ভারতকী প্রধানমন্ত্রী

ওস্ত্রেলিয়াগী প্রধান মন্ত্রী শ্রী স্কোৎ মোরিসন্না ২০১৯গী মে ২৩দা প্রধান মন্ত্রী নরেন্দ্র মোদীগী মফমদা তেলিফোন তৌরক্তুনা ১৭শুবা লোক সভাগী মীখলদা মায় পাক্লকপদা নুংঙাইবা ফোংদোকখ্রে।

প্রধান মন্ত্রীনা ফোংদোকখি মদুদি ভারতনা ওস্ত্রেলিয়াগা লোয়ননা মখোয়গী ওইবা মরীশিং হেন্না চেৎশিলহনবদা মীৎয়েং থম্লি। মহাক্না মসিমসু ফোংদোকখি মদুদি ভারত অমসুং ওস্ত্রেলিয়া অনিমক অচেৎপা অমসুং মথৌ তৌরিবা দেমোক্রেসীশিংনি অমদি ঐখোয়গী পাকথোক-চাউথোরক্লিবা ইকোনোমিক এঙ্গেজমেন্ত, অৱাংবা থাক্কী ৱারী শান্নবা হেঙ্গৎলক্লিবা অমসুং মীয়ামগী মরক্তা লৈনরিবা অচেৎপা মরী হেঙ্গৎহনবগা লোয়ননা ঐখোয়গী মরীদা খুমাং চাউশিল্লক্লিবা অসি মখা তানা চত্থখিগনি।

প্রধান মন্ত্রীনা ওস্ত্রেলিয়াদা হন্দক্তা পাংথোকখিবা মীখলদা মায় পাক্নবগীদমক মহাক্কী লিবরেল-নেস্নেল কোলাইসন পার্তীবু লমজিংখিবগীদমক প্রধান মন্ত্রী মোরিসনবু নুংঙাইবা ফোংদোকখি। মহাক্না প্রধান মন্ত্রী মোরিসনবু ভারত্তা লাকপীনবা বার্তন তৌখিবা অদু অমুক হন্না নীংশিংখি।