ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি কর্নাতকাগী মৈসুরুদা লৈবা ভারতকী অহানবা এল.ই.দি. দোম প্লানেতরিয়ম, কোস্মোস-মৈসুরু প্লানেতরিয়ম শঙ্গাখ্রে। থৌরম অদুদা তিল্লিবা মীয়ামদা ৱা ঙাংলদুনা প্রধান মন্ত্রীনা কন্নরাদা মহাক্কী ৱাহৌদোক পীখি অমসুং বিবেকা স্মারকা শঙ্গাখিবগী শুপ্নগী থা খরগী মতুংদা জাতিদা কোস্মোস প্লানেতরিয়ম কত্থোক্নবা মৈসুরুদা অমুক লাকপদা মহাক্না নুংঙাইবা ফোংদোকখি। বিবেকা স্মারকানা ইন্ত্রোস্পেক্সন অমসুং স্পিরিচুএলগী ওইবা লম্বীদা ইথিল পীরি অদুগা কোস্মোস প্লানেতরিয়মনা ঐখোয়গী মীৎয়েং অসি অতিয়ারোমদা চীংশিন্দুনা পাক চাউরবা শুন্দ্রংগী অঙকপশিং অসি থিদোক্নবা ইথিল পীরি হায়না ফোংদোক্লদুনা মহাক্না মায় পাকপা অনি অসিনা পীরিবা অচৌবা কলচরেল মেসেস অদুদা অকনবা ৱাফম থমখি। “মসি ভারত্তা স্পিরিচুএলিতীগী চৎনবীশিং অমসুং সাইন্সনা পুন্না মতম চুপ্পদা মাংদা চংশিল্লি হায়বা ৱাফমগী খুদম অমনি,” হায়না শ্রী মোদীনা ফোংদোকখি।

ভারতকী অরিবা মতমগী ইপা-ইপুশিংনা অতিয়া অসিবু কুপ্না নৈনখিবা, প্লেনতরী অমসুং থৱানমীচাক্কী খোঙচৎপু খঙবা, কেলেন্দরশিং শেমখিবা অমসুং সোলর অমদি লুনর ইক্লিপশিং হোৎপা ঙম্বা অদু নীংশিংলদুনা প্রধান মন্ত্রী আর্য়ভত্ত, বরাহমিহির, ভাস্করাচার্য়, অমসুং নিলকন্থা সোময়াজীগুম্বা অথোইবা ভারতকী এস্ত্রোনোমরশিংগী লেগেসী অদু পনখি। “ঙসি লৈরিবা এদভান্স ইনস্ত্রুমেন্তশিং অমসুং তেক্নোলোজী লৈত্রবসু মখোয়না মতম অদুদা অচৌবা দিস্কোভরীশিং তৌবা ঙমখি অমসুং য়াম্না অরুবা কেলক্যুলেসনশিং পাংথোকপা ঙমখি,” হায়না পি.এম. মোদীনা ফোংদোকখি।

