ಪಿಎಂಇಂಡಿಯಾ

ನವದೆಹಲಿಯಲ್ಲಿ ನಡೆದ 18ನೇ ಬ್ರಿಕ್ಸ್ ಶೃಂಗಸಭೆಯ ಸಂದರ್ಭದಲ್ಲಿ, ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು ಉಗಾಂಡಾ ಗಣರಾಜ್ಯದ ಉಪಾಧ್ಯಕ್ಷರಾದ ಘನತೆವೆತ್ತ ಜೆಸ್ಸಿಕಾ ರೋಸ್ ಎಪೆಲ್ ಅಲುಪೋ ಅವರೊಂದಿಗೆ ಇಂದು ಸೌಹಾರ್ದಯುತ ಹಾಗೂ ಫಲಪ್ರದ ದ್ವಿಪಕ್ಷೀಯ ಸಭೆಯನ್ನು ನಡೆಸಿದರು.

ಉಭಯ ನಾಯಕರು ಭಾರತ ಮತ್ತು ಉಗಾಂಡಾ ನಡುವಿನ ದ್ವಿಪಕ್ಷೀಯ ಸಂಬಂಧಗಳನ್ನು ಪರಾಮರ್ಶಿಸಿದರು. ತಂತ್ರಜ್ಞಾನ ಪಾಲುದಾರಿಕೆ, ಸಾಮರ್ಥ್ಯ ವರ್ಧನೆ, ಜ್ಞಾನ ವಿನಿಮಯ, ಹೂಡಿಕೆಗೆ ಉತ್ತೇಜನ ಮತ್ತು ಖಾಸಗಿ ವಲಯದ ಸಹಯೋಗದ ಮೂಲಕ ಪ್ರಮುಖ ಆದ್ಯತೆಯ ಕ್ಷೇತ್ರಗಳಲ್ಲಿ ಸಹಕಾರವನ್ನು ಬಲಪಡಿಸುವ ಅಗತ್ಯವನ್ನು ಅವರು ಒತ್ತಿ ಹೇಳಿದರು. ಭಾರತ ಮತ್ತು ಉಗಾಂಡಾ ನಡುವಿನ ಅಭಿವೃದ್ಧಿ ಪಾಲುದಾರಿಕೆಯು ಉಭಯ ದೇಶಗಳಿಗೂ ಬಲದ ಮೂಲವಾಗಿದೆ ಎಂಬುದರ ಬಗ್ಗೆ ಸಮಾಲೋಚನೆ ನಡೆಸಲಾಯಿತು. ಪರಿವರ್ತಿತ ಮತ್ತು ಸಮೃದ್ಧ ಉಗಾಂಡಾವನ್ನು ನಿರ್ಮಿಸುವ ಗುರಿಯನ್ನು ಹೊಂದಿರುವ ಉಗಾಂಡಾದ ‘ವಿಷನ್ 2040’ (Vision 2040) ಯೋಜನೆಗೆ ಭಾರತದ ಬೆಂಬಲವನ್ನು ಪ್ರಧಾನ ಮಂತ್ರಿ ಪುನರುಚ್ಚರಿಸಿದರು. ಜನರ ನಡುವಿನ ನಿಕಟ ಸಂಪರ್ಕಗಳು ಈ ಪಾಲುದಾರಿಕೆಗೆ ದೃಢತೆಯನ್ನು ಒದಗಿಸುತ್ತಲೇ ಇವೆ ಎಂಬುದನ್ನೂ ಅವರು ಹೇಳಿದರು.

‘ಗ್ಲೋಬಲ್ ಸೌತ್’ (ಜಾಗತಿಕ ದಕ್ಷಿಣ ರಾಷ್ಟ್ರಗಳ) ಧ್ವನಿಯನ್ನು ಬಲಪಡಿಸಲು ನಿಕಟ ದ್ವಿಪಕ್ಷೀಯ ಸಹಯೋಗದ ಅಗತ್ಯವಿದೆ ಎಂದು ಉಭಯ ನಾಯಕರು ಕರೆ ನೀಡಿದರು. ಶೃಂಗಸಭೆಯಲ್ಲಿ ಭಾಗವಹಿಸಿದ್ದಕ್ಕಾಗಿ ಪ್ರಧಾನ ಮಂತ್ರಿ ಅವರು ಉಪಾಧ್ಯಕ್ಷರಿಗೆ ಧನ್ಯವಾದ ಅರ್ಪಿಸಿದರು.

*****