ಪ್ರಧಾನ ವಿಷಯ ಪುಟಕ್ಕೆ ತೆರಳಿ
Search
ಪರಿವಿಡಿ
ಪರಿವಿಡಿ - ಮುಚ್ಚಿ
HOME

ಪಿಎಂಇಂಡಿಯಾಪಿಎಂಇಂಡಿಯಾ

ತಾಜಾ ಸುದ್ದಿಗಳು

ಪಿ. .ಐ. ಬಿ. ಸ್ವಯಂ ಮೂಲದಿoದ ವಿಷಯ

ಕೋವಿಡ್-19 ವಿರುದ್ಧ ಹೋರಾಟ: ರಾಷ್ಟ್ರವನ್ನು ಉದ್ದೇಶಿಸಿ ಪ್ರಧಾನಿ ಭಾಷಣ


ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು ಕೋವಿಡ್-19 ನಿಯಂತ್ರಣ ಕುರಿತಂತೆ ರಾಷ್ಟ್ರವನ್ನುದ್ದೇಶಿಸಿ ಭಾಷಣ ಮಾಡಿದರು. ನವರಾತ್ರಿಯ ಸಂದರ್ಭದಲ್ಲಿ ಪ್ರಧಾನಮಂತ್ರಿ ಯವರು ಜನತೆಗೆ ಒಂಬತ್ತು ಮನವಿಗಳನ್ನು ಮಾಡಿದರು.

ಜಗತ್ತಿನಾದ್ಯಂತ ಆತಂಕ ಸೃಷ್ಟಿಸಿರುವ ಜಾಗತಿಕ ಮಹಾಮಾರಿಯ ವಿರುದ್ಧ ಹೋರಾಡಲು ಎಲ್ಲ ಭಾರತೀಯರ ಸಂಕಲ್ಪ ಮತ್ತು ಸಂಯಮ ಮಹತ್ವದ್ದು ಎಂದು ಪ್ರಧಾನಮಂತ್ರಿ ಹೇಳಿದರು. ತ್ವರಿತವಾಗಿ ಹಬ್ಬುತ್ತಿರುವ ವೈರಾಣುವನ್ನು ತಡೆಯಲು ಕೆಲವೊಂದು ಕ್ರಮಗಳನ್ನು ಅನುಸರಿಸುವಂತೆ ಜನತೆಗೆ ಮನವಿ ಮಾಡಿದರು. ಈ ಮಹಾಮಾರಿಯನ್ನು ಹಗುರವಾಗಿ ಪರಿಗಣಿಸದೆ, ಜಾಗೃತರಾಗಿರುವಂತೆ ಮತ್ತು ಕೋವಿಡ್ 19 ತಡೆಯುವ ನಿಟ್ಟಿನಲ್ಲಿ ಸಕ್ರಿಯರಾಗಿರುವಂತೆ ತಿಳಿಸಿದರು.