মৈসুরু অসি লৌশিং থৌগৎপগী থবক তৌরিবা ইন্সতিত্যুসনশিং লিংখৎপগী ইনাক খুল্লবা চৎনবী অমা লৈজৈ, মসিদা য়ুনিভর্সিতী ওফ মৈসুরু অসি মহারাজা নালৱরী কৃষ্ণরাজ বাদিয়ারগী মতমদা লিংখৎখিবা অমসুং ৱাদিয়ার ইমুংনা স্কোলরশিংগী মীরোল কয়া শক্তি পীনবা বেঙ্গলুরুদা লৈবা ইন্দিয়ন ইন্সতিত্যুৎ ওফ সাইন্সকী য়ুম্ফম থোনবদা মরু ওইবা থৌদাং অমসু লৌখিবা য়াওরি হায়না পল্লদুনা। প্রধান মন্ত্রীনা মৈসুরুনা স্তেৎ-ওফ-দি-আর্ত কোস্মোস প্লানেতরিয়ম নহারোল অমসুং প্রজাশিংদা কত্থোকখিবগা লোয়ননা লৈবাক অসিগী সাইন্তিফিক জর্নীদা অনৌবা পন্দুপ অমা হাপচিনখ্রে হায়না ফোংদোকখি। এল.ই.দি. দোম মনুংদা শো অমা য়েংবা অসি য়াম্না নুংঙাইবা এক্সপরিয়েন্স অমা ওইখি হায়না ফোংদোক্লদুনা মহাক্না মায় পাকপা অসিগীদমক লৈবাক অসিদা নুংঙাইবা ফোংদোকখি। “ঐহাক্না য়ুনিভর্সিতী ওফ মৈসুরুগী ইন্দিয়ন ইন্সতিত্যুৎ ওফ এস্ত্রোফিজিক্স, সরকারগী তোঙান তোঙানবা বিভাগশিং অমসুং মসি শাবদা য়াওখিবা মীপুম খুদিংমক্তা থাগৎপা ফোংদোকচরি”, হায়না শ্রী মোদীনা ফোংদোকখি।

ভারতকী নেস্নেল মোতো অসি ‘জয় জৱান, জয় কিসান’দগী অতল বিহারী ভাজপায়ীনা ‘জয় বিজ্ঞান’ হাপচিনখিবা অমসুং মহাক মশানা ‘জয় অনুসন্ধন” হাপচিন্দুনা ২১শুবা চহিচাগী ভারত লমজিংবগী ইভোল্যুসন অদু পল্লদুনা প্রধান মন্ত্রীনা মুম্বাইদা মমাং চহিদা পাংথোকখিবা ইন্তর্নেস্নেল ওলিম্পিয়দ ওন এস্ত্রোনোমী এন্দ এস্ত্রোফিজিক্সতা ভারতকী নহারোলশিংনা থৱায় য়াওনা শরুক য়াখিবা অদু থাগৎখি অমসুং চহি অসিগী ইদিসনদা ভিয়েৎনামদা মখোয়গী স্তেলর পরফোর্মেন্স অদুগী মতাংদা হায়খি। “ভারতকী মহৈরোই মঙানা চপ মান্নবা ওলিম্পিয় অসিগী মথংগী ইদিসনগীদমক ভিয়েৎনামদা চৎখি; মখোয়গী মনুংদা মরিনা গোল্দ মেদল অমসুং অমনা সিলভর মেদল লৌরকখি। মসি লৈবাক পুম্বগী ওইনা চাউথোকচনীংঙাই ওইবা ৱাফম অমনি,” হায়না পি.এম. মোদীনা ফোংদোকখি।

ভারতকী মহৈরোইশিংনা মেথমেতিক্স, ফিজিক্স, কেমিস্ত্রী অমসুং বাইওলোজীগুম্বা সবজেক্তশিং কোনশিল্লিবা চহি অসিগী ইন্তর্নেস্নেল ওলিম্পিয়দশিংদা গোল্দ নত্ত্রগা সিলভর মেদল ফংদুনা চাউনা মায় পাকপা ঙমখিবা অদুদা মীৎয়েং চীংশিল্লদুনা প্রধান মন্ত্রীনা  মখোয়দা লর্নিং রিসোর্সশিং, অমসুং তেক্নোলোজী, তুল, অমসুং ইন্সতিত্যুসনগী মওংদা সপোর্ত পীরবা মতমদা নহা ওইরিবা ভারত মচাশিংনা চাউনা মায় পাকপা ঙম্মি হায়না অকনবা ৱাফম থমখি। “কোস্মোস প্লানেতরিয়ম অসিনসু মখোয়গী মঙলানশিং শেমগৎনবা মতেং পাংবদা অচৌবা থৌদাং অমা লৌরগনি,” হায়না শ্রী মোদীনা ফোংদোকখি।

