ಪಿಎಂಇಂಡಿಯಾ
ಪ್ರಧಾನ ಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯಲ್ಲಿ ನಡೆದ ಕೇಂದ್ರ ಸಂಪುಟ ಸಭೆಯು ಆಂಧ್ರ ಪ್ರದೇಶದಲ್ಲಿ ಕೇಂದ್ರೀಯ ಬುಡಕಟ್ಟು ವಿಶ್ವವಿದ್ಯಾಲಯ ಸ್ಥಾಪನೆಗೆ ಅನುಮೋದನೆ ನೀಡಿತು. ಆಂಧ್ರ ಪ್ರದೇಶ ಪುನರ್ಸಂಘಟನಾ ಕಾಯ್ದೆ 2014 ರ (2014 ರ ಕ್ರಮಸಂಖ್ಯೆ 6) ಹದಿಮೂರನೇ ಶೆಡ್ಯೂಲ್ ಅನ್ವಯ ವಿಜಯನಗರಂ ಜಿಲ್ಲೆಯ ರೆಲ್ಲಿ ಗ್ರಾಮದಲ್ಲಿ “ ಆಂಧ್ರ ಪ್ರದೇಶ ಕೇಂದ್ರೀಯ ಬುಡಕಟ್ಟು ವಿಶ್ವವಿದ್ಯಾಲಯ” ಸ್ಥಾಪನೆಯಾಗಲಿದೆ. ಕೇಂದ್ರೀಯ ಬುಡಕಟ್ಟು ವಿಶ್ವವಿದ್ಯಾಲಯದ ಸ್ಥಾಪನೆಗಾಗಿ ಮೊದಲ ಹಂತದ ಖರ್ಚು ವೆಚ್ಚದ ಅಂಗವಾಗಿ 420 ಕೋ.ರೂ.ಗಳ ನಿಧಿಯ ಪ್ರಸ್ತಾವನೆಗೂ ಸಂಪುಟವು ಅಂಗೀಕಾರ ನೀಡಿತು.
