মরু ওইবা পান্দমসিং মপুং ফাহল্লগনি অমসুং পায়রেসী লোইননা ওনলাইন্দা তৌবা কোপীরাইৎ থৌওইদবগী মতাংদা অৱাবা কোক্লগনি।
য়ুম্ফমঃ
মতমগী মতুং ইন্না মেদিয়ম অমা ওইরিবা সিনেমা, মসিগী তেক্নোলোজী, মসিগী খুৎলাইশিং অমসুং মসিবু য়েংলিবশিংদা অচৌবা অহোংবা অমা পুরক্লি। লৈবাক অপুনবদা তি.ভি. চেনেলশিং অমসুং কেবল নেতৱর্ক পাকথোক-চাউথোরকপনা মীদিয়া অমসুং এন্তর্তেন্তমেন্তকী লমদা অহোংবা কয়া পুরক্লে। অনৌবা দিজিতেল তেক্নোলোজী লাক্লে অমসুং মরু ওইনা ইন্তর্নেত্তা পায়রেৎ তৌরবা ফিল্মশিং উৎপনা পায়রেসীগী খুদোংথিবা হেনগৎলক্লি। মসিনা মরম ওইদুনা ফিল্ম ইন্দস্ত্রী অমসুং সরকারগী রেভেন্যুদা অদুক্কী মতিক অমাংবা থোক্লি।