তেক্নোলোজীনা মালেমবু খোঙজেল য়াংনা অওনবা পুরক্লিঙৈ চৈরক অসিদা লৈবাক অমত্তনা তপথনবগী রিস্ক লৌবা পামদে হায়রদুনা প্রধান মন্ত্রীনা হায়খি চহি তরাগী খুজিং অসিদা ভারতনা অনৌবা তেলিস্কোপশিং অমসুং লেন্দমার্ক ওইরবা ইস্রোগী মিসনশিংগী খুত্থাংদা এস্ত্রোনোমী, এস্ত্রোফিজিক্স, অমসুং স্পেস সেক্তরদা অমুক্তা ওইখিদ্রিবা মওংদা মায় পাকপা ঙমখ্রে, মসিদা চন্দ্রয়ান-৩গী খুত্থাংদা ইস্রোনা ভারত অসি থাগী খা থংবা পোলগী ময়াদা তাবা ঙম্বা মালেমগী অহানবা লৈবাক ওইবা ঙমহনখিবা, ভারতনা স্পেসতা মাগী অহানবা সোলর ওবসর্ভেতরী, এদিত্যা-এল১ থম্বা ঙমখিবা য়াওরি। “মমাং চহিদা ভারতনা স্পেস্তা দোকিং অমসুং অনদোকিং তৌবগী মতিং লৈ হায়না উৎখিবা মালেমগী মরিশুবা লৈবাক ওইবা ঙমখি,” হায়না পি.এম. মোদীনা ফোংদোকখি।

হন্দক্তা ভারতকী এস্ত্রোনোৎ অমনা ইন্তর্নেস্নেল স্পেস স্তেসন য়ৌবা অমসুং অনৌবা এক্সপরিমেন্ত কয়ামরুম পাংথোকপা ঙমখিবগী মতাংদা পল্লদুনা প্রধান মন্ত্রীনা মিসন অসিগী ফাইন্দিংশিংগী স্ত্রেতেজিক ভেল্যু অদু পনখি। “মিসন অসিদগী ফংলকপা এক্সপরিয়েন্স অদুনা ঐখোয়গী ইশাগী হ্যুমেন স্পেসফ্লাইৎ প্রোগ্রাম গগনয়ানগীদমক কান্নবসু ওইরি,” হায়না শ্রী মোদীনা ফোংদোকখি।

স্পেস সেক্তরদা প্রাইবেৎ পার্তিসিপেসনগীদমক হাংদোক্নবা সরকারনা লৌখিবা ৱারেপ অদু পল্লদুনা, মসিনা ভারতকী স্তার্ত-অপশিং অমসুং নহারোলশিংদা প্রাইবেৎ রোকেৎ থাগৎপা, সেতলাইৎশিং ওর্বিৎতা থাগৎপা অমসুং অমুক্তা ওইখিদ্রিবা স্পেস ভেঞ্চরশিং পায়খৎতুনা মখোয়গী তৌবা ঙম্বশিং অদু উৎপদা মতেং পাংলি হায়না প্রধান মন্ত্রীনা ফোংদোকখি। মসিনা অনৌবা ভারতকী সাইন্তিফিক এপ্রোচ অদু উৎলি হায়না মহাক্না ফোংদোকখি। “অনৌবা দিস্কোভরীশিং পুক্নিং থৌগৎলি, অনৌবা তেক্নোলোজীশিং শেমগৎলি অমসুং ঐখোয়গী নহারোলশিংগীদমক অনৌবা খুদোংচাবশিং শেমগৎলি,” হায়না পি.এম. মোদীনা ফোংদোকখি।

