ಪಿಎಂಇಂಡಿಯಾ

ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯಲ್ಲಿಂದು ನಡೆದ ಕೇಂದ್ರ ಸಚಿವ ಸಂಪುಟ ಸಭೆಗೆ ಭಾರತ ಮತ್ತು ಟುನೇಷಿಯಾ ನಡುವೆ ಯುವ ವ್ಯವಹಾರಗಳ ಕ್ಷೇತ್ರದ ಸಹಕಾರದ ಉತ್ತೇಜನಕ್ಕಾಗಿ ಅಂಕಿತ ಹಾಕಲಾಗಿರುವ ತಿಳಿವಳಿಕೆ ಒಪ್ಪಂದ (ಎಂ.ಓ.ಯು.) ಬಗ್ಗೆ ವಿವರಿಸಲಾಯಿತು. ಈ ಎಂ.ಓ.ಯು.ಗೆ ದೆಹಲಿಯಲ್ಲಿ 30-10-2017ರಂದು ಅಂಕಿತ ಹಾಕಲಾಗಿತ್ತು.

ಭಾರತೀಯ ಯುವಕರ ನಡುವೆ ಅಂತಾರಾಷ್ಟ್ರೀಯ ದೃಷ್ಟಿಕೋನವನ್ನು ಮೂಡಿಸುವುದು, ಕಲ್ಪನೆಗಳು, ಮೌಲ್ಯಗಳು ಮತ್ತು ಸಂಸ್ಕೃತಿಯ ವಿನಿಮಯ ಉತ್ತೇಜನ ಮತ್ತು ಶಾಂತಿ ಮತ್ತು ತಿಳಿವಳಿಕೆಯನ್ನು ಉತ್ತೇಜಿಸಲು ಅವರನ್ನು ತೊಡಗಿಸಿಕೊಳ್ಳುವುದುಈ ತಿಳಿವಳಿಕೆ ಒಪ್ಪಂದದ ಉದ್ದೇಶವಾಗಿದೆ.

ಈ ತಿಳಿವಳಿಕೆ ಒಪ್ಪಂದವು ಐದು ವರ್ಷಗಳ ಅವಧಿವರೆಗೆ ಇರುತ್ತದೆ. ಈ ಎಂ.ಓ.ಯು. ಅಡಿಯಲ್ಲಿನ ಸಹಕಾರ ಕ್ಷೇತ್ರಗಳಲ್ಲಿ ಈ ಕೆಳಕಂಡವುಗಳು ಸೇರಿವೆ: 

1. ಯುವ ವಿನಿಮಯ ಕಾರ್ಯಕ್ರಮಗಳನ್ನು ಆಯೋಜಿಸುವುದು;
2. ಅಂತಾರಾಷ್ಟ್ರೀಯ ಸಮಾವೇಶಗಳು ಮತ್ತು ವಿಚಾರ ಸಂಕಿರಣಗಳಿಗೆ ಆಹ್ವಾನ ಪತ್ರಿಕೆಗಳ ವಿನಿಮಯ;

iii.             ಮುದ್ರಿತ ವಸ್ತುಗಳು, ಚಲನಚಿತ್ರ, ಅನುಭವ, ಸಂಶೋಧನೆ ಮತ್ತು ಇತರ ಮಾಹಿತಿಯ ವಿನಿಮಯ;

1. ಯುವ ಶಿಬಿರ, ಯುವ ಉತ್ಸವ ಮತ್ತು ಇತರ ಸಹಕಾರಿ ಯುವ ಕಾರ್ಯಕ್ರಮಗಳಲ್ಲಿ, ಅಧ್ಯಯನ ಪ್ರವಾಸ ಮತ್ತು ಸಣ್ಣ ಕಾರ್ಯಾಗಾರ ಮತ್ತು ಯುವಕರಿಗೆ ಸಂಬಂಧಿಸಿದ ವಿಚಾರಗಳ ವಿಚಾರಗೋಷ್ಠಿಗಳು ಇತ್ಯಾದಿಯಲ್ಲಿ ಪಾಲ್ಗೊಳ್ಳುವುದು.

***