ನಾವು ಯಾವಾಗ ಆರೋಗ್ಯವಾಗಿರುತ್ತೀವೋ, ಆಗ ಜಗತ್ತೂ ಆರೋಗ್ಯವಾಗಿರುತ್ತದೆ ಎಂಬ ಮಂತ್ರವನ್ನು ಅನುಸರಿಸುವಂತೆ ಪ್ರಧಾನಮಂತ್ರಿ ಮನವಿ ಮಾಡಿದರು. ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಂತಹ ಕೆಲವೊಂದು ಸ್ವಯಂ ನಿರ್ಬಂಧಗಳನ್ನು ವಿಧಿಸಿಕೊಳ್ಳುವ ಮಹತ್ವವನ್ನು ಅವರು ಒತ್ತಿ ಹೇಳಿದರು. ತಾಳ್ಮೆಯಿಂದ ನಿಯಮಗಳನ್ನು ಪಾಲಿಸುವಂತೆ ನಾಗರಿಕರಿಗೆ ಮನವಿ ಮಾಡಿದ ಅವರು, ಅಗತ್ಯ ಎನಿಸಿದಾಗ ಮಾತ್ರ ಮನೆಯಿಂದ ಹೊರಬರುವಂತೆ ಇಲ್ಲವೇ ಪ್ರತ್ಯೇಕವಾಗಿ ಉಳಿಯುವ ಅಗತ್ಯವನ್ನು ಪ್ರತಿಪಾದಿಸಿದ ಅವರು, ಮನೆಯಿಂದ ಕರ್ತವ್ಯ ನಿರ್ವಹಿಸುವಂತೆ ಮತ್ತು ಅನಗತ್ಯ ಪ್ರಯಾಣ ತಡೆಯುವಂತೆ ಮನವಿ ಮಾಡಿದರು. ಮುಂದಿನ ಕೆಲವು ವಾರಗಳ ಕಾಲ ಮನೆಯಿಂದ ಹೊರಗೆ ಬಾರದಂತೆ 60 ವರ್ಷ ಮೀರಿದ ಹಿರಿಯ ನಾಗರಿಕರಿಗೆ ಅವರು ಮನವಿ ಮಾಡಿದರು. ಆಸ್ಪತ್ರೆಗಳ ಮೇಲಿನ ಒತ್ತಡವನ್ನು ಒತ್ತಿ ಹೇಳಿದ ಅವರು, ಈ ಸಮಯದಲ್ಲಿ ನಿಯಮಿತವಾದ ತಪಾಸಣೆಯನ್ನು ಸದ್ಯಕ್ಕೆ ಮುಂದೂಡುವಂತೆ ಸಾಧ್ಯವಾದ ಕಡೆಗಳಲ್ಲಿ ಶಸ್ತ್ರಚಿಕಿತ್ಸೆಯ ದಿನಾಂಕವನ್ನು ಮುಂದಕ್ಕೆ ಹಾಕಿಸಲು ಮನವಿ ಮಾಡಿದರು.

‘ಜನತಾ ಕರ್ಪ್ಯೂ’

2020ರ ಮಾರ್ಚ್ 22ರಂದು ಬೆಳಗ್ಗೆ 7 ಗಂಟೆಯಿಂದ ರಾತ್ರಿ 9ಗಂಟೆಯವರೆಗೆ ಜನತಾ ಕರ್ಪ್ಯೂ ವಿಧಿಸಿಕೊಳ್ಳುವಂತೆ ಮನವಿ ಮಾಡಿದ ಪ್ರಧಾನಮಂತ್ರಿ, ಅವಶ್ಯಕ ಸೇವೆಗಳೊಂದಿಗೆ ಸಂಪರ್ಕಿತರಾದವರ ಹೊರತು ಪಡಿಸಿ ಉಳಿದವರು ಮನೆಯಲ್ಲಿ ಉಳಿಯುವಂತೆ ಮನವಿ ಮಾಡಿದರು. ಇದರಿಂದ ಪಡೆಯುವ ಇಂಥ ಜನಾಂದೋಲನ ಮತ್ತು ಅನುಭವ ಮುಂದಿನ ಸವಾಲುಗಳನ್ನು ಎದುರಿಸಲು ನಮ್ಮನ್ನು ಸಜ್ಜುಗೊಳಿಸುತ್ತವೆ ಎಂದರು. ಮಾರ್ಚ್ 22ರ ನಮ್ಮ ಪ್ರಯತ್ನಗಳು ರಾಷ್ಟ್ರದ ಹಿತದ ದೃಷ್ಟಿಯಿಂದ ಕರ್ತವ್ಯ ನಿರ್ವಹಣೆಯಲ್ಲಿ ನಮ್ಮ ಸ್ವಯಂ ನಿಗ್ರಹ ಮತ್ತು ದೃಢ ಸಂಕಲ್ಪದ ಸಂಕೇತಗಳು ಎಂದು ಹೇಳಿದರು.

ರಾಜ್ಯ ಸರ್ಕಾರಗಳಿಗೆ ಇದರ ನೇತೃತ್ವ ವಹಿಸಿಕೊಳ್ಳುವಂತೆ ಮನವಿ ಮಾಡಿದ ಪ್ರಧಾನಮಂತ್ರಿ, ಎನ್.ಸಿ.ಸಿ. ಮತ್ತು ಎನ್.ಎಸ್.ಎಸ್. ನಾಗರಿಕ ಸಮಾಜ, ಎಲ್ಲ ಯುವ ಸಂಘಟನೆಗಳಿಗೆ ಜನತಾ ಕರ್ಪ್ಯೂ ಕುರಿತಂತೆ ಜಾಗೃತಿ ಮೂಡಿಸಲು ಮನವಿ ಮಾಡಿದರು. ಜನತಾ ಕರ್ಪ್ಯೂ ಕುರಿತಂತೆ ಕನಿಷ್ಠ 10 ಜನರಿಗೆ ಪೋನ್ ಮೂಲಕ ಮಾಹಿತಿ ನೀಡುವಂತೆ ಅವರು ಎಲ್ಲರಿಗೂ ಮನವಿ ಮಾಡಿದರು.