ভারতনা মতম পুম্নমক্তা ‘হ্যুমেনিতী ফার্স্ত’কী মন্ত্রনা লমজিংদুনা লাক্লি অমসুং মাগী স্পেস প্রোগ্রাম অসি মীওইবা জাতিগী য়াইফ-থৌরাংগীদমক কত্থোক্লি হায়না পল্লদুনা প্রধান মন্ত্রীনা ঙামীশিংগীদমক ইস্রোনা শেমগৎপা সেতলাইৎ কম্ম্যুনিকেসন সিস্তেমগী মতাংদা পনখি। “সিস্তেম অসিগী মতেংগা লোয়ননা, রিসিভরশিং য়াওবা হীশিংগী ওইনা ওফিসিএলশিংনা মখোয়দা মতম চানা এলর্তশিং পীবা ঙম্মি অমসুং মখোয়বু শাফনা কংফালদা হল্লকপা ঙম্নবা ত্রেকসু তৌই,” হায়না শ্রী মোদীনা হায়খি।

স্পেস তেক্নোলোজীগী নুমিৎ খুদিংগী শীজিন্নরিবা খুদমশিং হায়বদি রিএল-তাইম ত্রেন ত্রেকিং সিস্তেম অসি ইন্দিয়ন রেলৱেজ অমসুং ইস্রোনা ত্রেনগী লাইব লোকেসন চেক তৌনবা অমসুং প্রধান মন্ত্রী ফাসল বিমা য়োজনাগী মখাদা মহৈ-মরোংগী পোত্থোক এস্তিমেৎ তৌনবা অমসুং ফার্ম ইন্স্যুরেন্সকী ক্লেমশিং য়েংশিন্নবা লৌবুক্তগী ফংবা দেগা লোয়ননা সেতলাইৎ দেতা শীজিন্নবগীদমক শেমগৎলে হায়না পল্লদুনা প্রধান মন্ত্রীনা ভারতকী স্পেস এসেৎশিংগী কান্নবা মহৈ অনিগী মতাংদা হায়খি। “ঙসি ঐখোয়গী সেতেলাইৎশিংনা স্পেসকী অৱাংবা থাকশিং য়ৌরে, অমসুং মতম অমত্তদা, মখোয় অসি পৃথিবীদা লৈরিবা মীওইশিংগী পুন্সি মহিং হেন্না ফগৎহন্নবা শীজিন্নরি,” হায়না পি.এম. মোদীনা ফোংদোকখি।

সরকারগী ‘সাইন্স ফোর সোসাইতি’গী লমজিং-লমতাক্লিবা ফিলোসোফী অসিনা লৈবাক শিনবা থুংনা রিসর্চ অমসুং ইন্নোভেসনগীদমক লেপ্তনা হোৎনরি হায়না পল্লদুনা প্রধান মন্ত্রীনা হায়খি মদুদি লৈবাক শিনবা থুংনা অতল তিঙ্করিং লেব ১০,০০০ হেনবনা মহৈরোই করোর অমা হেন্না কান্নবা ফংহনখ্রে। “মসিগী লেবশিং অসিদা, অঙাংশিংনা মখোয়গী ৱাখল্লোনশিংদা থবক তৌনবা, অনৌবা এক্সপরিমেন্তশিং পাংথোক্নবা অমসুং ইন্নোভেসন তৌনবা খুদোংচাবা ফংলি,” হায়না শ্রী মোদীনা ফোংদোকখি।

রিসর্চকী খুমাং চাউশিলহন্নবগীদমক মহৈরোইশিং অমসুং স্কোলরশিংদা মালেমগী খ্বাইদগী ফবা সাইন্তিফিক লিতরেচর ফংহনবগী মথৌ তাই হায়না পল্লদুনা প্রধান মন্ত্রীনা লৈবাক অসিগী ইন্সতিত্যুৎশিংনা মালেমগী মকোক থোংবা জর্নেলশিং ফংহনবদা মতেং পাংনবা ‘ৱান নেসন ৱান সবস্ক্রিপ্সন’ হৌদোকখিবা লোয়ননা অনুসন্ধন নেস্নেল রিসর্চ ফাউন্দেসন শেমখিবগী মতাংদা পনখি। “মসিগী খুত্থাংদা ঐখোয়না য়ুনিভর্সিতী কয়ামরুমদা অনৌবা রিসর্চ পাংথোকপদা মতেং পাংলি,” হায়না পি.এম. মোদীনা ফোংদোকখি।

