ಪಿಎಂಇಂಡಿಯಾ
ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯಲ್ಲಿ ನಡೆದ ಕೇಂದ್ರ ಸಂಪುಟ ಸಭೆಯಲ್ಲಿ ಭಾರತ ಮತ್ತು ಕೊರಿಯಾ ನಡುವೆ ವ್ಯಾಪಾರ ಪರಿಹಾರಗಳ ಸಹಕಾರ ಕುರಿತ ತಿಳುವಳಿಕಾ ಒಡಂಬಡಿಕೆಗೆ ಪೂರ್ವಾನ್ವಯ ಅನುಮೋದನೆ ನೀಡಲಾಯಿತು.
ಈ ತಿಳುವಳಿಕಾ ಒಡಂಬಡಿಕೆಗೆ ಕೊರಿಯಾ ಅಧ್ಯಕ್ಷರು 2018 ರ ಜುಲೈಯಲ್ಲಿ ಭಾರತಕ್ಕೆ ಭೇಟಿ ನೀಡಿದಾಗ ಅಂಕಿತ ಹಾಕಲಾಗಿತ್ತು.
ಈ ತಿಳುವಳಿಕಾ ಒಡಂಬಡಿಕೆ ವ್ಯಾಪಾರ ಪರಿಹಾರಗಳ ಕ್ಷೇತ್ರದಲ್ಲಿ ಸಹಕಾರವನ್ನು ಉತ್ತೇಜಿಸಲಿದೆ. ಡಂಪಿಂಗ್ ವಿರೋಧಿ , ಸಬ್ಸಿಡಿಗಳನ್ನು ನಿಭಾಯಿಸುವ ಮತ್ತು ಸಮತೂಕದ ತೆರಿಗೆ ವಿಧಿಸುವ, ಹಿತಾಸಕ್ತಿ ಕಾಪಾಡುವ ಸುರಕ್ಷಾ ಕ್ರಮಗಳ ಮೂಲಕ ಉಭಯ ದೇಶಗಳ ನಡುವೆ ವ್ಯಾಪಾರ ಬಾಂಧವ್ಯ ಹೆಚ್ಚಿಸಲು ನೆರವಾಗಲಿದೆ.
