ভারতকী প্রধানমন্ত্রী

এসিয়ান গেমসতা নুপীগী রিকর্প তিম ইভেন্তদা পুৱারি ওইরবা ভারতকী অহানবা সনাগী মেদল ফংলকপদা প্রধান মন্ত্রী শ্রী নরেন্দ্র মোদীনা অনকিতা ভগৎ, কুমকুম অনিল মোহুদ অমসুং কির্তি থাগৎপা ফোঙদোকখ্রে।

প্রধান মন্ত্রীনা হায়খি মদুদি কৃক-কৃক ইন্নখিবা ফাইনেল অদুদা মখোয়গী মোঙ-হাদবা অমসুং খুৎ চুম্বা অদু শিংথানিঙাইনি। মশক থোকপা মাইপাকপা অসিনা লৈবাক শীনবা থুংবগী নহা ওইরিবা তেন কাপ্পা মশান্নগী শান্নরোয়শিংদা ইথিল পীরগনি।

প্রধান মন্ত্রীনা হায়খি মদুদি লৈবাক অসিগী চেম্পিয়নশিংগীদমক ভারতনা চাউথোকচরি অমসুং মখোয়গী তুংগী থবক-থৌরমশিংদা মাইপাক্নবা মহাক্না অনকিতা ভগৎ, কুমকুম অনিল মোহুদ অমসুং কির্তিদা মহাক্কী য়াইফ পাউজেল পীখি।

এক্সতা পোষ্ট অমদা, প্রধান মন্ত্রীগী ওফিসনা হায়খি;

“পুৱারি ওইরবা সনাগী মেদল অমনা লৈবাক শীনবা থুংনা হরাওহল্লে।

এসিয়ান গেমসতা নুপীগী রিকর্প তিম ইভেন্তদা ভারতকী অহানবা সনাগী মেদল ফংলকপদা অনকিতা ভগৎ, কুমকুম অনিল মোহুদ অমসুং কির্তি থাগৎপা ফোঙদোক্লি। কৃক-কৃক ইন্নখিবা ফাইনেল অদুদা মখোয়গী মোঙ-হাদবা অমসুং খুৎ চুম্বা অদু শিংথানিঙাইনি। মশক থোকপা মাইপাকপা অসিনা লৈবাক শীনবা থুংবগী নহা ওইরিবা তেন কাপ্পা মশান্নগী শান্নরোয়শিংদা ইথিল পীরগনি। ঐখোয়গী চেম্পিয়নশিংগীদমক ভারতনা চাউথোকচরি! মখোয়গী তুংগী থবক-থৌরমশিংদা মাইপাক্নবা য়াইফ পাউজেল পীজরি: প্রধান মন্ত্রী @narendramodi”

A historic Gold that has delighted the entire nation.

Congrats to Ankita Bhakat, Kumkum Anil Mohod and Kirti on winning India’s first-ever Gold Medal in the Women’s Recurve Team event at the Asian Games. Their composure and precision in a closely fought final were remarkable.…

— PMO India (@PMOIndia) October 2, 2026

***