মমাং চহিদা লৈবাক অসিগী রিসর্চ তৌরিবশিংদা তুং কোইনা শেল থাদনবগীদমক লুপা করোর লাখ অমগী রিসর্স, দিবেলপমেন্ত অমসুং ইন্নোভেসন স্কিম হৌদোকখিবা অদু নীংশিংলদুনা, প্রধান মন্ত্রীনা থৌরাং অসিগী থবক ওইনা পাংথোকপা য়াবা ইথিলগী মতাংদা পনখি। “মসিনা অনৌবা তেক্নোলোজী অসি লেবতগী পুথোরকপা অমসুং মসি প্রাক্তিকেল ওইনা শীজিন্নবদা মতেং পাংলি,” হায়না শ্রী মোদীনা হায়খি।

প্লানেতরিয়মশিং অমসুং সাইন্স সেন্তরশিংনা ভারতকী চাউখৎলক্লিবা সাইন্স অমসুং রিসর্চ ইকোসিস্তেমগী মনুংদা নহারোলশিংগী পুক্নিং চিংশিনবদা মরু ওইবা থৌদাং লৌরি হায়না পল্লদুনা মহাক্কী ৱারোল লোইশিনখি। প্রধান মন্ত্রীনা কোস্মোসকা মরী লৈনবশিংদা লমদম অসিগী স্কুল অমসুং কোলেজ মহৈরোইশিংবু লেপ্পা লৈতনা কৌনবা তকশিনখি। মহাক্না মখোয়গী তুংগী খোঙচৎকীদমক য়াইফ-পাউজেল পীখি। প্রধান মন্ত্রীনা হায়খি, “য়ুনিভর্স অসিগী মরমদা তমহন্নবা মফম অসিদা লাক্লিবা অঙাংশিং অসি, মখোয়গী মরক্তগী খরদি মফম অসিদা হল্লকপা য়াই অমসুং মখোয়না য়ুনিভর্স অসিগী মরমদা অনৌবা দিস্কোভরীশিং তৌরকপসু য়াই অমসুং ঐখোয়দা পাউদম্লবা য়াই, অমসুং মসিমক কোস্মোস প্লানেতরিয়ম অসিগী খ্বাইদগী চাউবা মায়পাকপা অমা ওইরগনি,” হায়না পি.এম. মোদীনা ফোংদোকখি।

The new COSMOS Planetarium in Mysuru brings the wonders of the universe closer to young minds. https://t.co/AhdAkpkSGF

— Narendra Modi (@narendramodi) November 13, 2026

भारत में आर्यभट्ट, वराहमिहिर, भास्कराचार्य और नीलकंठ सोमयाजी जैसे अनेक महान astronomers हुए।

आज जैसे advanced instruments और technology उस समय नहीं थे। इसके बावजूद उन्होंने बड़ी-बड़ी खोजें कीं, मुश्किल calculations किए: PM @narendramodi

— PMO India (@PMOIndia) November 13, 2026

आज जब भारत science के क्षेत्र में एक के बाद एक नई उपलब्धियां हासिल कर रहा है, तब इस अत्याधुनिक COSMOS Planetarium के रूप में मैसूरु भी भारत की scientific journey में एक नया chapter जोड़ रहा है: PM @narendramodi

— PMO India (@PMOIndia) November 13, 2026

हमारी सरकार ने space sector को open किया।

इससे private sector के लिए नई संभावनाएं बनी हैं।

भारत के startups को भी अपनी क्षमता दिखाने का अवसर मिला है: PM @narendramodi

— PMO India (@PMOIndia) November 13, 2026

*****