ನಿಸ್ವಾರ್ಥ ಸೇವೆ ಸಲ್ಲಿಸುವವರಿಗೆ ಧನ್ಯವಾದ ಸಮರ್ಪಣೆ

ಕೋವಿಡ್ 19 ಮಹಾಮಾರಿಯ ವಿರುದ್ಧ ಹಲವು ಜನರು ದೈರ್ಯವಾಗಿ ಮುಂಚೂಣಿಯಲ್ಲಿ ನಿಂತು ಹೋರಾಡುತ್ತಿದ್ದಾರೆ, ಅವರಲ್ಲಿ ವೈದ್ಯಕೀಯ ಸಿಬ್ಬಂದಿ, ಪೊಲೀಸರು, ಸರ್ಕಾರಿ ನೌಕರರು, ವಿಮಾನಯಾನ ಸಿಬ್ಬಂದಿ, ಮಾಧ್ಯಮ ಸಿಬ್ಬಂದಿ, ಬಸ್, ರೈಲು, ಆಟೋ ಚಾಲಕರು, ಮತ್ತು ಮನೆಗಳಿಗೆ ಸರಕು ಸರಬರಾಜುಮಾಡುವವರು ಸೇರಿದ್ದಾರೆ ಎಂದರು.

ಅವರೆಲ್ಲರಿಗೂ ಸಂಕಷ್ಟದ ಕಾಲದಲ್ಲಿ ಅವರು ಮಾಡುತ್ತಿರುವ ಸೇವೆಗೆ ಗೌರವ ಸಲ್ಲಿಸಲು ಮತ್ತು ಮೆಚ್ಚುಗೆ ವ್ಯಕ್ತಪಡಿಸಲು ಮಾರ್ಚ್ 22ರಂದು 5 ಗಂಟೆಗೆ ಎಲ್ಲ ನಾಗರಿಕರೂ ಸಂಜೆ 5 ಗಂಟೆಗೆ ಮನೆಯ ಬಾಗಿಲಲ್ಲಿ ಅಥವಾ ಛಾವಣಿಯ ಕಿಟಕಿಯ ಬಳಿ ನಿಂತು 5 ನಿಮಿಷಗಳ ಕಾಲ ಚಪ್ಪಾಳೆ ತಟ್ಟಿ, ಗಂಟೆ ಅಥವಾ ಜಾಗಟೆ ಬಾರಿಸಿ ಅವರಿಗೆ ನಮಿಸಲು ಪ್ರಧಾನಮಂತ್ರಿ ತಿಳಿಸಿದರು.

ದೇಶದಾದ್ಯಂತ ಇರುವ ಸ್ಥಳೀಯ ಸರ್ಕಾರಗಳು ಸಂಜೆ 5 ಗಂಟೆಗೆ ಸೈರನ್ ಮೊಳಗಿಸಿ ಇದರ ಸೂಚನೆ ನೀಡುವಂತೆ ಮನವಿ ಮಾಡಿದರು.

ಆರ್ಥಿಕ ಸವಾಲುಗಳನ್ನು ಸರಿದೂಗಿಸಲು

ಮಹಾಮಾರಿಯಿಂದ ಎದುರಾಗಿರುವ ಆರ್ಥಿಕ ಸವಾಲುಗಳನ್ನು ನಿಭಾಯಿಸಲು, ವಿತ್ತ ಸಚಿವರ ನೇತೃತ್ವದಲ್ಲಿ ಕೋವಿಡ್ ಆರ್ಥಿಕ ಸ್ಪಂದನಾ ಕಾರ್ಯ ಪಡೆ ರಚಿಸುವುದಾಗಿ ಪ್ರಧಾನಮಂತ್ರಿ ಪ್ರಕಟಿಸಿದರು. ಈ ಕಾರ್ಯಪಡೆ ಬಾಧ್ಯಸ್ಥರೊಂದಿಗೆ ಸಮಾಲೋಚಿಸಿ, ಅವರ ಪ್ರತಿಕ್ರಿಯೆ ಪಡೆದು, ಅದರ ಆಧಾರದ ಮೇಲೆ ಸವಾಲು ಎದುರಿಸಲು ನಿರ್ಧಾರ ಕೈಗೊಳ್ಳಲಿದೆ.ಈ ಕಾರ್ಯಪಡೆಯು ಈ ಸವಾಲುಗಳನ್ನು ನಿಭಾಯಿಸಲು ಕೈಗೊಳ್ಳುವ ನಿರ್ಧಾರಗಳನ್ನು ಜಾರಿ ಮಾಡುತ್ತದೆ.

ಪ್ರಧಾನಮಂತ್ರಿಯವರು ವಾಣಿಜ್ಯ ಸಮುದಾಯ ಮತ್ತು ಹೆಚ್ಚಿನ ಆದಾಯ ಇರುವ ಗುಂಪುಗಳು ಆರ್ಥಿಕವಾಗಿ ಅಗತ್ಯ ಇರುವವರ ಬಗ್ಗೆ ಅದರಲ್ಲೂ ಕಡಿಮೆ ಆದಾಯದ ಗುಂಪುಗಳ ಅಂದರೆ ವಿವಿಧ ಸೇವೆ ಮಾಡುವವರ ಬಗ್ಗೆ ಮಾನವತೆಯಿಂದ ನೋಡುವಂತೆ, ಅವರು ಕೆಲಸಕ್ಕೆ ಬರಲು ಸಾಧ್ಯವಾಗದ ದಿನಗಳ ಸಂಬಳ ಕಡಿತ ಮಾಡದಂತೆ ಮನವಿ ಮಾಡಿದರು. ಇಂಥ ಸನ್ನಿವೇಶದಲ್ಲಿ ಮಾನವೀಯತೆಯ ಮಹತ್ವವನ್ನು ಪ್ರತಿಪಾದಿಸಿದರು.

ಆಹಾರ, ಹಾಲು, ಔಷಧ ಇತ್ಯಾದಿಯ ಯಾವುದೇ ಕೊರತೆ ಇಲ್ಲ ಎಂದು ದೇಶವಾಸಿಗಳಿಗೆ ಅವರು ಭರವಸೆ ನೀಡಿದರು. ಜನರು ಆತಂಕದಲ್ಲಿ ಖರೀದಿ ಮಾಡದಂತೆ ಅವರು ಮನವಿ ಮಾಡಿದರು.

ಪ್ರತಿಯೊಬ್ಬರೂ ಒಗ್ಗೂಡಿ ಕೋವಿಡ್-19 ಬಿಕ್ಕಟ್ಟಿನಿಂದ ಹೊರಬರಲು ಪ್ರಧಾನಮಂತ್ರಿ ಪ್ರತಿಯೊಬ್ಬರಿಗೂ ಮನವಿ ಮಾಡಿದರು. ತಪ್ಪು ಮಾಹಿತಿಗಳಿಗೆ ಕಿವಿಗೊಡದಂತೆ ಮನವಿ ಮಾಡಿದ ಪ್ರಧಾನಮಂತ್ರಿಯವರು, ಇಂಥ ಜಾಗತಿಕ ಮಹಾಮಾರಿಯ ಸಂದರ್ಭದಲ್ಲಿ ಮಾನವೀಯತೆ ಹಾಗು ಭಾರತದ ಗೆಲ್ಲುವು ಮಹತ್ವ ಎಂದು ಹೇಳಿದರು.

**********

ಜನಪ್ರಿಯ ವಾರ್ತೆಗಳು

11 ವರ್ಷಗಳ ಅಂತರ್ಗತ ಬೆಳವಣಿಗೆ ಮತ್ತು ರಾಷ್ಟ್ರೀಯ ಸಬಲೀಕರಣವನ್ನು ಬಿಂಬಿಸುವ ಲೇಖನವನ್ನು ಹಂಚಿಕೊಂಡ ಪ್ರಧಾನಮಂತ್ರಿ 11 Jun, 2025
ಮಹಾ ಕುಂಭವು ಮುಕ್ತಾಯಗೊಂಡಿದ್ದು, ‘ಏಕತೆಯ ಮಹಾ ಯಜ್ಞ’ದ ಅಂತ್ಯವನ್ನು ಸೂಚಿಸುತ್ತದೆ; ಪ್ರಯಾಗ್ ರಾಜ್ ನಲ್ಲಿ, ಏಕತೆಯ ಈ ಭವ್ಯ ಸಭೆಯ ಸಂಪೂರ್ಣ 45 ದಿನಗಳ ಕಾಲ, 140 ಕೋಟಿ ನಾಗರಿಕರ ನಂಬಿಕೆ ಒಂದೇ ಸಮಯದಲ್ಲಿ ಈ ಒಂದು ಉತ್ಸವದಲ್ಲಿ ಒಟ್ಟುಗೂಡಿತು, ಇದು ನಿಜವಾಗಿಯೂ ಅಗಾಧವಾಗಿದೆ! : ಪ್ರಧಾನಮಂತ್ರಿ 27 Feb, 2025
2025ರ ಎಲ್ಲಾ ಪದ್ಮ ಪ್ರಶಸ್ತಿ ಪುರಸ್ಕೃತರಿಗೆ ಪ್ರಧಾನಮಂತ್ರಿ ಅಭಿನಂದನೆ 25 Jan, 2025
ಸ್ವಾಮಿತ್ವ ಯೋಜನೆಯಡಿ ಆಸ್ತಿ ಕಾರ್ಡ್‌ಗಳ ವಿತರಣೆ ಕಾರ್ಯಕ್ರಮದಲ್ಲಿ ಫಲಾನುಭವಿಗಳೊಂದಿಗೆ ಪ್ರಧಾನಮಂತ್ರಿ ಸಂವಾದ ಮತ್ತು ಭಾಷಣ 18 Jan, 2025
ಖ್ಯಾತ ಗಾಯಕ ಮೊಹಮ್ಮದ್ ರಫಿಯವರ 100ನೇ ಜನ್ಮ ಜಯಂತಿಯಂದು ಅವರನ್ನು ಸ್ಮರಿಸಿದ ಪ್ರಧಾನಮಂತ್ರಿ 24 Dec, 2024

ಇತ್ತೀಚಿನ ಸುದ್ದಿಗಳು

ಖ್ಯಾತ ಹಿನ್ನೆಲೆ ಗಾಯಕಿ ಎಸ್. ಜಾನಕಿ ಅಮ್ಮ ಅವರ ನಿಧನಕ್ಕೆ ಪ್ರಧಾನಮಂತ್ರಿ ಸಂತಾಪ 12 Jul, 2026
ವಿಯೆಟ್ನಾಂ ನ ಫು ಕ್ವೊಕ್ ಸಮೀಪ ಭಾರತೀಯ ಪ್ರಜೆಗಳಿದ್ದ ದೋಣಿ ಅಪಘಾತವಾದ ದುರಂತಕ್ಕೆ ಪ್ರಧಾನಮಂತ್ರಿ ಸಂತಾಪ 11 Jul, 2026
ನ್ಯೂಜಿಲೆಂಡ್ ನಲ್ಲಿರುವ ಭಾರತೀಯ ಸಮುದಾಯವನ್ನುದ್ದೇಶಿಸಿ ಪ್ರಧಾನಮಂತ್ರಿ ಅವರಿಂದ ಭಾಷಣ 11 Jul, 2026
“ಭಾರತ-ನ್ಯೂಜಿಲೆಂಡ್: ಒಂದು ಯಶಸ್ವಿ ಪಾಲುದಾರಿಕೆ” ಎಂಬ ವಿಷಯದ ಮೇಲೆ ನ್ಯೂಜಿಲೆಂಡ್ ಪ್ರಧಾನಮಂತ್ರಿ ಅವರು ಆಯೋಜಿಸಿದ್ದ ವಿಶೇಷ ಕಾರ್ಯಕ್ರಮದಲ್ಲಿ ಪಾಲ್ಗೊಂಡ ಪ್ರಧಾನಮಂತ್ರಿ 11 Jul, 2026
ನ್ಯೂಜಿಲೆಂಡ್‌ನಲ್ಲಿ ವ್ಯಾಣಿಜ್ಯ ನಾಯಕರನ್ನು ಉದ್ದೇಶಿಸಿ ಮಾತನಾಡಿದ ಪ್ರಧಾನಮಂತ್ರಿ 11 Jul, 2026